بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>قوعام

ءمورال تۋرالى تولعانساق

2014.03.31 15:37     كەلۋ قاينارى : شينجياڭ حالىق راديو ستانسياسى تورابى

  ادامدار اراسىنداعى سۇيىسپەنشىلىكتىڭ سولعىنداپ، قايىرىمسىزدىقتىڭ اۋا جايىلىپ بارا جاتقانى دا شىندىق. مەنىڭشە، سۇيىسپەنشىلىگىن جوعالتقان ادام ــــ بارىنەن ايىرىلعان ادام. وزىمشىلدىك مەيىرىمنەن ايىرادى، مەيرىمسىزدىك پەن قايرىمسىزدىق ءمورالسىزدىقتىڭ قۇيىنا باتىرادى. قاي جىلى گۋاڭدۇڭ ولكەسىندە تۋىلعان 3 جاسار قىز بالانى اۆتوموبيل باسىپ كەتۋ ۋاقيعاسى تۇتاس دۇنيەنى دۇر سىلكىندىرگەنى كورگەندەر مەن ەستىگەندەردىڭ كوڭىلىنەن كوتەرىلە قويماعان شىعار؟! شىتتاي كيىنگەن قالالىق 18 تۇرعىننىڭ شىرقىراپ جاتقان ءسابيدىڭ جانىنان كورمەسكە سالىنىپ وتە شىعۋى، ەشتەمە بولماعانداي جايباراقات كۇيدە بولۋى نەنى تۇسىندىرەدى؟! ولار ءبىلىمسىز بە؟ جوق! ولاردا جوعى ءمورال،ادامدىق قاسيەت!!! جاس ءسابيدى جول شەتىنە اپارىپ اناسىنا حابارلاعان قوقسىق تەرەتىن اجەي ەدى. ول وقىماعان، ساۋاتسىز بولۋى مۇمكىن؟! الايدا، ونىڭ ادامگەرشىلىك اسىل قاسيەتىن، اناۋ 18 پەندەنىڭ ءومىرىنىڭ قوسىندىسىنا دا ايىرباستاۋعا استە كەلمەيدى.

  كومپيۋتەردى بەلگى ەتكەن عىلىم-تەحنيكا توڭكەرىسى قىسقا ۋاقىتتا تۇتاس دۇنيەنى مەڭگەرۋىنە الدى. ءار سالا،ءار كاسىپكە ءسىڭىپ كىردى. ءتىپتى، وتباسىلارىنا دەيىن تەز قارقىنمەن ەنۋدە. توراپسىز جۇمىس بىتپەۋگە اينالدى. قول تەلەفون سەكىلدى حابارلاسۋ قۇرالدارىنىڭ يقۋاتىنىڭ ارتىپ، كومپيۋتەر مەن توراپ تەحنيكاسىن قامتىۋى، ءۇنحات، ميكرو بلوك سياقتى نازىك تەحنيكالاردىڭ جالپىلاسۋى قازىرگى دامۋدىڭ دەڭگەيىن ايعاقتاپ تۇرعانداي. ءارقانداي نارسەنىڭ ەكى جاعى بولاتىنى سياقتى ءبىلىم توڭكەرىسىنىڭ ادامزاتقا اكەلگەن قيىندىقتارى تولىپ جاتىر. دامىعان ەلدەردىڭ بىزدەن ءۇش ءجۇز جىل بۇرىن ونەركاسىپ توڭكەرىسىن باستاپ،ونەركاسىپ توڭكەرىسىنىڭ سان رەتكى جاڭالانۋىن باسىپ ءوتىپ، ءبىلىم توڭكەرىسىنىڭ سارا جولىنا، الدە قاشان ءتۇسىپ كەتكەنىن بىلەمىز. ءبىز ونەركاسىپ توڭكەرىسى مەن ءبىلىم توڭكەرىسىن قاتار يگەرۋ سىندى ماڭىزدى شەشۋشى سايىسقا ءدۇپ كەلىپ وتىرمىز. حالىق ساپاسى كورنەكتى تومەن بولىپ وتىرعان ەلىمىزدە قيىندىقتاردىڭ شاش-ەتەكتەن ەكەنى شىن. انگليادان باستالعان ءبىرىنشى ونەركاسىپ توڭكەرىسىن ادامداردىڭ «قوي ادام جەگەن زامان» دەگەنىن تاريحتان حابارى بار ساۋاتتىلار تۇگەل بىلەدى. توراپ دۇنيەسىنىڭ ادامدارعا، اسىرەسە، ۇرپاقتارعا تۋدىرىپ جاتقان كەي زارداپتارىنا قاراپ «كومپيۋتەر ادام جەگەن زامان» دەگىم كەلىپ كەتەدى. توراپ دەرتىنە ۋلانىپ، كۇن-ءتۇنىن كومپيۋتەر الدىندا وتكىزىپ،وقۋدان كەنجەلەپ، ءتىپتى، ۇيىنەن، مەكتەبىنەن بەزىنىپ، بالالىق، جاستىق كوكتەمىن قۇربان ەتىپ جاتقان ۇرپاق قانشاما؟! ەلىمىز ۇكىمەتى، ورەندەر مەن جاستاردى، توراپ اپاتىنان قۇتقارۋعا قانشاما قۇلشىنىستار جاساعانىمەن، ءونىمى دەگەندەي بولماي وتىر. مامانداردىڭ ايتۋىنشا، توراپقا ۋلانۋدىڭ زاردابى ەسىرىتكىگە قۇمارتۋدان كەم سوقپايتىن كورىنەدى. قالالاردا جاستار مەن ورەندەردى توراپتان ۋلانۋدان ايىقتىرۋ ورىندارى قۇرىلا باستادى. ولاي بولسا، بالالاردىڭ ەركىن بۇتىندەي مەڭگەرىپ الاتىن جۇمساق بولشەكتەردى؛ قانقۇيلىلىققا، بۇزىقتىققا تاربيەلەيتىن جۇمساق بولشەكتەردى زەرتتەۋشىلەر مەن ءوندىرىپ بازارعا سالۋشىلار جاي ادامدار ما؟ جوق! ولار ءبىلىم توڭكەرىسىنىڭ الدىنعى لەگىندەگى ءوز كاسىبىنىڭ ماماندارى. ولار زەرتتەپ، ءوندىرىپ وتىرعان جۇمساق بولشەگىنىڭ ۇرپاقتاردى قانشالىق ۋلايتىنىن ابدەن بىلەدى. ولارداعى كەم نارسە ءبىلىم ەمەس، قايتا، ءمورالداعى كەمىستىك بولماق! توراپحانا قوجايىندارى دا ساۋاتسىز ادامدار ەمەس. ولار مەملەكەتتىڭ توراپحانانى باسقارۋ ەرەجەلەرىنە قاساقانا قيعاشتىق ىستەپ، ورەندەر مەن ازامات جاسىنا تولماعان جاستاردىڭ توراپحاناعا كىرۋىن تەجەمەك تۇگىل، قولايلى شارت-جاعداي ازىرلەپ، اسىنا دەيىن دايىنداپ، ولاردىڭ سول ورتادا تاڭ اتىرۋىنا قولايلىلىق ازىرلەپ بەرەدى. اقشا ءۇشىن باسقالاردىڭ مۇددەسىن زيانداپ، زاڭ-ءتارتىپتى ەلەمەي ۇرپاقتاردىڭ اقاۋسىز ەسەيۋىن كورە تۇرا زيانداپ وتىرعان وسىنداي قوجايىنداردان ادامگەرشىلىكتى تالاپ ەتۋگە كەلە مە؟!

  زاتتىق كەدەيلىكتىڭ ادامدارعا سالار الەگى وڭاي ەمەس. دەسەدە، مەن رۋحاني كەدەيلىكتى ناعىز كەدەي ەسەپتەيمىن. رۋحاني جۇتاڭدىقتىڭ قوعامعا پايدا اكەلمەيتىنىن، جوعارىداعى مىسالدار ايعاقتاپ تۇرعانداي. رۋحاني جۇتاڭدىق ـــ ءمورالسىزدىقتى وربىتەتىن اپات سپەتتى. مۇندايلاردىڭ زاتتىق جاقتان بايۋى دا،كەدەيلەسۋى دە قوعامعا پايدا كەلتىرمەيدى. كەرىسىنشە، قيلى-قيلى زارداپ تۋدىرۋ مۇمكىندىگى كوبىرەك. ويتكەنى، ءمورالدا ازعىنداپ، حايۋاندىققا باراتىندار مەن قىلمىس وتكىزەتىندەردىڭ وسىندايلاردان كوپ ۇشىرايتىنى شىن.ءبىز جوعارىدا ايتىپ وتكەن ءىرىپ-شىرىگەن ءمانساپتىلار؛ جالعان، جارامسىز تاۋار وندىرۋشىلەر؛ كومپيۋتەدىڭ زالالدى جۇمساق بولشەگىن وندىرۋشىلەر جانە ساتۋشىلار؛ توراپحانا قوجايىندارى ءبارى-ءبارى دە زاتتىق بايلىقتان كەندە ەمەس. ايتەسەدە، ولار ادامزاتقا، قوعامعا پايداسىز ىستەردىڭ بەلەڭ بەرۋىنە مۇرىندىق بولىپ وتىر. قۋ قۇلقىننىڭ قۇلى بولىپ،بايىعان ۇستىنە بايي بەرسەم دەيدى. سايىپ كەلگەندە، رۋحاني جاقتا جۇتاڭ ادام قاشان دا تويىمسىز كەلەدى. قاناعاتسىزدىق قاشان دا الجاستىرماي قويمايدى. ءمورالدىلىق ـــ كىسىلىكتىڭ، ادامدىقتىڭ العى شارتى بولماق.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.