بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>قوعام

كەدەيلەردى سۇيەمەلدەۋ قارجىسى كىم كورىنگەننىڭ قالتاسىندا كەتپەۋ كەرەك

2014.03.19 12:56     كەلۋ قاينارى : حالىق تورابى

  كەدەيلەردى سۇيەمەلدەۋ قارجىسى كەدەي بۇقارانىڭ «كۇن كورىسىنىڭ تىرەگى» جانە كەدەيلىكتەن ارىلۋىنداعى «قوزعاۋشى كۇش»، ودان قالاي پايدالانۋعا جانە قالاي باسقارۋعا قوعامداعى ءار سالا ايرىقشا نازار اۋدارىپ وتىر.

  الايدا، تاياۋدا ءتىلشى تىلشىلىك بارىسىندا كەدەي اۋدانداردا ادەتتەگى قازىنالىق كىرىس – شىعىس قايشىلىعىنىڭ كورنەكتى ەكەنىن، كەدەيلەردى سۇيەمەلدەۋ قارجىسىن سىعىمداپ الىپ قالۋ، باسقاعا جۇمساۋ جانە «كەدەي اۋداندى سۇيەمەلدەۋ» مەن «كەدەي حالىقتى سۇيەمەلدەۋ» سىندى ەكى جىككە ءبولۋ جايىتىنىڭ جالپىلىق سيپات الاتىندىعىن بايقاعان. بىلتىر جىل سوڭىندا مەملەكەتتىك قازىنالىق باقىلاۋ مەكەمەسى جاريالاعان 19 كەدەي اۋداننىڭ كەدەيلەردى سۇيەمەلدەۋ قارجىسىنان پايدالانۋ احۋالىنا جۇرگىزىلگەن قازىنالىق باقىلاۋ مالىمەتىندە وسى اۋدانداردىڭ بارلىعىندا كەدەيلەردى سۇيەمەلدەۋ قارجىسىن سىعىمداۋ، باسقاعا جۇمساۋ ماسەلەسىنىڭ ۇقساماعان دارەجەدە ءومىر ءسۇرىپ وتىرعاندىعى ايتىلدى.

  قازىنادان ارنايى بولىنەتىن كەدەيلەردى سۇيەمەلدەۋ قارجىسى كەدەيلىكتەن ارىلۋ قىزمەتىن جەدەلدەتۋدە ماڭىزدى رول اتقاردى، دەسە دە بەلگىلەمەگە، تارتىپكە، زاڭعا قايشى كوپتەگەن ماسەلەلەر دە بايقالىپ وتىر. مەملەكەتتىك كەڭەستىڭ كەدەيلەردى سۇيەمەلدەۋ، وركەندەتۋ كەڭسەسى پارتگرۋپپاسىنىڭ مۇشەسى، جوسپار – قازىنا مەڭگەرمەسىنىڭ باستىعى جياڭ شياۋحۋا مىناداي تالداۋ جاسادى: وسىنداي ماسەلەلەردىڭ پايدا بولۋىنداعى نەگىزگى سەبەپ: كەدەيلەردى سۇيەمەلدەۋدە ءتۇيىن كوپ، كولەم كەڭ، كەدەي وڭىرلەردىڭ كوبى شەتكەرى، شالعاي جەرلەر بولىپ، باقىلاۋ – باسقارۋعا قولايسىز، وزىندىك قۇنى جوعارى؛ جەرگىلىكتى ورىنداردا ءتۇزىمنىڭ اتقارىلۋى قاتاڭ ەمەس، قارجى تابۋعا عانا ءمان بەرەدى دە، باقىلاۋ – باسقارۋعا ءمان بەرمەيدى؛ كەي ورىندار مەن جەكەلەردىڭ زاڭ – ءتۇزىم تانىمى تاياز.

  «كەيبىر ماسەلەلەر قارجى باسقارۋ ءتۇزىلىسىنىڭ ۇيلەسىمدى بولماۋىنان تۋىلادى. ەلىمىزدە وڭىرلەر اراسىنداعى پارىق وتە زور، كەي جەرلەردە مەملەكەت بەلگىلەگەن ءبىر تۇتاس ولشەم بويىنشا كەيبىر كەدەيلەردى سۇيەمەلدەۋ نىساندارىن اتقارۋ مۇمكىن بولماعاندىقتان، وزگەرتىپ اتقارۋعا تۋرا كەلەدى، قازىنالىق باقىلاۋ تۇرعىسىنان العاندا بۇلاي ىستەۋ بەلگىلەمەگە قايشى»، ـــ دەدى جۇڭگو حالىق داشۋەسى كەدەيلىككە قارسى تۇرۋ ماسەلەسىن زەرتتەۋ ورتالىعىنىڭ مەڭگەرۋشىسى ۋاڭ سانگۇي.

  «ۇزاقتان بەرى، كوپتەگەن كەدەيلەردى سۇيەمەلدەۋ نىسانى جونىندە ولكەدە جوسپار جاسالىپ، تەكسەرىپ بەكىتۋگە ولكە جاۋاپتى بولدى، مۇندا ءىس جۇزىندىكتەن قول ءۇزۋ جايىتىنەن ساقتانۋ قيىنعا سوقتى، بۇل بايلىقتىڭ ىسىراپ بولۋى مەن ونىمدىلىگىنىڭ تومەن بولۋىنا اپارىپ سوعۋمەن بىرگە، بيلىگىن ساۋدالاۋ، شىرىكتەسۋ جايتتەرىنىڭ دە ورشۋىنە مۇرىندىق بولدى». ۋاڭ سانگۇي مىناداي تالداۋ جاسادى: قازىرگى كەزەڭدە ەلىمىزدەگى كەدەي ديقاندار نەگىزىنەن ورتا – باتىس بولەكتەگى شەتكەرى، شالعاي وڭىرلەرگە تارالعان، كەدەيلەسۋدىڭ سەبەبى الۋان ءتۇرلى، سول سەبەپتى ءبىرشاما ءونىمدى كەدەيلەردى سۇيەمەلدەۋ نىساندارى ادەتتە جەردىڭ نەمەسە وتباسىنىڭ جاعدايىنا قاراي بەلگىلەنگەن شاعىن نىساندار عانا بولىپ وتىر.

  ۋاڭ سانگۇي بىلاي دەپ قارادى: وسىنداي جاعدايعا سايكەسۋ ءۇشىن كەدەيلەردى سۇيەمەلدەۋ نىسانىن تەكسەرىپ بەكىتۋ ۇقىعىن ءىس جۇزىندىك جاعدايدان اناعۇرلىم تولىق حابارى بار اۋدانعا بەرۋ كەرەك، اۋدان دارەجەلىدەن جوعارى ۇكىمەتتەر قىزمەت ءتۇيىنىن باقىلاۋ – تەكسەرۋگە اۋدارۋى ءتيىس.

  كەيبىر كەدەيلەردى سۇيەمەلدەۋ قارجى نىساندارىندا كەدەيلەرگە باعىتتاۋ جەتكىلىكسىز، كەدەيلىكتى جەڭىلدەتۋدىڭ ءونىمى تومەن، قارجىنى باسقاعا جۇمساۋ، ۇستاپ قالۋ، ىسىراپ ەتۋ ماسەلەسى ءبىرشاما اۋىر بولۋدا، سول سەبەپتى، ورتا جۇڭگو پەداگوگيكا داشۋەسى كەدەيلىكتى ازايتۋ جانە اۋىل – قىستاقتاردى جونگە سالۋدى زەرتتەۋ ورتالىعىنىڭ مەڭگەرۋشىسى لۋ حان - ۋىن اۋدان دارەجەلى ۇكىمەتتەردىڭ كەدەيلەردى سۇيەمەلدەۋ نىسانىن اتقارعاندا قوعامداندىرۋ، بازارلاندىرۋ جولىمەن كوبىرەك ءجۇرۋىن، قوعامدىق ۇيىمداردىڭ، كەدەي الەۋمەتتىك اۋماقتاردىڭ جانە كەدەي ديقانداردىڭ نىساندى اتقارۋداعى رولىن اناعۇرلىم كوبىرەك ساۋلەلەندىرۋىن ۇسىنىس ەتتى.

  (جۇڭگو ۇلتتار اۋدارما مەكەمەسى اۋدارعان)

  كەلۋ قاينارى: حالىق تورابى

  
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.