- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كاسىپتىڭ كوزىن اشقانىڭ، بايۋدىڭ جولىن تاپقانىڭ
2014.04.15 14:55 كەلۋ قاينارى : شينجياڭ حالىق راديو ستانسياسى تورابى
سوڭعى جىلدارى، ءۇرىمجى قالاسىنداعى كاسىپتىك مەكتەپتەردە ءتۇرلى ونەرگە تاربيەلەنەتىن وقۋشىلار قاۋىرت ارتتى. ولاردىڭ كوبى جەر-جەردەگى ادام كۇشى بايلىعى جانە قوعامدىق قامتاماسىزداندىرۋ مەكەمەسى، كەدەيلەردى سۇيەمەلدەۋ كەڭسەسى، وداق كوميتەتى سياقتى قاتىستى ورىنداردىڭ قولداۋىندا، كاسىپتىك تەحنيكالىق ونەرگە تەگىن تاربيەلەنىپ جاتقان جاستار ەدى. ءتىلشى اۆتونوميالى رايوندىق وداق كوميتەتىنە قاراستى مەكتەپتەگى جاستاردى كاسىپتىك ونەرگە تاربيەلەۋ ورتالىعىنا بارعاندا، وسىندا جاستار اسپازدىق، شاشتارازلىق، كەستە تىگۋ سياقتى كاسىپتىك ونەرگە تاربيەلەنىپ جاتقان ەكەن، ولاردىڭ وقۋ قاراجاتى، جاتاعى، تاماعى تۇگەلدەي قاتىستى ورىندار جاعىنان ءبىرتۇتاس كوتەرىلگەن ەكەن.ءبىزدىڭ ارامىزدا ءبىر كاسىپتىك تەتىگىن يگەرسەك، كاسىپتەنىپ، تۇرمىسىمىزدى جاقسارتساق دەيتىن جاستارىمىز از ەمەس، ال قاتىستى پارتيا، ۇكىمەت ورىندارىنىڭ بارىنشا قۇلشىنۋىندا، كاسىپتىك ونەرگە تاربيەلەۋ كۋرستارىنىڭ كوپتەپ اشىلۋى، ولاردىڭ كاسىپتەنۋ ارمانىنا قانات ءبىتىرىپ، جىگەرلەرىن ۇشتادى. اۆتونوميالى رايوندىق وداق كوميتەتى مەكتەبىنىڭ كاسىپتىك ونەرگە تاربيەلەۋ ورتالىعى جىلىنا 400 گە جۋىق جاستى ءتۇرلى ونەرگە تاربيەلەۋدى مىندەتتەرىنە الىپتى. سونىمەن بىرگە، ونەر ۇيرەنىپ شىققان جاستاردىڭ الدا تولىق كاسىپتەنۋىنە، كاسىپتەنۋ بارىسىندا جولىققان قيىنشىلىقتارىن جەڭۋىنە ءار ءسات سايىن دەم بەرىپ، جەبەپ وتىرادى ەكەن. ارينە، جاستار كاسىپتەندىرۋ، كاسىپ اشۋ قىزمەتىندەگى ماڭىزدى ءتۇيىن. ءار دارەجەلى پارتيا، ۇكىمەت ورىندارىنىڭ ءتيىمدى ساياساتىندا، ءبىزدىڭ كوپتەگەن جاستارىمىز ءبىر ونەردىڭ تەتىگىن يگەرىپ، كاسىپتەنۋدىڭ جارقىن جولىنا ءتۇستى. الايدا، تاماشا ورايدى وتكىزىپ الاتىن، ۇيرەنۋگە، كاسىپ ىستەۋگە بويكۇيەزدىك تانىتاتىن جاستارىمىز قاتارىمىزدا جوق ەمەس. ءبىز، ىلە وبلىستىق جاستار-وداعى كوميتەتىنىڭ شۋجيى التايگۇل جۇما قىزىمەن جاستاردى كاسىپتەندىرۋ، ولاردى كاسىپ جاراتۋعا جەتەلەۋ قىزمەتى جونىندە اڭگىمەلەسكەنىمىزدە، ول، وداق كوميتەتىنىڭ جاستاردى ءتۇرلى جاقتان تاربيەلەپ كورنەكتى ناتيجەلەرگە دە جەتكەنىن، كاسىپتەنۋگە تالپىنعان، العا باسار جاستارىمىزدىڭ دا كوپ ەكەنىن ايتا كەلىپ: قازىر جاستارىمىز اتا-انانىڭ، جاراسىمدى قوعامىنىڭ ماپەلەۋىندە جاقسى تۇرمىس كەشىرىپ جاتىر، الايدا، جاتاق، تاماق قاراجاتىن، ءتىپتى جول قاراجاتىنا دەيىن ۇكىمەتتەن كوتەرىپ، ءبىر ونەردى يگەرۋگە جىبەرگەن كەيبىر جاستارىمىز، ۇيرەنۋدەن جالىعۋ، تاماعىنا شىداماۋ، ۇيدى ساعىندىم دەيتىن كۇلكىلى سىلتاۋلارمەن قايتىپ كەلگەنىن دە كوردىك. ال ونەرگە تاربيەلەۋ كۋرىستارىمىزدىڭ ۋاقىتى قىسقا، ماۋسىمدىق، ۋاقىتتىق كاسىپتەنۋ سىندى كەمشىلىكتەردە بايقالۋدا. حالقىمىز «ءبىلىم الۋ ينەمەن قۇدىق قازعانداي»،-دەيدى، ءبىر ونەردى ۇيرەنۋ، ءبىر كاسىپتىڭ سوڭىنان شىعۋدا ءسوزسىز تاباندىلىق، شىدامدىلىق كەرەك،-دەيدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
