- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«نوبەل سيلىعىن العان كۇيەۋ بالا»
2014.10.21 16:23 كەلۋ قاينارى : حالىق تورابى
انحۇي ولكەسى باڭبۋ قالاسىنداعى 1 - ورتا مەكتەپ «مەكتەبىمىزدىڭ كۇيەۋ بالاسى ەريك بەتزيگتىڭ 2014 – جىلعى نوبەل حيميا سيلىعىن العانىن شىن ىقىلاسپەن قۇتتىقتايمىز» دەگەن ءسوزدى مەكتەپ اۋلاسىنداعى ەلەكتروندى ەكراننان كورسەتكەن، مۇنى بىرەۋلەر سۋرەتكە ءتۇسىرىپ، عالامتورعا شىعارعان. عالامتوردا بۇل جايلى قىزۋ تالقى بولىپ، پىكىر بىلدىرۋشىلەر باڭبۋ 1 – ورتا مەكتەبى وسى ارقىلى «مارتەبەسىن اسىرماق بولىپ وتىر » دەپ قاراعان.
15 – قازان كۇنى باڭبۋ ورتا مەكتەبىنىڭ جاۋاپتى ادامى حالىق تورابى انحۇي ارناسىنىڭ تىلشىلەرىنە سۇحبات بەرگەندە: مەكتەپتىڭ بۇلاي ىستەۋدەگى سەبەبى «مارتەبەمىزدى اسىرۋ ءۇشىن ەمەس»، تەك وسى ورايدان پايدالانىپ، مەكتەبىمىزدەن وقۋ تاۋىسقان ۇزدىك وقۋشى جي نانى ۇگىتتەۋ ەدى، - دەگەن.
جۋىردا 2014 – جىلعى نوبەل حيميا سيلىعىنىڭ يەگەرى بەلگىلى بولدى، ا ق ش عالىمى ەريك بەتزيگ بۇل ماراپاتقا يە بولدى. ونىڭ جۇبايى جي نانىڭ تۋعان جەرى انحۇي ولكەسىنىڭ باڭبۋ قالاسى، جي نا باڭبۋ 1 – ورتا مەكتەبىنەن وقۋ تاۋىسقان.
ەريك بەتزيگتىڭ نوبەل سيلىعىنا يە بولعانى جاريالانعاننان كەيىن، باڭبۋ 1 – ورتا مەكتەبى مەكتەپ قاقپاسىنداعى ەلەكتروندى ەكراندا «مەكتەبىمىزدىڭ كۇيەۋ بالاسى ەريك بەتزيگتىڭ 2014 – جىلعى نوبەل حيميا سيلىعىنا يە بولعانىن شىن ىقىلاسپەن قۇتتىقتايمىز» دەگەن سوزدەردى جاريالاعان. بۇل سۋرەت تورعا جاريالانعاننان كەيىن، پىكىر بىلدىرۋشىلەر «مەكتەپ وسى ارقىلى وزدەرىن نوبەل سيلىعىمەن بايلانىستىرماق بولدى» دەپ قاراعان.
عالامتورداعى پىكىرلەر تۋرالى باڭبۋ 1 – ورتا مەكتەبىنىڭ جاۋاپتى ادامى «مۇنداي كۇشتى اڭىس قوزعايتىنىن ويلاماپپىز» دەپ اشىعىن ايتتى. ونىڭ ايتۋىنشا، سيلىق جاريالانعاننان كەيىن، جي نانىڭ ساباقتاستارى مەن دوستارى ءۇنحاتتا قۇتتىقتاۋ ءبىلدىرىپ، ەريك بەتزيگتى «باڭبۋدىڭ كۇيەۋ بالاسى» دەپ قالجىڭداعان، باڭبۋداعى مەديالار دا «باڭبۋدىڭ كۇيەۋ بالاسى» دەگەن ءسوزدى قولدانعان. سوندىقتان، ەريك بەتزيگتى كۇيەۋ بالا دەپ اتاۋدى ەڭ العاش قولدانعان باڭبۋ 1 – ورتا مەكتەبى ەمەس، قايتا سول جەردەگى مەديالار الدىمەن قولدانعان.
وسى جاۋاپتى ادامنىڭ ايتۋىنشا، جي نا باڭبۋداعى قاراپايىم وتباسىندا دۇنيە ەسىگىن اشقان، ورتالاۋ مەن تولىق ورتانى باڭبۋ 1 – ورتا مەكتەبىنەن وقىعان، مەكتەپتە ناتيجەسى ۇزدىك بولعان. جي نانىڭ اتى نوبەل سيلىعىن العان ەريك بەتزيگتەي ايگىلى بولماعانىمەن، عىلىم سالاسىندا دا تالاي تابىستارعا جەتكەن. مەكتەپتىڭ ماقساتى ەريك بەتزيگپەن بايلانىسى بارلىعىن ايتۋ ارقىلى «مارتەبەسىن اسىرۋ» ەمەس، قايتا، نوبەل سيلىعىن وراي ەتە وتىرىپ، وقۋشىلاردى جي نادان ۇيرەنۋگە شابىتتاندىرۋ.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
