- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جەر انانى قاستەرلەپ، عىلمي دامۋعا ءورىس اشايىق
2014.04.24 10:18
45- رەتكى دۇنيە جۇزىلىك جەرشارى كۇنى بايلانىسىمەن ايماعىمىزدىڭ جەر- جەرىندە «جەرشارىنداعى بايلىقتى قاستەرلەپ، دامۋ تاسىلىنە بۇرىلىس جاساۋ ارقىلى مەملەكەتتىڭ جەر بايلىعىن ۇنەمدەپ شوعىرلى پايدالانىپ، تابيعي ەكولوگيالىق مۇمكىندىكتى بىرگە قورعايىق» دەگەن تاقىرىپ توڭىرەگىندە، ۇگىت- تاربيە قيمىلى ورىستەتىلىپ، جالپى جۇرتتىڭ جەرشارىن ايالاۋ، مەكەندى قورعاۋ ساناسىن اناعۇرلىم كۇشەيتۋ كوزدەلدى.
ايماقتىق مەملەكەت جەر بايلىعى مەكەمەسى ينفورماتسيا ءبولىمىنىڭ مەڭگەرۋشىسى گو چۇنۋەي: «وسى رەتكى قيمىلدى ورىستەتۋدەگى ماقساتىمىز جەر انانى قادىرلەپ، جەرشارىن قورعاۋعا، بايلىق ۇنەمدەلەتىن قوعام قۇرۋعا ۇندەۋ بولىپ تابىلادى»،-دەدى.
قابا اۋداندىق مەملەكەت جەر بايلىعى مەكەمەسىنىڭ قىزمەتكەرلەرى «حۋاتاي» التىن ءوندىرۋ شەكتى جاۋاپكەرلىك سەرىكتەستىگىنە بارىپ، ونداعى كادر- قىزمەتكەرلەرگە مەملەكەت جەر بايلىعىن قورعاۋدىڭ ماڭىزدىلىعى، سونداي-اق كەن بايلىعىن قورعاۋ جانە ۇيلەسىمدى كادەگە جاراتۋ، ەكولوگيانى قالپىنا كەلتىرۋ، گەولوگيالىق اپاتتان ساقتانۋ قاتارلى مازمۇندار جونىندە ەگجەي- تەگجەيلى تۇسىنىك جاسادى.
«حۋاتاي» التىن ءوندىرۋ شەكتى جاۋاپكەرلىك سەرىكتەستىگىنىڭ باس ديرەكتورى جاڭ يۋەفىڭ:« مۇنان بىلاي ۇگىت- تاربيە تەبىنىن اناعۇرلىم كۇشەيتىپ، كەن ونىمدەرىن قايتا جيناپ الۋ ارقىلى كەن بايلىعىنان پايدالانۋ مولشەرىن جوعارىلاتۋعا كۇش سالامىز. سونىمەن قاتار، ەكولوگيالىق ورتانى قورعاۋ قىزمەتىن كۇشەيتىپ، كەنىمىزدى جاسىلداندىرۋعا قۇلشىنامىز».
التاي قالالىق سەنترلىك باستاۋىش مەكتەبىندە قىزىلتاۋ شەكارا قورعانىسى تەكسەرۋ پۋنكىتىنىڭ «ساباقتان سىرتقى جەتەكشىسى» باستاۋىش مەكتەپ وقۋشىلارىنا جەرشارىنىڭ قۇرىلىمىن، قازىرگى جاعدايىن جانە ەكولوگيالىق ورتا بىلىمدەرىن ءتۇسىندىردى ءارى وقۋشىلارمەن بىرگە «ورتانى قورعاۋ ءانىن» شىرقادى. وسىنداي شاتتىققا تولى تاربيە ءتاسىلى ارقىلى وقۋشىلاردىڭ ورتانى قورعاۋ جونىندەگى تانىمى مەن تۇسىنىگى تەرەڭدەي ءتۇستى.
قىزىلتاۋ شەكارا قورعانىسى تەكسەرۋ پۋنكىتىنەن ياۋ لين: « وقۋشىلاردىڭ ورتانى قورعاۋ ساناسىن كۇشەيتىپ، ولارعا عىلمي بىلىمدەردى جالپىلاستىرىپ، وقۋشىلاردىڭ جاسىل شاردى قورعاۋ ءۇشىن ۇلەس قوسۋ، مەكەنىمىزدى بىرگە قورعاۋ بەلسەندىلىگىن قوزعاۋدى ماقسات ەتتىك»،-دەدى.
بۋرىلتوعاي اۋداندىق 2- باستاۋىش مەكتەپتە «جەر انا ءۇشىن تازالىق ىستەۋ قيمىلى» وتكىزىلدى، وقۋشىلار جولدىڭ ەكى جاعالاۋىنداعى قوقىر- قوقسىقتاردى تازالاۋ ارقىلى جەر انانى قاستەرلەپ قورعايتىندىقتارىن ءبىلدىردى.
وقۋشى:« بارلىق ادام ورتانى قورعاۋ ءۇشىن ءىس تىندىرعانى ءجون. سوندا عانا مەكەنىمىز مۇنان دا كورىكتى، مۇنان دا ىرىستى بولادى. ورتانى قورعاۋ - بارلىق ادامنىڭ بورىشى»-دەدى.
وقۋشى: «تازالىق جۇمىسشىلارىنىڭ قىزمەتى جاپالى ەكەنىن اڭعاردىق. ورتانى قورعاۋدى وزىمنەن باستايمىن. قوقىر- قوقسىقتى بەتالدى تاستاماي، ورتانى قورعاۋعا بىرگە اتسالىسۋىمىز كەرەك»،-دەدى.
كەلۋ قاينارى: التاي تەلەۆيزياسى - التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
