- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭدىقتاردىڭ ءبىر كۇنى
قۋانبەك: عىلىم – تەحنيكاعا سۇيەنگەندە عانا اۋقاتتانۋعا بولادى
2015.07.21 14:14 كەلۋ قاينارى : حالىق تورابى
حالىق تورابى اۋداردى. باركول قازاق اۆتونوميالى اۋدانى ساردالا وركەندەتۋ رايونىندا قۋانبەك زايدوللا ەسىمدى ەڭبەكشىل دە تاباندى ازامات بار. قۋانبەك قازاقتىڭ اتا سالتىن بەرىك ۇستانعان جىگىت اعاسى، حانزۋ تىلىندە ەمىن – ەركىن سويلەي المايدى، ول قولىنداعى كىتاپتى كورسەتىپ: «مەن عىلىم – ءبىلىم جالپىلاستىرۋعا قاتىستى كىتاپتاردى ۇناتىپ وقيمىن، مال شارۋاشىلىعى تەحنيكاسىنا قاتىستى ماتەريالداردىڭ كوبى حانزۋ تىلىندە جازىلعان، سول ءۇشىن مەن كورشى وتىرعان حانزۋ دوستارىمنان حانزۋشا ۇيرەنىپ ءجۇرمىن»، - دەيدى.
قىلشىلداعان قىرىقتىڭ جەتەۋىنە كەلگەن قۋانبەكتىڭ وركەندەتۋ رايونىندا تۇرعانىنا 20 جىلدان استى. الدىڭعى عاسىردىڭ 90 – جىلدارىندا باركولدەگى ءىشىنارا اۋىل – قالاشىقتاردا جايىلىمدىق جەرى جوق كەدەي مالشىلار بار بولاتىن، وسى مالشىلاردىڭ تۇرمىسىنداعى قيىنشىلىقتى شەشىم ەتۋ ءۇشىن، ساردالا وركەندەتۋ رايونى اشىلعان. 1999 – جىلى قۋانبەك ساياحات ورىندارىنا بارىپ تىرلىك جولىن قاراستىردى، ول كەزدە ونىڭ باسىنا تىككەن جالعىز كيىز ءۇيى بار بولاتىن، ول ساياحات ورنىندا 4 بيە بايلاپ، قىمىز ساتىپ كۇن كوردى، ول كەزدە تۇرمىسى قوڭىرقالتا بولاتىن.
قۋانبەك: 2003 – جىلى ءساتى ءتۇسىپ ماعان تاماشا وراي كەلدى. سول جىلى قۇمىل ايماقتىق بىرلىكساپ ءبولىمى وتانشىل ءدىني قايراتكەرلەردى ەلىمىزدىڭ بەيجيڭ، شاڭحاي، گۋاڭدۇڭ قاتارلى جەرلەرىنە ۇيرەنۋگە، كوزدەن كەشىرۋگە ۇيىمداستىردى، مەن دە وسى توپپەن بارىپ، كوز ايام ءبىر اشىلعانداي بولدىم»، - دەيدى. قايتىپ ورالعاننان كەيىن ول ساياحات سالاسىنان سالىمىن سىناپ كورمەك بولادى. ول كەزدە باركول اۋدانىنىڭ ساياحات بايلىعىن سىرت جەردەگىلەر ەندى – ەندى ءبىلىپ كەلە جاتقان بولاتىن، ول وسى ورايدى مىقتى ۇستاپ، امالداپ ۇلكەن كيىز ءۇي تىگىپ، ۇلتتىق ەرەكشەلىككە يە ديقان شاتتىعى ساياجايىن اشتى، 2006 – جىلعا كەلگەندە ونىڭ ساياجايىندا 5 كيىز ءۇي تىگىلدى، جۇبايى ەكەۋى جەتىسە الماعاندىقتان، 7 ~ 8 كومەكشى قابىلدادى، ساۋداسى بارعان سايىن جاقسارىپ، كىرىسى بارعان سايىن كۇسەت بولا ءتۇستى.
قۋانبەك كيىز ۇيلەرىن تۇگەلدەي ءوز قولىمەن جاساپ شىققان، ۇلتتىق بوياۋى قانىق، ونىڭ اتى دا الىسقا تاراي باستادى. كەيبىرەۋلەر كيىز ءۇي جاساتۋ ءۇشىن ونى ىزدەيتىن بولدى، جۇبايى ەكەۋى ساياحات سايابىرلاعان مەزگىلدە كيىز ءۇي جابدىقتارىن جاساۋعا كىرىستى. قۋانبەك جاساعان كيىز ۇيلەر ىلەگە، التايعا، ۇرىمجىگە جانە شينجياڭداعى باسقا ساياحات ورىندارىنا دەيىن ساتىلدى. «ءاربىر كيىز ءۇيدىڭ باعاسى 100 مىڭ يۋان اينالاسىندا، وسى جىلدار ىشىندە 10 كيىز ءۇي جاساپ ساتتىم»، - دەيدى قۋانبەك.
بۇل كۇندەرى قۋانبەكتىڭ ساياحات كاسىبى ىرىلەپ قالدى. 2014 – جىلى باركول اۋداندىق ۇكىمەت پەن ساياحات مەكەمەسىنىڭ كۇش سالا قولداۋىندا ول جيڭلياڭ شەكتى جاۋاپكەرشىلىك سەرىكتىگىن قۇرىپ، نەگىزىنەن ساياحات كاسىبىمەن اينالىستى. كاسىبىنىڭ ىرگەسىن ونان ارى كەڭەيتىپ، كىرىسىن ارتتىرا ءتۇسۋ ءۇشىن، كيىز ۇيلەردىڭ سانىن 28گە، قىزمەتكەرلەرىنىڭ سانىن 26 ادامعا جەتكىزدى، ءوزىنىڭ كىرىسىن عانا ارتتىرىپ قويماي، باسقالاردى دا بايۋ جولىنا باستادى. ساياحاتتىڭ قاۋىرت كەزىندە ونىڭ سەرىكتىگىندەگى 26 قىزمەتكەردىڭ بارلىعى ايىنا 2500 ~ 4000 يۋانعا دەيىن كىرىس كىرگىزەدى.
قۋانبەك: «مەن عىلىم – تەحنيكاعا سۇيەنگەندە عانا اۋقاتتانۋعا بولاتىنىنا كامىل سەنەمىن، ءبىلىمنىڭ كوزىن كىتاپتان ىزدەۋ مەنىڭ ۇستانعان قاعيدام»، - دەيدى. ونىڭ باستاماشىلدىق ەتۋىندە، سول جەردەگى جۇرتشىلىق تا ءبىلىمنىڭ كۇشىن سەزىنىپ، ءبىلىمنىڭ مالشى- ديقاندار تۇرمىسىندا دا ماڭىزدى رول اتقاراتىنىن ءتۇسىندى، كوپشىلىكتىڭ عىلىم – ءبىلىم ۇيرەنۋگە دەگەن ىنتاسى دا بارعان دايىن ارتا ءتۇستى. ءتاڭىرتاۋ تورابىنان قۇربانجان قييۋم حابارلايدى
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
