نارات مەملەكەت دارەجەلى ساياحاتتىق دەمالىس ءوڭىرى دەڭگەيىنە كوتەرىلدى
2020.12.31 13:26 كەلۋ قاينارى : شينجياڭ گازەتى
شينجياڭ گازەتىنىڭ جالپىلىق اقپارات قۇرالدارى ءتىلشىسى ياۋ گاڭ 12 - ايدىڭ 28 - كۇنى ۇرىمجىدەن حابارلايدى. اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىمىزشا، 12 - ايدىڭ 28 - كۇنى مادەنيەت جانە ساياحات مينيسترلىگى 2020 - جىلعى جاڭا ءبىر توپتاعى مەملەكەت دارەجەلى ساياحاتتىق دەمالىس وڭىرلەرى ءتىزىمىن جاريالاعان، نارات ساياحاتتىق دەمالىس ءوڭىرى وسى قاتاردان ورىن العان. بۇل شينجياڭداعى تۇڭعىش رەتكى مەملەكەت دارەجەلى ساياحاتتىق دەمالىس ءوڭىرى بولىپ تابىلادى.
نارات ساياحاتتىق دەمالىس ءوڭىرى كۇنەس اۋدانى شەكاراسى ىشىندە بولىپ، تيانشان تاۋىنىڭ قويناۋىنا، ىلە وزەنى اڭعارىنىڭ شىعىس شەتىنە ورنالاسقان. ساياحاتتىق دەمالىس ءوڭىرى وڭتۇستىكتەن سولتۇستىككە قاراي اسقار تاۋلى جايلاۋدى سەرۋەندەۋ رايونى، قازاق ۇلتتىق سالت - سانا رايونى، ساياحات تۇرمىستىق رايونى سياقتىلاردان قۇرالعان، قازىر جالپى 132 كيلومەترلىك 6 ساياحات جولى، 27 كورىنىس، سەرۋەن ءتۇيىنى بار بولىپ، تاماشالاۋ، دەمالىس، ساۋدا، عىلمي تەكسەرۋ سياقتىلار ءبىر تۇلعالانعان كەشەندى ساياحاتتىق دەمالىس ءوڭىرى. مۇندا نارات كورىنىس ءوڭىرى 2018 - جىلى 2 ميلليون 940 مىڭ ادام - رەت ساياحاتشى، 2019 - جىلى 4 ميلليون 30 مىڭ ادام - رەت ساياحاتشى قابىلداپ، سايكەس مەزگىلدەگىدەن ％37 ارتىپ، تىكەلەي ساياحات كىرىسى ءبىر ميلليارد 490 ميلليون يۋانعا جەتتى.
نارات ساياحاتتىق دەمالىس ءوڭىرى تۇتاس وڭىرلىك ساياحاتتى دامىتۋدى ارقاۋ ەتىپ، تيپ جاڭالاۋ، دەڭگەيىن ءوسىرۋ، دارەجەسىن جوعارىلاتۋ ارقىلى ءداستۇرلى تاماشالاۋ تۇرىندەگى كورىنىس وڭىرلەرىن وسىزاماندانعان ساياحاتتىق سەيىل - سەرۋەن، دەمالىس ۇلگىسىندەگى كورىنىس وڭىرىنە قاراي بۇرىلىس جاساۋدى ىلگەرىلەتىپ، مايتاۋ - كۇشار تاس جول قىزمەت وتەۋ پۋنكتى قۇرىلىسى، زەردەلى كورىنىس ءوڭىرى قۇرىلىسى، اۆتوكولىك توقتاتۋ الاڭدارىن جاڭالاۋ، كەڭەيتۋ قۇرىلىسى، الەۋمەتتىك تازالىق ءۇي قۇرىلىسى، اتتى قوسىن قىزمەت وتەۋ قۇرىلعىلارىنىڭ دەڭگەيىن جوعارىلاتۋ، ساياحاتشىلاردىڭ تىنىعۋ ءوڭىرى قۇرىلىسى سياقتىلاردى ورىنداپ بولدى.
ۇعىسۋىمىزشا، رايونىمىز ساياحاتتىق دەمالىس ءوڭىرى قۇرىلىسىن دامىتۋدى ”14 - بەسجىلدىق“ كەزىندەگى ماڭىزدى قىزمەت رەتىندە يگەرىپ، جەتەكشىلىك ەتۋدى كۇشەيتىپ، جەرگىلىكتى ورىننىڭ جاعدايىنا قاراي كوپ ساتىلى، كوپ ءتۇرلى دەمالىس، سەيىل - سەرۋەن قاجەتىن قاناعاتتاندىراتىن جوعارى ساپالى ساياحاتتىق دەمالىس ءوڭىرىن قۇرادى ەكەن.
مەملەكەت دارەجەلى ساياحاتتىق دەمالىس ءوڭىرى − ساياحات كاسىبى سالاسىنىڭ مەملەكەتتىك 5A دارەجەلى ساياحات كورىنىس وڭىرىنەن كەيىنگى تاعى ءبىر ايگىلى بەلگىسى، وندا ساياحات ونىمدەرىندە رەفورما جاساۋدى، جاڭالىق اشۋدى جەبەۋ، دەڭگەيىن ءوسىرىپ، دارەجەسىن جوعارىلاتۋ ماقسات ەتىلەدى. 2015 - جىلدان باستاپ ىلگەرىندى - كەيىندى مەملەكەت دارەجەلى 30 ساياحاتتىق دەمالىس ءوڭىرىن باعالاپ شىققان، بيىلعى 15ىن قوسقاندا قازىر بۇكىل ەلدە مەملەكەت دارەجەلى 45 ساياحاتتىق دەمالىس ءوڭىرى بار.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
