پارتيا 19 - قۇرىلتايىنان سۇراۋ - جاۋاپ (1)
2017.12.26 14:18 كەلۋ قاينارى : حالىق تورابى
ءبىرىنشى، وتكەن بەس جىلداعى قىزمەت پەن تاريحي سيپاتتى وزگەرىس جونىندە
[سۇراۋ] پارتيا 18 – قۇرىلتايىنان بەرگى بەس جىلدى پارتيا مەن مەملەكەتتىڭ دامۋى ۇردىسىندەگى وزگەشە بەس جىل دەيتىنىمىز نەلىكتەن؟]
[سۇراۋ: پارتيا 18 – قۇرىلتايىنىڭ رۋحىن دايەكتىلەندىرۋ ٴۇشىن، پارتيا ورتالىق كوميتەتى جەتى رەت جالپى ءماجىلىس اشىپ قانداي ماڭىزدى ماسەلەلەر توڭىرەگىندە قاۋلى قابىلدادى جانە ورنالاستىرۋ جاسادى؟]
پارتيا 18 – قۇرىلتايىنىڭ رۋحىن دايەكتىلەندىرۋ ءۇشىن، پارتيا ورتالىق كوميتەتى جەتى رەت جالپى ءماجىلىس اشىپ، جەكە – جەكە ۇكىمەت قۇرىلىمدارىنا رەفورما جاساۋ مەن قىزمەت رولىندا بۇرىلىس جاساۋ، رەفورمانى جاپپاي تەرەڭدەتۋ، مەملەكەتتى زاڭ بويىنشا باسقارۋدى جاپپاي ىلگەرىلەتۋ، «13 – بەسجىلدىق» جوسپاردى بەلگىلەۋ، پارتيانى جاپپاي قاتاڭ باسقارۋ سىندى ماڭىزدى ماسەلەلەر تۋرالى قاۋلى قابىلدادى جانە ورنالاستىرۋ جاسادى.
[سۇراۋ: پارتيانىڭ 18 – قۇرىلتايىنان بەرى ەلىمىز ەكونوميكالىق قۇرىلىس جاعىندا قانداي كەلەلى تابىستارعا قول جەتكىزدى]
جاڭاشا دامۋ تانىمىن بۇلجىتپاي دايەكتىلەندىرىپ، دامۋ كوزقاراسىن باتىل دۇرىستاپ، دامۋ تاسىلىندە بۇرىلىس جاساپ، دامۋدىڭ ساپاسى مەن ونىمدىلىگىن ۇزدىكسىز جوعارىلاتتىق.
ەكونوميكادا ورتاشا جوعارى ارتۋ قارقىنىن ساقتاپ، دۇنيە جۇزىندەگى نەگىزگى ەلدەردىڭ الدىڭعى قاتارىنا وتتىك. ىشكى ءوندىرىستىڭ جالپى ءونىم قۇنى 54 تريلليون يۋاننان 80 تريلليون يۋانعا ارتىپ، دۇنيە ءجۇزى بويىنشا 2 - ورىندى يەلەدى، دۇنيە ءجۇزى ەكونوميكاسىنىڭ ارتۋىنا قوسقان ۇلەسىمىز %30تەن استى.
قامداۋ جاعىنداعى قۇرىلىمدىق رەفورمانى ىشكەرىلەي جۇرگىزىپ، ەكونوميكالىق قۇرىلىم ۇزدىكسىز ساپالاندىرىلدى، سيفرلى ەكونوميكا سىندى جاڭا گۇلدەنگەن سالالار قارىشتاي دامىپ، جۇردەك پويەز جولى، تاس جول، كوپىر، كەمەجاي، اۋەجاي سىندى نەگىزدىك قۇرىلعىلار قۇرىلىسى ۇزدىكسىز ىلگەرىلەتىلدى.
اۋىل شارۋاشىلىعىن وسىزامانداندىرۋ ورنىقتى ىلگەرىلەتىلدى، استىق ءوندىرىسى قۋاتى ءبىر تريلليون 200 ميلليارد جىڭدىق ورەگە جەتتى.
قالا – قالاشىقتانۋ ورەسى جىلىنا ورتا ەسەپپەن 1.2 پايىز جوعارىلاپ، اۋىل شارۋاشىلىعىنان ويىسقان 80 ميلليوننان استام جان سانى قالا – قالاشىق تۇرعىنى بولدى.
وڭىرلىك دامۋدىڭ سايكەسىمدىلىگى كۇشەيتىلىپ، «ءبىر بەلدەۋ، ءبىر جول» قۇرىلىسى، بەيجيڭ – تيانجين – حىبەي ءوڭىرىن سايكەستىرە دامىتۋ، چاڭجياڭ ەكونوميكالىق بەلدەۋىن دامىتۋدىڭ ءونىمى كورنەكتى بولدى.
جاڭالىق جاراتۋ ارقىلى دامۋدى ىلگەرىلەتۋ ستراتەگياسى كۇش سالا اتقارىلىپ، جاڭاشىل ەل قۇرۋدا سۇبەلى تابىسقا قول جەتكىزدىك، تيانگۇڭ، جياۋلۇڭ، تيانيان، ۋكۇڭ، موزى،ءىرى تۇرپاتتى ۇشاق سىندى ءىرى عىلىم – تەحنيكا جەتىستىكتەرى بىرىنەن سوڭ ءبىرى دۇنيەگە كەلدى.
وڭتۇستىك تەڭىزدەگى ارالدى – مارجاندى قۇز وڭىرىندەگى قۇرىلىس بەلسەندى ىلگەرىلەتىلدى.
اشىق ەكونوميكا جاڭا ءتۇزىلىسى بىرتىندەپ كەمەلدەندىرىلدى، شەتەلمەن ساۋدا – ساتتىق جاساۋ، شەتەلدە قارجىلاندىرۋ، شەتەل اقشاسى قورى بويىنشا دۇنيە ءجۇزىنىڭ الدىڭعى لەگىنە ءوتتى.
[پارتيا 18 – قۇرىلتايىنان بەرى رەفورمانى جاپپاي تەرەڭدەتۋدە قانداي كەلەلى تابىستارعا قول جەتكىزدىك؟]
رەفورمانى تەز، ورنىقتى قاداممەن جاپپاي ىشكەرىلەي جۇرگىزىپ، ءتۇرلى جاقتارداعى تۇزىلىستىك، مەحانيزمدىك كىناراتتاردى باتىل الاستادىق. رەفورمانى جاپپاي تەبىندى جۇرگىزىپ، كوپ تۇيىندە تابىسقا جەتىپ، ىشكەرىلەي ىلگەرىلەتتىك، رەفورمانىڭ جۇيەلىلىگىن، تۇتاستىعىن، سايكەسىمدىلىگىن بارىنشا كۇشەيتتىك، رەفورمانى ءورىسىن كەڭەيتىپ ، ىشكەرىلەي ورايىنا قاراي ەتەك الدىرىپ، 1500دەن استام رەفورما شاراسىن بەلگىلەپ، ماڭىزدى سالالار مەن شەشۋشى بۋىندار رەفورماسىندا تىڭ ىلگەرىلەۋشىلىكتەرگە جەتىپ، نەگىزگى سالالار رەفورماسىنىڭ تۇلعالىق جۇلگەسىن نەگىزىنەن ورناتتىق.
جۇڭگوشا سوتسياليستىك ءتۇزىم اناعۇرلىم كەمەلدەندى، مەملەكەتتىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋ ورەسى كورنەكتى جوعارىلادى، بۇكىل قوعامنىڭ دامۋ ومىرشەڭدىك قۋاتى مەن جاڭالىق جاراتۋ ومىرشەڭدىك قۋاتى كورنەكتى كۇشەيدى.
[سۇراۋ: پارتيا 18 – قۇرىلتايىنان بەرى دەموكراتيا – زاڭمەن باسقارۋ قۇرىلىسىندا قانداي كەلەلى قادام باستىق؟]
سوتسياليستىك دەموكراتيالى ساياسيدى بەلسەنە دامىتىپ، مەملەكەتتى جاپپاي زاڭمەن باسقارۋدى ىلگەرىلەتىپ، پارتيا باسشىلىعىن، حالىقتىڭ وزىنە - ءوزى قوجا بولۋىن، مەملەكەتتى زاڭمەن باسقارۋدى ورگانيكالى ۇشتاستىراتىن ءتۇزىم قۇرىلىسىن جاپپاي كۇشەيتىپ، پارتيانىڭ باسشىلىق ءتۇزىلىسى مەحانيزمىن توقتاۋسىز كەمەلدەندىرىپ، سوتسياليستىك دەموكراتيانى ۇزدىكسىز دامىتتىق. پارتيا ىشىندەگى دەموكراتيانى ونان ارى كەڭەيتىپ، سوتسياليستىك ءماسليحات دەموكراتياسىن جاپپاي قانات جايدىرىپ، وتانشىل بىرلىكساپتى بەكەمدەپ جانە دامىتىپ، ۇلتتىق ىستەر، ءدىني ىستەر قىزمەتىن جاڭالىق اشا ىلگەرىلەتتىك.
عىلمي تۇردە زاڭ شىعارۋدى، زاڭدى قاتاڭ اتقارۋدى، ءادىليادا ءادىل بولۋدى، جالپى حالىق زاڭعا بويسۇنۋدى ىشكەرىلەي ىلگەرىلەتتىك، مەملەكەتتى، ۇكىمەتتى، قوعامدى زاڭمەن باسقارۋ قۇرىلىسى ءبىرىن - ءبىرى جەبەپ، جۇڭگوشا سوتسياليستىك زاڭمەن باسقارۋ جۇيەسى كۇن سايىن كەمەلدەنىپ، تۇتاس قوعامدا زاڭمەن باسقارۋ ساناسى كورنەكتى كۇشەيدى.
مەملەكەتتىڭ باقىلاۋ - تەكسەرۋ ءتۇزىلىسى رەفورماسىن تۇيىندەردە سىناق ەتۋدە ناقتى ونىمدىلىككە قول جەتكىزىلدى. اكىمشىلىك تۇزىلىسىنە رەفورما جاساۋ، ءادىليا تۇزىلىسىنە رەفورما جاساۋ، ۇقىق جۇرگىزۋ شارتتارى مەن باقىلاۋ جۇرگىزۋ جۇيەسى قۇرىلىسى ءونىمدى اتقارىلدى.
[سۇراۋ: پارتيانىڭ 18 – قۇرىلتايىنان بەرى يدەيا – مادەنيەت قۇرىلىسىندا قانداي ماڭىزدى ىلگەرىلەۋشىلىكتەر بولدى؟]
پارتيانىڭ يدەولوگيا قىزمەتىنە بولعان باسشىلىعىن كۇشەيتىپ، پارتيانىڭ نازارياسىندا جاڭالىق اشۋدى جاپپاي جەبەدىك، ماركسيزمنىڭ يدەولوگيا سالاسىنداعى جەتەكشىلىك ورنىن اناعۇرلىم ايقىنداپ، جۇڭگوشا سوتسياليزم مەن جۇڭگو ارمانىن جۇرت كوڭىلىنە تەرەڭ ۇيالاتىپ، سوتسياليستىك وزەكتى قۇن كوزقاراسى مەن جۇڭحۋانىڭ تاڭداۋلى ءداستۇرلى مادەنيەتىن كەڭىنەن ساۋلەلەندىردىك. بۇقارالىق رۋحاني وركەنيەت قۇرۋ قيمىلىن تىڭعىلىقتى ورىستەتتىك.
الەۋمەتتىك مادەنيەتتەگى قىزمەت وتەۋ ورەسى ۇزدىكسىز جوعارىلادى، كوركەمونەرلىك جاسامپازدىق ۇزدىكسىز گۇلدەندى، مادەنيەت ىستەرى مەن مادەني ءوندىرىس قارىشتاپ دامىدى، ينتەرنەت قۇرىلىسى مەن باسقارۋ ۇزدىكسىز كەمەلدەندى، بۇكىل حالىقتىق دەنە شىنىقتىرۋ مەن باسەكەلىك سپورت جاپپاي دامىدى.
نەگىزگى اۋەن اناعۇرلىم اسقاقتادى، بەلسەندى كۇش اناعۇرلىم نىعايدى، مادەنيەتكە سەنىمدىلىك كورنەكتى ايگىلەندى، مەملەكەتتىڭ مادەنيەت جاعىنداعى بەيماتەريالدىق قۋاتى مەن جۇڭحۋا مادەنيەتىنىڭ ىقپالى بارىنشا جوعارىلادى، بۇكىل پارتياداعىلار مەن بۇكىل قوعامداعىلاردىڭ يدەيالىق جاقتاعى ىنتىماعى مەنء بىرلىگى اناعۇرلىم بەكەمدەلدى.
[سۇراۋ: پارتيا 18 – قۇرىلتايىنان بەرى ەكولوگيالىق وركەنيەت قۇرىلىسى جاعىندا قانداي كورنەكتى تابىستارعا قول جەتكىزدىك؟]
ەكولوگيالىق وركەنيەت قۇرىلىسىن زور تەبىنمەن ىلگەرىلەتتىك، بۇكىل پارتيانىڭ، بۇكىل ەلدىڭ جاسىل دامۋ تانىمىن دايەكتىلەندىرۋ جاعىنداعى سانالىلىعى مەن ىرىقتىلىعى كورنەكتى دارەجەدە جوعارىلادى، ەكولوگيالىق ورتانى قورعاۋعا نەمقۇرايدى قاراۋ جاعدايى كورنەكتى وزگەردى.
ەكولوگيالىق وركەنيەت ءتۇزىلىس جۇيەسى جەدەل قالىپتاسىپ، تۇلعالىق فۋنكتسيالىق رايون ءتۇزىمى بىرتىندەپ كەمەلدەندىرىلدى، مەملەكەتتىك باقشا ءتۇزىلىسىن تۇيىندە سىناق ەتۋ بەلسەندى ىلگەرىلەتىلدى.
بايلىق قاينارىن جاپپاي ۇنەمدەۋ ءونىمدى ىلگەرىلەتىلدى، ەنەرگيا بايلىعىن سارىپ ەتۋ كۇشەمەلىلىگى جاپپاي تومەندەدى.
ەكولوگيانى قورعاۋ جانە وڭالتۋداعى ءىرى ينجەنەريالار ءساتتى ورىستەتىلدى، ورمانمەن كومكەرۋ ورەسى ۇزدىكسىز جوعارىلادى.
ەكولوگيالىق ورتانى وڭالتۋ كورنەكتى كۇشەيتىلدى، ورتانىڭ جاعدايى جاقساردى.
كليمات وزگەرىسىنە توتەپ بەرۋ جاعىنداعى حالىقارالىق سەلبەستىكتەرگە جەتەكشىلىك ەتىپ، دۇنيە جۇزىندەگى ەكولوگيالىق وركەنيەت قۇرىلىسىنىڭ ماڭىزدى قاتىسۋشىسى، ۇلەس قوسۋشىسى، باستاۋشىسى بولدى.
[سۇراۋ: پارتيانىڭ 18 – قۇرىلتايىنان بەرى، ارميانى قۇدىرەتتەندىرۋ مەن كوركەيتۋدە جاڭا جاعداي جاراتۋ قانداي جاقتاردا ايگىلەندى؟]
جۇڭگو ارمانىن، ارميانى قۇدىرەتتەندىرۋ ارمانىن جۇزەگە اسىرۋدى كوزدە ۇستاي وتىرىپ، جاڭا جاعدايداعى اسكەري ستراتەگيا باعىتىن بەلگىلەپ، مەملەكەت قورعانىسى مەن ارميانى وسىزامانداندىرۋدى كۇش سالا ىلگەرىلەتتىك.
گۋتياندا بۇكىل ارميانىڭ ساياسي قىزمەت ءماجىلىسى اشىلىپ، پارتيامىز بەن ارميامىزدىڭ داڭقتى ءداستۇرى مەن تاڭداۋلى ستيلى قالپىنا كەلتىرىلدى جانە ساۋلەلەندىرىلدى، حالىق ارمياسىنىڭ ساياسي جاعدايى ءونىمدى تۇردە وڭالدى.
مەملەكەت قورعانىسىنا جانە ارمياعا رەفورما جۇرگىزۋدە تاريحي ناتيجەگە قول جەتكىزدىك، اسكەري ىستەر كوميتەتى باسقارۋعا، اسكەري رايوندار شايقاسقا، اسكەر تۇرلەرى كوركەيتۋگە جاۋاپتى بولعان جاڭا جۇيە قالىپتاستى، حالىق ارمياسىنىڭ ۇيىمدىق قۇرىلىمى مەن قۋاتتىق جۇيەسىندە توڭكەرىستىك سيپاتتى جاڭعىرتۋ ىسكە اسىرىلدى.
اسكەرلەردى جاتتىقتىرىپ، سوعىس دايىندىعىن كۇشەيتىپ، تەڭىزدە يەلىك ۇقىقتى قورعاۋ، لاڭكەستىككە قارسى تۇرىپ، ورنىقتىلىقتى قورعاۋ، حاۋىپتەن اراشالاپ، اپاتتان قۇتقارۋ، حالىقارالىق بەيبىتشىلىكتى ساقتاۋ، ادەن شىعاناعىندا كەمەلەردى قورعاۋ، ادامگەرشىلىك كومەك بەرۋ سىندى كەلەلى مىندەتتەردى ءونىمدى اتقارىپ، قارۋ – جاراقپەن جابدىقتاندىرۋدى جەدەل دامىتىپ، اسكەري ىستەردەگى كۇرەسكە دايىندىق جاعىندا زور ىلگەرىلەۋشىلىككە قول جەتكىزدىك.
حالىق ارمياسى جۇڭگوشا قۇدىرەتتى ارميا قۇرۋ جولىندا نىق قادام باستى.
[سۇراۋ: پارتيانىڭ 18 – قۇرىلتايىنان بەرى، شياڭگاڭ – اۋمىن – تايۋان قىزمەتىندە قانداي تىڭ ىلگەرىلەۋشىلىكتەرگە قول جەتكىزدىك]
«ءبىر ەل، ەكى ءتۇزىم» باعدارىن جاپپاي ايقىن دايەكتىلەندىرىپ، اتا زاڭ مەن نەگىزدىك زاڭ مىندەتتەگەن ورتالىقتىڭ شياڭگاڭدى، اۋمىندى جان-جاقتىلى باسقارۋ ۇقىعىن بەرىك مەڭگەرىپ، ىشكى ولكەلەر مەن شياڭگاڭ – اۋمىن ءوڭىرىنىڭ اۋىس – كۇيىس جاساۋى مەن سەلبەستىگىن كۇشەيتتىك، شياڭگاڭ مەن اۋمىننىڭ گۇلدەنىپ – كوركەيۋى مەن ورنىقتىلىعىن ساقتادىق.
ءبىر جۇڭگو پرينسيپى مەن «92 – جىلعى ورتاق تانىمعا» تاباندى بولىپ، ەكى جاعالاۋدىڭ قارىم – قاتىناسى مەن بەيبىت دامۋىن ىلگەرىلەتتىك، ەكى جاعالاۋدىڭ ەكونوميكا مەن مادەنيەت جاعىندا اۋىس – كۇيىس جاساۋى مەن سەلبەستىگىن كۇشەيتتىك، ەكى جاعالاۋ باسشىلارىنىڭ تاريحي كەزدەسۋىن ىسكە اسىردىق.
تايۋان جاعدايىنداعى وزگەرىستەرگە ۇيلەسىمدى توتەپ بەرىپ، «تايۋان تاۋەلسىزدىگى» سىندى بولشەكتەۋشى كۇشتەرگە باتىل قارسى تۇرىپ جانە تەجەپ، تايۋان بۇعازى ءوڭىرىنىڭ بەيبىتشىلىگى مەن ورنىقتىلىعىن پارمەندى قورعادىق.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
