بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>قوعام

«شىنايى سۇيىسپەنشىلىك» اتتى كينو فيلم تۇڭعىش رەت قويىلدى

2014.04.29 14:34     كەلۋ قاينارى : شينجياڭ حالىق راديو ستانسياسى تورابى


  شىنايى سەزىممەن شەكسىز سۇيىسپەنشىلىكتى بەينەلەپ، ۇلتتار اراسىنداعى انا ماحابباتى اڭگىمەسىن بايانداعان، مەملەكەتتىك ءمورال ۇلگىسى ءانيپا الىماحۇندى ءتۇپ تۇلعا ەتكەن وزگەرتىپ جاسالعان كينو ـــ «شىنايى سۇيىسپەنشىلىك» 28-ءساۋىر تۇستەن بۇرىن ۇرىمجىدە تۇڭعىش رەت قويىلدى.

  «شىنايى سۇيىسپەنشىلىك» كينو فيلمى اۆتونوميالى رايوننىڭ ءتۇيىندى كينوسى، ونى تيانشان كينو ستۋدياسى كەسكىنگە ءتۇسىرىپ جاساعان، كينو فيلمنىڭ كورىنىسى التاي ايماعىنىڭ شىڭگىل اۋدانىنان الىنىپ، ءانيپا الىماحۇننىڭ شەكسىز كەڭ سۇيىسپەنشىلىگى مەن ۇلتتار اراسىنداعى قاراپايىم دا جان تەبىرەنتەرلىك اڭگىمەلەرى كورەرمەندەرگە شىنايى ءارى كوركەمونەرلىك تۇرعىدا بەينەلەندى. وسىدان بۇرىن ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان كينو فيلمدى كوردى، ءارى كينو فيلمنىڭ نەگىزگى جاساۋشىلارىن قابىلدادى.

  جاڭ چۇنشيان بىلاي دەدى: «شىنايى سۇيىسپەنشىلىك» كينو فيلمى شىنايى سەزىممەن شەكسىز سۇيسپەنشىلىكتى بەينەلەدى. ءبىز وسى كينونى تەبىرەنگەن كوڭىل-كۇيمەن كورىپ شىقتىق. كوپشىلىك ءوز وبرازىن وزگەشە بەينەمەن سومدادى، ولاردان ءانيپانىڭ رۋحىن بايقاۋعا بولادى، سوندىقتان بۇل فيلم ءوز تاقىرىبىنداعىداي جان جۇيەنى تەبىرەنتەتىن شىنايى سۇيسپەنشىلىكتى جىرلايدى. سونداي-اق ول شينجياڭداعى ءار ۇلت حالقىنىڭ اق كوڭىلدىلىككە، العا ۇمتىلاتىن جىرى سانالادى.

  جاڭ چۇنشيان بىلاي دەپ اتاپ كورسەتتى: «ءانيپا الىماحۇننىڭ ىزگى ىستەرىنەن ۇيرەنىپ، ءار ۇلتتىڭ تاماشا ءداستۇرىن ساۋلەلەندىرۋىمىز كەرەك. ونىڭ ۇستىنەن انا ماحابباتى، شىنايى سەزىم، اق كوڭىلدىلىك جان-جاقتىلى بەينەلەندى، كينو فيلم ۇلت ارالىقتان اسىپ تۇسكەن شىنايى سەزىم، شەكسىز سۇيىسپەنشىلىكتى باياندادى، بۇل ءارى رۋحاني وركەنيەتتىڭ، دۇنيە ءجۇزى وركەنيەتىنىڭ بەينەلەنۋى، ءبىز ونى جالعاستىرۋىمىزعا، شەكسىز سۇيسپەنشىلىك نەگىزىندە بىرلىكتە تىرشىلىك ەتۋىمىزگە بولادى.

  جاڭ چۇنشيان بىلاي دەدى: «شىنايى سۇيسپەنشىلىك» كينو فيلمى مازمۇندى بايانداۋمەن بىرگە شينجياڭنىڭ كوركەم تابيعاتىن، قويۋ ۇلتتىق سالت-سانا ەرەكشەلىگىن جانە ۇلتتار ارا بەرەكە-بىرلىگى مەن جاراسىمدىلىعىن ايگىلەگەن كوركەم شينجياڭدى بەينەلەيتىن ۇزدىك فيلم دەۋگە بولادى. تيانشان كينو ستۋدياسى ۇزاق جىلداردان بەرى توپتاعان تۇرمىس نەگىزى، شينجياڭ مادەنيەتىنىڭ ءمانىن جانە وڭىرلىك ەرەكشەلىگىنەن جاندى، تولىق پايدالانىپ ءار ۇلت بۇقاراسىنا اناعۇرلىم كوپ ءارى تاماشا كوركەمونەر تۋىندىلارىن جاراتقانى ءجون.

  اۆتونوميالى رايوننىڭ باسشىلارىنان نۇر باكىر، حۋاڭ ۋيلەر قابىلداۋ قيمىلىنا قاتىناستى.

  العاشقى قويىلۋ سالتىندا، اۆتونوميالى رايوندىق پارتكومىنىڭ تۇراقتى مۇشەسى، ۇگىت ءبولىمىنىڭ باستىعى لي شۋەجۇن اۆتونوميالى رايوندىق پارتكوم، ۇكىمەت اتىنان «شىنايى سۇيىسپەنشىلىك» فيلمىنىڭ تۇڭعىش قويىلعانىن قۇتتىقتادى. ول بىلاي دەدى: فيلمنىڭ تۇتاس شينجياڭدا ۇگىتتەلىپ، تاراتىلىپ، قويىلۋى كەزەكتەگى رايونىمىزدىڭ وسىزامان مادەنيەتىن جەتەكشى ەتكەن، شىنايى سەزىم، شەكسىز سۇيسپەنشىلىكتى ساۋلەلەندىرىپ، شنجياڭداعى ءار ۇلت حالقىن سۇيەتىن، كورىكتى مەكەن قۇراتىن باستى تاقىرىپتى كورنەكتىلەندىرىپ، «كوپ نەگىزدى ءبىر تۇلعا، توعىسىپ اشۋ، شينجياڭدىق ەرەكشەلىككە يە بولۋ» سىندى وسىزامان مادەنيەت تانىمىن دارىپتەپ، ۇلتتاردىڭ ۇلى ىنتىماعىن جەبەپ، «وتاندى، شينجياڭدى ءسۇيۋ، ىنتىماقتاسىپ ۇلەس قوسۋ، ەڭبەكشىلدىكپەن ءوزارا كومەكتەسۋ، ەسىك اشىپ العا ۇمتىلۋ» سىندى شينجياڭ رۋحىن ۇگىتتەپ، از ۇلتتاردىڭ اسىل ءداستۇرلى مادەنيەتى جانە باتىرلار مەن وزاتتار كوپتەپ شىعاتىن قوعامدىق وڭ ەنەرگيانى ساۋلەلەندىرۋدە ەرەكشە بەلسەندى ناقتى مانگە يە.

  ۇعىسۋعا قاراعاندا، كينو فيلم 3 ءتۇرلى تىلدە شينجياڭنىڭ جەر-جەرىندە قويىلىپ، 13-مامىردا بەيجيڭدە مەملەكەت بويىنشا تۇڭعىش رەت قويىلۋ سالتى وتكىزىلىپ، ەلىمىز كولەمىندە رەسمي تاراتىلادى ەكەن.


جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.