ەركىن كادرحان ۇلى مەن ونىڭ «اسىل تاس» ارمانى

2015.06.25 14:49   كەلۋ قاينارى : حالىق تورابى

　　«تاسقۇمار» ەركىن كادىرحان ۇلى

　　بۇگىن «شينجياڭدىقتاردىڭ ءبىر كۇنى» جەلىلەس حابارىندا وقىرمانعا جىڭ اۋدانى تاقيا قالاشىعى كوكقاشا قىستاعىنداعى «تاسقۇمار» ەركىن كادىرحان ۇلىن تانىستىرامىز. ول: «مەن تەك كەيىنگى ۇرپاقتارعا نە قالدىرا الامىن، جىل سايىن قوعامعا قانداي يگى ءىس ىستەپ بەرە الامىن دەگەندى ويلايمىن، بۇل مەنىڭ جۇڭگو ارمانىم؛ ءبىز جاي بۇقارا جونىنەن ايتقاندا، باس امان، دەن ساۋ بولسا، سول ەڭ زور باقىت، بۇل دا مەنىڭ جۇڭگو ارمانىم...»، - دەيدى.

　　حالىق تورابى، 24 – ماۋسىم، بەيجيڭ (ءتاڭىرتاۋ تورابىنىڭ ۇسىنىس ەتىلگەن ءتىلشىسى جاڭ لەيدىڭ حابارىنان اۋدارىلعان). 14 – ماۋسىم كۇنى تۇستەن بۇرىن بەيجيڭنەن كەلەتىن ساباقتاسى ءارى «تاسقۇمار» دوسىن كۇتە وتىرىپ، ادەمى «تيانشان كوكتى» ىسقىلاعان ەركىن كادىرحان ۇلىنىڭ كوڭىل – كۇيى تاماشا.

　　ەركىن وتباسىنىڭ اۋلاسىنان، بولمەلەرىنەن الۋان ءتۇرلى «تيانشان كوك» عاجاپ تاستارىن كورۋگە بولادى، «عاجاپ تاس مادەني اۋلاسى» دەگەن ۋيۆەسكا اۋلا قاقپاسىنىڭ ماڭدايىنا ىلىنگەن. ەركىن ءبىر تاستى قولىنا الىپ: «مىناۋ كوزگە ۇقسايتىن تاس، قاراشى، وتتاي جانعان كوز، تومپايىپ تۇر. مىناۋ «جۇڭگوشا سۋرەتتى» تاس، ۇلى تابيعات سىزعان سۋرەت قانداي عاجاپ..»، - دەيدى. وعان تاستاردىڭ بارلىعىنا بەينە جان ءبىتىپ كەتكەندەي كورىنەدى.

　　تاقيا وزەنى ءتاڭىرتاۋدىڭ ءبىر سالاسى كوگىرشىن مەن قۇسەمشەكتىڭ تۇيىلىسىنەن بۋىرقانا قۇلداپ، «تيانشان كوك» اتالعان وسى عاجاپ تاستى تۋىنداتقان، تاقيا قالاشىعى دا وسى سەبەپتى «تيانشان كوكتىڭ مەكەنى» اتانعان. ەركىن وسى ارادا ەرجەتكەن، قوي دا باققان، ساۋدا دا ىستەگەن، تۇرمىسى اۋقاتتى بولماسا دا، قولى بوساي قالسا تاس تەرۋ ونىڭ اۋەسىنە اينالعان.

　　2008 – جىلى ەركىننىڭ ءبىر دوسى تاۋدان تاۋىپ العان تاسىن ويدا – جوقتا 1000 يۋانعا ساتادى. بۇل ىستەن ساۋدا ورايىن بايقاعان ەركىن «تيانشان كوكتى» ساتۋمەن اينالىستى، سونىمەن ول تاقيا قالاشىعىنداعى «تيانشان كوكتى» «تاماشالاي بىلەتىن» ءبىرىنشى ادام بولدى. ەركىن قالتاسىن قالىڭداتۋمەن بىرگە، تاستى تاماشالايتىن، تاس ساۋداسىمەن اينالىساتىن ءبىر توپ دوستاردى تاۋىپ، بۇرىن بايقاماعان وزگەشە كوڭىلدىلىكتى سەزىندى.

　　ەركىن: «تاس ساۋداسىمەن اينالىسۋدىڭ ءۇش ءورىسى بار، ءبىرىنشى، دوس تاباسىز، ەكىنشى، كوڭىلدى بولاسىز، ءۇشىنشى، كىرىس كىرگىزەسىز»، - دەيدى. تاقيا قالاشىعىندا 45 مىڭ جان سانى عانا بار بولسا دا، حانزۋ، ۇيعۇر، موڭعۇل، قازاق، حۇيزۋ قاتارلى 16 از ۇلت بار، از ۇلتتار جان سانىنىڭ %42-ىن ۇستايدى. ەركىننىڭ دوستارى كوپ، عاجاپ تاستار ولاردىڭ اراسىنداعى دوستىق دانەكەرى. تاس ساۋداسىمەن اينالىساتىندار مەن تاستى تاماشالاۋشىلاردىڭ كوبەيۋىنە بايلانىستى، ەركىن بىرنەشە رەت سىرت جەرلەرگە بارىپ ءتۇرلى قيمىلدارعا قاتىناسىپ، كوز اياسىن كەڭەيتتى، وسى بارىستا ەركىن «تيانشان كوك» ساۋداسىن جانداندىرۋدا «جالعىزدىڭ شاڭى شىقپاسىن» سەزىندى.

　　2012 – جىلى تاقيا قالاشىق ۇكىمەتىنىڭ كومەكتەسۋى مەن جەتەكشىلىك ەتۋىنىڭ ارقاسىندا، ەركىن «تيانشان كوك» عاجاپ تاس مادەنيەتى قوعامىن قۇردى، ولار ىلە – شالا تۇڭعىش كەزەكتى «تيانشان كوك» عاجاپ تاس مادەنيەتى كوركەمونەر مەرەكەسىن، «تيانشان كوك» عاجاپ تاس جارمەڭكەسىن، «تيانشان كوك» عاجاپ تاسىن ءباسساۋداعا سالۋ قاتارلى ءبىرسىپىرا قيمىلدار وتكىزىپ ۇلگىردى. بىلتىر ەركىن بۇكىل مەملەكەتتىك عاجاپ تاس باعالاۋ كۋرسىنا قاتىناستى، 7 كۇندىك ۇيرەنۋ ونىڭ كوز اياسىن اشۋدان سىرت، بۇكىل ەلىمىزدىڭ جەر – جەرىنەن كەلگەن ساباقتاستارىمەن دوستاسۋىنا وراي جاراتتى.

　　كەلۋ قاينارى: حالىق تورابى