بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

شينجياڭ مۇزتاع شىڭىنا شىعۋ قيمىلىن قايتا باستادى

بۇكىل ەلدەگى 300دەن استام شىڭشىلداردى قارسى الادى

2022.06.18 14:39     كەلۋ قاينارى : شينجياڭ گازەتى

  انار بۇلت \ شينجياڭ گازەتىنىڭ ءتىلشىسى ۋاڭ جيڭجيڭ 6 - ايدىڭ 13 - كۇنى ۇرىمجىدەن حابارلايدى. شينجياڭ شىڭشىلدار قوعامىنان ۇعىسۋىمىزشا، 6 - ايدىڭ ورتا شەنىنەن 8 - ايدىڭ ورتا شەنىنە دەيىن اقتاۋ اۋدانىنا ورنالاسقان مۇزتاع شىڭى شتابى بۇكىل ەلدەگى 300دەن استام شىڭشىلداردى قارسى الىپ، 2 جىل ۋاقىتشا توقتاتىلعان مۇزتاع شىڭىنا شىعۋ قيمىلىن قايتا باستايدى ەكەن.

  تەڭىز دەڭگەيىنەن بيىكتىگى 7546 مەتر كەلەتىن مۇزتاع شىڭىنىڭ تەڭىز دەڭگەيىنەن بيىكتىگى جوعارى بولعانىمەن، شىعۋدىڭ تەحنيكالىق قيىندىق دارەجەسى ءبىرشاما تومەن، جاناسىمدىلىعى ءبىرشاما جاقسى بولىپ، شىڭشىل اۋەسكەرلەرىنىڭ 7000 مەترلىك تاۋ شىڭىنا شىعۋدى سىناپ كورۋىندەگى ەڭ تاماشا تالعامى، سونداي - اق تەڭىز دەڭگەيىنەن بيىكتىگى 8000 مەتردەن جوعارى بيىك شىڭدارعا سايىس جاريالاۋداعى، ءسوزسىز، باسىپ وتەتىن جولى. ەلىمىزدىڭ تەڭىز دەڭگەيىنەن بيىكتىگى 7000 مەتردەن جوعارى تاۋ شىڭدارىنا شىعۋدى بەكىتۋ، ماقۇلداۋ ۇقىعى جۇڭگو شىڭشىلدار قوعامىنا ءتان، وسى رەتكى مۇزتاع شىڭىنا شىعۋ جيھانكەزدىك قيمىلىنا قاتىناساتىن 4 شىڭشىلدار اترەتى تەكسەرىپ بەكىتۋ ءىسىن جىل باسىندا - اق بىتىرگەن بولاتىن.

  ”ارادا 2 جىل ءوتتى، مۇزتاع شىڭىنا شىعۋدى قايتادان باستاۋدى كوپشىلىك اسىعا كۇتكەن ەدى“. شينجياڭ كايتۋ اسقار تاۋ دالالىق سپورت شەكتى جاۋاپكەرشىلىك سەرىكتەستىگىنىڭ جاۋاپتىسى لو بيڭ بىلاي دەدى: وسى رەتكى شىڭعا شىعۋ قيمىلىنداعى 4 اترەتتىڭ ءبىرى بولۋ رەتىندە، كايتۋ شىڭعا شىعۋ اترەتى 120 مۇشەدەن قۇرالعان، 3 توپقا ءبولىنىپ مۇزتاع شىڭىنا شىعادى، ”اترەت مۇشەلەرى بۇكىل ەلدىڭ جەر - جەرىنەن كەلگەن، العاشقى مەرزىمدىك باۋلۋ اياقتادى، 1 - توپتاعى اترەت مۇشەلەرى 6 - ايدىڭ 16 - كۇنى جينالىپ بولادى“.

  ءتىلشىنىڭ اۆتونوميالى رايوندىق دەنە تاربيە مەكەمەسى شىڭشىلدار سپورتى قىزمەت وتەۋ ورتالىعىنان ۇعىسۋىنشا، وسى رەتكى شىڭشىلدار قيمىلىنىڭ حاۋىپسىز، ءتارتىپتى جۇرىلۋىنە كەپىلدىك ەتۋ ءۇشىن، جۇڭگو شىڭشىلدار قوعامى 8 ادامنان قۇرالعان كاسىپتىك قۇتقارۋ - كومەكتەسۋ اترەتىن جىبەرىپ، شينجياڭ شىڭشىلدار قوعامىنىڭ كاسىپتىك قۇتقارۋ - كومەكتەسۋ قىزمەتكەرلەرىمەن بىرگە وسى رەتكى شىڭشىلدار قيمىلىنا بىرگە قورعاۋشى بولادى. شىڭشىلدار قيمىلى باستالۋدان بۇرىن تاعى شىڭشىلدار اترەتىنىڭ جاۋاپتىلارىن، بيىك تاۋ جول باستاۋشىلارىن، شىڭشىلدار اترەتىنىڭ مۇشەلەرىن جانە ارتقى شەپ قامتاماسىزدىق قىزمەتكەرلەرىن بيىك تاۋدا قوقىر - قوقسىقتى تۇرگە ايىرىپ ءبىر جايلى ەتۋگە ۇيىمداستىرادى ءارى قورشاعان ورتانى قورعاۋ باستاماسىن قوزعايدى.

  مۇزتاع شىڭى شتابى تۇرعان اقتاۋ اۋدانى دا شىڭشىلداردى قابىلداۋدىڭ دايىندىعىن ويداعىداي جاسادى. ”ءبىز مالشىلاردى تۇيەلەردى تويىندىرۋعا ۇيىمداستىردىق، شىڭشىلدار كەلگەن سوڭ، ءبىز شىڭعا شىعاراتىن زاتتىق ماتەريالداردى تۇيەمەن تاسۋ، شىڭداعى قوقىر - قوقسىقتارىن تازالاپ اكەتۋ، زاتتىق ماتەريالداردى جەتكىزىپ بەرۋ سياقتى قىزمەتتەردى ورىستەتەمىز“. قىزىلسۋ قىرعىز اۆتونوميالى وبلىستىق شىڭعا شىعۋ جانە شىڭعا شىعۋدا قورشاعان ورتانى قورعاۋ قوعامىنىڭ باستىعى ۋ ۋي بىلاي دەدى: ءبىز مالشىلارعا دالالىق شەبەرلىك، دالاداعى حاۋىپسىزدىك تاربيەسى جانە دالادا قورشاعان ورتانى قورعاۋ لەكسيالارىن ورىستەتىپ، مالشىلاردىڭ شىڭشىلدار قيمىلىنا حاۋىپسىز ات سالىسۋىنا شىنايى كەپىلدىك ەتىپ، مالشىلاردىڭ كىرىستەرىن ارتتىرۋىنا دەم بەردىك.

  ۇعىسۋىمىزشا، بيىلعى مۇزتاع شىڭىنا شىعۋ قيمىلىندا اۆتونوميالى رايوندىق دەنە تاربيە مەكەمەسى كوپتەگەن الدىڭعى مەرزىمدىك بارلاۋ قىزمەتتەرىن ورىستەتىپ، كەلەر جىلعى مۇزتاع شىڭىنا شىعۋ ماۋسىمىن تۇلعالاۋعا دايىندىق جاساعان. كەلەر جىلى شىڭشىلدار قيمىلىنان تىس، تاعى ۇستىرتتە شاڭعى تەبۋ، جاستار مەن وسپىرىمدەردىڭ زەرتتەپ ۇيرەنۋى جانە تەڭىز دەڭگەيىنەن بيىكتىگى 4400 مەتر جەردەن جاياۋ ءجۇرىپ ەندەي ءوتۋ قيمىلى وتكىزىلەدى ەكەن.

  مۇزتاع شىڭىنىڭ بەتكەيلەرى ءبىرشاما جاتىق، قار ساپاسى تاماشا، كورۋ اياسى كەڭ بولعاندىقتان، ەل ءىشى - سىرتىنداعى شىڭعا شىعۋ، شاڭعى تەبۋ سالاسىندا اتاعى بار. 2015 - جىلدان باستاپ مۇزتاع شىڭشىلداردىڭ سانى كۇرت ارتتى. 2018 - جىلى شىڭعا شىققانداردىڭ سانى 300 ادام - رەتتەن استى، كەلەر جىلى مەجەمەن 500 ادام - رەتتەن اسادى.

جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار