- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شەتەلگە قاشقان ءمانساپتىنىڭ حاتى: كۇنىم جىلداي بولدى، ءتىرى ولىككە اينالدىم
2015.03.20 14:10
حالىق تورابى، 19 – ناۋرىز، بەيجيڭ. (اۋدارعان: نۇرعيسا قۇرمانجان ۇلى) لياۋنيڭ ولكەسى فىڭچىڭ قالالىق پارتكومنىڭ بۇرىنعى شۋجيى ۋاڭ گوچياڭ زاڭ – تۇزىمگە اۋىر دارەجەدە قايشىلىق جاساعاندىقتان، ا ق ش – تا ەكى جارىم جىل قاشقىن تۇرمىس وتكىزىپ، 2014 – جىلى 22 – جەلتوقساندا ەلىمىزدىڭ ءتارتىپ تەكسەرۋ – باقىلاۋ تاراۋلارىنا قىلمىسىن مويىنداپ ءوزىن مالىمدەدى. ورتالىق ءتارتىپ تەكسەرۋ كوميتەتى باقىلاۋ ءبولىمى تورابىنىڭ حابارلاۋىنشا، جاقىننان بەرى ۋاڭ گوچياڭ تەكسەرۋگە الىنۋ بارىسىندا ءوزى تۋرالى داتتەۋ جازىپ، ءوزىنىڭ شەتەلدە قاشىپ جۇرگەن كۇندەرىن شىنايى بايانداعان. بۇل ماقالا ءتارتىپ – تۇزىمگە قايشىلىق جاساعان سوڭ پارتيا ءتارتىبى مەن مەملەكەت زاڭىنىڭ شاۋجايلاۋىنان قاشىپ قۇتىلماق بولىپ شەتەلگە قاشقان پارتيالى كادرلارعا «شەتەلگە قاشۋدىڭ الدى تەڭىز ارتى جار» ەكەنىن ۇعىندىراتىن جاندى وقۋلىق بولدى.
ۋاڭ گوچياڭنىڭ «ا ق ش – تاعى كۇندەرىم تۋرالى» اتتى ماقالاسىنىڭ جالپى ءماتىنى تومەندەگىدەي:
بۇل مەنىڭ ومىرىمدەگى ۇرەيلى تۇستەي كەشىرمەم، ەسىمە العىم كەلمەسە دە، كوكەيىمنەن وشىرۋگە شاراسىزبىن.
ول كەزدەرى مەن جۇڭگودا مەنىڭ ىستەگەندەرىمنىڭ اشكەرەلەنىپ قالۋىنان ءبىر الاڭداسام، ا ق ش – تىڭ ۇستاپ الۋىنان ەكى الاڭدايمىن. ايەلىم ەكەۋمىزدە پاسپورت بولعانىمەن، ونى پايدالانۋدان قورقاتىنبىز، ناۋقاستانعاندا ەمدەلۋگە، ەلدەگى تۋىس – تۋعاندارىمىزبەن، ا ق ش – تاعى دوس - جاراندارىمىزبەن حابارلاسۋعا باتىلىمىز بارمايتىن. ەڭ وكىنىشتىسى، قىزىمىزعا شالىعىمىز تيمەسىن دەپ، ا ق ش – تا 2 جىل 8 اي تۇرعاندا، ءوزىمىزدىڭ قاي جەردە جۇرگەنىمىزدى ايتۋعا دا باتىنا المادىق، قىزىمىزبەن ءديدارلاسۋ دەگەن مۇمكىن ەمەس بولاتىن. ءتىپتى قاتىناس كولىكتەرىنە وتىرعاندا دا پاسپورتتى سۇرامايتىن «گرەيحاۋند» اۆتوبۋزىنا وتىراتىنبىز.
2 جىل 8 اي ىشىندە ايەلىم ەكەۋمىز ەكى رەت تۇسەلحانادا جاتتىق، ءبىرىنشى رەت ەكى كۇن، ەكىنشى رەت جەتى كۇن سوندا بولدىق. كۇنى بويى ۇيدەن شىعا الماي، بولكانى تىسكە سىزدىق ەتەمىز، كۇندىز دالاعا شىعارىلعان قىلمىستىداي، ون شارشى مەترگە جەتپەيتىن اياداي بولمەدە اينالسوقتايتىنبىز. كەيىن وڭتۇستىك كاليفورنيا شتاتىندا (مەكسيكا شىعاناعىنىڭ ماڭىندا) ءۇش رەت باسقالارمەن بىرگە ءۇي مايلادىق. بىرگە ءۇي مايلاعان سەبەبىمىز: ءۇيدى بىزگە مايعا بەرگەن ادام دا بۇل ءۇيدى بىرەۋدەن مايلاپ العان، ول ءۇي يەسىنەن ءوزىنىڭ پاسپورتى ارقىلى بۇل ءۇيدى مايعا الادى، ءبىز ونىڭ قولىنان ءۇيدى مايلايمىز، ول بىزدەن پاسپورت سۇرامايدى.
ءۇيدىڭ ماي اقىسى ارزان، اي سايىن 500 ا ق ش دوللارىنا جەتپەيدى. ارت – ارتىنان ءۇش رەت كوشكەن سەبەبىمىز: ءۇيدى مايعا بەرگەن ادامنىڭ سەزىپ قويىپ ساقشىعا مالىمدەۋىنەن ساقتانۋ ءۇشىن بولاتىن. مايعا العان ءۇيدىڭ شارت – جاعدايى وتە ناشار، بىرگە ءۇي مايلاعان ادامنىڭ بويى ەڭگەزەردەي، داۋىسى قاتتى، قارا دۇرسىندەۋ ادام، ايەلىمە كوز سالعاندا ءىشىپ – جەپ قويارداي بولۋشى ەدى، شىنىندا دا قورقىنىشتى ەدى. ايەلىم كۇنى بويى ۇرەيدەن ارىلا المايتىن، مەن دە كۇنى بويى جازاتايىم بولۋدان الاڭداپ، دايىندالىپ جۇرەتىنمىن. كۇندىز ايەلىممەن بىرگە ون شارشى مەترگە جەتپەيتىن ۇيدە جاسىرىنىپ جاتىپ، كەش باتا جاياۋلاپ ەرەن بازارعا بارىپ جەيتىن نارسەلەر الۋعا ازەر باتىلىمىز باراتىن.
ا ق ش – تاعى كۇندەردە جانارىنا جاس، جۇرەگىنە قورقىنىش ۇيالاعان ايەلىمىز ەكەۋمىز بەيشارا حالدە ءبىر بىرىمىزگە قاراپ وتىرۋشى ەدىك، قازىر ويلاسام قايعى جۇتامىن. ەڭ ارزان نارسەلەردى الىپ جەدىك، ا ق ش – تا كيىم الىپ كورمەدىك، وسى مەزگىلدە ايەلىم ساندىك بۇيىم ىستەتىپ كورگەن جوق، مەنىڭ شاشىمدى دا ايەلىم جاساپ بەرەتىن، ءوزىنىڭ شاشىن دا ءوزى قيىپ جوندەيتىن.
وسى ەكى جىل سەگىز اي ىشىندە ءبىز ا ق ش – تا قالالارعا بارىپ اينالىپ كورمەدىك، باستان – اقىر قالا ماڭىندا ەپتەپ – سەپتەپ كۇنەلتتىك. ايەلىم ەكەۋمىزدىڭ دەنساۋلىعىمىز دا جاقسى ەمەس ەدى، مەنىڭ قان قىسىمىم جوعارى، جۇرەك اۋرۋىم بار بولاتىن، ءبىر جولى جۇرەك اۋرۋىم قوزعالىپ، ءولىپ قالا جازدادىم؛ ايەلىمنىڭ كوزىنە سار سۋ بايلانعان، قالقانشا بەز قىزمەتى قالىپتان شىعۋ، ءسۇت بەزى قابىنۋ، تورىعۋ اۋرۋلارى بار بولاتىن. ەمحاناعا بارۋ ەمەس، ءدارى دە الا المايتىنبىز، ۇيتكەنى، ا ق ش – تا ءدارى الۋ ءۇشىن ءسوزسىز رەتسەپ بولۋى كەرەك، شيپاگەرگە كورىنۋ ءۇشىن پاسپورت كەرەك. ناۋقاستان كوز جۇمۋعا پەيىل بولساق تا، ءوزىمىزدىڭ سالاۋاتىمىزدى اشكەرەلەۋگە باتىنا المادىق، نە دەگەن قورلىق دەڭىزشى. ول كەزدەگى ءبىزدىڭ كوڭىل – كۇيىمىزدى بەينەلەپ بەرۋ قيىننىڭ قيىنى، «ءبىر اياعىمىز جەردە، ءبىر اياعىمىز كوردە» جۇرگەندەي، ءبىر كۇنىمىز ءبىر جىلداي، ءتىرى ولىك سياقتى كۇن كەشتىك.
ا ق ش – تى جۇرتتىڭ ءبارى ۇجىماق دەپ سۋرەتتەيدى، مەن قازىر تانىپ جەتتىم، جۇڭگو عانا ءبىزدىڭ شىنايى ءۇيىمىز ەكەن. ەگەر ماعان تۇرمەگە ءتۇسۋ مەن سول كەزدەگى ا ق ش – تاعى تىرلىگىمنىڭ بىرەۋىن تاڭداۋ كەرەك بولسا، مەن ويلانباستان تۇرمەگە ءتۇسۋدى تاڭدار ەدىم. ول كۇندەردى ادام بالاسىنا بەرمەسىن، ايەلىم ەكەۋمىزدى وسىنداي تىعىرىققا تىرەگەنىم ءۇشىن وزىمە ولەردەي وشىگەمىن.
پارتيا مەن مەملەكەتتىڭ ساياساتىنىڭ ارقاسىندا، مەن وتانعا قايتىپ، ەلىمنەن كەشىرىم سۇراۋ سىندى دۇرىس جولعا تۇسكەنىمە قۋانامىن.
ۋاڭ گوچياڭ
2015 - جىلى 12 - قاڭتار
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
