- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قالدىق جۇقا سۋلياۋ اۋىل شارۋاشىلىعى وندىرىسىنە اۋىر حاۋىپ ءتوندىردى
2014.03.31 15:33 كەلۋ قاينارى : شينجياڭ حالىق راديو ستانسياسى تورابى
رايونىمىزدىڭ كوكتەمگى ەگىس جۇمىسى جاپپاي باستالدى، بيىل ءىشىنارا جەرلەردەگى ديقاندار ءۇشىن كوكتەمگى ەگىس كەزىندەگى تىڭايتقىش بەرۋمەن قاتار، تاعى ءبىر كۇردەلى جۇمىس قالدىق جۇقا سۋلياۋدى تازالاۋ بولدى. قالدىق جۇقا سۋلياۋ قازىر اۋىل شارۋاشىلىعى وندىرىسىنە اۋىر حاۋىپ ءتوندىرىپ وتىر، جۇقا سۋلياۋ جيناۋدىڭ ءونىمدى مەحانيزمىن قۇرۋعا ءسال قاراۋعا بولمايدى.
سولتۇستىك شينجياڭنىڭ كوكتەمگى ەگىس جۇمىسى باستالۋ الدىندا تۇر، بىرنەشە جىلدان بەرى، مەملەكەتتىك حالىق قۇرىلتايى ۋاكىلى، ماناس اۋدانى باۋجياجىن قالاشىعىنىڭ ديقانى ياڭ چيننىڭ كوتەرىپ العان 200 مۋ جەرى جاراقسىز، كونە جۇقا سۋلياۋدىڭ ىقپالىنا ۇشىراپ كەلدى، ياڭ چين بىلاي دەدى: ەككەن ەگىن تامىر تارتا المايدى، سۋ دا سىڭبەيدى، بۇلاي بولسا داقىل قايتىپ ونەدى، كەيدە مايسانى جۇلساق، تامىرىنىڭ بارىنا سۋلياۋ جابىسىپ قالعانىن كورەمىز.
وتكەن عاسىردىڭ 80-جىلدارىنان بەرى، رايونىمىز جۇقا سۋلياۋ جاۋىپ ءوسىرۋ تەحنيكاسىن كەڭ كولەمدە جالپىلاستىرىپ، ماقتانىڭ ءونىم مولشەرى بارىنشا جوعارىلادى، الايدا توپىراقتاعى جاراقسىز، كونە جۇقا سۋلياۋدار بارعان سايىن كوبەيدى. «اق ءتۇستى بىلعانىشتى» وڭاۋ ءۇشىن، وتكەن جىلى رايونىمىز ارناۋلى 38 ميلليون قارجى شىعارىپ، 13 اۋدان، قالادا اتىزداعى جاراقسىز، كونە جۇقا سۋلياۋ بىلعانىشىن جان-جاقتىلى وڭاۋ قيمىلىن ورىستەتتى.
ماناس اۋدانىنداعى جۇقا سۋلياۋدى جينايتىن كاسىپورىن ــ لايلي سۋلياۋ ونىمدەرى زاۆودى وتكەن جىلى جاراقسىز، كونە جۇقا سۋلياۋدان تامشىلاتىپ سۋارۋ تۇتىكشەسىن ءوندىرۋ لەنياسىن اشىپ، ءوندىرىس لەنياسىنا ءبىر ميلليون 300 مىڭ يۋاننان ارتىق قارجى قوسىلىپ، مەملەكەت ءبىر ميلليون 400 مىڭ يۋان قوسىمشا قاراجات بەردى. بۇل ءوندىرىس لەنياسى ءار كۇنى 8 دە 10 مىڭ توننا جاراقسىز، كونە جۇقا سۋلياۋدى ءبىر ءجايلى ەتەدى، ال وتكەن جىلى كۇزدە تەك 300 نەشە توننا عانا جيناپ، ءبىر ايلىق وندىرىسىنە عانا جەتتى. زاۆوت باستىعى ليۋ لاي، جۇقا سۋلياۋدى جيناۋ وتكەلەگىندە قيىنشىلىققا تاپ بولعانىن ايتا كەلىپ بىلاي دەدى: جۇقا سۋلياۋدىڭ ءبىر ءبولىمىن ماشينامەن، ءبىر ءبولىمىن ادام كۇشىمەن جينادىق، ادام كۇشىمەن جيناعانعا ەڭبەككۇش كوپ كەتەدى.ليۋ لاي، بازارداعى جۇقا سۋلياۋلاردىڭ وتە جۇقا بولۋى، جۇقا سۋلياۋدى ماشينامەن جيناۋعا قيىندىق تۋدىرىپ وتىرعان باستى سەبەپ ەكەنىن ايتتى.
بۇل جونىندە اۆتونوميالى رايون بيىلدان باستاپ، ماناس اۋدانى مەن لوپنۇر اۋدانىن جاراقسىز، كونە جۇقا سۋلياۋ بىلعانىشىن جان ـ جاقتىلى وڭايتىن سىناق ءتۇيىنى ەتىپ بەلگىلەۋدى ۇيعاردى، ماناس اۋدانى بيىل 0.01 ميلليمەتردەن جوعارى قالىڭدىقتاعى جۇقا سۋلياۋدى پايدالانعان ديقانداردىڭ ءار مۋ جەرىنە 10 يۋاننان قوسىمشا قاراجات بەردى. جوعارى ولشەمدى جۇقا سۋلياۋ پايدالانىپ جيناپ الىپ پايدالانۋ مولشەرى %85 تەن اسقان جيناپ الۋ كاسىپورىندار مەن ماقتاشىلاردىڭ ءبىر مۋ جەرىنە 7 يۋان قوسىمشا قاراجات بەردى؛ سونىمەن بىرگە تاعى جانار ماي قوسىمشا قاراجاتىن، ماشينامەن جيناۋ قوسىمشا قاراجاتىن بەردى.
ەگىس جۇمىسىمەن ۇنەمى شۇعىلداناتىن ياڭ چين قوسىمشا قاراجات ءتۇبىرلى ماسەلەنى شەشە المايدى دەپ قارادى.بۇل جونىندە ماناس اۋداندىق اۋىل-قىستاق ەنەرگيا قورشاعان ورتا كەڭسەسىنىڭ مەڭگەرۋشىسى شىن شينشۋە: مەملەكەتتىڭ قاتىستى زاڭداردى شىعارىپ، بويسىنۋعا ءتيىستى زاڭ بولۋىن ۇسىنىس ەتەمىز. جۇقا سۋلياۋدى ءوندىرۋ ولشەمىن جوعارىلاتۋ كەرەك، سوندا جيناۋعا قولايلى بولادى. مەملەكەت قالدىق جۇقا سۋلياۋدى جينايتىن ماشينانى زەرتتەۋ مەن جالپىلاستىرۋ قىزمەتىن كۇشەيتىپ، جۇقا سۋلياۋ بىلعانىشىنىڭ الدىن الاتىن ءونىمدى شابىتتاندىرۋ مەحانيزمىن ورناتۋ كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
