- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كەدەيلەردى سۇيەمەلدەۋ، دامىتۋ فورماسىن قالاي جاڭالاۋ قاجەت؟
2014.03.13 14:42 كەلۋ قاينارى : شينجياڭ حالىق راديو ستانسياسى تورابى
مەملەكەتتىك كەڭەستىڭ زۇڭليى لي كىچياڭ بيىلعى «ۇكىمەت قىزمەتىنەن باياندامادا» بىلاي دەپ اتاپ كورسەتتى: كەدەيلەردى سۇيەمەلدەۋ، دامىتۋ فورماسىن جاڭالاپ، كەدەيلىككە قارسى سايىس جاريالاپ، كەدەيلىكتىڭ ۇزدىكسىز جالعاسۋىن استە بولعىزباۋ كەرەك. ولاي بولسا، كەدەيلەردى سۇيەمەلدەۋ، دامىتۋ فورماسىن قالاي جاڭالاۋ قاجەت؟ وسى جونىندە رايونىمىزدا تۇراتىن مەملەكەتتىك حالىق قۇرىلتاي ۋاكىلدەرى بەلسەنە ۇسىنىس-پىكىر بەردى.
«ۇكىمەت قىزمەتىنەن باياندامادا» بىلاي دەپ اتاپ كورسەتىلدى: بيىل ءتۇرلى كەدەيلەردى سۇيەمەلدەۋ فورماسى قولدانىلىپ، اۋىل-قىستاقتارداعى كەدەي جان سانى تاعى 10 ميلليون ادامنىڭ ۇستىندە ازايتىلادى، بۇل رايونىمىزدا تۇراتىن مەملەكەتتىك حالىق قۇرىلتاي ۋاكىلى رايحانگۇل يمىردى ەرەكشە تەبىرەنتتى. ول ءوزىنىڭ اۋىلى قىزىلسۋ قىرعىز اۆتونوميالى وبلىسىنىڭ اقتاۋ اۋدانىنىڭ قازىر ءالى دە كەدەي ەكەندىگىن، مەملەكەتتىڭ بۇرىنعىدان دا ءونىمدى كەدەيلەردى سۇيەمەلدەۋ ساياساتىن شىعارىپ، ەگىنشى-مالشىلاردىڭ كىرىسىن ارتتىرۋىن ءۇمىت ەتەتىندىگىن ايتا كەلىپ: مەن ەرەكشە قۋاندىم، ءارى تەبىرەندىم. مۇنداي ساياساتتىڭ جاريالانۋى دامۋ اياق الىسىمىزدى بۇرىنعىدان دا تەزدەتەدى، كىرىسىمىز دە بارعان سايىن ارتاتىن بولادى، قازىر ءبىزدىڭ اۋىلىمىزدىڭ كەدەي بولۋىنداعى باستى سەبەپ ـــ كاسىپورىن جوق، اۋىلىمىزدا كاسىپورىن كوپ بولاتىن بولسا، ارتىق ەڭبەككۇشتەر كاسىپتەنەدى، وسىلاي بولعاندا قوعامنىڭ دامۋ اياق الىسى تەزدەۋدەن سىرت، ەگىنشى-مالشىلاردىڭ كىرىسى دە ارتادى،-دەدى.
رايونىمىزدا تۇراتىن مەملەكەتتىك حالىق قۇرىلتاي ۋاكىلى دۇڭ شينگۋاڭ، الدىمەن كەدەيلەردى سۇيەمەلدەۋدە اۋىل-قىستاقتىڭ ءوندىرىس تيجارات فورماسىن جاڭالاۋ كەرەكتىگىن، وسىلاي بولعاندا بۇرىنعى كەدەيلەردى سۇيەمەلدەۋدىڭ بىتىراڭقى جانە ءالسىز بولۋ جاعدايىن وزگەرتۋگە بولاتىندىعىن ايتا كەلىپ: كوپەراتيۆ سياقتى جاڭاشا ديقاندار تيجارات نەگىزگى تۇلعاسىن قالىپتاستىرۋ جانە جەتىلدىرۋ ارقىلى جەر اينالىمىن، جەردىڭ جوعارى ونىمدىلىگىن جۇزەگە اسىرىپ، ارتىق ەڭبەككۇشتەردى باسقا سالاعا ويىستىرىپ، قالا-قالاشىقتانۋ اياق الىسىن ىلگەرىلەتىپ، قىزمەت وتەۋ كاسىبىن دامىتۋ كەرەك. وسىلاي بولعاندا ديقانداردىڭ كىرىسى ارتادى. ديقانداردىڭ ءبىر-ەكى مۋ جەرگە قاراپ اۋقاتتانۋدى كۇتىپ وتىرۋىنا جول بەرمەۋىمىز قاجەت. ەندى ءبىرى، فينانس ءتۇزىلىسىن جاڭالاۋ ءتيىس، انا جاقتا ديقانداردى ۇيىمداستىرىپ، مىنا جاقتا قارجىمەن قولداعاندا ءوندىرىستى كەڭەيتۋگە بولادى. وسىلاي بولعاندا مەملەكەتتىڭ قولداۋى مەن كومەگىن، ىشكى جاقتاعى قوزعاۋشى كۇشتى ساۋلەلەندىرىپ، اۋقاتتانۋ اياق الىسىن تەزدەتە الامىز،-دەدى.رايونىمىزدا تۇراتىن مەملەكەتتىك حالىق قۇرىلتاي ۋاكىلى ءمۇتالىپ وبۇل، كەدەيلەردى سۇيەمەلدەۋدە، ەگىنشى-مالشىلاردىڭ بەلسەندىلىگىن اتتانىسقا كەلتىرۋ كەرەكتىگىن، كەدەيلەردى سۇيەمەلدەۋدە استە بويكۇيەزدىككە سالىنۋعا بولمايتىندىعىن ايتا كەلىپ: شابىتتاندىرۋ مەحانيزمىن بەلسەنە اشۋ كەرەك، ياعني بۇرىن مەن سىزگە قانشا اقشا بەرىپ، قانشالىق جۇمىس ىستەتكەن بولسام، ەندى ءسىز نە ىستەدىڭىز، قانشالىق دارەجەدە ىستەدىڭىز، وسىعان قاراپ مەن سىزگە قانشالىق قاراجات بەرەتىندىگىمدى بەلگىلەۋىم ءتيىس. جۇمىس ىستەمەسەڭىز، مەن سىزگە اقشا بەرمەيمىن. مۇندا بويكۇيەزدىككە سالىنباي، ەڭبەكتەنۋ ماسەلەسى كوزدە ۇستالادى، كەدەيلەردى سۇيەمەلدەۋدە شابىتتاندىرۋ مەحانيزمىن ەنگىزىپ، ولاردىڭ بەلسەندىلىگىن ارتتىرۋ قاجەت،-دەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
