- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قارتانىڭ بارىپ قاسىنا، پالە تاپتى باسىنا
ءجاينا قونان قىزى
2013.02.06 09:42 كەلۋ قاينارى : حالىق تورابى
جاۋاپكەر قۇماربەك سىرتقى ساۋدا مەكەمەسىنەن دەمالىسقا شىققان پەنسيونەر. وتىز نەشە جىل قىزمەت ىستەپ دەمالىسقا شىققاننان كەيىن، ءوزىن بوس قالعانداي سەزىندى. ۇيدە وتىرا بەرگەننەن زەرىگىپ، كوشەگە شىعىپ، بازارا ارالاپ، باسقالارمەن اڭگىمە دۇكەن قۇردى. كەي كەزدەرى قارتاشىلارمەن بىرگە بىرەر رەت قارتا دا ويناپ قوياتىن بولدى. باستاپتا ەرمەك بولسىن دەپ جۇرگەن قۇماربەك ۋاقىت وتە كەلە «كاسىپتىك قارتاشى» بولىپ شىعا كەلمەسى بارما! كەيدە ۇتىپ قالتاسىن قامپيتسا، كەيدە ۇتىلىپ قالتاسىن قاقتى. اقشاسى بولماعاندا باسقالاردان قارىز الىپ وينادى. وسىلاي ءجۇرىپ قارتا ويىنىندا قارىزدار بولعان قۇماربەك، دوسى بالتابەكتەن ىلگەرىندى-كەيىندى 7000.00 يۋان قارىز الىپ، ەكى ايدان كەيىن قايتاراتىن بولىپ قولىنان قولقات جازىپ بەرگەن. ەكى ايدا قايتاراتىن بەرەشەك ءبىر جىلدان استام ۋاقىتقا سوزىلىپ، ءوزى قۋزاپ الا الماعاندىقتان، امالسىز قالعان تالاپكەر بالتابەك قارىز سومانى قايتارتىپ بەرسەڭىزدەر دەپ جەمەنەي اۋداندىق حالىق سوت مەكەمەسىنە جاۋاپكەر قۇماربەكتىڭ ۇستىنەن ارىز بەردى. سوت اشىپ قاراۋ بارىسىندا، جاۋاپكەر قۇماربەك بۇل سومانى مەرزىمگە، توپقا ءبولىپ بەرەتىن بولىپ كەلسىم جولىمەن ءبىتىستى. سوتتان كەيىن جاۋاپكەر: «مەن بۇل سومانى تۇرمىس قاجەتىمدى شەشۋ ءۇشىن ەمەس، قارتادان ارقالاعان قارىزىمدى قايتارۋعا الدىم، ەگەر، قارتا ويناماعان بولسام، وسىنداي ورىنسىز شىعىمدى تولەپ، باسىما پالە تاپپاعان بولار ەدىم»،-دەگەن وكىنىشىن جاسىرا المادى.
ءبىزدىڭ ۇلتتىق ەرەكشەلىكتەرىمىزدىڭ ءبىرى: ءارقانداي ءبىر قوعامدىق اعىمعا تەز ىلەسەمىز. مەيلى، ول جاقسى ءيا جامان بولسىن، ونىمەن ساناسىپ جاتپايمىز. زامان تالابى دەپ قاعىپ الامىز. اتام زاماننان قارتا ويناۋ دەگەن قازاق ۇلتىندا بولماعان ويىن ءتۇرى. ەلىكتەگىشتىگىمىزدىڭ كەسىرىنەن قارتا وينىن ۇيرەنىپ، قازىر بۇل ويىن ءتۇرى قالانى قويىپ، اۋىلعا دەيىن تارالىپ بولدى. قۇمارعا قويىن تىگىپ تاۋىسىپ، قۇر تاياققا قوسا قارىز ارقالاپ جۇرگەندەر دە از ەمەس كورىنەدى. جۇمىس بابىمەن بازارعا شىعا قالساڭىز، سيلىقتى بەلەت ساتاتىن جەرلەر مەن ادام از باراتىن قالتارىس دۇكەندەردە قارتا ويناپ وتىرعان ۇلتىمىزدىڭ ازاماتتارى مەن ىستەرگە جۇمىس جوق ساندالىپ جۇرگەن جاستاردى كەزىكتىرەسىز. ال، وزگە ۇلتتىڭ كارى-جاسىنىڭ ءوز شاماسىنا قاراي تىرشىلىگىن كورىپ تىربانىپ جاتقانىن كورگەندە «اتتەگەن-ايدى» ايتپاي تۇرا المايسىز. راسىندا اسىپ-تاسىپ تۇرعان اقشاڭىز بولسا، قۇمارعا تىككەننىڭ ورنىنا كەدەي-كەمباعالدار مەن يگىلىك قورىنا اتاپ از دا بولسا مەيىر باعىشتاساڭىز ساۋاپ بولماي ما، « قارنى توقتىق، جۇمسى جوقتىق ازدىرار ادام بالاسىن» دەپ اباي اتامىز ايتقانداي، بارلىعى دا بەكەرشىلىكتەن كەلىپ شىعىپ وتىر. ەكى قولعا ءبىر جۇمىس قاي جەردەن دە تابىلادى. ءبىراق جالقاۋلىق پەن بويكۇيەزدىكتەن ارىلمايىنشا ءارقانداي جۇمىستى تىندىرا المايسىز.
سوڭىندا ايتارىمىز: بارلىعىمىز دا ۋاقىتىمىزدى دۇرىس ورنالاستىرىپ، ءار مينۋتتىڭ قادىرىنە جەتىپ، التىن ۋاقىتىمىزدى ونەر-ءبىلىم ۇيرەنۋگە جۇمساپ، جاقسىدان ۇيرەنىپ، جاماننان جيرەنىپ، مىناۋ باسەكەلى زاماننان ءوز باسىرەمىزدى الۋعا اسىعايىق! (ادام اتتارى وزگەرتىلىپ الىندى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
