- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
توردان زات ساتىپ العاندا نەلەرگە كوڭىل ءبولۋ كەرەك؟
2015.05.27 15:55 كەلۋ قاينارى : حالىق تورابى
شاعىن ونىمدەردەن تارتىپ، وتباسىلىق ەلەكتر جابدىقتارىنە دەيىن توردان الاتىن بولدىق، كولەمدى ءۇي جيھازدارىن دا توردان ساتىپ الاتىنداردىڭ سانى ارتا تۇسۋدە. جاي ونىمدەرمەن سالىستىرعاندا، ءۇي جيھازدارى اۋىر ءارى كولەمدى بولاتىندىقتان، تاسىمالداۋدا جوعارى تالاپ قويىلادى، جەتكىزۋ بارىسىندا ماسەلە بايقالۋ ىقتيمالدىعى جوعارى، قوسىمشا زاتتار مەن زاپشاستار كوپ بولاتىندىقتان، تۇتىنۋشىلار زاتتى العان كەزدە ءبىر – بىرلەپ تەكسەرىپ، تولىق ەكەنىنە ابدەن كوزى جەتكەن سوڭ قول قويىپ وتكىزىپ الۋى كەرەك. زاتتىڭ سىرتقى قورابىنا عانا قاراماي، العان زاتتىڭ بۇلىنگەن جەرى بار - جوعىن، قوسىمشا زاپشاستارىنىڭ تولىق – تولىق ەمەسىن، ساپاسىندا ماسەلە بار – جوعىن انىقتاپ قاراۋى كەرەك.
عالامتوردان زات ساتىپ العاندا «قارماق قاۋىپ» قالۋدان ساقتانىڭىز. بۇلاي دەيتىنىمىز، ەلەكتروندىق ساۋدا تورابىنىڭ اتىن جامىلعان جالعان توراپتار ءسىزدىڭ بانكە ءنومىرىڭىزدى، قۇپيا سيفرىڭىزدى ۇرلاپ الۋى مۇمكىن. ەگەر ءسىز ساۋدا تورابىن عالامتوردان ىزدەۋ ارقىلى تاپساڭىز نەمەسە ءۇنحات سياقتى حابارلاسۋ قۇرالدارىنان جالعانىمىن باسۋ ارقىلى كورسەڭىز، وندا الدىمەن توراپتىڭ شىن – جالعانىن انىقتاپ الىڭىز. ول ءۇشىن مىنا ءۇش ءتۇرلى شارتتى تەكسەرىڭىز: دومەينى tk.pl-پەن اياقتالعان با جوق، توراپتىڭ باسقا باعدارلامالارى، سۋرەتتەرى تولىق اشىلىپ تۇر ما، توراپ زاڭدى تۇردە ەستەلىككە الىنعان با. ەگەر tk.pl-پەن اياقتاسا، باعدارلامالارى مەن سۋرەتتەرى دۇرىس اشىلماسا، زاڭدى تۇردە ەستەلىككە الىنباعان بولسا، وندا ابايلاعانىڭىز ءجون.
عالامتوردان زات ساتىپ العاندا اقشاسىن تولەۋدە دە ايرىقشا اباي بولىڭىز. جەلىدە اقشا تولەۋ بارىسىندا اككاۋىنتىڭىزدى، بانكە ەسەپ ءنومىرىن، قۇپيا ءنومىرىن جازۋ كەرەك، بۇل ينفورماتسيالار توتەنشە ماڭىزدى بولعاندىقتان، ايرىقشا ابايلاۋىڭىز كەرەك. امال بولسا زاتتى جەتكىزگەن كەزدە ناق اقشا تولەۋگە كەلىسىڭىز، ءسوزسىز جەلىدە تولەۋ كەرەك بولسا، وندا بانكە ەسەپ ءنومىرى، تولەۋ اككاۋىنتى، قۇپيا سيفر قاتارلىلاردى كىرگىزۋدەن بۇرىن، تولەۋ بەتىنە انىقتاپ قاراڭىز، قانداي دا ءبىر ماسەلە بايقاپ قالۋىڭىز مۇمكىن، ونان سوڭ، اقشانى تاپسىرىپ الۋشى مەن تولەيتىن اقشانىڭ مولشەرىن قاتە جازىپ الماعانىڭىزدى تۇراقتاندىرىڭىز.
زاڭسىز ەلەمەنتتەر ارزان تاۋارلارمەن تۇتىنۋشىلاردى شىرعالايدى، باعاسى وتە ارزان زاتتارعا ساقتانا قاراعانىڭىز ءجون، ارزانعا جۇگىرەمىن دەپ جەر سيپاپ قالماڭىز. توراپحانا قاتارلى الەۋمەتتىك ورىندارداعى كومپيۋتەرگە بانكە ءنومىرىڭىزدى، ازاماتتىق كۋالىك ءنومىرىڭىزدى، قۇپيا سيفىرىڭىزدى كىرگىزبەڭىز، جەكە كومپيۋتەرىڭىزگە ۆيروستان ساقتانۋ، شىرعادان ساقتانۋ جۇمساق بولشەكتەرىن ورناتىپ، مەرزىم بويىنشا جاڭالاپ وتىرىڭىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
