- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بولاشاققا جول العان «بولاشاق»
ءتىلشى ماقسات قيزات ۇلى
2014.01.22 16:05
بازار شارۋاشىلىعى باسىمدىلىق تانىتىپ تۇرعان بۇل زاماندا، ءبىر حالىقتىڭ ەكونوميكاسىنىڭ گۇلدەنۋىن ورتا، شاعىن كاسىپورىنداردىڭ دامۋىنان بولە قاراۋعا بولمايدى، كاسىپورىندار كوپ بولسا كاسىپ تە، ءناسىپ تە مول. جۇمىسسىز جۇرگەن حالىق بالاسى قىزمەت تابادى، ەلىنىڭ كوبى جالاڭ مال شارۋاشىلىعى مەن ەگىن شارۋاشىلىعىن مىسە تۇتاتىن بىزدەر ءۇشىن ۇلتتىق كاسىپورىندار مەن سەرىكتەستىكتەردى تىكەسىنەن تىك تۇرعىزىپ، رەفورما جاساپ ، ەسىك اشۋ −− كاسىپتىڭ كىلتى، باقىتتىڭ جىلتى.
ورتالىق قالا ۇرىمجىدە كەرەگەسىن جايعان «بولاشاق» مادەنيەت مەديالارىن تاراتۋ شەكتى سەرىكتەستىگىنىڭ نەگىزگى قىزمەتى باسپاگەرلىك. سەرىكتەستىك «قوس تىلدە» كىتاپ قۇراستىرىپ باسپادان شىعارادى، اقپارات - باسپا ءسوز ورىندارىنىڭ، جەكەلەر مەن قوعامدىق ۇيىمداردىڭ كىتاپ، گازەت - جۋرنالدارىن باسپا تاباعىنا ءتىزىپ، بەت جاساۋ، مۇقابا جوبالاۋ، باسىپ شىعارۋ قاتارلى جۇمىستارىن كوتەرەگە الىپ ىستەۋ «بولاشاقتىڭ» نەگىزگى باعىتى. «قوس ءتىل» اۋدارماشىلىعى، ءتۇرلى كىتاپتاردى قۇراستىرۋ، باسىپ شىعارۋ دا «بولاشاق» ۇلاندارىنىڭ كۇندەلىكتى كۇن تارتىبنەن تۇسكەن ەمەس. قىزمەت وتەۋ كاسىبىن دامىتۋمەن قاتار، حالىقتىڭ بولاشاقتاعى بىرلىگىن بايىتىپ، تىرلىگىن تىڭايتۋ ءۇشىن اتالعان سەرىكتەستىك «بولاشاق» انا تىلىنە تاربيەلەۋ ورتالىعىن قۇرىپ، قازاق بالالارىن بابا تىلىمەن سۋسىنداتۋدى دا سانادان قاعىس قالدىرماپتى. بۇل ورتالىق قارشادايىنان حانزۋ تىلىندە وقىعان تۇلەكتەرىمىز ءۇشىن وي ۇشتاپ، تىلگە جاتىعاتىن تاربيە مەكتەبى، بۇندا انا تىلدەن تىس، قازاقتىڭ قارا ولەڭى وقىلىپ، داستان - جىرلار جاتتاتىلادى، كۇمبىرلى كۇيلەر شەرتىلىپ، قوڭىر اۋەن شىرقالادى، سونداي - اق قازاقتىڭ سالت - ءداستۇر، تۇرمىستىق جول - جوسىن، ادەپ - يبالارىنان دا ساباق وتىلەدى، اڭگىمە، ەرتەگى، جۇمباق، جاڭىلتپاش، تاقپاق ايتىلىپ، جاس بالاۋسالارعا جان - جاقتىلى تۇسىندىرىلەدى. مۇنان سىرت، اتاۋلى سەرىكتەستىك ۇلتتىق كاسىپورىنداردى ۇگىتتەۋ ماقساتىندا «بولاشاق» اقپار گازەتى ۇلتتىق ونىمدەرىمىزدىڭ جارناماسىن جاساپ، اۋىل - قىستاقتاعى ءتۇرلى شارۋاشىلىق كووپەراتيۆتەرىنىڭ ونىمدەرىن تانىستىرادى، وسى ارقىلى اۋىل، ايماقتارداعى ونىمدەردىڭ الىسقا جول الىپ، وزگەگە تانىستىرىلۋىنا جول سالماق.
شونجى اۋدانى بانجەگوۋ قالاشىعى قارابۇلاق قىستاعىنان تۇلەپ ۇشقان قاجىرلى كاسىپكەر، «بولاشاق» سەرىكتەستىگىنىڭ قۇرۋشىسى ايتقابىل ءبىلال ۇلى «بولاشاقتىڭ» شاڭىراعىن كوتەرۋدىڭ وڭايعا سوقپاعانىن ايتا كەلە بىلاي دەدى: جاستايىمنان ءوز الدىما كاسىپ ىستەپ، يگىلىك جاراتسام دەگەن ويدا بولدىم، «بولاشاقتىڭ» بارلىققا كەلگەنىنە دە وسى ارمانىم قۋزاۋشى بولدى. سەرىكتەستىگىمىزدىڭ باستى ماقساتى قازاقتىڭ دالا مادەنيەتى مەن وسى زامانعى دارا مادەنيەتىنە جوقتاۋشى بولىپ، ۇلت ءۇشىن، ۇرپاق ءۇشىن ءوز ۇلەسىمىزدى قوسۋ، جوعارى وقۋ ورنىن تامامداپ كەلگەن جاستارعا كاسىپ كوزىن اشۋ.
جاڭادان قاز - قاز باسىپ كەلە جاتقان «بولاشاقتىڭ» قاراماعىندا قازىر 10 عا تارتا قازاق ازامات قىزمەت ىستەيدى، قىرپۋلى قيمىلدارى باستاعاندى تاستامايتىنداي تەبىن بايقاتادى، باسەكەلى زاماننىڭ سوقپاعى بىرەۋدى وزدىرىپ، بىرەۋدى ارتقا تاستاپ جاتادى، تاجىريبە، قابىلەت، ىسكەرلىك ۇشتاسقان جەردە ۇلاندارىمىزدىڭ وزا شاباتىندىعىنا ءبىز سەنىمدىمىز.
«بولاشاق» سەرىكتەستىگىنىڭ جاۋاپتىسى ايتقابىل ءبىلال ۇلى (وڭنان 3 - ادام) قىزمەتتەستەرىمەن بىرگە.
كەلۋ قاينارى: شينجياڭ گازەتى سايتى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
