تۇرعىن ءۇي جانە قالا، اۋىل قۇرىلىسى ىستەرىنىڭ جاڭا جاعدايىن اشۋعا قۇلشىنامىز
− اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى لي لينيۇيمەن سۇحبات
شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ يۇيجاۋ
2020.12.31 13:24 كەلۋ قاينارى : حالىق تورابى
”13 - بەسجىلدىق“ مەزگىلىندە رايونىمىزدىڭ تۇرعىن ءۇي، قالا، اۋىل قۇرىلىسى ىستەرى قانداي ناتيجەلەرگە قول جەتكىزدى؟ ”14 - بەسجىلدىق“ مەزگىلىندە رايونىمىزدىڭ تۇرعىن ءۇي، قالا، اۋىل قۇرىلىسى قىزمەتى جوعارى ساپالى دامۋدىڭ جاڭا جاعدايىن قالاي اشادى؟ تۇرعىن ءۇي، قالا، اۋىل قۇرىلىسى ىستەرىنىڭ ”14 - بەسجىلدىق“ جوباسىن جاساۋدا قالاي دالمە - ءدال كۇش سالىپ، تياناقتاندىرىپ ونىمدىلىك كورسەتۋ كەرەك؟ جۋىردا اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى لي لينيۇي گازەتىمىزدىڭ جالپىلىق اقپارات قۇرالدارى ءتىلشىسىنىڭ سۇحباتىن قابىلدادى.
”13 - بەسجىلدىقتا“ تۇراتىن باسپاناسى بولۋ تولىق جۇزەگە استى
”’13 - بەسجىلدىق‘ مەزگىلىندە رايونىمىزدىڭ تۇرعىن ءۇي، قالا، اۋىل قۇرىلىسى جۇيەسى حالىقتى وزەك ەتكەن دامۋ يدەياسىنا تاباندى بولىپ، تۇرعىن ءۇي جانە قالا، اۋىل قۇرىلىسى ىستەرىنىڭ دامۋىن ىلگەرىلەتۋدە وراسان زور تابىسقا قول جەتكىزىپ، ’13 - بەسجىلدىق‘ جوبانىڭ نىسانالارى مەن مىندەتتەرىن ءساتتى ورىنداۋعا، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە بەلسەندى ۇلەستەر قوستى“ دەدى لي لينيۇي.
لي لينيۇي تانىستىرىپ بىلاي دەدى: ”13 - بەسجىلدىق“ مەزگىلىندە رايونىمىزدا تۇراتىن باسپاناسى بولۋ تولىق جۇزەگە استى. قالا - قالاشىق تۇرعىندارىنىڭ تۇرعىن ءۇي دەڭگەيى كورنەكتى جوعارىلاپ، قالا - قالاشىق قامتاماسىزدىق سيپاتتى بەيقۇت ءۇي ينجەنەرياسى بويىنشا ءبىر ميلليون 293 مىڭ 600 ءۇي سالىنىپ، قالا - قالاشىق تۇرعىندارىنىڭ جان باسىندىق تۇرعىن ءۇي قۇرىلىسىنىڭ اۋدانى 40 شارشى مەترگە، تۇرعىن ۇيمەن قامتاماسىز ەتىلۋ مولشەرى ％38كە جەتىپ، بۇكىل ەلدىڭ ورتاشا دەڭگەيىنەن 13 پايىز جوعارى بولدى. كەدەيلىكتەن ارىلتۋدان قامال الۋ بويىنشا تۇرعىن ءۇي حاۋىپ−سىزدىگىن قامتاماسىز ەتۋ مىندەتى جالپى بەتتىك ورىندالىپ، اۋىل - قىستاقتا بەيقۇت ءۇي ينجەنەرياسى بويىنشا جيىنى ءبىر ميلليون 169 مىڭ 800 ءۇي سالىنىپ، اۋىل - قىستاقتاعى كەدەيلەردىڭ قاتەرلى ۇيلەردە تۇرۋ تاريحى مەرزىمنەن ءبىر جىل بۇرىن اياقتالدى.
”13 - بەسجىلدىق“ مەزگىلىندە رايونىمىز ادامدى وزەك ەتكەن جاڭاشا قالا - قالاشىقتاندىرۋدى ىشكەرىلەي ىلگەرىلەتتى. قالاداعى تۇرمىستىق قوقسىقتى تۇرگە ءبولۋ سىناق ءتۇيىنى قىزمەتىن جالپى بەتتىك باستاپ، قارا، ساسىق سۋدى رەتتەۋ - جونگە سالۋ مىندەتىن تۇگەلدەي ورىندادى؛ قالا جوباسى، قۇرىلىسى، باسقارۋ دەڭگەيىن ۇزدىكسىز جوعارىلاتىپ، قالانى جاڭالاۋ مەن ساپاسىن جوعارىلاتۋدى ىلگەرىلەتىپ، قالانىڭ ەكولوگياسىن قالپىنا كەلتىرۋدى، يقۋاتىن تولىقتاۋدى زور كۇشپەن اتقارىپ، قالا باسقارۋدىڭ عىلميلانۋ، ەگجەي - تەگجەيلىلەنۋ، زەردەلىلەنۋ ورەسىن ىشكەرىلەي جوعارىلاتتى؛ كورىكتى اۋىل - قىستاق قۇرىلىسىن جەدەل ىلگەرىلەتىپ، اۋىل - قىستاق تۇرمىستىق قوقسىعىن جيناۋ، تاسۋ، ءبىر جاقتى ەتۋ جۇيەسىن ورناتىپ، اقاۋسىزداندىرىپ، وڭتۇستىك شينجياڭداعى 4 ايماق - وبلىستا كومىردى ەلەكترگە وزگەرتۋ بويىنشا تۇرعىنداردى جىلۋمەن قامداۋ قۇرىلعىسىن جاڭالاۋ قىزمەتىن بەلسەندىلىكپەن ىلگەرىلەتىپ، 604 مىڭ 900 وتباسىن جاڭالاۋ مىندەتىن ورىندادى.
”13 - بەسجىلدىق“ مەزگىلىندە رايونىمىزدىڭ قۇرىلىس كاسىبىنىڭ ەكونوميكالىق، قوعامدىق دامۋ جونىنەن تىرەكتىك رولى ۇزدىكسىز كۇشەيىپ، بۇكىل رايونداعى قۇرىلىس كاسىبى جيىنى ءبىر تريلليون 278 ميلليارد 520 ميلليون يۋاندىق جالپى ءوندىرىس قۇنىن ورىندادى، بۇل ”12 - بەسجىلدىق“ مەزگىلدەگىنىڭ 1.35 ەسەسىندەي؛ جۇمىسقا قابىلداۋ رولىنىڭ ونىمدىلىگى كورنەكتى بولىپ، قۇرىلىس سالاسىنداعى تەحنيك جۇمىس تۇرلەرى بويىنشا 3 جىلدا 200 مىڭ ادامدى شەبەرلىككە باۋلىپ جۇمىستاندىرۋ ارەكەتى باستالدى.
تۇرعىن ءۇي جانە قالا، اۋىل قۇرىلىسى ءتۇزىلىس - مەحانيزم رەفورماسى تىڭ ناتيجەگە قول جەتكىزدى. ”تومەنگە بەرۋ، باسقارۋ، قىزمەت وتەۋ“ رەفورماسى ۇزدىكسىز تەرەڭدەپ، كاسىپتىڭ بازارعا كىرۋىنە رۇقسات ەتۋ ءتۇزىمى ۇزدىكسىز جاقسارىپ، بازار ءتارتىبى ۇزدىكسىز ارناعا ءتۇسىپ، ءىس بارىسىنداعى، ىستەن كەيىنگى باقىلاۋ - باسقارۋ ۇزدىكسىز كۇشەيىپ، كاسىپتىڭ شارۋاشىلىق - ساۋدا ورتاسى كورنەكتى جاقساردى. ينجەنەريا قۇرىلىس نىساندارىن تەكسەرىپ بەكىتۋ ءتۇزىمى رەفورماسىنىڭ ونىمدىلىگى كورنەكتى بولىپ، تەكسەرىپ بەكىتۋ ونىمدىلىگى مەن قىزمەت وتەۋ ورەسى ۇزدىكسىز جوعارىلادى.
”14 - بەسجىلدىق“ جوبا جوعارى دەڭگەيدە جاسالدى
لي لينيۇي تانىستىرىپ بىلاي دەدى: ”14 - بەسجىلدىق“ مەزگىلىندە رايونىمىز جاڭالىق اشاتىن، سايكەستى، جاسىل، اشىق، بىرگە يگىلىكتەنەتىن جاڭا دامۋ ۇستانىمىنا ۇزدىكسىز تاباندى بولىپ، جاڭاشا قالا - قالاشىقتاندىرۋ قۇرىلىسىن نەگىزگى جەلى، كاسىپتىڭ جوعارى ساپالى دامۋىن ىلگەرىلەتۋدى وزەك، رەفورما جاساۋ، جاڭالىق اشۋدى قوزعاۋشى كۇش، حالىقتىڭ كۇن سايىن ارتىپ وتىرعان تاماشا تۇرمىسقا دەگەن قاجەتىن قاناعاتتاندىرۋدى نىسانا، كاسىپ سالاسىن جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدى قامتاماسىزدىق ەتىپ، بۇكىل رايوننىڭ تۇرعىن ءۇي جانە قالا، اۋىل قۇرىلىسى ىستەرىنىڭ ۇزدىكسىز العا ىلگەرىلەپ دامۋىن جەبەيدى.
تۇرعىن ءۇي ساپاسىن جالپى بەتتىك جوعارىلاتۋ جاعىندا، تۇرعىن ءۇي بازارى مەن تۇرعىن ءۇي قامتاماسىزدىعى جۇيەسىن اقاۋسىزداندىرىپ، كەمەلدەندىرىپ، قورا - جايدىڭ قامداۋ جاعىنداعى قۇرىلىمدىق رەفورماسىن ىشكەرىلەي ىلگەرىلەتەدى؛ تۇرعىن ءۇي جاعىنداعى ءارقايسى قولداۋ ساياساتتارىن جالپى بەتتىك تياناقتاندىرىپ، بۇقارانىڭ تۇرعىن ءۇي شارت - جاعدايىن ىشكەرىلەي جاقسارتادى؛ پارتيا قۇرىلىسىن جەتەكشى ەتە وتىرىپ، قوجالىق باسقارۋ تۇزىلىسىندە جاڭالىق اشىپ، قوجالىق قىزمەت وتەۋىنىڭ قامتۋ مولشەرىن جوعارىلاتىپ، قىزمەت وتەۋدى ولشەمدەندىرۋ، ماركالاندىرۋ قۇرىلىسىن ىلگەرىلەتەدى؛ تۇرعىن ءۇي الەۋمەتتىك قورى تۇزىمىنە رەفورما جاساپ، كەمەلدەندىرىپ، تۇرعىن ءۇي الەۋمەتتىك قورىن باسقارۋ، قىزمەت وتەۋ ورەسىن جوعارىلاتادى.
ادامدى وزەك ەتكەن جاڭاشا قالا - قالاشىقتاندىرۋ قۇرىلىسىن ىلگەرىلەتۋ جاعىندا، حاۋىپسىز، اقاۋسىز، قۇرىلعىسى كەمەلدى، باسقارۋى ءتارتىپتى كەمەلدى قونىس الەۋمەتتىك اۋماعى قۇرىلىسىن ىلگەرىلەتىپ، ”ەندىك باعىتتا شەتىنە، بويلىق باعىتتا تاعانىنا جەتۋ، بىرگە قۇرىپ، بىرگە جونگە سالىپ، بىرگە يگىلىكتەنەتىن“ الەۋمەتتىك اۋماق جونگە سالۋ جۇيەسىن ورناتادى؛ اۋدان قالاشىقتارىنىڭ جانە شەكارا بويىنداعى قالا - قالاشىقتاردىڭ نەگىزدىك قۇرىلعىسىنداعى ولقىلىقتاردى ءتۇيىندى تۇردە تولىقتاپ، قالا - قالاشىقتاردىڭ جالپىلىق نەگىزدىك قۇرىلعىلار قۇرىلىسىنىڭ دەڭگەيىن ۇزدىكسىز جوعارىلاتادى؛ گۋبكا قالالاردى جەرگىلىكتى جاعدايعا قاراي قۇرىپ، قالانىڭ تاسقىننان ساقتانۋ، ىركىندى سۋدى ىعىستىرۋ قابىلەتىن كۇشەيتىپ، قالا - قالاشىقتىڭ سۋمەن قامداۋ، سۋ ىعىستىرۋ، تابيعي گازبەن، جىلۋمەن قامداۋ سياقتى قالا ءىسى نەگىزدىك قۇرىلعىلارىنىڭ دارەجەسىن جوعارىلاتىپ وزگەرتىپ سالادى جانە زەردەلىلەنگەن باسقارۋ جۇرگىزەدى.
قۇرىلىس كاسىبىنىڭ دامۋ ساپاسى مەن قۇرىلىس ساپاسىن جالپى بەتتىك جوعارىلاتۋ جاعىندا، مەملەكەتتىڭ ءتۇيىندى قارجى قوسۋ سالالارىنا جانە حالىقارالىق بازارعا قاراي بەلسەندىلىكپەن كەڭەيىپ، قۇرىلىس كاسىبىنىڭ ماماندىق قۇرىلىمىنىڭ كوپ نەگىزدى شارۋاشىلىق جۇرگىزۋ ۇلگىسىنە قاراي بۇرىلىس جاساۋىن ىلگەرىلەتەدى؛ قۇرىلىستاعى ەنەرگيا ۇنەمدەۋدى جانە جاسىل قۇرىلىسقا قاراي دامۋدى بەلسەندىلىكپەن ىلگەرىلەتىپ، جاسىل قۇرىلىس ماتەريالدارىن قولدانۋدى، تازا جانە قايتا تۋىندايتىن ەنەرگيا قاينارىن قولدانۋدى زور كۇشپەن جالپىلاستىرادى؛ قالا - قالاشىقتارداعى كونە شاعىن اۋماقتاردى وزگەرتىپ سالۋ قىزمەتىمەن ۇشتاستىرىپ، قازىرگى بار قۇرىلىستاردىڭ ەنەرگيا ونىمدىلىگىن جاڭالاپ، ولشەمىن جوعارىلاتۋمەن بىرگە، قازىرگى بار قۇرىلىستاردىڭ ەنەرگيا ونىمدىلىگىن جوعارىلاتۋدى دا جۇزەگە اسىرادى.
اۋىل - قىستاق قۇرىلىسى ارەكەتىن جەدەل ىلگەرىلەتۋ جاعىندا، اۋىل - قىستاقتى گۇلدەندىرۋ ستراتەگياسىن اتقارۋدى قوزعاۋشى كۇش ەتىپ، اۋدان وڭىرىندە ءتۇيىندى قالاشىقتى بەلسەندىلىكپەن جەتىلدىرىپ، شاعىن قالاشىق قۇرىلىسىن جوعارى ساپالى دامۋعا باستايدى؛ كورىكتى، قونىسقا جايلى بولۋدان ۇلگى كورسەتەتىن قىستاق قۇرۋ قىزمەتىن بەلسەندىلىكپەن ىلگەرىلەتەدى؛ جاسىل اۋىل - قىستاق ءۇيى قۇرىلىسى ءادىس - امالى مەن تەحنيكاسىن جالپىلاستىرىپ، اۋىل - قىستاقتاعى تومەن كىرىستى شوعىرلاردىڭ حاۋىپسىز تۇرعىن ءۇي قامتاماسىزدىعى مەحانيزمىن ورناتادى؛ اۋىل - قىستاقتاعى تۇرمىستىق قوقسىقتى جيناۋ، تاسۋ، ءبىر جاقتى ەتۋ جۇيەسىن اقاۋسىزداندىرادى، كەمەلدەندىرەدى، ت. ب.
بۇقارانىڭ تابىس سەزىمىن ارتتىرۋدى جوعارى ولشەممەن تياناقتاندىرادى
”تۇرعىن ءۇي جانە قالا، اۋىل قۇرىلىسى قىزمەتىنىڭ ءتۇيىنى كوپ، كولەمى كەڭ، جەلىسى ۇزىن، ءىسى كۇردەلى، ەكونوميكالىق، قوعامدىق دامۋدىڭ ءار جاعىنا سايادى، حالىق بۇقاراسىنىڭ وندىرىسىمەن، تۇرمىسىمەن تىعىز قاتىستى، ءبىز ءبىر تۇتاس جوسپارلاپ تەڭ ءمان بەرۋ مەن ءتۇيىندى تۇردە قامال الۋدى ءوزارا ۇشتاستىرۋىمىز كەرەك“، - دەدى لي لينيۇي.
جوعارى ولشەممەن تياناقتاندىرۋعا قالاي تاباندى بولۋ كەرەك؟ لي لينيۇي مىنالاردى ءبىلدىردى: تۇرعىن ءۇي جانە قالا، اۋىل قۇرىلىسى جۇيەسىنىڭ ”14 - بەسجىلدىق“ جوباسى بولگەن مىندەتتەر، ەگجەي - تەگجەيلىلەندىرىلگەن جاۋاپكەرشىلىك بويىنشا، تۇرعىن ءۇي جانە قالا، اۋىل قۇرىلىسى تاراۋى مىندەتنامانى، ۋاقىت كەستەسىن، جول كارتاسىن ايقىنداپ، قىزمەتتەردى ناقتى، مىقتى يگەرىپ، ناتيجە شىعارۋعا شىنايى كەپىلدىك ەتەدى. سونىمەن بىرگە، رەفورما جاساۋ، ەسىك اشۋدى مىقتاپ يگەرۋدى قوزعاۋشى كۇش ەتە وتىرىپ، جوعارى ساپالى دامۋدى ىلگەرىلەتۋ سىندى شەشۋشى ءتۇيىندى يگەرىپ، رايونىمىزدىڭ ءىس جۇزىندىگىمەن تىعىز ۇشتاستىرىپ، ”اۋىل - قىستاق قۇرىلىسى ارەكەتىن اتقارۋ، ادامدى وزەك ەتكەن جاڭاشا قالا - قالاشىقتاندىرۋدى ىلگەرىلەتۋ، جاسىل دامۋدى جەبەۋ“ سياقتى ءتۇيىندى ورنالاستىرۋلاردى، ءتۇيىندى قىزمەتتەردى ناقتى قىزمەتتەرگە، ناقتى ورنالاستىرۋلارعا، ناقتى ارەكەتتەرگە اشالاپ ءبولىپ، ءتۇيىندى كورنەكتىلەندىرىپ، جالپى جاعدايعا جەتەكشىلىك ەتىپ، رايونىمىزدىڭ تۇرعىن ءۇي، قالا، اۋىل قۇرىلىسى ىستەرىندە جاڭا جاعداي اشۋدى، جاڭا تاراۋ جوسپارلاۋدى جەبەيدى.
”ءبىر تۇتاس جوسپارلاپ، تەڭ ءمان بەرە وتىرىپ تياناقتاندىرۋدى يگەرىپ، بيىكتە تۇرىپ الىستى كوزدەۋمەن بىرگە، تاباندىلىقپەن ىستەپ، ءىشىنارالىق پەن جالپى جاعدايدىڭ، كەزەكتەگى مەن ۇزاق بولاشاقتىڭ، ءتۇيىندى مەن ءتۇيىندى ەمەستىڭ قاتىناسىن ويداعىداي ءبىر جاقتى ەتىپ، كوڭىلدە ’جوسپار‘، كوكەيدە ’سان‘ بولۋدى جۇزەگە اسىرۋ كەرەك“، - دەدى لي لينيۇي، ناقتىلاپ ايتقاندا، اۆتونوميالى رايوندىق پارتكومنىڭ ورنالاستىرۋلارىن، جايعاستىرۋلارىن باتىل دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتىپ، ”التىنى ورنىقتىرۋ“ قىزمەتىن تىڭعىلىقتى جاقسى ىستەپ، ”التىنى قامتاماسىز ەتۋ“ مىندەتىن جالپى بەتتىك تياناقتاندىرىپ، ورنىقتىلىقتىڭ، ساياساتتىڭ پايداسىنان تولىق پايدالانىپ، شينجياڭنىڭ رايون ورنى ارتىقشىلىعىن، بايلىق ارتىقشىلىعىن، قورشاعان ورتا ارتىقشىلىعىن، ەسىك اشۋ ارتىقشىلىعىن، تەبىندەي دامۋ ارتىقشىلىعىن تولىق ساۋلەلەندىرىپ، ورايدى مىقتاپ يگەرىپ، ۇتىمدى ساتتە قيمىلداپ، شىنايى يگەرىپ، ناقتى ىستەر تىندىرىپ، ”14 - بەسجىلدىق“ جوبا مىندەتتەرىن تىڭعىلىقتى، ەگجەي - تەگجەيلى، ناقتى تياناقتاندىرۋدى بار كۇشپەن ىلگەرىلەتىپ، جاڭا داۋىردە بۇكىل رايوننىڭ تۇرعىن ءۇي جانە قالا، اۋىل قۇرىلىسى ىستەرىنىڭ جاڭا جاعدايىن اشۋعا قۇلشىنۋ كەرەك.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
