بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>قوعام

شياڭياڭ

ورمان ۇقىعى ساۋداسى ورمانشىلاردىڭ قالتاسىن قامپايتتى (جۇڭگو ساپارى – رەفورما حيكاياسى)

2015.08.05 15:01     كەلۋ قاينارى : حالىق تورابى

  «حالىق گازەتى»، 4 – تامىز، بەيجيڭ. 1 – تامىز كۇنى حۋبەي ولكەسى شياڭياڭ قالاسى نيۋشوۋجىن قالاشىعىنداعى ليۋا قىستاعىندا تۇراتىن ۋەي جۇن ەسىمدى ورمانشى: «ساۋدا ورتالىعى ‹جەڭگەتاي› سياقتى، ۇيلەندىرىپ، بەسىگىمە ۇل بەرگەنىمەن قويماي، ونى قالاي ەرجەتكىزۋدى ۇيرەتتى»، - دەپ حۋبەي باتىس وڭتۇستىك ورمان ۇقىعىن ساۋدالاۋ ورتالىعىنىڭ «جاراستىرۋىن» اۋىز جاپپاي ماقتادى.

  ۋەي جۇن ــ ورمانشى. ەكى جىلدىڭ الدىندا ول 1300 مۋ اق جەردى قالامشا مەن گۇل ءوسىرۋ بازاسى ەتىپ قۇرىپ شىعۋدى ويلاسا دا، يگى ءىستى باستاۋدى قالتاسى كوتەرمەگەندىكتەن، بوگەلىپ قالادى. بىلتىر شياڭياڭ قالاسىندا حۋبەي باتىس وڭتۇستىك ورمان ۇقىعىن ساۋدالاۋ ورتالىعى اشىلىپ، ورمانشىلار مەن ورمانشىلىق كاسىپورىندارى اراسىندا ساۋدالاسۋعا قولايلى ينفورماتسيا تەكشەسىن قۇردى ءارى ورمانشىلار مەن ورمانشىلىق كاسىپورىندارىنا فينانستىق قىزمەت وتەدى. ۋەي جۇن وسى ورتالىقتىڭ كومەكتەسۋىندە 15 ميلليون يۋان قارىز الىپ، بازا قۇردى؛ مۇنان سىرت، بۇل ورتالىق ونىڭ بازاسىن دامىتۋ پلانىن جاساۋىنا كومەكتەستى.قازىر ۋەي جۇننىڭ جاسىلداندىرۋ اعاشتارىنىڭ ساتىلىم قۇنى ميلليون يۋاننان استى.

  شياڭياڭ قالاسىنىڭ ورمان بايلىعى مول، قازىر بۇل قالاداعى ورماننىڭ جەر اۋدانى 13 ميلليون 980 مىڭ مۋ بولىپ، قالا جەر اۋدانىنىڭ %47ىن ۇستايدى. مۇندا كوللەكتيۆ مەنشىگىندەگى ورماننىڭ جەر اۋدانى 11 ميلليون 280 مىڭ مۋ، ۇقىعىن تۇراقتاندىرۋ مولشەرى %99.2كە جەتكەن. «نەنى ەكسەڭ، سونى وراسىڭ» دەگەندەي، بۇرىن ينفورماتسيانىڭ تەڭگەرىمسىزدىگى سىندى سەبەپتەرمەن، كوپتەگەن ورمانشىلار «ەككەنىن ورا المايتىن».

  جەرگىلىكتى ورىن ورمان ۇقىعىن وتكەرلەمەۋدى كوللەكتيۆ مەنشىگىندەگى ورمان شارۋاشىلىعىنا رەفورما جاساۋدىڭ شىعار ءتۇيىنى ەتۋگە تاباندى بولىپ، ورمان ۇقىعىن ساۋدالاۋ بازارىن قۇرىپ، ورمان شارۋاشىلىعى وندىرىسىنە قاجەتتى فاكتورلاردىڭ ۇيلەسىمدى ورنالاستىرىلۋىن، ءونىمدى وتكەرمەلەنۋىن كۇش سالا ىلگەرىلەتتى. بىلتىر قازان ايىندا، شياڭياڭ قالاسى حۋبەي باتىس وڭتۇستىك ورمان ۇقىعىن ساۋدالاۋ ورتالىعىن رەسمي قۇرىپ، ورمانشىلارعا ورمان ۇقىعىن وتكەرلەمەۋ ساۋداسى، ورمان ۇقىعىن كەپىلگە قويۋ ارقىلى قارىز الۋعا كەپىل بولۋ قاتارلى جاقتاردان قىزمەت وتەدى. شياڭياڭ قالالىق ورمان شارۋاشىلىعى مەكەمەسىنىڭ باستىعى يۇي تاۋدىڭ ايتۋىنشا، ورمان ۇقىعىن ساۋدالاۋ ورتالىعى قىزمەت ءتارتىبىن قاتاڭداستىرىپ، باستاپقى تىزىمدەلۋ، كۋالاندىرۋدان تارتىپ، ەڭ سوڭىندا جاريالاۋعا دەيىن، ءاربىر باسقىشتىڭ بارلىعىن جاريا ءبىتىرىپ، ورمانشىلاردىڭ ۇقىعىن بارىنشا قورعادى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.