حالىق تورابى، 16 – ماۋسىم، بەيجيڭ. ورتالىق ءتارتىپ تەكسەرۋ كوميتەتى باقىلاۋ ءبولىمى تورابىنىڭ 15 – ماۋسىمدا حابارلاۋىنشا، جۇڭگو مۇناي – تابيعي گاز سەرىكتىك توبىنىڭ باس ديرەكتورى لياۋ يۇڭيۋان مەن مەملەكەتتىك ونەركاسىپ – ساۋدا باس مەكەمەسى باستىعىنىڭ ورىنباسارى سۇن حۇڭجى پارتيادان شىعارىلدى، ەكەۋىنە شىعارىلعان حابارلاندىرۋدا «18 – قۇرىلتايدان كەيىن دە تىزگىنىن تارتپاعان» دەگەن انىقتاما جازىلعان. ءتىلشىنىڭ جيناقتاۋىنشا، 18 – قۇرىلتايدان بەرى پارتيادان شىعارىلعان ولكە – مينيستر دارەجەلى ءمانساپتىلاردىڭ ىشىندە، ورتالىق ءتارتىپ تەكسەرۋ كوميتەتىنىڭ تورابىندا كەمىندە 10 ادام تۋرالى حابارلاندىرۋعا «18 – قۇرىلتايدان كەيىن دە تىزگىنىن تارتپاعان» دەگەن انىقتاما جازىلعان.
ورتالىق ءتارتىپ تەكسەرۋ كوميتەتى باقىلاۋ ءبولىمى تورابى جۋىردا جاريالاعان ماقالادا جەمقورلىقپەن كۇرەستىڭ ءالى دە كۇردەلى جاعدايلارعا ءدۇپ كەلىپ وتىرعانىن اتاپ، 18 – قۇرىلتايدان كەيىن دە تىزگىنىن تارتپاعان، ماسەلەسى تۋرالى ءجىپ ۇشتارى كوپ مالىمدەلگەن، بۇقارانىڭ اڭىسى كۇشتى بولعان كادرلاردى ءتۇيىندى تۇردە تەكسەرۋ كەرەك ەكەنىن حابارلاعان. 10 ادامنىڭ تىزىمدىگى كەستەدەگىدەي.
كەلۋ قاينارى: حالىق تورابى