- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جارناما زاڭىنا وزگەرىس ەنگىزۋ جوباسى قارالۋدا: دەنساۋلىق ساقتاۋ باعدارلاماسىندا ءدارى – دارمەكتەر جونىندە جارناما جاريالاۋعا تيىم سالىنادى
2015.04.22 15:32 كەلۋ قاينارى : حالىق تورابى
مەملەكەتتىك 12 – كەزەكتى حالىق قۇرىلتايى تۇراقتى كوميتەتىنىڭ 14– ءماجىلىسى 21 – ساۋىردە اشىلىپ، جارناما زاڭىنا وزگەرىس ەنگىزۋ جوباسىنىڭ 3 – رەت قاراۋدان وتكىزىلەتىن جوباسى قارالدى. بىلتىر جىل سوڭىندا قارالعان 2 – رەتكى جوبامەن سالىستىرعاندا، بۇل جولعى جوبادا ءدارى – دارمەك، قۋاتتىق جەمەك – ىشپەكتەرى، تەمەكى قاتارلىلار جونىندە جارناما جاريالاۋ جانە دەنساۋلىق ساقتاۋ باعدارلاماسىندا جارناما جاريالاۋ ىستەرى، جارناماعا جارشى بولۋ قاتارلى ارەكەتتەر تۋرالى اناعۇرلىم قاتاڭ شەكتەۋ سالىنعان.
ءدارى – دارمەك جارنالامارىندا ونىڭ كەرى اسەرى انىق ەسكەرتىلۋى كەرەك
3 – رەت قارالاتىن جوباعا مىناداي بەلگىلەمە قوسىلعان: ءدارى – دارمەكتەر جونىندەگى جارناما مازمۇنى مەملەكەتتىك كەڭەستىڭ ءدارى – دارمەكتەردى باقىلاۋ – باسقارۋ تاراۋلارى بەكىتكەن تۇسىندىرمەمەن بىردەي بولۋى ءارى اباي بولاتىن ىستەر مەن كەرى اسەرى انىق ەسكەرتىلۋى كەرەك.
تۇسىنىك: ءدارى – دارمەكتەردى حاۋىپسىز پايدالانۋعا كەپىلدىك ەتۋ، ناۋقاستاردىڭ ۇقىق – مۇددەسىن قورعاۋ ءۇشىن، ءدارى – دارمەك جارنامالارىن ءتىپتى دە قاتاڭ ولشەمگە ءتۇسىرۋ كەرەك.
قۋاتتىق جەمەك – ىشپەكتەر ءدارى – دارمەككە جاتپايدى، مۇنداي بۇيىمدار جونىندەگى جارنامادا ناۋقاستڭ الدىن الۋ جانە ونى ەمدەۋ مازمۇنى ايتىلماۋى كەرەك
3 – رەت قارالاتىن جوبادا مىناداي بەلگىلەنگەن:قۋاتتىق جەمەك – ىشپەكتەرى جونىندەگى جارنامادا ناۋقاستىڭ الدىن الۋ جانە ەمدەۋ رولى تۋرالى ايتىلماۋى كەرەك، جارنامالانعان زاتتى دەنساۋلىق ساقتاۋدا كەم بولسا بولمايتىن زات دەپ ارتىق ماقتاماۋ نەمەسە سول ماندە ەمەكسىتپەۋ كەرەك.
تۇسىنىك: قۋاتتىق جەمەك – ىشپەكتەرى ادەتتەگى جەمەك – ىشپەكتەرمەن ۇقساس،وندا ناۋقاستىڭ الدىن الۋ جانە ونى ەمدەۋ رولى جوق، الايدا، ءىس جۇزىندە، قۋاتتىق جەمەك – ىشپەكتەرىنە قاتىستى جارنامالاردا زاڭعا قايشى احۋالدار ءبىرشاما اۋىر، 3 – رەت قارالاتىن جوبادا وسى تەكتەس قۋاتتىق جەمەك – ىشپەكتەرى جونىندەگى جارنامالار تۋرالى ەرەجە جەكە تارماق بولىپ بەلگىلەنىپ، ءتىپتى دە باعىتتامالى قاتاڭ ولشەمدەر جاريالانادى.
دەنساۋلىق ساقتاۋ باعدارلامالارىندا ءدارى – دارمەكتەر مەن قۋاتتىق جەمەك – ىشپەكتەرى جونىندە جارنامانى تاراتۋعا تيىم سالىنادى
3 – رەت قارالاتىن جوبادا مىنالار بەلگىلەنگەن: راديو، تەلەۆيزيا، گازەت – جۋرنال، دىبىس – كەسكىن باسپا ورىندارى، عالامتورداعى ينفورماتسيامەن قامداۋشىلار دەنساۋلىق ساقتاۋعا قاتىستى بىلىمدەردى تانىستىرۋدى جەلەۋ ەتە وتىرىپ دەنساۋلىق ساقتاۋ، ءدارى – دارمەك، ەمدەۋ اسپاپتارى،قۋاتتىق جەمەك – ىشپەكتەرى قاتارلىلار جونىندەگى جارنامالاردى تاراتۋىنا بولمايدى.
تۇسىنىك: ءىشىنارا اقپارات قۇرالدارى دەنساۋلىق تۋرالى لەكسيا، دەنساۋلىق ساقتاۋ باعدارلامالارى قاتارلى فورمالارمەن ءدارى – دارمەكتەر، قۋاتتىق جەمەك – ىشپەكتەرى جونىندەگى جارنامانى جاريالاپ، تۇتىنۋشىلاردىڭ ۇقىق – مۇددەسىن زيانعا ۇشىراتاتىن ىستەر ۇنەمى تۋىلۋدا، زاڭنىڭ بۇل تارماقتارى «يمانسىز» ساۋداگەرلەردىڭ تۇتىنۋشىلاردىڭ «باسىن اينالدىرۋىن» پارمەندى تۇردە تەجەيتىن بولادى.
انا ءسۇتى ورنىنا بوبەكتەرگە بەرىلەتىن ونىمدەر الەۋمەتتىك ورىنداردا جارنامالانباۋى كەرەك
3 – رەت قارالاتىن جوباعا نەگىزدەلگەندە، الەۋمەتتىك اقپارات دانەكەرلەرى مەن الەۋمەتتىك ورىنداردا بۇكىلدەي نەمەسە جارتىلاي انا ءسۇتىنىڭ ورنىنا بوبەكتەرگە بەرۋگە بولادى دەپ اسىرا ماقتالعان بوبەكتەرگە ارنالعان ءسۇت ونىمدەرى ، سۋسىندىقتار جانە باسقا جەمەك – ىشپەكتەر جونىندەگى جارنامالاردى جاريالاۋعا تيىم سالىنادى.
تۇسىنىك: انا ءسۇتى بوبەكتەردىڭ جەتىلۋىندەگى ەڭ تابيعي، ەڭ حاۋىپسىز، كەمەلدى حورەكتىك زات، انالاردى بوبەكتەرىن ومىراۋ سۇتىمەن اسىراۋعا شابىتتاندىرۋ كەرەك.
بۇقارالىق اقپارات قۇرالدارى مەن الەۋمەتتىك ورىنداردا تەمەكى جونىندە جارناما جاريالاۋعا تيىم سالىنادى
3 – رەت قارالاتىن جوبادا بۇقارالىق اقپارات قۇرالدارى مەن الەۋمەتتىك ورىنداردا تەمەكى جونىندەگى جارناما جاريالاۋعا تيىم سالۋ انىق بەلگىلەنگەن. تەمەكى جاسايتىن ءوندىرىس ورىندارى مەن ساتۋشىلاردىڭ ءادرىسىن وزگەرتۋ، اتىن وزگەرتۋ، قىزمەتكەر قابىلداۋ سىندى قۇلاقتاندىرۋلارىندا تەمەكى ونىمدەرىنىڭ اتى، ماركاسى، قورابى، اشەكەيلەرى نەمەسە وسى تەكتەس مازمۇندار قامتىلماۋى كەرەك. تەمەكى ونىمدەرىن وندىرۋشىلەر مەن ساتۋشىلاردىڭ باسقا ءونىم مەن قىزمەت وتەۋ جارناماسىنان، الەۋمەتتىك يگىلىك سيپاتىندىق جارنامادان پايدالانىپ، تەمەكى ونىمدەرىنىڭ اتى – ءجونىن، ماركاسىن، قورابىن، اشەكەيىن جانە وسى تەكتەس مازمۇنداردى ۇگىتتەۋىنە بولمايدى.
تۇسىنىك: الداعى جەردە باسقا ونىمدەردىڭ جارناماسىنان نەمەسە الەۋمەتتىك يگىلىك سيپاتىندىق جارنامادان پايدالانىپ، «ءتۇسى وزگەرگەن» تەمەكى جارناماسىن جاريالاۋعا بولمايدى.
جالعان جارنامالارعا جارشى بولعاندار 3 جىل «شەكتەلەدى»
3 – رەت قارالاتىن جوبادا مىناداي بەلگىلەنگەن: جالعان جارناماعا شىعىپ زاتتى تانىستىرعاندىقتان نەمەسە ايعاق بولعاندىقتان اكىمشىلىك جازاعا ۇشىراعانىنا 3 جىل تولماعان جاي ادامنىڭ، زاڭدىق تۇلعانىڭ جانە باسقا ۇيىمداردىڭ جارناماعا جارشى بولۋىنا بولمايدى.
تۇسىنىك: جارناماعا جارشى بولعىسى كەلسە بولعانى، شىعا بەرۋىنە بولمايدى، تۇتىنۋشىلاردىڭ زاڭدى ۇقىق – مۇددەسىن قورعاۋ ءۇشىن، جارناما جارشىسىنىڭ جاۋاپكەرشىلىگىن ونان ارى كۇشەيتە ءتۇسۋ كەرەك،جارناماعا جارشى بولۋ قيمىلدارىن دا اناعۇرلىم قاتاڭ جۇيەگە ءتۇسىرۋ كەرەك.
زاڭعا قايشى جارناما جاريالاعان ەمدەۋ – دەنساۋلىق ساقتاۋ قۇرىلىمدارىنىڭ كاسىپتىك رۋحسات كۋالىگى قايتارىپ الىنۋى مۇمكىن
3 – رەت قارالاتىن جوبادا مىناداي بەلگىلەنگەن: ەمدەۋ – دەنساۋلىق ساقتاۋ قۇرىلىمدارى زاڭعا قايشى جارنامالاردى جاريالاسا، زاردابى اۋىر بولعاندا ونەركاسىپ – اكىمشىلىك تاراۋلارى وسى زاڭ تارماقتارى بويىنشا جازالاۋدان سىرت، دەنساۋلىق ساقتاۋ تاراۋلارىنىڭ قاتىستى كاسىپتىك رۋحسات كۋالىكتەرىن قايتارىپ الۋىنا بولادى.
تۇسىنىك: ەلىمىزدىڭ «ەمدەۋ – دەنساۋلىق ساقتاۋ جارنامالارىن باسقارۋ ادىسىندە» ەمدەۋ – دەنساۋلىق ساقتاۋ قۇرىلىمدارىنىڭ جارناما تاراتۋ ارەكەتىنە قاتىستى بەلگىلەمەلەر بەكىتىلگەن؛ بۇل رەت بۇل بەلگىلەمەلەردى زاڭ دەڭگەيىنە كوتەرۋ ارقىلى زاڭعا قايشى جارناما جاريالاعان ەمدەۋ – دەنساۋلىق ساقتاۋ قۇرىلىمدارىن جازالاۋ تەبىنى كۇشەيتىلدى ءارى ەمدەۋ – دەنساۋلىق ساقتاۋعا قاتىستى جارنامالاردى باسقارۋدى كۇشەيتۋ بەكىمىن ايگىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
