- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كەسەك التىن تۋرالى تالاس زاڭداعى اقتاڭداقتى اشىققا شىعاردى
2015.02.09 10:34
حالىق تورابى، 9 - اقپان، بەيجيڭ. (نۇرعيسا) جۋىردا التاي ايماعىنىڭ شىڭگىل اۋدانىندا قازاق مالشى 7.85 كيلوگرامدىق كەسەك التىن تاۋىپ الدى. سول جەردەگى جەر شەجىرەسى قىزمەتكەرىنىڭ ايتۋىنشا، بۇل قازىرگە دەيىن شينجياڭنان بايقالعان ەڭ ۇلكەن كەسەك التىن. كەسەك التىننىڭ كىمگە تيەسىلى ەكەنى جونىندە عالامتورداعى تالاس تولاستامادى، كەيبىرەۋلەر كەسەك التىن مەملەكەتكە ءتان دەسە، كەيبىرەۋلەر كەسەك التىندى بايقاعان مالشىعا ءتان دەگەن پىكىردە.
بۇل ءبىر كىشى - گىرىم ءىس سياقتانعانىمەن، ءىس جۇزىندە ماڭىزدى ءبىر ماسەلەنىڭ بەتىن اشتى، نەشە كۇنگى تالاستاردان ۇققانىمىز: كەسەك التىننىڭ كىمگە تاۋەلدى بولاتىنى تۋرالى قاتىستى زاڭداردان بۇكىلدەي يلانارلىق تولىق سپات تابا المايمىز.
ەگەر كەسەك التىن مادەني مۇرا نەمەسە كەن ءونىمى بولسا، وندا قاتىستى زاڭدارعا ساي، مەملەكەتكە تاۋەلدى بولاتىنىندا داۋ جوق. ءبىراق، التاي ايماعى شىڭگىل اۋداندىق مادەني مۇرالار مەكەمەسىنىڭ قاتىستى قىزمەتكەرى: «كەسەك التىندى كوردىك، مادەني مۇرا دەۋگە كەلمەيدى»، - دەدى، كەسەك التىننىڭ كەن ءونىمى ەمەس ەكەنى ايدان انىق. «كەن ءونىمى بايلىعى زاڭىندا» «كەن ءونىمى بايلىعى مەملەكەتكە تاۋەلدى» دەپ بەلگىلەنگەن. الايدا، كەن ءونىمى دەگەنىمىز بەلگىلى ساقتالۋ مولشەرىنە يە، كەڭ كولەمدە اشىپ پايدالانۋ قۇنى بار، شوعىرلى تابيعي بايلىق كوزى. ويلاماعان جەردەن كەسەك التىن تاۋىپ الۋ كەن اشۋ ارەكەتىنە جاتپايدى، سوندىقتان، زاڭنىڭ شەكتەۋىنە ۇشىرامايدى. «ازاماتتىق ىستەر زاڭىنىڭ جالپى ەرەجەسىندە» «بارلىق بەيمالىم كومىلگەن قازىنا، جاسىرىلعان زاتتار مەملەكەتكە تاۋەلدى» دەلىنگەن. ءبىراق، مالشى كەسەك التىندى وقياتتان تاۋىپ العان، كومىلگەن، جاسىرىلعان زات ەمەس، بۇلاي بولعاندا كەسەك التىن مەملەكەتكە تاۋەلدى بولماۋى كەرەك.
«كەسەك التىن» تۋرالى تالاس زاڭداعى بوستىقتى اشىپ كورسەتتى، «كەسەك التىن» سىندى جەكەلەر تاۋىپ العان باعالى زاتتاردىڭ كىمگە ءتان بولاتىنى جونىندە زاڭدا انىق بەلگىلەمە جاسالماعان. كۇندەلىكتى تۇرمىستان قاراعاندا، جەكەلەر تاۋىپ العان «يەسىز» زاتتار، ناعىز يەسى كەلىپ سپاتىن كورسەتپەگەن جاعدايدا، تاۋىپ العان ادامعا تاۋەلدى بولادى. ەگەر «كەسەك التىن» سىندى باعالى زاتتار شىنىندا دا مەملەكەتكە تاۋەلدى بولىپ، جەكەلەردىڭ يەلەنۋىنە نەمەسە الىپ – ساتۋىنا بولمايتىن بولسا، وندا قانداي زاتتاردىڭ باعالى زاتتار ەسەپتەلەتىنىنە زاڭ جۇزىندە ولشەم بولعانى دۇرىس.
وسى تەكتەس ماسەلەلەردى ءبىرجاقتىلى ەتۋدە حالىق اراسىندا ءبىرشاما قولداۋعا يە بولعان كوزقاراس مىناداي: الدىمەن زاڭ سالاسىنداعىلار قانداي زاتتاردىڭ كىمگە ءتان بولاتىنىن زاڭ جۇزىندە تۇراقتاندىرۋى كەرەك، ونان كەيىن، ۇكىمەت «ساتىپ الۋ ءتۇزىمىن» جولعا قويسا قۇبا قۇپ. ەگەر بىرەۋ «يەسىز» باعالى زاتتى تاۋىپ السا، وندا مەملەكەت ءبىرتۇتاس باعا بويىنشا ساتىپ الادى، وسىلاي بولعاندا، ءارى تاۋىپ العان ادامدى سيلاۋ ءمانىن الادى، ءارى مادەني مۇرالار مەن باعالى زاتتاردى جاسىرىن الىپ – ساتۋعا شەكتەۋ قويۋعا بولادى. «كەسەك التىن» تۋرالى تالاس قوعامدا زاڭدىق تانىمنىڭ جوعارىلاپ كەلە جاتقانىن كورسەتتى. ەندىگى جەردە مۇنداي باعالى زاتتاردىڭ كىمگە تاۋەلدى بولاتىنىن تالاسپەن ەمەس، «تايعا تاڭبا باسقانداي» انىق جازىلعان زاڭ تارماقتارىمەن شەشكەن وڭ بولار.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
