بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>قوعام

كورىنىس ورىندارىندا قوقسىق لاقتىرعانداردى تەكتەيتىن ادام بار ما؟

2015.01.27 14:38     كەلۋ قاينارى : حالىق تورابى

  حالىق تورابى، 27 – قاڭتار، بەيجيڭ. (نۇرعيسا) قازاق حالقى ۇزاق ۋاقىتتىق مال شارۋاشىلىعى بارىسىندا ورتانى قورعاۋ تانىمىن جۇرەگىنىڭ تەرەڭ تۇكپىرىنە ۇيالاتىپ، ۇلتتىق پسيحولوگياسىنا سىڭىرگەن حالىق. بالا ءتاي – ءتاي باسىپ جۇرگەننەن – اق، «كوك ءشوپتى جۇلما» «سۋعا دارەت قىلما» «جاندىعا ءزابىر كەلتىرمە» دەپ بالانىڭ قۇلاعىنا قۇيادى. بالاعا سۇتپەن بىتكەن ادەت وعان ءومىر بويى سەرىك بولىپ، ەشقانداي ءتارتىپ – ءتۇزىمنىڭ قاجەتىنسىز – اق، ونىڭ قورشاعان ورتاعا دەگەن ماحابباتىن وياتىپ، ۇلى تابيعاتقا زارەدەي زالال جەتكىزبەۋگە جەبەپ جۇرەدى.

  ءبىراق جاقىنعى جىلداردان بەرى ەكونوميكانىڭ دامۋى مەن ساياحات سالاسىنىڭ گۇلدەنۋىنە بايلانىستى، قازاق ۇلتى قونىستانعان وڭىرلەرگە ەلىمىزدىڭ جەر – جەرىنەن، شەتەلدەن ساياحاتشىلار كوپتەپ كەلە باستادى. بۇل ءبىر جاعىنان، قانداستارىمىزدىڭ اۋقاتتانۋىنا جول اشىپ، تۇرمىستارىنىڭ وڭالۋىنا سەپ بولسا، ەندى ءبىر جاعىنان، كەرى ىقپالداردى دا الا كەلگەنى جاسىرىن ەمەس. سونىڭ ءبىرى، اتا – بابامىز كوزىنىڭ قاراشىعىنداي قورعاپ كەلگەن ۇلى تابيعاتتىڭ تۇلعاسىنا تۇسكەن جاراقات ــ ساياحات ورىندارىنداعى ورتانىڭ لاستانۋ جايتى.

  ءار جولى ساحارادا وتكىزىلەتىن سالتاناتتى تويلاردا الىس – جاقىننان اعىلاتىن كورەرمەندەر ساحارانىڭ سانىنە كوز ايىم بولىپ، ۇلتتىق سالت – سانامەن تانىسىپ، سەرۋەندەپ قايتادى، ساياحات ورىندارىنداعى مالشىلارعا دا قوماقتى تابىس اكەلەدى. ءبىراق، ءار ءبىر توي وتكەن سايىن جايلاۋدا قالعان قوقىر – قوقسىق شەشىمىن تاپپاي، سۋلياۋ جانە اينەك بوتەلكەلەر ساي – سالادا قالىپ، سۋلياۋ قالتالار، قاعاز قيقىمدارى، ءتۇرلى جەمەكتىكتەردىڭ قوراپتارى جەلمەن ۇشىپ، ساحارانىڭ سانىنە داق كەلتىرەدى.

  ارينە، قوقىر – قوقسىقتىڭ ءبارىن سىرتتان كەلگەندەر اكەلمەيدى، بۇل كۇندەرى ۇلتىمىزدىڭ ورتانى قورعاۋ تانىمىنا دا سەلكەۋ ءتۇسىپ، اتا – بابانىڭ اقىل – وسيەتىن ەستەن شىعارا باستاعانبىز. جيىن – تويسىز – اق، جايلاۋداعى دۇكەندەردىڭ ماڭىنا بوتەلكەلەر مەن قوقسىقتاردى لاقتىرا بەرەتىن بولعانبىز. وسىنى كورىپ اشىنعاندا ەسكە تۇسەدى: وسىنى تەكتەيتىن ورىن بولماعانى ما؟ كىم كەلىپ بۇلارىڭ بۇرىس دەيدى؟

  تەكتەۋ ءىسى ورتانى قورعاۋ تاراۋلارىنا تاۋەلدى، ورتانى قورعاۋ تاراۋلارى قالا – قالاشىقتاردا عانا ورتا تازالىعىنا جاۋاپتى بولىپ قالماستان، ۇلى تابيعاتتىڭ، ساحارانىڭ تۇكپىر – تۇكپىرىنە دەيىن «امىرلەرىن» جۇرگىزىپ، قورشاعان ورتانىڭ ءاربىر سۇيەم توپىراعىن، ءاربىر مايساسى مەن ءار تامشى سۋىن كوزدىڭ قاراشىعىنداي قورعاۋى كەرەك. ءبىراق، جۇمىس وسىمەن عانا بىتپەيدى، ورتانى قورعاۋ تاراۋلارىنىڭ دا كۇشى شەكتى، ولار دا تاۋ – تاستى كەزىپ، ساي – سالانى شارلاپ تەكسەرىپ جۇرۋگە كەپىلدىك بەرە المايدى.

  ەندەشە، نە ىستەۋ كەرەك؟ اتانىڭ اقىلىن تىڭدايتىن ءار قازاق بالاسى ءوزى تۋىپ وسكەن مەكەنىن ايالاۋدى ۇيرەنۋى كەرەك. ورتانى قورعاۋدا ءوزىمىز ۇلگى بولۋدان سىرت، وزگەلەردىڭ وعاش قىلىقتارىنا سىپايى تۇردە سىن ايتىپ، ءوز ءالىمىز جەتپەگەن جەردە قاتىستى تاراۋلارعا اڭىس ەتۋدى باسى ارتىق ءىس دەپ قاراماۋىمىز كەرەك. ورتامىزدى، كورىكتى مەكەنىمىزدى قورعاۋدا ءاربىرىمىزدىڭ جاۋاپكەرشىلىگىمىز بار ەكەنىن انىق سەزىنىپ، زاڭعا سۇيەنە وتىرىپ، جاساعان ورتامىزدى قورعاۋىمىز، قوقىر – قوقسىقپەن لاستانۋعا جان – تانىمىزبەن قارسى تۇرۋىمىز كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.