بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>قوعام

بۇقاراعا قادىرىن اسىرعان كادرلەر

امانتاي انيكون ۇلى

2014.05.22 14:49     كەلۋ قاينارى : حالىق تورابى


  بارشاعا ايان، «حالىق جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىق تىلەگىن توعىستىرۋ» قيمىلى بايلانىسىمەن بيىل ناۋرىزدىڭ باس شەنىندە رايونىمىزدىڭ جەر - جەرىنە ءار سالا، ءار كاسىپتەن پارتيا مەن ۇكىمەتتىڭ اماناتىن ارقالاپ نەگىزگى ساتىعا كوپتەگەن كادر ءتۇستى. سودان بەرگى ءۇش ايعا جۋىق ۋاقىتتا، زور ءۇمىت ارتىپ وتىرعان سول كادرلارىمىزدىڭ وسىنداي سىندارلى ساتتە حالىق ءۇشىن نە ىستەپ، نە تىندىرعاندىعىن العاشقى ساتىدا باعامدايتىن ساتتە جەتكەن سوڭ، جۋىقتا مەن تىلشىلىك ساپارمەن موڭعۇلكۇرە اۋدانىنا ات باسىن بۇردىم. مەنىڭ نەنى مەڭزەپ تۇرعاندىعىمدى «حالىق ءۇشىن ناقتى ءىس تىندىرعان قىزمەت گرۋپپالارىنا باستاساڭىز» دەپ، سالعان جەردەن توتەسىن ايتقان سوزىمنەن ماقساتىمدى تەز اڭعارعان سىرتقى ۇگىت ءبولىمىنىڭ يۇي فاميليالى مەڭگەرۋشىسى، ءبىزدى سارقوبى اۋىلى قىرتوعان قىستاعىنا بارۋعا ورنالاستىردى.

  ءبىز بۇل قىستاققا بارعان سوڭ، قىزمەت گرۋپپاسىنداعىلاردىڭ وسى قىستاق ءۇشىن ىستەگەن ناقتى ىستەرىن ءوز كوزىمىزبەن كورىپ، ءىستىڭ ءمان - جايىن ەڭ الدىمەن قىزمەت گرۋپپاسىنان ەمەس، بۇقارانىڭ ءوز اۋىزىنان ەستۋ ءۇشىن، وسى قىستاققا تۇسكەن قىزمەت گرۋپپاسىنىڭ باستىعى مۇڭعۇلكۇرە اۋداندىق ورتانى قورعاۋ مەكەمەسىنىڭ قىزمەتكەرى شالقار ءتالىم ۇلىنا جول باستاتتىق. ول كىسى ءبىزدى وسى قىستاقتاعى ەڭ تومەنگى تۇرمىسى قامسىزداندىرىلاتىن 62 جاسقا كەلگەن پاناسىز قارت دانەلقان قابىلدى قىزىنىڭ ۇيىنە باستاپ باردى. اۋلادان كىرگەن جەردەن سالىنىپ بولۋعا تاياعان ادەمى ەكى اۋىزدى ءۇي كوزىمىزگە شالىندى. اۋلا ىشىنە تىگىلگەن كيىز ءۇي الدىنا تۇرعان اجەي، بىزگە ىستىق ىقىلاسپەن امانداسىپ بولعان سوڭ، تەبىرەنىستى كوڭىل كۇيمەن ماناعى جاڭالىقتىڭ سىرىن جايىپ سالدى.

  بۇل كىسى سۇيەنىشى جان جولداسىنان ايىرىلعالى دا 10 نەشە جىلدىڭ ءجۇزى بولىپتى، سودان بەرى سوپيىپ جالعىز قالىپ، ۇپى - تاپى كۇن كەشىرىپ جاتىر ەكەن. 60 جاستان اسقان قارتتارعا جىلىنا ءبىر رەت بەرىلەتىن 65 يۋان مەن ەڭ تومەنگى تۇرمىستى قامسىزداندىرۋعا جىلىنا ءبىر رەت بەرەتىن 2 مىڭ 400 يۋان اقشامەن عانا كۇنەلتىپ جاتقان قارت انادا نە كۇي بولسىن، باس - پاناسى توزىپ قۇلاۋعا اينالىپ، قىستا اياز قارىپ، جازدا توبەسىنەن جاۋىن ساۋلاپ، عازيز جاننىڭ شاشىن ابدەن اعارتۋعا تاياپتى. بيىل ناۋرىز ايىندا ءۇمىت جۇلدىزىنداي جارق ەتىپ جەتىپ كەلگەن قىزمەت گرۋپپاسىنداعىلار قىستاقتاعى وتباسىلارىن ارالاپ، جاعداي ۇعىسۋ بارىسىندا، بۇل كىسىنىڭ جاعدايىنىڭ ەرەكشە مۇشكىل ەكەندىگىن كورىپ، دەرەۋ ىسكە كىرىسىپ، جاعدايدى دەر كەزىندە جوعارىعا مالىمدەپ، اۋداندىق بەيقۇت ءۇي كەڭسەسىمەن بايلانىس جاساپ 28 مىڭ 500 يۋان، اۋداندىق ورتانى قورعاۋ مەكەمەسىنەن 10 مىڭ يۋاننان استام قارجى بوساتقىزىپ اكەلگەن سوڭ، كونە ءۇيىن دەرەۋ بۇزىپ، ورنىنان وسى ەڭسەلى ەكى اۋىزدى جاڭا ءۇيدى باستاپ سالعىزىپ جاتىپتى. ءۇي سالىنىپ بولعان سوڭ اۋلاسىن كىرپىشپەن قورشاپ، قاقپاسىنا دەيىن ورناتىپ بەرۋدە جوسپار ىشىندە كورىنەدى. بۇل قىزمەت گرۋپپاسى تاعى اۋلا ىشىندەگى بۇرىننان بوس جاتقان اق جەرلەردىڭ ءبارىن وزدەرى اۋدارىپ، كارتوپ، ءسابىز سياقتى كوكونىس ۇرىعىن اكەلىپ ەگىپ بەرىپتى. وسىلاردىڭ ءبارىن جىپكە تىزىگەندەي تاپتەشەي ايتىپ شىققان قارت، ءسوز اراسىندا «راحىمەت سەندەرگە قاراقتارىم، شالقار قارعام مىڭ جاسا، بارىڭدە ءوز بالامداي بولىپ كەتتىڭدەر» دەگەن العىس سوزدەرىن كوپ قايتالاپ، كوزىنە ءالسىن – ءالسىن جاس الىپ، ءبارىمىزدىڭ دە كەڭسىرىگىمىزدى اشىتتى.

  شالقاردىڭ بۇل ىسىنە كوڭىلىم تولعايعان سوڭ، جانە بارما دەگەندەي وعان ءومىتتى كوزبەن قارادىم. «وندا ولجاباتىر وتباسىنا بارايىق» دەپ الىمىزعا تۇسە جونەلدى. ءبىز سودا كەيىن نەداۋىر جول باسىپ، قىستاقتان اۋاشا بەتكەي بوكتەرىندەگى ءبىر قاراشا ءۇيدىڭ الدىنا كەلىپ توقتادىق. سول ساتتە ءبىر اياعىن سۇيرەڭدەي باسىپ، جۇدەۋ ءجۇزدى ايەلىمەن بىرگە قىرىق نەشە جاس شاماسىنداعى ءبىر ەر كەلىپ امانداستى. اڭگىمە ول كىسىنىڭ ءۇيىنىڭ ماڭىنداعى 16 مۋداي جەرگە ەگىلەن كارتوپ پەن بەتكەيدى بوكتەرلەتە جاڭادان ەگىلگەن اعاش قالامشاسىنان تۋىندادى. قىزمەت گرۋپپاسىنداعىلار جاعداي ۇعىسۋ بارىسىندا بۇل كىسىنىڭ وتباسىندا ءۇش بالاسى بارلىعىن، ءوزىنىڭ 2 - دارەجەلى مۇگەدەكتىگى سەبەپتى وتباسى جاعدايىنىڭ تىم ناشار ەكەندىگىنەن حابار تاپقان سوڭ، قىستاق تۇرعىندارىنان ارناۋلى ادام ۇيىمداستىرىپ، ءۇيىنىڭ توڭىرەگىندەگى اق جاتقان جەرلەردى اۋدارىپ، مال كوڭىن تاسىپ توگىپ، 50 قالتا كارتوپ تۇقىمىن اكەلىپ، جانە وعان قوسا ءسابىز سياقتى كوكونىس تۇقىمدارىن قوسا ەگىپ بەرىپتى. سونىمەن بىرگە، قىزمەت گرۋپپاسىنداعىلار كۇزدە وسى كوكونىستەر جەتىلگەن سوڭ، اۋدانداعى كادرلاردى ۇيىمداستىرىپ بازار باعاسىندا ساتىپ الىپ، اقشاسىن شىپ - شىرعاسىن شىعارماي قولدارىنا تيگىزۋ جونىندە دە ۋادە بەرىپتى. ىرگەسىندە جاتقان ماي شەلپەكتى قىزمەت گرۋپپاسىنداعىلاردىڭ نۇسقاۋىمەن ەندى عانا بايقاعانداي كۇي كەشكەن بۇل ەرلى - زايىپتىلار، اتىز توڭىرەگىن مىقتاپ تورلاپ، كوكونىستارىن جان سالا باپتاۋعا كىرىسىپتى.

  سارقوبى اۋىلى قىرتوعان قىستاعىنا تۇسكەن ءتورت كادردىڭ گرۋپپا باستىعى، وسىنداي يگى ىستەردىڭ بۇيداگەرى بولىپ جۇرگەن شالقار ءتالىم ۇلى قىزمەت گرۋپپاسىندالاردىڭ كەلگەننەن بەرى تىندىرعان ىستەرى مەن الداعى جوبا - جوسپارى جونىندە بىلاي دەپ توقتالدى: بۇل قىستاقتا جالپى 357 جان سانى، 148 وتباسى بار، قازىرگە دەيىن 127 وتباسىن ارالاپ جاعدايلارىن ۇعىسىپ بولدىق. قالعانىن جۋىق ارادا بىتىرەمىز. ءبىز بۇل قىستاققا كەلگەننەن كەيىن ناقتىلى قىزمەت نىساناسىن بەلگىلەپ، سول نەگىزدە جۇمىس جۇرگىزدىك. ماسەلەن، جوعارىداعىداي ناقتى ىستەردى ىستەۋدەن تىس، قىستاق كوميتەتىنىڭ اۋلاسىن قورشاپ، اعاش ەگىپ ءىشىن جاسىلداندىردىق، بايلانىس قولايلىعىن تۋدىرۋ ءۇشىن قىستاق كەڭسەسىنە تەلەفون ورناتتىق ءارى ءبىر كومپيۋتەر تارتۋ ەتىپ، ونى تورعا جالعاپ بەردىك؛ ءار اپتانىڭ سەيسەنبى كۇنىن قىستاق بويىنشا جالپى بەتتىك تازالىق جۇرگىزەتىن كۇن ەتىپ بەلگىلەپ، قوقىسىقتى بەلگىلەنگەن ورىنعا توكتىرىپ، قىستاق ورتاسىن جاقسارتتىق؛ ەگىنشى - مالشىلار راسىندا بۇرىننان شەشىلمەي كەلە جاتقان جەر داۋىنىڭ كوبىن انىقتاپ، ۇگىت جۇرگىزۋ ارقىلى ءبىر ءبولىمىن جاراستىرىپ، بۇقارا اراسىنداعى قايشىلىقتى بارىنشا باسەڭدەتتىك؛ ءوزىم باستاماشى بولىپ «ورتانى قورعاۋ»، «تومەنگە تۇسكەن كادرلاردىڭ مىندەتى مەن بورىشى» سياقتى مازمۇنداردا ءۇش رەت لەكسيا جاساپ، زەيىن سىناۋ جارىسىن وزدىردىق؛ اۋلاسى بوس جاتقان نەمەسە ءۇيىنىڭ ماڭىندا بوس جەرى بار كەدەي 10 وتباسىنا جيىنى 4 توننا كارتوپ تۇقىمىن تاراتىپ بەرىپ، ولاردىڭ اۋلا شارۋاشىلىعىن دامىتىپ، كىرىس كوزىن اشۋىنا جاردەمدەستىك،- دەدى.

  «جىگىتتىڭ تۇسىنە قاراما، تىندىرعان ىسىنە قارا» دەگەندەي، شالقاردىڭ جول باستاپ جۇرگەندە ءبىزدىڭ سۇراعان ءاربىر سۇراۋىمىزعا بەرگەن جاۋابىنان، ونىڭ قىسقا عانا بىرنەشە ايدا وسى قىستاقتىڭ سىرىنا ابدەن قانىعىپ بولعاندىعىن بايقادىق. مىنە بۇل ونىڭ ءوزىنىڭ نەگىزگى ساتىداعى مىندەتىن ويداعىداي اتقارىپ، بۇقارا ءۇشىن ناقتى ءىس ىستەپ، بۇقارامەن ەتەنە بولۋدىڭ اسا ماڭىزدىلىعىن تولىق تانىپ جەتكەندىگىن اڭعارتادى. سۋرەتتە: كادرلار كەدەي وتباسىلارىن ارالاپ، وزدەرى تاراتىپ بەرگەن بالاپانداردىڭ ءوسۋ احۋالىن ۇعىسۋدا.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.