- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭدىقتاردىڭ ءبىر كۇنى: حاليدا اۋقاتتانۋ مەن ءۇي شارۋاسىن تەڭ مەڭگەردى
2015.09.06 14:02 كەلۋ قاينارى : حالىق تورابى
شينجياڭ چارقىلىق اۋدانى تەگانلىك اۋىلى گۇلستان قىستاعىنىڭ تۇرعىنى حاليدا يبرايىم وتباسىندا اتا – ەنەسى مەن ەكى بالاسىنا قاراۋدان سىرت، ديقان شاتتىعى ساياجايىن جۇرگىزىپ، ەڭبەكشىلەر توبىن دا قۇرعان. ول كۇيەۋىنە: «ءۇي شارۋاسى مەن سىرتتاعى ىستەرگە ءوزىم – اق جەتىسەمىن»، - دەيدى.
چارقىلىق اۋدانى تەگانلىك اۋىلى گۇلستان قىستاعىنداعى حاليدانىڭ ءۇيى، سىرتتاي قاراعاندا، باسقالاردىڭ ۇيىنەن پارىقتالمايدى، ءبىراق، ءۇيدىڭ اشەكەيلەنۋى ساۋلەتتى مەيرامحاناعا ۇقسايدى.
حاليدانىڭ كۇيەۋى مامەت ابدىراحمان قىستاق كادرى، ءار كۇنى تاڭەرتەڭنەن كەشكە دەيىن قىستاقتىڭ ىستەرىمەن ابىگەر بولادى، حاليدا ۇيدە اتا – ەنەسىن كۇتىپ، ەكى بالاسىن باعۋدان سىرت، ديقان شاتتىعى ساياجايىن جۇرگىزىپ، ەڭبەكشىلەر توبىن دا قۇرعان. ونى وتباسىن اۋقاتتاندىرۋ مەن ءۇي شارۋاسىن تىندىرۋدى تەڭ مەڭگەردى دەۋگە ابدەن بولادى.
ءتىلشى 5 – تامىز كۇنى تۇستەن بۇرىن حاليدانىڭ ۇيىنە بارعاندا، ول ءۇيىن سىپىرىپ جاتقان بولاتىن. ول 4 قوناق بولمەسىن ديقان شاتتىعى ساياجايى ەتىپ اشقان، ءار كۇنى تاڭەرتەڭگى استان كەيىن ساياجايدا قوناق بولسىن – بولماسىن، ساياجايدى قۇنتتاپ تازالاۋدى ادەتكە اينالدىرعان.
حاليدا: بالا شاعىمدى لوبنۇر اۋدانىندا وتكىزدىم، كوپ بالالى وتباسى بولاتىنبىز، تۇرمىسىمىزدا قيىنشىلىق بار بولاتىن، ۇزاتىلعاننان كەيىن چارقىلىق اۋدانىنداعى كەشكى بازاردا شوشىرە، كاۋاپ ساتتىم، قوس قولىما سۇيەنىپ اۋقاتتانا الاتىنىما سەنۋشى ەدىم»، - دەيدى. ونىڭ قوناق كۇتۋ تەزدىگىنە تاڭ قالاسىز، اڭگىمەلەسە ءجۇرىپ، پالاۋىن باسىپ، نان مەن ءسۇتتى شايدى دايىنداپ اكەلە قويادى.
ديقان شاتتىعى ساياجايى حاليدانىڭ اۋقاتتانۋداعى بىردەن – ءبىر جولى ەمەس. گۇلستان قىستاعىنداعى وتباسىلاردىڭ بارلىعى دەرلىك شىلان ەگەدى، وسى ءبىر – ەكى جىلدان بەرى، قىستاق تۇرعىندارىنىڭ ءبىرتالايى شىلان باعىن سىرتتان كەلگەن قالتالىلارعا كوتەرەگە بەرىپ، مايعا بەرۋ اقىسىنان تالاي كىرىس كىرگىزدى. سىرتتان كەلگەن كوتەرەگە الۋشىلار شىلان ەگۋدىڭ تەحنيكاسىنا جەتتىك بولماعاندىقتان، حاليدا ديقانداردان ۇيىمداسقان قىزمەت وتەۋ توبىن قۇرىپ، ولاردىڭ شىلان باعىندا بۇتاعىن قىرقۋ، ءدارى شاشۋ، تىڭايتقىش بەرۋ قاتارلى ەڭبەكتەرمەن شۇعىلداندى. شىلاندى تەرەتىن كەزدە ەڭبەككۇش جەتىسپەيتىندىكتەن، سىرتتان كەلگەن كوتەرەگە الۋشىلار ديقاندار قىزمەت وتەۋ توبىن شاقىرماسقا شاراسىز، حاليدا ەڭ كوپ بولعاندا ءبىر كۇندە 80 ديقاندى جۇمىسقا جالداپ، 30 توننادان استام شىلان تەرگىزگەن، شىلان تەرۋشىلەرگە بەرەتىن اقىنى شىعارىپ تاستاعاندا، ءبىر كۇندە 2000 يۋان تازا كىرىس كىرگىزگەن.
گۇلستان قىستاعى اۋدان ورتالىعىنان الىس ەمەس، قىستا جۇمىس از، ديقان شاتتىعى ساياجايىنىڭ ساۋداسى دا سايابىرلايدى، حاليدا وسىنداي كەزدە تاعى ءبىر اۋقاتتانۋ جولىن ــ وتباسى شارۋاسىنا قارايلاسۋ جۇمىسىن تاپتى. ول كوپتەگەن شاعىن كارتوچكالاردى باستىرىپ، ونى اۋدان ورتالىعىنا اپارىپ تاراتتى، كەڭسەنى تازالاتقىسى كەلگەن مەكەمەلەر مەن ءۇيىن تازالاتۋدى ويلاعان تۇرعىندار وعان تەلەفون بەرە باستادى. ول ءۇي شارۋاسىن ىستەگەن كەزدە دە كەلگەن تەلەفونداردى ەستىمەي قالماۋ ءۇشىن قولفونىن جانىنان ايىرماعان.
بايلىقتىڭ كوزىن تاپقان حاليدا كىرىسىن ارتتىراتىن ءاربىر ورايدى دا قولدان بەرمەيدى. ول بيىل شىلان باقتارىن كوتەرەگە بەرۋدى توقتاتىپ، باقتى قورشاپ، شىلان اعاشىنىڭ اراسىنا كوگونىس ەگىپ، جەرلىك تاۋىق، قاز بەن كەپتەر باقپاقشى. كۇيەۋى ءۇي شارۋاسىنا كومەكتەسە المايتىندىقتان، ايەلىنىڭ قينالىپ قالۋىنان الاڭداپ، وعان: «كورپەڭە قاراي كوسىل» دەپ كەڭەس بەرەدى، حاليدا: «ءۇي شارۋاسى مەن تىستاعى شارۋاعا ءوزىم – اق جەتىسەمىن»، - دەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
