- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بانكەدەن قارىز العاندا كوڭىل بولۋگە ءتيىستى ىستەر
2015.03.11 14:08
كوپتەگەن ادامدار بانكەدەن قارىز الۋ بارىسىندا بانكە قارىزى جونىندەگى ۇعىمى جەتەرلىكتەي بولماعاندىعى سەبەپتى، وزىنە لايىقتى قارىز ءتۇرىن دۇرىس تالداي الماۋ، قارىز اقشانىڭ قارىز مەرزىمى مەن كاسىپ اينالىم مەرزىمى سايكەس كەلمەۋ، قارىز شەكتى مەرزىم ىشىندە كاسىپ كىرىس ءونىمى دەر كەزىندە كورىلمەۋ قاتارلى ءتۇرلى سەبەپتەر سالدارىنان قارىزدى ۋاعىندا قايتارا الماۋ، توقتامعا قايشى كەلۋ، جاۋاپكەرسىزدىكپەن كەپىل بولۋ جانە كەپىلدىك جاۋاپكەرشىلىگىن ادا ەتە الماۋداي ۇنامسىز ارەكەتتەر كورىلىپ، بانكە مەن قارىز الۋشى ورتاسىندا كەلىسپەۋشىلدىك ىستەر ءجۇز بەرىپ وتىرادى. سوندىقتان قارىز الۋشىلار بانكە قارىز ءتۇرىن دۇرىس تالداۋ جانە ودان لايىقتى پايدالانۋ ءۇشىن تومەندەگى ءبىرقانشا جاقتارعا كوڭىل بولگەن ءجون.
1. ءوز قاجەتىنە ۇيلەسىمدى قارىز ءتۇرىن تالداي ءبىلۋ
ادەتتە جەكەلەرگە بەرىلەتىن قارىز حاراكتەرىنە قاراي سەنىمدى قارىز، مال-مۇلىكتى كەپىلگە قويىپ الاتىن قارىز، جەكە ادام كەپىل بولۋ ارقىلى بەرىلەتىن قارىز، ءوزارا كەپىل بولىپ گرۋپپا بويىنشا بەرىلەتىن قارىز، ەڭبەكاقىنى كەپىلگە قويىپ الاتىن قارىز تاعى باسقالار بولىپ بولىنەدى. قارىز الۋشىلاردىڭ شۇعىلداناتىن كاسىپ ءتۇرى بويىنشا ءوندىرىس، ساۋدا قارىزى، تۇتىنۋ قارىزى، كاسىپتەنۋ، قايتالاما كاسىپتەنۋ قارىزى قاتارلى كوپ تۇرگە ءبولىنىپ، سايكەستى قارىز مەرزىمى قىسقا، ورتاشا، ۇزاق سىندى ءۇش مەرزىمنەن قۇرام تابادى.
پوچتا امانات بانكەسىنىڭ جەكەلەرگە قاراتقان قارىزى نەگىزىنەن:
(1) ديقاندارعا بەرىلەتىن ءوندىرىس قارىز. ەرەكشەلىگى: كەپىل تۇرىنە قاراي ءوز ىشىنەن جەكە ادام كەپىل بولۋ ارقىلى بەرىلەتىن ءبىر جىلدىق ءوندىرىس قارىز، ءوزارا كەپىل بولۋ حاراكتەرىندەگى گرۋپپالاستىرىلعان ءبىر جىلدىق ءوندىرىس قارىز، تۇراقتى مۇلىكتى كەپىلگە قويىپ بەرىلەتىن جوعارى سومالى بەس جىلدىق ءوندىرىس قارىز تۇرىنە بولىنەدى.
(2) مال بورداقىلاۋ جانە مال وسىرۋگە بەرىلەتىن باعىمشىلىق قارىزى. ەرەكشەلىگى: ءوزارا كەپىل بولۋ حاراكتەرىندەگى گرۋپپالاستىرىلعان جوعارى سومالى 2جىلدىق قارىز.
(3) قالا تۇرعىندارىنا قاراتىلعان ءتۇرلى تۇتىنۋ قارىزى. ەرەكشەلىگى: تۇراقتى مۇلىكتى كەپىلگە قويىپ بەرىلەتىن جوعارى سومالى 1-10 جىلدىق قارىز.
(4) جەكە تيجاراتشىلارعا جانە بىرلەسپە كووپەراتيۆكە بەرىلەتىن قارىز. ەرەكشەلىگى: تۇراقتى مۇلىكتى كەپىلگە قويىپ بەرىلەتىن جوعارى سومالى 1-5 جىلدىق قارىز.
(5) قايتالاما كاسىپتەنۋ جانە جوعارى مەكتەپ وقۋشىلارىنىڭ كاسىپتەنۋ قارىزى. جەكە ادام كەپىل بولۋ حاراكتەرىندەگى ءوسىمى كوتەرىلگەن 1-2 جىلدىق قارىز قاتارلىلار.
بانكەدەن قارىز الۋشى بانكە قارىزىن ءوتىنىش ەتۋدەن بۇرىن بانكەنىڭ قازىرگى جولعا قويىپ وتىرعان قارىز تۇرلەرى جونىندە بەلگىلى تۇسىنىككە يە بولۋى، سول ارقىلى قاجەتتى قارىز ءتۇرىن لايىقتى تالداۋى كەرەك. ماسەلەن، مال وسىرۋگە ىستەتۋگە ءتيىستى بولعاندا، ءسوزسىز، ءبىر جىلدان جوعارى مەرزىمدەگى قارىز ءتۇرىن تالداۋى، استە كوزسىزدىكپەن ءبىر جىلدىق شاعىن سومالى قارىز ءتۇرىن تالداۋدان اۋلاق بولۋ كەرەك. ەگەر جەر اشۋ، قورا سالۋ، كولەمدى جەردە ەگىن سالۋ قاتارلى كولەمدى شارۋاشىلىقپەن شۇعىلدانعاندا، ءسوزسىز، جوعارى سومالى ورتا نەمەسە ۇزاق مەرزىمدى قارىز ءتۇرىن تالداۋى كەرەك. سوندا عانا العان قارىز اقشانى ىرىقتى تۇردە ءونىمدى پايدالانۋعا، ۋاعىندا قايتارۋعا كەپىلدىك ەتۋگە بولادى.
2. قارىزدى كەشەۋىلدەتۋدەن كەلىپ شىعاتىن زارداپ
(1) ۇستەمە ءوسىم تولەمى تالاپ ەتىلەدى. قارىز سوما توقتامدا بەلگىلەنگەن كەلىسىم ۋاقىتى بويىنشا قايتارىلماسا، توقتامدا كەلىسكەن قارىز سوماعا قاراتا ۋاقىتى اسقان كۇن سانى بويىنشا ۇستەمە ءوسىم تولەمى تالاپ ەتىلەدى. ۋاقىتى اسقان كۇن سانى ۇزارعان سايىن ۇستەمە ءوسىم ەسەلەنىپ وتىرادى.
(2) كىسىلىك سەنىم ەستەلىگىنە ءتاسىر كورسەتەدى. كىسىلىك سەنىم ەستەلىگى دەگەنىمىز جۇڭگو حالىق بانكەسىنىڭ بانكە، قارىز كووپەراتيۆ ورىندارىنا قاراتا جوبالاعان كىسىلىك سەنىم ەستەلىك ءبىر تۇتاس سەستاماسى بولىپ، وندا كىسىلەردىڭ سەنىمدىلىك ەستەلىگى قارىز قايتارۋ بەينەسىنە قاراي سارالانىپ، تۇرگە بولىنگەن. كسىلىك سەنىم ەستەلىگى ناشار كىسىلەر قايتالاي قارىز الۋ بارىسىندا شەكتەمەگە نەمەسە تويتارىسقا ۇشىرايدى. كىسىلىك سەنىم ەستەلىگى «قارا» تىزىمدىككە كىرگەن كىسىلەر بەس جىل بويىندا قارىز الا المايدى جانە بەس جىل بويىندا سەنىمدىلىك قارىز كارتۋچكاسىن بىتىرە المايدى.
(3) زاڭدىق جاۋاپكەرشىلىك ارقالايدى. قارىز سوما توقتامدا بەلگىلەنگەن كەلىسىم ۋاقىتىندا قايتارىلماي، بانكە سالاسى كوپ قايتارا قۋزاۋ سالسادا ءونىمى كورنەكتى بولماسا، بانكە ورىندارى بەلگىلەمە بويىنشا قارىز الۋشىنىڭ ۇستىنەن زاڭ سالاسىنا شاعىم بەرۋىنە بولادى. زاڭ سالاسى قارىز كەپىل ءتۇرى بويىنشا كەپىل بولۋشىنى قارىز قايتارۋعا بۇيىرادى نەمەسە كەپىل ءۇي قورا-جاي، مال-مۇلىك ت.ب لاردى اتقارۋ، سارالاپ ساتۋ ارقىلى قارىز سومانى ءوندىرىپ بەرەدى.
3. باسقالارعا كەپىل بولۋدان كەلىپ شىعاتىن زارداپ جانە زاڭدىق جاۋاپكەرشىلىك
قازىرگە دەيىنگى بانكە قارىزىندا جولعا قويىلىپ وتىرعان كەپىلدىك ءتۇرى ەكى ءتۇرلى بولىپ، ءبىرى، جەكە قارىز الۋشىعا كەپىل بولۋ ، ەندى ءبىرى، گرۋپپالاسىپ ءوزارا كەپىل بولۋ بولىپ تابىلادى.
كەيبىر ادامدار جەكە ادامدارعا كەپىل بولۋ بارىسىندا توقتامداعى كەپىل بولۋ جاۋاپكەرشىلىك تارماقتارىنا كوڭىل بولمەيدى نەمەسە كەپىل بولۋ جاۋاپكەرشىلىگىن تولىق تۇسىنبەي تۇرىپ، باسقالارعا كەپىل بولۋ راسىمياتىن وتەيدى، ەندى ءبىر توپتاعى ادامدار قارىز قايتارۋ قۋاتى ءالسىز نەمەسە سەنىمدىلىگى تومەن ادامدارمەن بىرلەسىپ ءبىر گرۋپپا بولىپ قارىز الىپ ءوزارا كەپىل بولۋ جاۋاپكەرشىلىگىن قالىپتاستىرادى. وسى ەكى ءتۇرلى جاعدايدا ەگەر قارىز الۋشى ءبىر جاق قارىزىن ۋاقىتىندا قايتارا الماعان جاعدايدا مەيلى جەكە قارىز الۋشىعا كەپىل بولۋشى بولسىن، مەيلى ءوزارا كەپىل بولىپ قارىز الۋشى بولسىن بارى دە توقتام بويىنشا جاۋاپكەرشىلىك ارقالايدى.
كورىلەتىن زارداپ: (1) جەكە باسىندىق ءتۇرلى تولىمدىلىعى شەكتەمەگە نەمەسە تويتارىسقا ۇشىرايدى. كەپىل بولۋ جاۋاپكەرشىلىگىن ارقالاۋشىنىڭ كىسىلىك سەنىم ەستەلىگىندە كەپىلدىك ەستەلىگى قارىز سوما قايتقانعا دەيىن ساقتالىنىپ تۇرادى. كەپىلدىك قارىز سوما قايتپاعان جاعدايدا، ءوز اتىندا قارىز ءبىتىرۋ تولىمدىلىعى، باسقالارعا كەپىل بولۋ تولىمدىلىعى، سەنىمدىلىك قارىز كارتۋچكاسىن ءبىتىرۋ تولىمدىلىعى شەكتەمەگە نەمەسە تويتارىسقا ۇشىرايدى.
(2) قارىز قايتارۋ زاڭدىق جاۋاپكەرشىلىگىن ارقالايدى. ءوزارا كەپىل بولۋ حاراكتەرىندەگى گرۋپپالاستىرىلعان قارىز تۇرىندە گرۋپپا مۇشەسى قارىز قايتارماعان جاعداي استىندا، باسقا كەپىل مۇشەلەر زاڭ بويىنشا قارىز قايتارۋ زاڭدىق جاۋاپكەرشىلىگىن ارقالايدى. زاڭ سالاسى كەپىل مۇشەلەردى قارىز قايتارۋعا بۇيىرادى نەمەسە كەپىل ءۇي قورا-جاي، مال-مۇلىك ت.ب لاردى اتقارۋ، سارالاپ ساتۋ ارقىلى قارىز سومانى ءوندىرىپ بەرەدى.
سوڭىندا جالپى قارىز الۋشىلاردىڭ بانكەدەن قارىز الۋ بارىسىندا قارىز اقشانى ىرىقتى تۇردە ءونىمدى پايدالانىپ، ۋاعىندا قايتارۋعا كەپىلدىك ەتۋ ارقىلى كىسىلىك سەنىم ەستەلىگىن قورعاۋىن، كەپىل بولۋدان كەلىپ شىعاتىن زارداپ جانە زاڭدىق جاۋاپكەرشىلىكتى جەتە ءتۇسىنىپ، كەلەڭسىز، باسى ارتىق جاۋاپكەرشىلىكتەن اۋلاق بولۋىن ءۇمىت ەتەمىز.
كەلۋ قاينارى: «شينجياڭ زاڭ جانە تۇرمىس» گازەتى - التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
