- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ەل قۇرمەتىنە بولەنگەن ساقا شۋجي
− ءۇشتۇرپان اۋدانى يىڭاۋات اۋىلى عۇڭىرات قىستاعى پارتيا ياچەيكاسىنىڭ بۇرىنعى شۋجيى، قىستاق تۇرعىندار كوميتەتىنىڭ بۇرىنعى مەڭگەرۋشىسى ميجىت يۇنىس تۋرالى
2014.03.27 15:13 كەلۋ قاينارى : ءتاڭىرتاۋ تورابى
«ءۇي سالۋ كومەك قاراجاتىن ءال - اۋقاتى مەنەن دە تومەن قىستاق تۇرعىنىنا بەرىڭىزدەر»
20 - ناۋرىز تۇستەن كەيىن ساعات 6دا، ءبىز ءۇشتۇرپان اۋدانى يىڭاۋات اۋىلى عۇڭىرات قىستاعى پارتيا ياچەيكاسىنىڭ بۇرىنعى شۋجيى، قىستاق تۇرعىندار كوميتەتىنىڭ بۇرىنعى مەڭگەرۋشىسى ميجىت يۇنىسپەن جولىعىپ، سىرلاستىق.
ميجىتتىڭ شاعىن اۋلاسىنا كىرگەندە، قاقباسىنىڭ قارسىسىندا سالىنىپ جاتقان جاڭا ءۇيدى كوردىك. ميجىت بىزگە: ەسىك الدىن تىندىرىپ تەگىستەپ، ءۇي ءىشىن جاي عانا اشەكەيلەسەم بولعانى، كوشىپ كىرۋىمە بولادى، - دەدى. جاڭا ءۇيدىڭ ىرگەسىندە ميجىت وتباسىنىڭ كوپ جىل وتىرعان ەكى بولمەلى كونە ءۇيى تۇر، ءىشى تار بولعانىمەن، بىراق رەتتى، تاپ - تازا ەكەن. ىشكى ءۇيى قوناق بولمە سياقتى، ءۇيدىڭ ەكى قابىرعاسىنا ميجىتتىڭ العان سيلىق قاعازدارى جاپسىرىلىپتى، ءبىر بۇرىشتاعى كىشكەنە ۇستەلگە قىزىل تىستى سيلىق كۋالىكتەرى قاز - قاتار ءتىزىلىپتى، كۋالىكتەردىڭ ۇستىنە بىلتىر ونىڭ بەيجيڭنەن الا كەلگەن ماۋ زىدۇڭ، دىڭ شياۋپيڭ، جياڭ زىمين، حۋ جينتاۋ، شي جينپيڭدەردىڭ باس پورترەتى تۇسىرىلگەن ۇساق تىزبە بۇيىمدار قويىلىپتى. ءۇي ىشىندەگى مۇلىكتەر مەن بۇيىمدار تاپ - تازا، رەتتى.
بىلتىر جازدىڭ ءبىر كۇنى اۋدان، اۋىل باسشىلارى وسى قىستاققا قىزمەت تەكسەرە كەلگەندە، ميجىت ءۇي سالىپ جاتقان ەدى. اۋدان، اۋىل باسشىلارى وعان ءۇي سالۋعا بەرىلەتىن كومەك قاراجاتتى الۋعا ءوتىنىش بەرۋدى ايتقاندا، ول باسىن شايقاپ: ماعان بەرۋگە بولاتىن ءۇي سالۋ كومەك قاراجاتىن ءال - اۋقاتى مەنەن دە تومەن قىستاق تۇرعىندارىنا بەرىڭىزدەر، ءبىر عانا تىلەگىم بار، بەيجيڭگە بارىپ، ءتوراعا ماۋزىدۇڭنىڭ ءديدارىن كورىپ كەلسەم دەيمىن، - دەيدى.
ميجىتتىڭ تىلەگى ورىندالىپ، بىلتىر قازان ايىندا ول اۋىل ۇيىمداستىرعان زەينەتكە شىققان قىستاق پارتيا ياچەيكاسى شۋجيلەرىنەن قۇرالعان ۇيىرمەمەن بىرگە، تۇڭعىش رەت وتانىمىزدىڭ ىشكى وڭىرلەرىنە جول الادى. شي - اندا سەيىلدە جۇرگەندە قاتتى تەبىرەنەدى؛ يان - انعا بارعاندا، كومپارتيا مەن حالىقتىڭ ەتەنە قاتىناسىن اناعۇرلىم تەرەڭ تۇسىنەدى؛ بەيجيڭدە ءتوراعا ماۋزىدۇڭنىڭ ەسكەرتكىش سارايىن ەكسكۋرسيالاعاندا، ول كوزىنە جاس الادى، ىشتەي ءتوراعا ماۋ زىدۇڭعا: «ەگەر ءسىز ءالى ءتىرى بولساڭىز، ءبىزدىڭ شينجياڭعا كەلىپ، ۇيعۇر حالقىنىڭ قازىرگى باقىتتى تۇرمىسىن كورسەڭىز قاتتى قۋانار ەدىڭىز!» دەيدى.
«قىستاق كادرلارى قىستاق تۇرعىندارى ءۇشىن يگى ءىس ىستەۋگە ءتيىس»
ميجىت يۇنىس بيىل 58 جاستا، 1976 - جىلدان باستاپ اترەت باستىعى بولعان، كەيىن قىستاق پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى مىندەتىن وتەپ، بىلتىر زەينەتكە شىقتى. بىلايشا ايتقاندا ول قىستاقتا تولىق 73 جىل قىزمەت ىستەپتى.
العاش مىندەتكە شىققان كەزدە قىستاقتا ەلەكتر جوق، سۋ تاپشى، اسىرەسە، جول سالىنباعان بولاتىن، قىستاقتاعىلاردىڭ جىلدىق جان باسىندىق كىرىسى 100 يۋانعا جەتپەيتىن.
ول مىندەتكە شىعا سالىسىمەن الدىمەن قىستاق تۇرعىندارىن باستاپ جول جوندەۋگە كىرىسەدى. ول كەزدە جول جوندەۋ قارجىسى جوقتىڭ قاسى بولاتىن، ميجىت قىستاق تۇرعىندارىمەن بىرگە توپىراق تاسىپ، قۇم توسەپ، كىرپىش جاتقىزدى... ونىڭ ىستەگەن ىستەرى اۋدان، اۋىل باسشىلارىن، قاتىستى تاراۋلاردىڭ جاۋاپتىلارىن اسەرلەندىرەدى، سونىمەن ءارقايسى جاقتىڭ قولداۋىمەن 80 نەشە كيلومەترلىك قىستاق دارەجەلى جول سالىنادى. عوڭىرات قىستاعى ءۇشتۇرپان اۋدانى بويىنشا باتپاق جولدان قۇتىلعان تۇڭعىش اكىمشىلىك قىستاققا اينالادى.
37 جىلدان بەرى ول قىستاق پارتيا ياچەيكاسىنىڭ، قىستاق تۇرعىندار كوميتەتىنىڭ جەتەكشىلىگىندە، قىستاق تۇرعىندارىن باستاپ 7 كوپىر سالىپ، 56 ورمان بەلدەۋىن قالىپتاستىرىپ، 5080 مۋ جەردى جوبالاپ، 12 كيلومەتر توعان قازادى...
«كوممۋنيستەر وزگەلەرگە كوبىرەك كومەكتەسسەم دەگەن ويدا بولۋى كەرەك»
ميجىت يۇنىس جۇڭگو كوممۋنيستىك پارتياسىنا 1981 - جىلى قابىلدانعان ساقا پارتيا مۇشەلەرىنىڭ ءبىرى. ول قىستاق پارتيا ياچەيكاسى القاسىنداعىلارعا ۇنەمى: ءبىز بارلىعىمىز كوممۋنيسپىز، اناعۇرلىم كوپ ادامعا كومەكتەسۋدى ءارقاشان كوكەيىمىزدەن شىعارماۋىمىز كەرەك، - دەيدى.
قىستاق باسشىسى تۇرعىسىنان ول قىستاق تۇرعىندارىن ءوز تۋىسىنداي كورىپ، قيىنشىلىعى بارلاردان كومەگىن ەش قاشاندا ايامايدى. 1998 - جىلى ول اۋىلداعى قارتتار ۇيىنە 5000 يۋان؛ 2002 - جىلى قىستاقتاعى وتباسىندا قيىنشىلىعى بار 10 وقۋشىعا 8000 يۋان جىلۋ اتايدى. بىرنەشە جىلدان بەرى ول قىستاقتاعى كەدەي وتباسىلارى، قيىنشىلىعى بار وقۋشىلار جانە جەتىم - جەسىرلەر ءۇشىن 30 نەشە مىڭ يۋان جىلۋ اتايدى.
ميجىت زەينەتكە شىققان بولسادا، قىستاق تۇرعىندار كوميتەتىنە ءار كۇنى ءبىر رەت كەلىپ كەتەدى.
بالالارى وعان: قىستاقتىڭ جۇمىسى ءۇشىن 30 نەشە جىل ارپالىستىڭىز، ال قازىر دەمالىسقا شىققاننان كەيىن، قىستاقتىڭ جۇمىسىنا ارالاسپاڭىز، دەنساۋلىعىڭىزعا كوڭىل ءبولىپ، ۇيدە دەمالىپ جاتپايسىزبا»، - دەيدى.
ول: بولمايدى، مەن كوممۋنيسپىن، كوممۋنيستەر ماڭگى دەمالمايدى!، - دەيدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
