بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>قوعام

زىمراعان پويەزدە ءولىم مەن ءومىر ارپالىسقان قۇتقارۋ ءجۇرىلدى

2014.04.30 13:23     كەلۋ قاينارى : شينجياڭ حالىق راديو ستانسياسى تورابى

  28-ءساۋىر تۇستەن بۇرىن، چۇڭجيڭ-ءۇرىمجى ارالىعىنا قاتىنايتىن K542 رەتكى پويەزدە ءبىر جولاۋشىنىڭ ناۋقاسى تۇتقيىل قوزعالىپ، حال ۇستىندە جاتقاندا، زىمراعان پويەزدە ءولىم مەن ءومىر ارپالىسقان قۇتقارۋ ءجۇرىلدى.

  تاڭەرتەڭ ساعات 7 دە، پويەز قۇمىلدان شىعىپ كوپ وتپەي، شۇعىل بەرىلگەن راديوداعى حابار جولاۋشىلاردى ۇيقىدان شوشىتىپ وياتتى، پويەز راديوسىندا شيپاگەر ىزدەگەن ۇقتىرۋ قايتا-قايتا بەرىلىپ، 6-ۆاگونداعى ءبىر جولاۋشىنىڭ ناۋقاسى شۇعىل قوزعالىپ، حال ۇستىندە جاتقانى ايتىلدى. ءتىلشى حاباردى ەستىگەننەن كەيىن بارسا، ءبىر ايەل قاتتى ورىندىققا ۇزىنىنان جاتقىزىلىپتى، ءوڭى تاتارىپ، ءالسىز تىنىس الادى. 4 پويەز قىزمەتكەرى ءتارتىپتى ساقتاپ، وتباسىنداعىلارىن جۇباتىپ ءجۇر. ىقىلاستى جولاۋشىلار كەلىپ كومەكتەسىپ جاتتى، الايدا، ناۋقاس جاعدايى شۇعىل بولعاندىقتان، ارناۋلى ەمدەۋ قىزمەتكەرى بولماعان جاعدايدا، كوپشىلىكتىڭ تىقىرشىعاننان باسقا امالى بولمادى. وسى كەزدە بار ءۇمىتتى پويەز باراتىن كەلەسى بەكەت ءپىشان ۆاگزالىنا ارتتى.

  وسى كەزدە ءپىشان ۆاگزالىنا ەكى ساعاتقا تاياۋ جول قالعان. ناۋقاستى قۇتقارۋعا قىمباتتى ۋاقىتتى ۇتۋ ءۇشىن، پويەز باستىعى ۋ شۇنشين الدىڭعى جاقتاعى قىزمەتكەرلەرمەن شۇعىل حابارلاستى. ول بىلاي دەدى: ءبىز ءپىشان ۆاگزالىمەن حابارلاستىق، جولدا توقتاماي ءپىشان ۆاگزالىنا توتە تارتاتامىز، 120 ءنومىرلى شۇعىل قۇتقارۋ اۆتوموبيلى پويەز ۆاگزالىندا كۇتىپ تۇراتىن بولدى.

  ساعات 8 دەن 43 مينۋت وتكەندە، جەدەل قارقىنمەن K542 رەتكى پويەز ءپىشان ۆاگزالىنا 20 مينۋت بۇرىن جەتىپ باردى، الدە قاشان كەلىپ الىپ كۇتىپ تۇرعان ۆاگزال ايالداماسىنداعى ەمدەۋ قىزمەتكەرلەرى ونى اۆتوموبيلگە شىعارىپ دەرەۋ قۇتقارۋعا كىرىستى. شيپاگەر حال جاعدايىنىڭ قيىن ەكەنىن، شيپاحاناعا دەرەۋ اپارۋ كەرەكتىگىن ايتتى.28-ءساۋىر تۇستەن كەيىن، ءتىلشى شۇعىل قۇتقارۋعا قاتىناسقان تۇرپان-قۇمىل مۇناي شيحاناسىنىڭ اعا شيپاگەرى چىن گاڭعا تاعى حابارلاستى، چىن گاڭ تانىستىرا كەلىپ: ناۋقاس جاعدايى شۇعىل بولعاندىقتان، شۇعىل قۇتقارىلسا دا، ما فاميليالى ناۋقاستىڭ اقىرى قايتىس بولعانىن ايتتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.