- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«بۇقاراعا قىزمەت وتەۋ − باقىتىمىز، حالىقتى اۋقاتتاندىرۋ − باعىتىمىز»
2014.03.11 16:43 كەلۋ قاينارى : ءتاڭىرتاۋ تورابى
«حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى بويىنشا قۇلجا اۋدانىنىڭ نەگىزگى ساتىلارىنا 1 - توپتا وبلىس جانە اۋداننان تۇسەتىن 900 كادر 5 - ناۋرىز ءوز ورىندارىنا ات باسىن تىرەدى.
نەگىزگى ساتىعا كەلگەن قىزمەت گرۋپپالارى ەڭ الدىمەن قىستاق كادرلارىمەن كەزدەسىپ، قىستاقتىڭ نەگىزگى احۋالىمەن تانىسىپ، قىستاق تۇرعىندارىنىڭ قولىن بايلاپ وتىرعان تۇيتكىلدى ماسەلەلەر تۋراسىندا پىكىرلەسىپ، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىنىڭ شىمىلدىعىن اشتى.
4 - ناۋرىز قۇلجا اۋدانى اۋليە اۋىلىنىڭ اۋليە قىستاعىنا تىلشىلىك ساپارمەن بارعانىمىزدا نەگىزگى ساتىعا كەلگەن كادرلاردىڭ جاتار ورنى مەن قىزمەت ىستەيتىن كەڭسەلەرىن رەتتەپ، تازالاپ جاتقاندىعىن كوردىك. ۇعىسۋىمىزشا، بۇل رەت اۋليە قىستاعىنا ىلە قازاق اۆتونوميالى وبلىسىنان، قۇلجا اۋدانىنان 7 كادر ءبىر قىزمەت گرۋپپاسى بولىپ كەلگەن، قىستاق كوميتەتىنىڭ ىشىنەن 7 كادرعا ەكى جاتاق، ءبىر قىزمەت كەڭسەسى ورنالاستىرىلىپتى.
اۋداندىق ەگىن شارۋاشىلىق مەكەمەسىنەن اۋليە قىستاعىنا ءبىر جىلدىق نەگىزگى ساتى قىزمەتىنە قولعابىس ەتۋگە كەلگەن نيجات مۇسا بۇل اراعا ءبىر كۇن بۇرىن جەتىپ العانىن ايتا كەلە بىلاي دەدى: بىلتىر ىلە قازاق اۆتونوميالى وبلىستىق قىزمەت كەڭسەسىنىڭ كەدەي قىستاقتى سۇيەمەلدەۋ قىزمەتى بويىنشا وسى جەردە ءبىر جىلدىق نەگىزگى ساتى قىزمەتىن اتقارعانمىن، بۇل اۋليە قىستاعى اۆتونوميالى رايون بويىنشا كەدەي قىستاق، بىلتىر قىستاق تۇرعىندارىنىڭ جان باسىندىق كىرىسى نە ءبارى 7000 يۋان اينالاسىندا بولدى، بۇل جەردە سۋ تاپشى، اتىز - ارىق سۋ قۇرىلىسى كەمەلسىز، جەر از، جان باسىنا ارەڭ دەگەندە ءبىر مۋدان ەگىستىك جەر اينالادى. تۇرعىندار مال شارۋاشىلىعىن نەگىز، ەگىن شارۋاشىلىعىن قوسىمشا كاسىپ ەتەدى. ءبىزدىڭ الدا ىستەيتىن باستى قىزمەتىمىز بۇقارانىڭ جان باسىندىق كىرىسىن ارتتىرىپ، ولاردىڭ دوڭگەلەك داۋلەتتى ورەگە جەتۋىنە جەبەۋشى بولۋ، ويتكەنى بۇقاراعا قىزمەت وتەۋ − باقىتىمىز، حالىقتى اۋقاتتاندىرۋ − باعىتىمىز ەمەس پە.
قۇلجا اۋداندىق وقۋ - اعارتۋ مەكەمەسىنەن اۋليە قىستاعىنا كۇنى بۇرىن جەتىپ ۇلگىرگەن كادردىڭ ءبىرى تۇرسىنبەك ءابىلعازى ۇلى: ءبىز قىستاق تۇرعىندار كوميتەتىنە باس سۇققانىمىزدا، ول كىسى ءبىر نارسەلەردى جازىپ جاتىر ەكەن، «قاعازعا ءتۇسىرىپ جاتقانىڭىز نە نارسە، ەستەلىگىڭىز بە؟» دەپ سۇراعانىمىزدا، ول كىسى: مەن ءوزىم 31 جىل وقىتۋشىلىق كاسىپپەن شۇعىلداندىم، ءومىرىمنىڭ جاستىق شاعى بالا تاربيەلەۋگە ارنالدى، ۇزاق جىلدىق ۇستازدىق جول ماعان مول تاجىريبە سيلادى، ەندى سول جيعان - تەرگەندەرىمدى نەگىزگى ساتىداعى بۇقارا ءۇشىن كادەگە جاراتسام دەگەن ويدامىن، مىنا جازىپ جاتقاندارىم الداعى قىزمەت جوسپارلارىم، وزدەرىڭىز بىلەسىزدەر، اۋىل - قىستاقتاردا وقۋ - اعارتۋدىڭ نەگىزى ءالى ءالسىز، جوعارىلاپ وقي الماعان ورەندەرىمىز كوپ. پارتيا مەن ۇكىمەتتىڭ تاپسىرعان مىندەتىن ۋاعىندا ورىنداۋ ءۇشىن اۋليە قىستاعىنا الدىن الا جەتىپ الدىم، ەندى ۋاقىتتى كوپ ۇتتىرماي قىزمەتكە قول سالا كىرىسۋىم كەرەك، ەرتەڭنەن باستاپ قىستاقتىڭ وقۋ - وقىتۋ قىزمەتىنە تەكسەرۋ جۇرگىزىپ، قىستاقتاعى مەكتەپتەردىڭ احۋالىمەن تانىسپاقشىمىن، - دەدى.
اۋليە قىستاعىنا كەلگەن كادرلارىمىزدىڭ ءبارى «حالىقپەن قويان - قولتىق ارالاسىپ، ولاردىڭ جۇرەگىندەگى تىلەككە دەن قويسام، ونى قاتىستى تاراۋلارعا مالىمەت ەتىپ، نەگىزگى ساتىداعى تۋىستارعا تارىداي بولسا دا تابىس اكەلسەم» دەگەن ويدا ەكەن.
«شينجياڭ گازەتى» تىلشىلەرى ماقسات قيزات ۇلى، نۇربولات قابىل ۇلى، ۋاڭ يۇي 4 - ناۋرىزدا قۇلجا اۋدانىنان حابارلايدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
