- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءتۇسى وزگەرگەن ەڭ تومەنگى تۇرمىستى قامتاماسىزداندىرۋ
شان ماۋ
2014.05.07 13:52 كەلۋ قاينارى : حالىق تورابى
باستاۋىش مەكتەپتەن تارتىپ وقۋدىڭ سوڭىنا ءتۇسىپ، سىرت جەردە وقىپ، وقۋ بىتىرگەن سوڭ قالادا قىزمەت ىستەگەندىگىمنەن اۋىل- قىستاقتا تۇرعان كەزىم تىم از بولدى. اۋىل- قىستاقتا تۋىلعان ءىستىڭ كوبىن ۇيىمدەگىلەردەن نەمەسە تۋىس- تۋعاندارىمنان ەستىپ بىلەمىن. تاياۋدا، اتا مەكەنىم – حاينان ولكەسى لينگاۋ اۋدانىنىڭ حىشى قالاشىعىنا بارىپ، تۋىس- تۋعاندارىممەن اڭگىمەلەسۋ، سىرلاسۋ بارىسىندا قىستاعىمىزدىڭ ەڭ تومەنگى تۇرمىستى قامتاماسىزداندىرۋ قاراجاتىن تاراتۋىندا قىرۋار ماسەلەنىڭ ءومىر ءسۇرىپ وتىرعانىن اڭعاردىم.
ءبىرىنشى، زورلاپ راسميات اقىسىن الۋ. جاقىنعى جىلداردان بەرى، قىستاق تۇرعىندارى ەڭ تومەنگى تۇرمىسى قامتاماسىزداندىرىلۋدان يگىلىكتەنۋ ءۇشىن، ءسوزسىز، الدىمەن 70 يۋان راسميات اقىسىن تاپسىرۋى ءتيىس ەكەن، بيىل بۇل اقى 100 يۋانعا جوعارىلاپتى. بۇل راسميات اقىسىن قىستاق تۇرعىندار كوميتەتىنىڭ ادامدارى كەلىپ زورلاپ الادى، ەگەر راسميات اقىسىن بەرمەسە، ەڭ تومەنگى تۇرمىسى قامتاماسىزداندىرىلۋعا كىرگىزىلمەيدى. كەزىندە ءبىر قىستاق تۇرعىنى قىستاق پارتيا ياچەيكاسىنىڭ شۋجيىنان بۇل ءىستىڭ ءجونىن سۇراعاندا، قىستاق پارتيا ياچەيكاسىنىڭ شۋجيى مۇنداي تاسىلمەن اقشا الۋ ورىندى بولۋمەن بىرگە، راسميات اقىسىن الۋ داعدىعا اينالىپ قالعان ءىس ەكەنىن اشىق مويىنداعان.
ەكىنشى، قامتاماسىزداندىرىلۋعا تيىستىلەرى قامتاماسىزداندىرىلماي، قامتاماسىزداندىرىلماۋعا تيىستىلەرى يگىلىككە كەنەلگەن. قىستاق «ەكى كوميتەتى» كادرلارىنىڭ اربىرىندە بىردەن ەڭ تومەنگى تۇرمىستى قامتاماسىزداندىرۋ سانى بار بولىپ، «قول ىشكە يىلەدى» دەگەندەي، ولار مۇنى اكە- شەشەسىنە نەمەسە تۋىس- تۋعاندارىنا بەرگەن. اۋەلى، قىستاق كادرلارى ەڭ تومەنگى تۇرمىستى قامتاماسىزداندىرۋ سانىن قىستاقتاعى گرۋپپا باستىقتارىنا «ۇسىنۋ ارقىلى» ولاردىڭ ۇزاق ۋاقىت قىستاق ءۇشىن ىستەگەن قىزمەتتەرىن قولداپ- قۋاتتاعان. قىستاق تۇرعىندارى كوپ رەت: ەڭ تومەنگى تۇرمىسى قامتاماسىزداندىرىلاتىنداردى نە ءۇشىن قىستاق تۇرعىندارى كورسەتىپ بەرمەيدى؟- دەگەن كۇدىگىن ايتقاندا، قىستاق پارتيا ياچەيكاسىنىڭ شۋجيى: مەيلى كىم قىستاق پارتيا ياچەيكاسىنىڭ شۋجيى بولسا دا بۇل ءىستى ءادىل ىستەي المايدى،- دەگەن بەتى بۇلك ەتپەستەن. قىستاق پارتيا ياچەيكاسى شۋجيىنىڭ اكەسى ەڭ تومەنگى تۇرمىستى قامتاماسىزداندىرۋدان يگىلىكتەنگەن، ونىڭ ءۇش ۇلى بار، شەتىنەن تەپسە تەمىر ۇزەتىن اتپال ازامات، ءال- اۋقاتتارى وتە جاقسى، قىستاق پارتيا ياچەيكاسى شۋجيى بولعان ەكونوميكالىق كىرىسى ايتارلىقتاي ۇلكەن ۇلى بىرنەشە جىلدىڭ الدىندا ءبىر شاعىن عيمارات سالىپ العان، ەكىنشى ۇلىنىڭ مىڭ تۇپتەن استام بالاۋىز اعاشى بار، ەكونوميكالىق كىرىسى تۇراقتى، كىشى ۇلى اسكەري قوسىننان بوساعان، سىرت جەردە ساۋدامەن شۇعىلدانادى، كۇن كورىسى توتەنشە جاقسى. قىستاقتا قىستاق پارتيا ياچەيكاسى شۋجيىنىڭ اكەسىنەن ەكونوميكالىق كىرىسى تومەن، كومەككە ءتىپتى دە مۇقتاج قىستاق تۇرعىنى كوپ، الايدا، ولار ەڭ تومەنگى تۇرمىستى قامتاماسىزداندىرۋدىڭ قۇتقارۋىنا كەنەلە الماي كەلەدى.
بۇل جاعدايدى ەستىگەن مەنىڭ زىعىردانىم قاتتى قاينادى. قالاعا قايتىپ كەلگەن سوڭ، اقپارات مەدياسىندا ىستەيتىن دوسىما ايتىپ، مۇنداي كەلەڭسىز قۇبىلىستى اشكەرەلەۋدى تالاپ ەتتىم. 2- كۇنى، تەلەۆيزياداعى حالىق تۇرمىسى ايدارىنىڭ ءبىر ءتىلشىسى وسى ءىس جونىندە اۋىلعا تىلشىلىك ىستەۋگە باردى. ماعان جاعدايدى ايتقان بىرنەشە تۋىسىم وزگەلەردى رەنجىتىپ الۋدان قورقىپ، سوزىنەن تانىپ الىپتى دا، تىلشىگە اشكەرەلەمەي- اق قوي دەگەن ءناسيحاتىن ايتىپ قايتارىپتى. كەيىن بىرنەشە تۋىسىم ماعان: مىڭ ويلانىپ، ءجۇز تولعانىپ، «جامان ادام» بولعىمىز كەلمەدى. ويتكەنى، بىرىنشىدەن، ءوش الۋدان قورىقتىق؛ ەكىنشىدەن، اۋىلىمىز ارالاس، قويىمىز قورالاس، «بەت كورسە ءجۇز ۇيالادى» دەگەندەي، وزگەلەردىڭ ءومىر بويى بىزبەن وشەسىپ ءوتۋىن قالامادىق،- دەدى بۇكپەسىز تۇردە.
حالىق گازەتىنىڭ2014-جىلى 25-اقپان كۇنگى سانىنان اۋدارعان: ساعىنبەك رابات ۇلى («التاي گازەتى» قازاق رەداكسياسى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
