بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>قوعام

بارىن يگىلىكتى ىستەرگە ارناعان ازامات

2014.04.10 16:20     كەلۋ قاينارى : ءتاڭىرتاۋ تورابى


  2 - ساۋىردە ءدىلشات باي اۋدانى بۇلۇڭ اۋىلى اقدوڭ قىستاعى باستاۋىش مەكتەبىندەگى وقۋشىلاردىڭ ۇيرەنۋ جاعدايىن ۇعىسىپ، ولارعا قۇنى 20 مىڭ يۋاندىق ۇيرەنۋ قۇرالدارىن تارتۋ ەتتى.

  1 - ءساۋىر كۇنى، باي اۋدانى بۇلۇڭ اۋىلى اقدوڭ قىستاعى باستاۋىش مەكتەبىنىڭ اۋلاسىندا ءبىر توپ بالا ءدىلشات اسەندى قاۋمالاپ الىپ، «اكە، اكە، ماعان بەرمەدىڭ عوي» دەپ شۋلاسىپ جاتىر. تالاسپاڭدار، بارىڭە بار، - دەگەن ءدىلشات بالالارعا ۇيرەنۋ قۇرالدارى مەن حانزۋ ءتىلى سوزدىگى سالىنعان سومكەلەردى تاراتىپ جاتىپ: بىلمەگەن ارىپتەرىڭدى وسى سوزدىكتەن قاراڭدار، - دەدى.

  ءدىلشات باي اۋدانى شياۋحاۋ كىرە اۆتوموبيل سەرىكتەستىگىنىڭ مەڭگەرۋشىسى. 2006 - جىلدان باستاپ ول وسى اۋداننىڭ قالا رايونىنداعى جانە شالعاي اۋىل - قىستاقتارداعى وتباسىندا قيىنشىلىعى بار ءار ۇلت بالالارىنا قالتقىسىز كومەكتەسىپ كەلەدى. ءدىلشات وتباسىنىڭ كەمباعالدىعى سالدارىنان ۋنيۆەرسيتەتتىڭ 2 - جىلدىعىندا وقۋدان قول ءۇزىپ، 19 جاسىندا اۋىلىنا قايتىپ كەلىپ اسحانادا جۇمىس ىستەپ كۇن كورەدى. كەيىن جايما جايىپ اياق كيىم ساتادى. 3 دوڭگەلەكتى موتوتسيكلمەن جۇك تاسيدى، كىرە اۆتوموبيلىن جۇرگىزەدى. «سول جىلدارى قيلى قيىندىقتار كورگەنىممەن كوپتەگەن ىزگى جانداردى جولىقتىردىم، ولار ماعان كومەك قولىن سوزدى»، - دەيدى ءدىلشات وتكەندى ەسىنە الىپ.

  كوپ جىل بويى جانتالاسۋىنىڭ ارقاسىندا، ونىڭ تۇرمىسى جاقسارا باستادى، بەلگىلى قور دا جينادى. 2005 - جىلدىڭ اياعىندا باي اۋدانىنان شياۋحاۋ كىرە اۆتوموبيل سەرىكتەستىگىن قۇردى، قازىر سەرىكتەستىكتە 294 اۆتوموبيل، 1000نان استام قىزمەتشىسى بار، مۇنىڭ 700 نەشەسى جۇمىستان بوساعان نەمەسە وتباسىندا قيىنشىلىعى بارلار ەكەن.

  ەكونوميكالىق جاقتان قۋاتتانعان ءدىلشات قوعامعا قايتارعان قارىمجى رەتىندە، وتباسىندا قيىنشىلىعى بار وقۋشىلارعا جىلۋ اتاپ، تارشىلىق تارتىپ وتىرعان قاۋىمعا كومەكتەستى، «وقۋشىلاردىڭ ماعان ۇقساس، تۇرمىستان تارىعىپ وقۋدان قول ءۇزۋىن قالامايمىن»، - دەيدى ول. بۇگىندە ءدىلشات وتباسىندا قيىنشىلىعى بار 120 وقۋشىعا اقشالاي كومەكتەسىپ وتىر. «الدا سەرىكتەستىكتىڭ %50 پايداسىن وتباسىندا قيىنشىلىعى بار وقۋشىلارعا كومەكتەسۋگە ارنايمىن، قارنىم توق، كيىمىم ءبۇتىن بولسا بولدى، ارتىق اقشانى ساقتاپ قويعاننىڭ نە پايداسى، ونان دا كومەككە ءزارۋ جاندارعا كومەكتەسكەنىم ابزال ەمەسپە»، - دەيدى ءدىلشات اعىنان اقتارىلا. قازىرگە دەيىن ءدىلشات 4 ميلليون يۋاننان استام اقشانى كەدەيلەردى سۇيەمەلدەۋگە، قيىنشىلىعى بارلارعا كومەكتەسۋگە اتاپتى. 2013 - جىلى ءدىلشات 3 ميلليون يۋان قارجى شىعارىپ قارتتار ءۇيىن سالدىردى، بيىل جىل سوڭىندا پايدالانۋعا بەرىلەدى ەكەن. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.