بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>قوعام

جۇماتاي شيپاگەردەگى جاڭالىقتار

جارقىن ءنۇرابىلدا ۇلى

2014.05.19 10:24     كەلۋ قاينارى : ءتاڭىرتاۋ تورابى

  جۋىقتا بوزادىرعا بارعان ءبىر رەتكى تىلشىلىك ساپارىمىزدا كوكسۋ اراسانىنان بوي كوتەرگەن كوكسۋ اراسان شيپاحاناسىنىڭ شىت جاڭا قۇرىلىسىن، جۇماتايدىڭ شيرەك عاسىرلىق مەكەنى بولعان ارپاسالىس ەمدەۋ تۇيىنىندەگى جاڭالىقتاردى كورىپ، بارەكەلدى ايتىستىق. «مەملەكەتتىك تاڭداۋلى اۋىل - قىستاق شيپاگەرى» جۇماتاي اۋباكىر ۇلىنىڭ وسى داڭقتى اتاقتى العاننان كەيىن جەكە ءوز باسىندا، اينالاسىندا نەندەي جاڭالىقتار بولدى دەگەن سۇراقتىڭ كوپتەن بەرى كوكەيدە جۇرگەن شەشىمىن تاپقانداي بولدىق. تىلشىلەرمەن سۇحپاتتاسۋعا ابدەن توسەلگەن جۇكەڭ دە اڭگىمە تيەگىن ارىدان اعىتىپ جاتىر.

  «ءيا، 2012 - جىلى مەملەكەت جاعىنان تاڭداۋلى اۋىل - قىستاق شيپاگەرى بولىپ سيلانىپ كەلگەننەن كەيىن، پارتيا مەن ۇكىمەتتىڭ قامقورلىعىنا بولەنىپ، قۋانىشتى جۇمىستاردىڭ يگىلىگىن كوردىك. اقپارات دانەكەرلەرىنەن ءبىزدىڭ جاپالى قىزمەت ورتامىزدى، وتار مالشىلارىنىڭ تۇرمىسى مەن ءوندىرىس جاعدايىنان حاباردار بولعان رايون ءىشى - سىرتىنداعى ءبىر ءبولىم ورىندار زاتتاي جانە اقشالاي كومەكتەرىن ايامادى. ايتالىق، ىلە وبلىستىق جىلجىمالى حابارلاسۋ سەرىكتەستىگى مەن ىلە تەلەگراف سەرىكتەستىگى قوماقتى قارجى جۇمساپ، ايىرىم - ايىرىم كۇن ەنەرگياسىن قابىلداۋ تاقتاسىمەن جۇمىس جۇرگىزەتىن سيگنال قابىلداۋ مۇناراسىن ورناتىپ، مۇنداعى مالشىلاردىڭ ارلى - بەرلى جۇرگەن جولاۋشىدان سالەم ايتاتىن نەمەسە جارتى كۇن جول ءجۇرىپ، كوكسۋ اۋزىنا شىعىپ حابارلاساتىن جاعدايىنا قوش ايتقىزدى. قازىر مالشىلار ويداعىلارمەن حابارلاسىپ، قاجەتتى جۇمىستارىن ورنالاستىرماقشى بولسا، قاڭعال، شىپتىر، تەرەكتى ساي، كەڭبۇلاقتان وسى ارپاسالىس ەمدەۋ ءتۇيىننىڭ ماڭايىنا كەلەدى دە، سيگنالى تارتقان جەردەن - اق ەمەن - جارقىن سالەمىن جولداي بەرەدى. جياڭسۋ ياڭحى جيۋيە شەكتى سەرىكتەستىگى قۇنى 100 مىڭ يۋاندىق جۇرەك ارەكەتىنىڭ ەلەكترلى سىزىعى، B تيپتى ۋلترا تولقىندى تەكسەرۋ اپپاراتى، دارەت جانە قان تەكسەرۋگە پايدالانىلاتىن اسپاپتاردى اكەلىپ بەردى. وبلىستىق دەنساۋلىق ساقتاۋ مەكەمەسى دە قۇنى 100 مىڭ يۋاندىق ءتۇرلى اسپاپتارمەن قامدادى. ال وبلىستىق دوستىق شيپاحاناسى 50 مىڭ يۋان ناق اقشا بەرۋمەن بىرگە، بوزادىر مال شارۋاشىلىق شيپاحاناسىنىڭ 10عا تارتا شيپاگەرىن كەزەكپەن 3 تە 6 ايلىق ۋاقىتپەن تەگىن تاربيەلەۋدى ۇستىلەرىنە الدى ءارى 4 - 5 رەت ماماندار گرۋپپاسىن ۇيىمداستىرىپ، وتار مالشىلارىنىڭ اراسىنا كەلىپ، ناۋقاس كورۋ قيمىلىن ورىستەتتى. اۆتونوميالى رايوندىق دەنساۋلىق ساقتاۋ مەڭگەرمەسى مەن وبلىستىق دەنساۋلىق ساقتاۋ مەكەمەسى بىرلەسىپ بوزادىر مال شارۋاشىلىق شيپاحاناسىنا قۇنى 200 مىڭ يۋاندىق شۇعىل قۇتقارۋ اۆتوكولىگىن بەرەتىندىگى جايىندا ۋادەلەرىن بەردى. ال اۋداندىق مادەنيەت - دەنە تاربيە، كينو - راديو - تەلەۆيزيا مەكەمەسى كۇن ەنەرگيالى تەلە سيگنالىن قابىلداۋ اسپابىن شيپاحانامىزعا ورناتىپ بەرىپ، مۇنداعىلاردىڭ ينفورماتسيادان حاباردار بولۋىنا تاماشا نەگىز قالادى. بىلتىر ءوزىم العاشىندا شينجياڭ مەديتسينا ۋنيۆەرسيتەتى شيپاحاناسىندا 3 اي، كەيىن حۋنان ولكەسىنىڭ چاڭشا قالاسىنداعى شاڭيا شيپاحاناسىندا 3 اي تەگىن ءبىلىم اسىرىپ، بالالار ءبولىمى، شۇعىل قۇتقارۋ ءبولىمى، جۇرەك - قان تامىرى اۋرۋلارى بولىمىندە جۇيەلى ءبىلىم الدىم. حۋنانداعى شاڭيا شيپاحاناسى بوزادىر مال شارۋاشىلىق شيپاحاناسىنا 200 مىڭ يۋان اقشانى كومەككە اتادى. سول قارجىمەن باعانا وزدەرىڭىز كورگەن كوكسۋ اراسىنان بوي كوتەرگەن كولەمى 100 شارشى مەترلىك كوكسۋ اراسان شيپاحاناسى سالىنىپ، جاز بويى اراسانعا تۇسكەلى كەلگەندەر مەن توڭىرەكتەگى مالشىلاردىڭ ەمدەلۋ قاجەتىن شەشپەكشى. بىلتىردان بەرى جوعارىداعى ورىندار بولىپ، قۇنى 20 مىڭ يۋاننان اساتىن ءتۇرلى ءدارى - دارمەكتەردى جىلۋعا اتاعان، ونى مالشىلارعا تەگىن تاراتىپ بەردىك. ەڭ ماڭىزدىسى. وسى اسقار تاۋ قويناۋىندا مەملەكەتىمىزدىڭ اۋىل - قىستاق سەلبەسىپ ەمدەلۋى سىندى ءتيىمدى ساياساتىن ىسكە اسىرا بىلدىك. مالشىلاردىڭ سەلبەسىپ ەمدەلۋ كارتچكاسى بولسا بولدى، امبولاتوريالىق ەمدەۋ جۇرگىزە بەرەمىز. ماسەلەن، ءبىر اسپا ۋكول استىرار بولسا، تەك 2 يۋانىن عانا جانىنان شىعارادى، قالعانى تەگىن».

  راس، جۇكەڭ ايتقانداي بۇل اراداعى وزگەرىس ەرەسەن ەكەن. كەشەگى كۇنى شيپاحانا ىشىندەگى قاراپايىم تەكسەرۋ اسپابى، ازعانتاي عانا ءدارى - دارمەك بۇل كۇندەرى كوزگە شالىنبايدى، وزىق اسپاپتارمەن تولىقتىرىلعان. دەسەدە ەلەكتردىڭ جەتكىزىلمەۋى مەن ارناۋلى تەحنيكالىق شيپاگەردىڭ جوقتىعى سەبەبىنەن بۇل اسپاپتار ءالى كۇنگە دەيىن تولىق ىسكە تۇسە قويماپتى. اڭگىمە بارىسىندا «جۇڭگو ارمانىمەن» توعىسىپ جاتقان جۇماتاي ارمانىنىڭ دا حالىق تىلەگىمەن توعىسىپ جاتقانىن سەزگەندەي بولدىق. ونىڭ ايتۋىنشا، بۇل وتاردا جىلىنا 2000نان استام مالشى وتباسى قىستاپ شىعاتىندىقتان، شيپاگەرلەردىڭ اي سايىن كەم دەگەندە ءبىر رەتتەن ارالاپ ەمدەۋ جۇرگىزۋىنە تۋرا كەلەدى. بۇعان ونداعى 2 - 3 شيپاگەردىڭ ۇلگىرۋى قيىن. سوندىقتان قىستا باسقا ورىنداردان ۋاقىتتىق شيپاگەر سەپتەلەدى. بۇل دا مالشىلار قاجەتىن تولىق شەشە المايدى. سوندىقتان دا وسى ارانىڭ شارت - جاعدايىنا توزە بىلەتىن، شيپاگەرلىك كاسىبىن وقىعانداردان 10عا جۋىعىن تاربيەلەپ بەرسە، ءبىر جاعىنان، شيپاگەر جەتىسپەۋ قيىنشىلىعىمىزدى شەشەر ەدى، ەندى ءبىر جاعىنان، قازىرگە دەيىن كەلگەن وسى زامانعى اسپاپتارىمىز ىسكە قوسىلار ەدى. شيپاحانا سىرتى كۇن ەنەرگيالى تاقتا، حابارلاسۋ مۇناراسى، تەلە سيگنالىن قابىلداۋ تاباقشاسى، تاعىسىن - تاعىلارمەن جابدىقتالعان. جانە ءبىر حابارعا قاراعاندا، جۇماتاي اۋباكىر ۇلى 2014 - جىلعى شينجياڭدى اشۋ، كوركەيتۋ سيلىعىنا ۇسىنىلعان كانديداتتاردىڭ الدىڭعى قاتارىنان ورىن الىپتى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.