- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«قارا قىز» ونىمدەرى حالىقتىڭ قالاۋىنان شىقتى
2013.09.09 10:22 كەلۋ قاينارى : ءتاڭىرتاۋ تورابى
«قارا قىز» جاعىمدى ەسىم، بۇل اتاۋ بۇل كۇندە حالقىمىزدىڭ قۇلاعىنا «ءاي، قارا قىز، قارا قىز اقىلدى قىز، دانا قىز» دەپ شىرقالاتىن اسەم انمەن عانا ەمەس، سولتۇستىك شينجياڭ وڭىرىندەگى قازاقتىڭ ءسۇت ونىمدەرى مەن ەت ونىمدەرىنىڭ ايگىلى ماركاسى بولعان «قارا قىزبەن» دە تانىس. «قارا قىز» ونىمدەرىن ءدوربىلجىن اۋدانىنىڭ ءۇشقاراسۋ قالاشىعى «اقجول مال شارۋاشىلىعى» كاسىپتىك كووپەراتيۆى 2010 - جىلدان باستاپ بازارعا شىعارىپ كەلەدى. اۋداندىق پارتكوم مەن ۇكىمەتتىڭ ءارى جوعارىداعى باسقارۋشى تاراۋلاردىڭ قولداپ - قۋاتتاۋىندا جانە كووپەراتيۆتەگى قىزمەتكەرلەردىڭ ىسكەرلىگىنىڭ جەتەگىندە اياعىنان تىك تۇرعان «قارا قىز» 3 - رەتكى جۇڭگو − ازيا - ەۆروپا كورمەسىن ءوز ونىمدەرىن الىس - جۋىققا تانىستىراتىن ۇلكەن وراي دەپ ءبىلىپ، قازاقتىڭ قىمىز، قىمىران سياقتى سۋسىندارىنان تارتىپ، سارى ماي، قۇرت، ىرىمشىك، سۇزبە، جەنت، كىلەگەي قاتارلى 13 ءتۇرلى ۇلتتىق تاعامىن كورمەگە قويىپتى.
− ونىمدەرىمىزگە كورەرمەندەردىڭ دە ىقىلاسى ەرەكشە. ءبىر كۇندە 10 مىڭ يۋاننىڭ ءونىمىن ساتىپ الىپ كەتتى. ەلدىڭ باعاسى دا جاقسى. بۇل دا قازاقتىڭ جەڭسىك تاعامدارىنىڭ جاسىل ازىقتىققا سۋساعان جۇرتتىڭ جۇرەگىنەن جول تاپقانىنىڭ ايعاعى. ەڭ ماڭىزدىسى، سەلبەستىك ورناتۋ عوي، وسى جولى گۋاڭجوۋ قالاسى، ءۇرىمجى قالاسى، قۇمىل قالاسى قاتارلى ۇلكەن قالاداعى ءبىرقانشا ساۋداگەرمەن كەلىسىمگە وتىرىپ، بۇدان بىلاي ولارعا ءوز ونىمدەرىمىزدى وتكىزىپ تۇراتىن بولىپ كەلىسىم جاساستىق. باسقا وبلىس، ايماقتار دا ونىمدەرىمىزگە قىزىعۋشىلىعىن تانىتىپ وتىر. وزگە جۇرتتىڭ الارماندارى كورمەگە قويعان ءونىمىمىزدى ءبىر كۇندە تالاپ ساتىپ الىپ كەتتى. كووپەراتيۆىمىزگە حابارلاسىپ، تۇنىمەن زات الدىردىق، مىنا ونىمدەر تاڭ اتا اۋىلدان اكەلىندى، - دەيدى «اقجول» مال شارۋاشىلىعى باعىمشىلىق كاسىپتىك كووپەراتيۆىنىڭ باستىعى، «قارا قىزدىڭ» يەسى اينۇر دالەلقان قىزى.
ۇلتتىق ونىمگە «قارا قىز» اتاۋىنىڭ قويىلۋى قۇلاقتى ەلەڭ ەتكىزەدى. سۇيتسەك بۇل اتاۋدىڭ «ماركا» بولۋىنا جاستايىنان كەدەيشىلىكتىڭ قامىتىن كيىپ، 14 جاسىنان باستاپ ەگىستىك باسىندا كۇنگە كۇيىپ، ەگىن ەككەن جالىندى جاس اينۇردىڭ توتىققان ءجۇزى سەبەپ بولىپتى. حالىق ونىڭ ەڭبەگىمەن ەلدەن اسقان قاجىرىنا ءسۇيىنىپ قادىرلەپ «قارا قىز» دەپ ات قويىپتى. سوناۋ بالعىن شاعىندا ءبىر جىلدىڭ ىشىندە اياۋلى اكەسىنەن، باۋىر ەتى باۋىرىنان ايرىلعان اينۇر اق بىلەگىن اۋىر ەڭبەككە تالدىرىپ، وشارلى وتباسىن اسىراۋعا بەل بۋىپتى. جوعارىلاپ وقىپ، ءبىلىم الۋ كوزدەن بۇلبۇل ۇشقان سوڭ، وزگەدەن قارىزعا العان 5000 يۋانمەن جەر جىرتىپ، ەگىن سالىپتى. سول ساتتەردەگى ماڭدايدان تامشىلاعان تەر ونى تابىستىڭ تابالدىرىعىنا جاقىنداتا ءتۇسىپتى دە، 2010 - جىلعا كەلگەندە قازاقى ءسۇت ونىمدەرى مەن ەت ونىمدەرىن بازارعا سالىپ، ماركا الىپ، جۇرتىنىڭ وزىنە قويعان اتىن ماركاسىنا تەلىپتى.
− قازاقتىڭ ءسۇت ونىمدەرىن ەرەكشە جاقسى كورەمىز، بۇل ناعىز تابيعي ءونىم، وسى رەت جارمەنكەگە كەلگەندە قازاقى ونىمدەردى كورەيىن دەپ كەلگەمىن. مىنە الدىمنان «قارا قىز» شىقتى، تاتىپ كوردىم، ءدامى ءتىل ءۇيىردى، 400 يۋان اينالاسىندا اقشا جۇمساپ «قارا قىز» ونىمىنەن الدىم، - دەدى ءۇرىمجى قالاسىنان كەلگەن ايشامگۇل. سۋرەتتە: «قارا قىز» ونىمدەرىنە جاپىرلاعان كورەرمەن. شينجياڭ گازەتى (ماقسات قيزات ۇلى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
