- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بەرەكەگە ۇيتقى بولعان «بىرگە ءبىر» كومەك
− لوپ اۋدانى بەشتوعىراق اۋىلىنان كورگەن - بىلگەندەرىمىز
2014.04.09 17:43 كەلۋ قاينارى : ءتاڭىرتاۋ تورابى
لوپ اۋدانى قالاشىعىنان شىعىسقا قاراي 35 كيلومەتر جەردە ىسلىق ءدوڭ دەگەن قىستاق بار. قىستاقتا 100 قانشا ءۇي وتىرادى، كاسىپتەرى − شىلان ەگۋ، ءار وتباسىنىڭ جىلدىق كىرىسى 200 مىڭ يۋاننان اسادى، الىس - جۋىققا بەلگىلى اۋقاتتى قىستاقتاردىڭ ءبىرى. ءبىراق ىسلىق ءدوڭ قىستاعىنىڭ اتاعىن شىعارعان تەك كۇرەپ تاپقان پايداسى عانا ەمەس.
حوتان ايماقتىق پارتكومنىڭ شۋجيى يان گوشان بىزگە: سىزدەر لوپ اۋدانىنىڭ بەشتوعىراق اۋىلىنا بارىڭىزدار، وندا حانزۋ تۇرعىندارى كوبىرەك بىرنەشە قىستاق بار، ولاردىڭ اۋىلداعى از ۇلت تۇرعىندارى كوبىرەك قىستاقتارمەن <بىرگە ءبىر> بايلانىسىن ورناتىپ، قاتار اۋقاتتانۋمەن قاتار، بال جالاسىپ، تۋماسا دا تۋعانداي بولعان بەرەكە - بىرلىگى سىزدەرگە تەرەڭ اسەر قالدىراتىنىنا سەنەمىن، - دەگەن ەدى.
ءبىز ىسلىق ءدوڭ قىستاعى تۇرعىندار كوميتەتىنىڭ اۋلاسىنا بارعانىمىزدا ساۋ ەتىپ 10 نەشە تۇرعىن جەتىپ كەلدى، ولاردىڭ اراسىندا وسى قىستاقتىڭ تۇرعىندارى دا، وزگە قىستاقتىڭ ادامدارى دا بار ەكەن، حانزۋ، ۇيعۇر، ەر - ايەلى ارالاس جاماعاتپەن اڭگىمە دۇكەن قۇردىق.
قىستاق پارتيا ياچەيكاسىنىڭ شۋجيى داي يۇيدۇڭ الدىمەن ءسوز الدى: جاسىم 52 دە، وسى قىستاقتا تۇرعانىما 20 جىلدان استى. قىستاعىمىز بۇرىن ىڭىرشاعى شىققان كەدەي ەدى، وسىدان 10 نەشە جىل بۇرىن شىلان اعاشىن ەگە باستادىق. ءبىز اقسۋ، گۇمادان تەحنيكا ۇيرەنۋگە ادام جىبەردىك، اۋداننان جۇمىسىمىزعا جەتەكشىلىك ەتۋگە تەحنيكتەر الدىردىق، سويتە ءجۇرىپ ونىڭ دا قىرى مەن سىرىنا قانىقتىق. 7 - 8 جىل بۇرىن ءبىر مۋ جەردەن مىقتاعاندا 100 - 200 كيلوگرام شىلان الاتىن ەدىك، قازىر مۋىنان 500 كيلوگرام ءونىم الامىز.
ىسلىق ءدوڭ قىستاعىنىڭ كىرىسى مولايعانىن كورگەن باسقا قىستاقتار دا ولاردىڭ جولىن قۋىپ، شىلان ەگۋگە كىرىسەدى، ءبىراق تەحنيكانىڭ تەتىگىن يگەرمەگەندىكتەن، جارىتىپ ءونىم الا المايدى. 2009 - جىلى داي يۇيدۇڭ مەن بىرنەشە ەگىنشى ماڭايداعى 3 قىستاقتاعى بىرنەشە ۇيعۇر ەگىنشىمەن ىرىقتى تۇردە بايلانىس ورناتىپ، ولارعا تەحنيكا ۇيرەتەدى.
سونىڭ ارقاسىندا، ولار دا شىلاننان مول ءونىم الىپ، قوماقتى كىرىس كىرگىزەدى. وسىنداي بارىس - كەلىستىڭ ناتيجەسىندە، ولاردىڭ اراسىندا دوستىق قاتىناس ورنايدى. حانزۋ تۇرعىنداردىڭ كوكتەم مەرەكەسى مەن ۇيعۇر تۇرعىنداردىڭ قۇربان ايتى كەزىندە سالەم - ساۋقىت كوتەرىپ، ءبىر - بىرىنە قۇتتى بولسىن ايتا بارۋ ولاردىڭ داعدىسىنا اينالادى.
بۇلاق كورسەڭ كوزىن اش دەمەكشى، اۋىل وسى تاجىريبەنى جالپىلاستىرۋعا بەل بۋادى. 2013 - جىلدىڭ باسىندا اۋىل ىسلىق ءدوڭ قىستاعىنان 88 حانزۋ ەگىنشىنى ىرىكتەپ الىپ، اۋىلدىڭ باسقا 11 قىستاعىنداعى 176 ۇيعۇر ەگىنشىمەن «ءبىر وتباسى ەكى وتباسىن جەتەكتەۋ» بايلانىسىن ورناتادى.
جول سەرىك بولىپ جۇرگەن اۋىل كادرى بىزگە: ءبىز ءار قىستاقتاعى شىلان ەگەتىن ەگىنشىلەردى ۇنەمى كوللەكتيۆ ۇيرەنۋگە ۇيىمداستىرىپ، ىسلىق ءدوڭنىڭ تەحنيكالىق تىرەكتىلەرىن جۇمىس باسىندا ءجون كورسەتۋگە شاقىرىپ وتىرامىز، ۇيرەنۋگە ءار جولى، از دەگەندە، 400 ادام قاتىسادى، وتە دابىرالى وتەدى، - دەدى.
كوللەكتيۆ ۇيرەنۋدەن سىرت، ەگىنشىلەردىڭ ورتاسىنداعى بارىس - كەلىس تە جيىلەگەن. «نەشە ءجۇز ادام جىل بويىنا ءبىر - بىرىنە قول ۇشىن بەرىپ، اسار جاساپ تۇرادى، ءبىز ونى تۋىسشىلاۋ دەپ اتايمىز، بىر - بىرىنە تۋىستان ارى جان اشىر».
ءسوز كەزەگى تيگەن توعىراق ارىق قىستاعىنىڭ تۇرعىنى ءماتتوحتى: ءبىزدىڭ ءۇي 10 مۋ جەرگە شىلان ەككەن، العاشىندا مۋىنا نە ءبارى 200 كيلوگرامنان ءونىم الىپ تۇردىق، مەن ىسلىق ءدوڭ قىستاعىن ۇلگى تۇتپاق بولدىم، ولار ۇيىمە دەيىن بارىپ كومەكتەستى، مول ءونىم الاتىنىمدى ويلاسام، قۋانىشىم قوينىما سيمايدى، - دەدى.
«تۋىستار» كوبەيگەن سوڭ، ءبىر - بىرىنە اسەر ەتپەي تۇرمايدى. ەگىس جۇمىسىنىڭ ارەدىگىندە ۇيعۇر قىز - كەلىنشەكتەر حانزۋ اۋىلداستاردىڭ ۇيىنە بارىپ تۇشپارا ءتۇيۋدى ۇيرەنسە، حانزۋ ايەلدەر ۇيعۇرلاردىڭ ۇيىنەن كەستە تىگۋدى ۇيرەنەدى. اۋىلدىڭ دوستىق ساۋىق كەشى اي سايىن وتەدى، وعان ءار جولى 500دەن اسا ادام جينالادى؛ ال قىستاقتاردا اپتا سايىن ءبي كەشى وتەدى، جۇرتشىلىق جينالىپ، حانزۋ مەن ۇيعۇردىڭ ءداستۇرلى ۇلتتىق بيلەرىنە باسادى.
ولار بىرەۋدىڭ بالاسى جوعارى مەكتەپكە جولداما السا نەمەسە بىرەۋ اۋىرىپ بالنيتساعا جاتسا، وعان كوپ بولىپ كومەكتەسۋگە ءازىر تۇرادى. 2009 - جىلى ىسلىق ءدوڭ قىستاعىنىڭ تۇرعىنى تۇرنيساحاننىڭ ميىنا قان تۇسەدى، اۋىلداستار جابال اقشا اتاپ، 18 مىڭ يۋاندى جىلۋعا بەرىپ، وسى وتباسىنىڭ اۋىر جۇگىن ارقالاسادى. الدىڭعى جىلى اۋىلدان ەكونوميكالىق جاعدايى ءماز ەمەس 30 ۇيعۇر وتباسىنىڭ بالاسى جوعارى مەكتەپكە وقۋعا تۇسەدى. بالالاردىڭ مەكتەپتە ەل قاتارى وقۋى ءۇشىن، اۋىل «وقۋ - اعارتۋ قايىرىمدىلىق قورىن» ۇيىمداستىرادى، وعان از كۇننىڭ ىشىندە 160 مىڭ يۋان قارجى جينالادى.
كەيىن اۋىل «وقۋ - اعارتۋ قايىرىمدىلىق قورىنىڭ» اتىن «ۇلتتار ىنتىماعى قايىرىمدىلىق قورى» دەپ وزگەرتىپ، كەدەي وقۋشىلارعا عانا ەمەس، كەدەي وتباسىلار مەن پاناسىز قارتتارعا دا كومەك قولىن سوزادى. تەك وسى جىلدىڭ وتكەن بىرنەشە ايىنىڭ وزىندە قورعا 10 مىڭ يۋاننىڭ ۇستىندە جىلۋ جينالدى.
«ءدىن ىستەرىن باسقارۋعا ءبىز ونشا كوپ الاڭدامايمىز، ءبىزدىڭ بۇل جەردە <جيلباب> كيەتىن بىردە - ءبىر ادام جوق، - دەدى اۋىل كادرى − وتكەن جىلى قىستاقتاعى بىرەۋ جاسىرىن مەدىرەسە اشپاق بولعان ەكەن، قىستاق كادرلارى دەرەۋ مالىمدەپ، دامەسىن جەر قاپتىردى. تاعى ءبىر جولى ءدىني قىزمەتكەر ەمەس ءبىر كەلىمسەك بالالارعا ءدىن وقىتپاق بولعان ەكەن، ۇيعۇر اقساقالدارىنىڭ بىرەۋى بىزگە دەرەۋ حابار بەردى.
ءبىز ىسلىق ءدوڭ قىستاعىنان اتتانىپ بارا جاتقانىمىزدا، موتوتسيكلىنە حانزۋ كاريانى مىنگەستىرگەن ءبىر ۇيعۇر ازاماتى جانىمىزدان زۋلاپ وتە شىقتى. حانزۋ كاريا ۇيعۇر ازاماتىنىڭ بەلىنەن قاپسىرا قۇشاقتاپ الىپتى. «بۇل ءبىز ءۇشىن ۇيرەنشىكتى كورىنىس»، - دەدى اۋىل كادرى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
