بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>قوعام

2014 - جىلعى حالىق تۇرمىسىنا قاتىستى 10 ۇلكەن «تىڭ وي»

− ۇكىمەتتىڭ قىزمەت بايانداماسىنان بۇقارانىڭ تۇرمىسىنداعى وزگەرىستەرگە نازار

2014.03.11 16:35     كەلۋ قاينارى : ءتاڭىرتاۋ تورابى

  لي كىچياڭ زۇڭليدىڭ 5 - ناۋرىز كۇنى ۇكىمەت قىزمەتىنەن جاساعان بايانداماسىندا حالىق تۇرمىسى تاعى شەشۋشى تاقىرىپ بولدى. 2014 - جىلى، رەفورمانى جاپپاي تەرەڭدەتۋدى ارقاۋ ەتۋ نەگىزىندە، حالىق تۇرمىسىنىڭ جاعدايى رەفورما جاعدايىمەن ءوزارا توعىستىرىلادى، بۇقارانىڭ تۇرمىسى رەفورما جەمىستەرىنىڭ جەبەۋىندە ۇزدىكسىز جاقسارادى.

  شينحۋا اگەنتتىگىنىڭ ءتىلشىسى حى يۇيشين، شاڭ ي - يىڭ، ليۋ ياۋچاڭ

  وقۋ - اعارتۋ: ادىلدىككە اناعۇرلىم ءمان بەرىلىپ، الدەقايدا كوپ اۋىل - قىستاق بالالارىنىڭ ءتۇيىندى جوعارى مەكتەپتەردەن وقۋىنا مۇمكىندىك جاسالادى

  {بايانداما} كەدەي وڭىرلەردەگى اۋىل - قىستاق وقۋشىلارىنىڭ ءتۇيىندى جوعارى مەكتەپتەردەن وقۋ سالىستىرماسىن تاعى دا %10 جوعارىلاتىپ، كوپتەگەن اۋىل - قىستاق بالالارىنىڭ جوعارىلاپ وقۋىنا مۇمكىندىك جاسالادى. وقۋ - اعارتۋ جالپىلىق رەفورماسىن تەرەڭدەتىپ، ەمتيحان الىپ وقۋشى قابىلداۋ تۇزىمىنە بەلسەندىلىكپەن ۇيلەسىمدى رەفورما جاساۋ، ولكەلىك ۇكىمەتتەردىڭ وقۋ - اعارتۋدى ءبىر تۇتاس جوسپارلاۋ ۇقىعى مەن جوعارى مەكتەپتەردىڭ وقىتۋ ىستەرىندەگى ءوز - وزىنە قوجا بولۋ ۇقىعىن كەڭەيتىپ، حالىقتىق وقۋ - اعارتۋدى دامىتۋعا شابىتتاندىرۋ.

  {باعا} مەملەكەتتىك حالىق قۇرىلتايى ۋاكىلى جوۋ حۇڭيۇي بىلاي دەدى: وقۋ - اعارتۋ ادىلدىگىن جەبەۋ − قوعامدىق ادىلدىكتىڭ نەگىزى، وقۋ - اعارتۋ بايلىعىنىڭ كەدەي وڭىرلەرگە قاراي ويىسۋىن ويداعىداي ورنالاستىرۋ قوعامنىڭ بويلىق بايلانىسىن نىعايتۋعا، اۋىل - قىستاقتاعى اناعۇرلىم كوپ بالانىڭ ءۇمىت قۇشاعىنا توعىتىلۋىنا پايدالى.

  ەرلى - زايىپتى ەكى ادامنىڭ كەمىندە بىرەۋى جالعىز پەرزەنت بولسا، ەكى بالالى بولۋ: ساياسات تياناقتاندىرىلىپ، كوپتەگەن ولكە، قالادا اتقارىلا باستادى

  {بايانداما} جوسپارلى تۋىت نەگىزگى مەملەكەت ساياساتىنان بۇلجىماي، ەرلى - زايىپتى ەكى ادامنىڭ كەمىندە بىرەۋى جالعىز پەرزەنت بولسا، ەكى بالالى بولۋىنا رۇقسات ەتۋ ساياساتىن تياناقتاندىرۋ.

  {باعا} مەملەكەتتىك حالىق قۇرىلتايىنىڭ ۋاكىلى جاڭ تيانرىن بىلاي دەدى: ەرلى - زايىپتى ەكى ادامنىڭ كەمىندە بىرەۋى جالعىز پەرزەنت بولسا، ەكى بالالى بولۋىنا رۇقسات ەتۋ ساياساتى قازىرگى جاعدايعا ۇيلەسەدى، وسى ساياسات كوپتەگەن ولكە، قالادا اتقارىلا باستادى، بۇل وتباسىنداعى ادامداردىڭ قۇرىلىمىن ءونىمدى تۇردە جاقسارتادى، سونىمەن قاتار، قارتتاردىڭ مولايۋى سەبەپتى تۋىلعان قوعامدىق قىسىمدى باسەيتۋگە دە پايدالى.

  زەينەتكەرلىك قامسىزداندىرۋى: قالا مەن اۋىل تۇرعىندارىنىڭ زەينەتكەرلىك قامسىزداندىرۋ ءتۇزىمىن بىرلىككە كەلتىرىپ، كاسىپورىنداردىڭ جىلدىق جاردەم اقشاسىن كوبەيتۋگە شابىتتاندىرۋ

  {بايانداما} قالا مەن اۋىل تۇرعىندارىنىڭ بىرلىككە كەلگەن زەينەتكەرلىك قامسىزداندىرۋ ءتۇزىمىن ورناتىپ، جۇمىسشى - قىزمەتكەرلەردىڭ زەينەتكەرلىك قامسىزداندىرۋىمەن توعىستىرۋ ءادىسىن كەمەلدەندىرۋ. ورگان، ءىسورىندارىنىڭ زەينەتكەرلىك قامسىزداندىرۋ تۇزىمىنە رەفورما جاساپ، كاسىپورىنداردىڭ جىلدىق جاردەم اقشاسى، كاسىپتىك جىلدىق جاردەم اقشا جانە ساۋدا قامسىزداندىرۋى سياقتىلاردى كوبەيتۋگە شابىتتاندىرۋ.

  {باعا} مەملەكەتتىك اكىمشىلىك ينستيتۋتىنىڭ پروفەسسورى ديڭ يۋانجۋ بىلاي دەدى: قازىر ەلىمىزدە 4 ءتۇرلى زەينەتكەرلىك قامسىزداندىرۋ ءتۇزىمى بار، بۇلار «سالاۋاتقا» قاراي تۇرگە ايىرىلعان، ولاردى بىرتىندەپ ءوزارا توعىستىرۋ الداعى باعىتىمىز، قالا مەن اۋىل تۇرعىندارىنىڭ زەينەتكەرلىك قامسىزداندىرۋ ءتۇزىمىن بىرلىككە كەلتىرۋ تەك العاشقى قادام عانا، مۇنداعى قيىن ءتۇيىن − جۇمىسشى - قىزمەتكەرلەردىڭ زەينەتكەرلىك قامسىزداندىرۋ تۇزىمىمەن توعىستىرۋ.

  ەمدەۋ: ادام باسىنا بەرىلەتىن قوسىمشا قاراجاتتى 320 يۋانعا ءوسىرىپ، الەمدىك قيىن ماسەلەلەردى جۇڭگوشا تاسىلمەن شەشۋ

  {بايانداما} ۇكىمەت، مەكەمە جانە جەكە ۇيلەسىمدى تۇردە ءبولىپ كوتەرەتىن نەگىزدىك ەمدەۋ قامسىزداندىرۋىنا قارجى توپتاۋ مەحانيزمىن كەمەلدەندىرىپ، قالا مەن اۋىل تۇرعىندارىنىڭ ادام باسىنا بەرىلەتىن نەگىزگى ەمدەۋ قامسىزداندىرۋ قوسىمشا قاراجاتىن 320 يۋانعا ءوسىرۋ. بۇكىل ەل كولەمىندە قالا مەن اۋىل تۇرعىندارىنىڭ سالماقتى ناۋقاس قامسىزداندىرۋىن جالپىلاستىرۋ. اۋدان دارەجەلى قازىنالىق شيپاحانالاردىڭ جالپىلىق رەفورماسىنىڭ سىناق تۇيىندەرىن 1000 اۋدانعا كوبەيتىپ، اۋىل - قىستاقتاعى 500 ميلليون حالىقتى يگىلىكتەندىرۋ.

  {باعا} مەملەكەتتىك حالىق قۇرىلتايى ۋاكىلى زۇڭ چيڭحوۋ بىلاي دەدى: جاڭا ەمدەۋ رەفورماسى جوباسى بۇقارانىڭ اۋرۋىن ەمدەتۋىنە كوپتەگەن تيىمدىلىك اكەلدى، ايتسە دە بۇقارانىڭ دەنساۋلىق جاعىنداعى قاجەتىنىڭ ءىس جۇزىندىگىمەن سالىستىرعاندا ءالى دە بەلگىلى پارىق بار، ءدارى - دارمەك ءتۇزىمى، سالماقتى ناۋقاستاردى ەمدەتۋ سياقتى جاقتاردا كۇش سالا رەفورما جاساۋ كەرەك.

  تۇرعىن ءۇي: قامتاماسىز ەتۋ سيپاتىنداعى 4 ميلليون 800 مىڭ تۇرعىن ءۇي سالۋ، ورتا، شاعىن كولەمدى تاۋار ۇيلەردى كوبەيتۋ

  {بايانداما} قامتاماسىز ەتۋ سيپاتىنداعى بەيقۇت ءۇي قۇرىلىسىنىڭ تەبىنىن كۇشەيتىپ، بيىل جاڭادان 7 ميلليوننان كوبىرەك ءۇي سالۋ، مۇندا لاشىقتار رايونىنان 4 ميلليون 700 مىڭنان كوبىرەك ءۇي سالىپ، سايكەستى قۇرىلعىلار قۇرىلىسىن كۇشەيتۋ. بيىل قامتاماسىز ەتۋ سيپاتىنداعى 4 ميلليون 800 مىڭ تۇرعىن ءۇي سالىپ، تۇرعىن ءۇي قيىنشىلىعى بار جۇرتشىلىقتىڭ جاڭ ۇيگە كوشىپ كىرۋىنە مۇمكىندىك جاساۋ. تۇرلىشە قالالاردىڭ جاعدايىنا قاراي تۇرگە ايىرىپ رەتتەۋ، مەڭگەرۋ، ورتا، شاعىن كولەمدى تاۋار ۇيلەرمەن جانە ورتاق مۇلىك ۇقىعى بار تۇرعىن ۇيلەرمەن قامداۋ كولەمىن كەڭەيتۋ.

  {باعا} مەملەكەتتىك حالىق قۇرىلتايى ۋاكىلى داي تيانرۇڭ بىلاي دەدى: بۇل ۇكىمەتتىڭ ەجەلدەن بەرگى رەتتەۋ − مەڭگەرۋ وي جەلىسىنىڭ جالعاسى، قامتاماسىز ەتۋ سيپاتىنداعى تۇرعىن ۇيلەردىڭ اناعۇرلىم كوپ سالىنۋى «تۇرعىن ءۇي قيىنشىلىعىن» ءونىمدى تۇردە شەشەدى، تۇرگە ايىرىپ رەتتەۋ - مەڭگەرۋ، ورتا، شاعىن كولەمدى تاۋار ۇيلەردى مولايتۋ بازارعا اناعۇرلىم ويىسۋ وي جەلىسىن بەينەلەيدى.

  «ازىق - تۇلىك حاۋىپسىزدىگى»: جان - جاقتىلى مەحانيزم ورناتىپ، باقىلاپ - باسقارۋدى كۇشەيتۋ

  {بايانداما} وندىرۋدەن مانەرلەۋگە، ودان ساتۋعا دەيىنگى جالپى بارىستى باقىلاپ - باسقارۋ مەحانيزمىن، ازىق - تۇلىك ماسەلەسىن جالپى قوعام بىرلەسىپ تىزگىندەۋ ءتۇزىمىن جانە تەكتەۋ جۇيەسىن قۇرىپ، ورتالىقتان جەرگىلىكتى ورىنعا دەيىنگى، جەرگىلىكتى ورىننان نەگىزگى ساتىعا دەيىنگى ازىق - تۇلىك، ءدارى - دارمەك حاۋىپسىزدىگىن باقىلاپ - باسقارۋ ءتۇزىلىسىن كەمەلدەندىرۋ. زاڭ - تۇزىمدەر مەن ولشەمگە قاتاڭ بويسۇنىپ، ەڭ قاتاڭ باقىلاپ - باسقارۋ، ەڭ قاتاڭ جازالاۋ، جاۋاپكەرلىكتى ەڭ قاتاڭ قۋزاستىرۋ ارقىلى ازىق - تۇلىك حاۋىپسىزدىگىن باتىل جونگە سالىپ، ازىق - تۇلىك حاۋىپسىزدىگىنە شىن مانىندە كەپىلدىك ەتەمىز.

  {باعا} مەملەكەتتىك حالىق قۇرىلتايى ۋاكىلى فۋ چيپيڭ بىلاي دەدى: جاقىنعى جىلداردان بەرى ەلىمىز ازىق - تۇلىك حاۋىپسىزدىگى ماسەلەسىنىڭ بارعان سايىن اۋىرلاسقانىن، ازىق - تۇلىك حاۋىپسىزدىگىن مەحانيزم ورناتىپ، زاڭ ارقىلى قامتاماسىز ەتۋ كەرەك ەكەندىگىن جەتە تانىدى، جوعارىدا ايتىلعان «ءۇش قاتاڭ» ەلىمىز ۇكىمەتىنىڭ ازىق - تۇلىك حاۋىپسىزدىگىن باقىلاپ - باسقارۋداعى بەرىك سەنىمىن تولىق ايگىلەپ، ازىق - تۇلىك حاۋىپسىزدىگىندەگى زاڭعا قايشى ارەكەتتەردى جازالاۋ تەبىنىن كۇشەيتۋدى تالاپ ەتتى.

  لاستانۋدى تىزگىندەۋ: شاڭىتتى تۇماندى تىزگىندەۋگە پارمەندى شارا قولدانىپ، ناقتى ونىمدىلىككە ۇمتىلۋ

  {بايانداما} پارمەندى شارا قولدانىپ، لاستانۋدىڭ الدىن الۋ جانە ونى تىزگىندەۋ. شاڭىتتى تۇمان ءجيى بولاتىن ەرەكشە ءىرى قالا جانە رايونداردى ءتۇيىن ەتۋ، اۋاداعى ۇساق توزاڭدار (PM2.5) جانە جۇتىلاتىن توزاڭداردى (PM10) ازايتۋدى قامال الۋ ءتۇيىنى ەتۋ... وڭىرلەر بويىنشا بىرلەسىپ الدىن الۋ، بىرلەسىپ تىزگىندەۋ، اتموسفەرانىڭ لاستانۋىنىڭ الدىن الۋ جانە ونى تىزگىندەۋ قيمىل جوسپارىن ىشكەرىلەي اتقارۋ. «كەدەيلىككە سايىس جاريالاعانداي، لاستانۋعا باتىل سايىس جاريالايمىز».

  {باعا} مەملەكەتتىك حالىق قۇرىلتايى ۋاكىلى گۋ شىڭزۋ بىلاي دەدى: تىنىس الۋ حاۋىپسىزدىگىن قامتاماسىز ەتۋ − حالىقتىڭ كوكەي تەستى ارمانى، بۇل ءبىر جۇيەلى قۇرىلىس، بەيجيڭ، تيانجين، حىبەي رايوندارىن مىسالعا الىپ ايتساق، تەك جالپى جاقتى شىعار ءتۇيىن ەتە وتىرىپ، زەرتتەۋ جۇرگىزىپ، ءبىر جايلى ەتكەندە عانا، سول ءوڭىردىڭ اتموسفەراسىنىڭ لاستانۋ جاعدايىن جاقسارتۋعا بولادى.

  الەۋمەتتىك كومەك: ەڭ تومەنگى تۇرمىسى قامتاماسىز ەتىلەتىندەرگە بەرىلەتىن كومەك قاراجاتىنىڭ ولشەمىن جوعارىلاتۋ، ونى زات باعاسىمەن ۇشتاستىرۋ

  {بايانداما} مۇنداعى ءتۇيىن الەۋمەتتىك كومەك تۇزىمىنە رەفورما جاساۋدى ىلگەرىلەتۋ، قالا مەن اۋىل - قىستاقتارداعى ەڭ تومەنگى تۇرمىسى قامتاماسىز ەتىلەتىندەرگە بەرىلەتىن كومەك قاراجاتى ولشەمىن ۇزدىكسىز جوعارىلاتۋ، ۋاقىتتىق كومەك بەرۋ ءتۇزىمىن جالپى بەتتىك اتقارۋ، ەرەكشە قيىنشىلىعى بار قاۋىمنىڭ ەڭ نەگىزگى تۇرمىسىن قامتاماسىز ەتۋ، حالىقتىڭ شارۋاشىلىق قۇرىپ، تالپىنىس جاساۋىنداعى اۋىرتپاشىلىقتارىن جەڭىلدەتۋ. الەۋمەتتىك كومەك بەرۋ مەن قامتاماسىز ەتۋ ولشەمىن زات باعاسىمەن بايلانىستىراتىن مەحانيزمدى تياناقتاندىرۋ.

  {باعا} مەملەكەتتىك ساياسي كەڭەستىڭ مۇشەسى جاڭ ليانچي بىلاي دەدى: بۇل ۇكىمەتتىڭ حالىق تۇرمىسى ماسەلەسىن «تومەنگى شەكتە» ويلاعاندىعىن، قۇلپىرعان ۇستىنە قۇلپىرا بەرۋگە ەمەس، قايتا «قينالعاندا قول ۇشىن بەرۋگە» باسا ءمان بەرگەندىگىن كورنەكتىلەندىردى، الەۋمەتتىك كومەك حالىق تۇرمىسى قىزمەتىندەگى ەڭ قيىن ماسەلە، ونى مەحانيزم جاعىنان بىرتىندەپ كەمەلدەندىرۋ كەرەك.

  كاسىپتەندىرۋ جانە كىرىس ءبولىسى: كاسىپتەنۋ جانە شارۋاشىلىق قۇرۋ ورتاسىن ساپالىلاندىرۋ، كىرىس پارقىن ازايتۋ

  {بايانداما} جاڭالىق اشۋ ارقىلى كاسىپتەنۋگە جەتەكشىلىك ەتۋ، شارۋاشىلىق قۇرۋ ارقىلى كاسىپتەنۋگە جەتەكشىلىك ەتۋ. اناعۇرلىم تولىق، اناعۇرلىم ساپالى كاسىپتەنۋدى قۇلشىنا ىسكە اسىرۋ. ورگان، ءىسورىنداردىڭ ەڭبەكاقى تۇزىمىنە رەفورما جاساۋ، ءىسورىنداردا قىزمەت ونىمدىلىگىنە قاراي ەڭبەكاقى بەرۋ ءتۇزىمىن بىرتىندەپ اتقارۋ، ەمدەۋ قىزمەتكەرلەرىنىڭ ەڭبەكاقى ءتۇزىمى سياقتى كاسىپ سالاسىنىڭ ەرەكشەلىگىنە ۇيلەسەتىن ەڭبەكاقى ءتۇزىمىن كەمەلدەندىرۋ. تۇرلىشە ارنالارمەن تومەن كىرىستەگىلەردىڭ كىرىسىن ارتتىرۋ، ورتاشا كىرىستەگىلەردىڭ سالىستىرماسىن ۇزدىكسىز ارتتىرۋ.

  {باعا} مەملەكەتتىك حالىق قۇرىلتايى ۋاكىلى چىن نايكى بىلاي دەدى: كاسىپتەنۋ ورتاسىن ساپالىلاندىرۋ ۇكىمەتتىڭ بورىشى، مۇنىڭ ىشىندە تۇرمىسىندا قيىنشىلىعى بار قاۋىمنىڭ كاسىپتەنۋىنە كومەكتەسۋ ەڭ ماڭىزدى ورىندا تۇرادى. كىرىس ءبولىسى رەفورماسىندا، اۋەلى، تومەن كىرىستەگىلەردىڭ كىرىسىن «قامتاماسىز ەتىپ»، ۇيلەسىمدى كىرىس ءبولىسى جۇلگەسىن تۇراقتاندىرۋ، ورگان، ءىسورىندارى، مەملەكەت مەنشىگىندەگى كاسىپورىندار سياقتىلاردىڭ ەڭبەكاقى ءتۇزىمىن ارناعا ءتۇسىرۋ، كىرىس پارقىنىڭ شەكتەن تىس ارتىپ كەتۋىنەن ساقتانۋ كەرەك.

  نوپوس تۇزىمىنە رەفورما جاساۋ: نوپوس قوندىرۋدا پارىقتى ساياسات قولدانىپ، قونىستانۋ كۋالىگى ءتۇزىمىن اتقارۋ

  {بايانداما} نوپوس تۇزىمىنە رەفورما جاساۋدى ىلگەرىلەتىپ، تۇرلىشە كولەمدەگى قالالاردا نوپوس قوندىرۋدا پارىقتى ساياسات قولدانۋ. قالا - قالاشىقتا ۇزاق ۋاقىت تيجاراتپەن شۇعىلداناتىن حالىق جۇمىسكەرلەرى جانە ولاردىڭ تۋىس - تۋعاندارىن بىرتىندەپ قالا - قالاشىق نوپوسىنا ەنگىزۋ. اۋىل شارۋاشىلىعىنان باسقا كاسىپ سالاسىنا ويىسقان، ءالى نوپوسقا قوندىرىلماعان حالىققا قونىستانۋ كۋالىگىن بەرۋ ءتۇزىمىن ورناتۋ.

  {باعا} مەملەكەتتىك حالىق قۇرىلتايى ۋاكىلى ساي جيميڭ بىلاي دەدى: قالا - قالاشىقتانۋدى ءتارتىپتى ىلگەرىلەتۋ، اۋىل شارۋاشىلىعىنان باسقا كاسىپ سالاسىنا ويىسقان ادامداردى قالا تۇرعىندارىنا اينالدىرۋدى جەبەۋ ءۇشىن، ءسوز جوق، نوپوس تۇزىمىنە رەفورما جاساۋ، ديقانداردىڭ قالا - قالاشىققا كەلىپ نوپوس قوندىرۋىنا، حالىقتىڭ قونىس اۋدارىپ قونىستانۋىنا توسالعى بولاتىن نوپوس ءتۇزىمىن كۇشىنەن قالدىرۋ كەرەك. سونىمەن بىرگە، «قالا دەرتىن» وڭاۋ ءۇشىن، «بەيجيڭ، شاڭحاي، گۋاڭجوۋ» سياقتى ءىرى قالالاردىڭ نوپوس قوندىرۋدا پارىقتى ساياسات قولدانۋى توتەنشە قاجەتتى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.