بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

رايونىمىزدىڭ قويۋ مۇناي اشۋ تەحنيكاسى حالىقارالىق وزىق ورەگە جەتتى

2020.12.31 13:26     كەلۋ قاينارى : شينجياڭ گازەتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى ما ينيڭ 12 - ايدىڭ 28 - كۇنى ۇرىمجىدەن حابارلايدى. جۇڭگو مۇناي شينجياڭ مۇنايلىعى سەرىكتەستىگىنەن ۇعىسۋىمىزشا، 12 - ايدىڭ 28 - كۇنى بەيجيڭدە وتكىزىلگەن مامانداردىڭ ساراپتاۋ ماجىلىسىندە جۇڭگو مۇناي شينجياڭ مۇنايلىعى سەرىكتەستىگى، جۇڭگو مۇناي بارلاۋ - اشۋدى زەرتتەۋ اكادەمياسى، جۇڭگو مۇناي ينجەنەريا قۇرىلىس شەكتى سەرىكتەستىگى، باتىس وڭتۇستىك مۇناي داشۋەسى، جۇڭگو مۇناي داشۋەسى (بەيجيڭ) بىرلەسىپ ورىنداعان ”كۇشتى ءار تەكتى ەرەكشە اسا قويۋ مۇنايدى اشۋدىڭ شەشۋشى تەحنيكاسى جانە ونەركاسىپكە قولدانىلۋى“ تابىسى ءبىر اۋىزدان ماقۇلداندى. ساراپتاۋ القاسى وسى تابىس حالىقارالىق وزىق ورەگە جەتتى دەپ قارادى.

  ساپالى نافتەنيل قويۋ مۇنايى مۇنايدىڭ ىشىندەگى ”سيرەك جەر ەلەمەنتى“ دەپ اتالادى. شينجياڭنىڭ جوڭعار ويپاتىنداعى قويۋ مۇناي بايلىعىنىڭ قورى ءبىر ميلليارد توننادان اسادى، ساقينالى الكان قۇرامى %69.7كە جەتىپ، دۇنيە جۇزىندەگى قورى ەڭ مول سانالادى. مۇنداي مۇناي قورىنىڭ ارتەكتىلىگى كۇشتى، تەمپەراتۋرا قىسىمى تومەن، وڭدەلمەگەن مۇنايىنىڭ تەمپەراتۋرا سەزىمتالدىعى ناشار، شينجياڭ مۇنايلىعى ساۋدالاندىرىپ اشۋدى ءساتتى جۇزەگە اسىرۋدان بۇرىن ەل ءىشى - سىرتىندا ءساتتى اشۋ ۇلگىسى مۇلدە بولماعان. وتكەن عاسىردىڭ 50 - جىلدارىنان بەرى ەل ءىشى قۇرلىق فاتسياسىندىق كۇشتى ارتەكتى اسا قويۋ مۇناي قورىن يگىلىككە جاراتۋ، قۇرلىق فاتسياسىندىق كۇشتى ارتەكتى اسا قويۋ مۇنايدى جيناپ الۋ سالىستىرماسىن زور كولەمدە جوعارىلاتۋ، وتپەن مۇناي ىعىستىرۋ سياقتى جاقتاردا ۇزدىكسىز قامال الۋعا ۇمتىلدى، الايدا ۇزاق ۋاقىت قامال الىنباي كەلدى. حالىقاراعا تانىمالى مۇناي سەرىكتەستىگى 3 رەت شينجياڭ مۇنايلىعىنىڭ ەرەكشە اسا قويۋ مۇناي بايلىعىن اشۋىنا باعالاۋ جۇرگىزىپ، تۇگەلدەي ءونىمدى اشۋعا بولمايدى دەپ قارادى. 1996 - جىلدان باستاپ جۇڭگو مۇناي شينجياڭ مۇنايلىعى سەرىكتەستىگى كوپ پاندەردە ۇزدىكسىز قامال الۋ ارقىلى قۇرلىق فاتسياسىندىق كۇشتى ارتەكتى قويۋ مۇنايدى اشۋدىڭ ىستىقتاي الۋ نازاريالىق تەحنيكا جۇيەسىن قالىپتاستىرىپ، جيناپ الۋ سالىستىرماسىن زور دارەجەدە جوعارىلاتىپ، ءوندىرىس وزىندىك قۇنىن تومەندەتىپ، دۇنيە جۇزىندەگى ەڭ ۇلكەن ساپالى نافتەنيلدى قويۋ مۇناي ءوندىرۋ بازاسىن سالدى.

  ساراپتاۋ كوميسسياسى جۇڭگو عىلىم اكادەمياسى، جۇڭگو ينجەنەريا اكادەمياسىنىڭ 13 اكادەميگىنەن جانە 4 مامانىنان قۇرالعان. ساراپتاۋ كوميسسياسى بىلاي دەپ قارادى: وسى تابىس اسا قويۋ مۇنايدى اشىپ، يگىلىككە جاراتۋ جانە ەرەكشە اسا قويۋ مۇنايدىڭ كۇشتى ارتەكتى مۇناي قورىن جيناپ الۋ سالىستىرماسىنىڭ جوعارى بولماۋى سىندى دۇنيە ءجۇزى دەڭگەيىندەگى قيىن ماسەلەنى شەشتى. مۇنىڭ باستى جاسامپازدىق ءتۇيىنى 3 جاقتى قامتيدى: بىرىنشىدەن، قۇرلىق فاتسياسىندىق كۇشتى ارتەكتى بوگەتكە كوپ سىڭەتىن اسا قويۋ مۇنايعا بۋ جىبەرىپ اۋىرلىق كۇشىمەن مۇناي شىعارۋ تەحنيكاسىندا جاڭالىق اشتى؛ ەكىنشىدەن، قۇرلىق فاتسياسىندىق كۇشتى ارتەكتى ەرەكشە اسا قويۋ مۇنايعا كوپ فازانى سايكەستىرىپ بۋ جىبەرۋ ارقىلى جيناپ الۋ سالىستىرماسىن زور كولەمدە جوعارىلاتۋ تەحنيكاسىندا جاڭالىق اشتى؛ ۇشىنشىدەن، قۇرلىق فاتسياسىندىق كۇشتى ارتەكتى جۇقا قاباتتاعى ەرەكشە اسا قويۋ مۇنايعا بۋ جىبەرۋ - شىعارۋ ارقىلى كەرەكسىز مۇناي قورىنان جوعارى تەمپەراتۋرادا وتپەن ىعىستىرۋ تەحنيكاسىن ويلاپ تاپتى. وسى تابىس شينجياڭ مۇنايلىعىنىڭ نافتەنيلدى قويۋ مۇناي بايلىعىن اشۋىندا جاپپاي قولدانىلىپ، جىلدىق ءونىم مولشەرىن 4 ميلليون توننادان اسىرىپ، 15 جىل ورنىقتى ءوندىرۋدى جۇزەگە اسىرىپ، اشۋعا بولاتىن قور مولشەرىن 200 ميلليون توننا ارتتىرىپ، مەملەكەتتىڭ قاجەتىن قامتاماسىز ەتىپ، قوعامدىق، ەكونوميكالىق ونىمدىلىگى كورنەكتىلەنىپ، جالپىلاستىرىپ قولدانۋ كەلەشەگى كەڭەيە ءتۇستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار