بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>قوعام

ساقتانساڭ ساقتايدى

(اقپاراتتىق باعام)

«التاي گازەتىنىڭ» ءتىلشىسى ساعىنبەك رابات ۇلى

2013.11.04 16:58     كەلۋ قاينارى : حالىق تورابى

  التىن كۇزدىڭ كەلۋىمەن قىرمانى دانگە، قوراسى مالعا تولعان ۇلتىمىز ەگىنشى - مالشىلارىنىڭ توي - تومالاق ءىسى كوبەيىپ، جولاۋشىلاۋ جۇمىسى قاۋىرت مولايادى. مەنىڭ بۇل اقپاراتتىق باعامدى جازۋىما اۆتوكولىككە وتىرعاندا حاۋىپسىزدىك بەلبەۋىن بايلاماۋ؛ جول جۇرەردە جولاۋشى تاسيتىن كىرە اۆتوكولىگى مە، الدە سەميالىق اۆتوكولىك پە ونىمەن ەسەپتەسىپ جاتپاۋ؛ موتوتسيكلگە مىنگەندە دۋلىعا كيمەۋ سەكىلدى سەبەپتەردەن اجالدان ءۇش كۇن بۇرىن و دۇنيەگە اتتانىپ جاتقان جاندار مۇرىندىق بولدى.

  10 نەشە كۇننىڭ الدىندا ورتالىق تەلەۆيزياسىنىڭ مەملەكەتتىك، حالىقارالىق حابارىندا جىجياڭ ولكەسىندە تۋىلعان ءبىر رەتكى جول اپاتىنىڭ كەسكىنى تاراتىلىپ، جاۋىن - شاشىننىڭ اسەرىنەن جولدان تايىپ اۋناعان اۆتوبۋزداعى جولاۋشىلاردىڭ ىشىندە حاۋىپسىزدىك بەلبەۋىن بايلاماعان تورتەۋى جانىنان جۇدا بولعانى ايتىلدى. مىنە بۇدان حاۋىپسىزدىك بەلبەۋىن بايلاماۋدىڭ وتە قاتەرلى ەكەنىن كورە الامىز. اۆتوكولىك جوعارى قارقىنمەن كەلە جاتقاندا، توسىن كەدەرگىگە سوعىلسا نەمەسە شۇعىل تورمۋزدالسا، ودان تۋىنداعان ەرەن كۇشتى ەكپىننەن اۆتوكولىك ىشىندەگى ادامدار زاقىمدالادى. زاۋدەعالام، حاۋىپسىزدىك بەلبەۋىن بايلاعان بولساڭىز، ول ءسىزدى وتىرعان ورنىڭىزدان تىرپ ەتكىزبەي، باسىڭىزعا تونگەن قاتەردەن اراشالاپ قالادى نەمەسە قاتەردەن تۋىلاتىن زياندى بارىنشا ازايتادى. سوندىقتان مەيلى جوعارى قارقىندى تاس جولدا، الدە ادەتتەگى جولدا بولسىن اۆتوكولىككە شىعا سالا، حاۋىپسىزدىك بەلبەۋىن بايلاپ الساڭىز، قاتىناس ساقشىسى ۇستاپ السا دا ءنومىر تارتامىن، ايىپ سالامىن دەپ اۋرەلەمەيدى. حاۋىپسىزدىك بەلبەۋىن بايلاۋ ادەتىن قالىپتاستىرۋدىڭ ەڭ جوق دەگەندە شوفەر ءۇشىن پايداسى زور، ءمۇبادا، اۆتوكولىكتى شۇعىل تورمۋزداساڭىز دا، باسىڭىز اينەككە ءتيىپ جارالانبايدى نەمەسە كۇشتى ەكپىننەن اۆتوكولىكتەن ىتقىپ شىعىپ كەتپەيسىز.

  جول جۇرەردە جولاۋشى تاسيتىن كىرە اۆتوكولىگى مە، الدە سەميالىق اۆتوكولىك پە بۇعان ەرەكشە نازار اۋدارىڭىز. «جامان ايتپاي جاقسى جوق»، «پالە قايدان، جالا قايدان دەيتىن ەمەس» جولاۋشى تاسيتىن كىرە اۆتوكولىگىنە وتىرىپ كەلە جاتىپ توسىن جاعدايعا تاپ بولساڭىز، ونىڭ ەمدەلۋ، تولەم الۋ سەكىلدى جۇمىستارى ەداۋىر وڭاي بىتەدى. ويتكەنى، ولار جىل سايىن شارتسىز تۇردە ورىندىق سانى بويىنشا ساقتاندىرۋ اقىسىن (باۋشيان) تاپسىرادى. ال، ادەتتەگى سەميالىق اۆتوكولىكتەردە تەك 3 - جاق جاۋاپكەرلىگىن ۇستىنە الاتىن عانا ساقتاندىرۋ بورىشى بولادى. تاياۋدا، التاي قالاسىندا قالادان ءمالىم اۋىلعا ادام تاسىعان سەميالىق 2 اۆتوكولىك ءوزارا سوعىلىپ، ناق مايداندا 2 جاقتىڭ شوفەرىن قامتىعان 7 ادام قازا بولىپ، 6 ادام اۋىر، جەڭىل جارالانعان توتەنشە ايانىشتى جول اپاتى تۋىلدى. سول ءۇشىن جول جۇرەردە اۆتوكولىگىن قالتارىس كوشەگە جاسىرىپ قويىپ ادام ىزدەيتىندەردىڭ كولىگىنە ەمەس، ءاربىر اۋداننىڭ (قالا) جولاۋشى تاسۋ بەكەتىندەگى اۆتوبۋزىنا نەمەسە شاعىن كىرە اۆتوكولىگىنە وتىرىڭىز ءارى مىنا 2 ءتۇيىندى ەسكەرىڭىز: 1) اۆتوكولىكتىڭ نەمەسە اۆتوبۋزدىڭ وڭ جاق تەرەزەسىنىڭ الدىنا «التاي قالاسى – شىڭگىل اۋدانى» نەمەسە «ءۇرىمجى قالاسى – التاي قالاسى» دەگەن سەكىلدى جازۋ جازىلعان تاقتايشا قويىلادى؛ 2) شاعىن كىرە اۆتوكولىگىنىڭ ءنومىرىنىڭ الدى «T» ارىبىنەن باستالىپ سوڭى 4 ورىندى سيفر بولادى جانە الدىڭعى وڭ - سول ەسىگىنە قاراستى سەرىكتەستىكتىڭ اتى مەن «96511» سيفرى جازىلادى، مۇنداعى 96511 قاتىناس تاسىمالىن باقىلايتىن ورىننىڭ تەلەفون ءنومىرى.

  موتوتسيكلگە مىنگەندە دۋلىعا كيمەۋدىڭ، 3 - 4تەن مىنگەسۋدىڭ، ءنومىر تاقتاسىن تاقپاي، كۋالىكسىز جۇرگىزۋدىڭ زاردابى جونىندە مىسال ايتىپ وتىرۋىمىز باسى ارتىق جۇمىس سەكىلدى. مۇنان سىرت، قازىر قالادا دا، اۋىل - قالاشىقتا دا اۆتوكولىك قاۋىرت كوبەيدى، سوندىقتان جاياۋ جۇرگەندە دە قاتىناس قاعيداسىنا بويسىنۋ كەرەك. ياعني جولدىڭ وڭ جاعىمەن ءجۇرۋ، جولدان كەلسە - كەلمەس كەسىپ وتپەۋ، جاياۋلارعا ارنالعان جولاقتى جولمەن قىزىل شىراق جانعاندا توقتاپ، جاسىل شىراق جانعاندا ءوتۋ، كوشە اۆتوبۋزىنا تۇسەردە الدىن الا پارشا اقشا دايىنداپ الۋ، اۆتوبۋزدىڭ الدىڭعى ەسىگىنەن شىعىپ، ارتقى ەسىگىنەن ءتۇسۋ قاجەت. سوڭىندا ايتارىمىز: جوعارىدا ايتىلعان كورنەۋ سەبەپتەرگە قاي - قاشاندا ءمان بەرىپ، شەكتى ءومىرىمىزدى ايالايىق، اعايىن. ارينە، ساقتانساڭ ساقتايدى.

  كەلۋ قاينارى: حالىق تورابى

  
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.