بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>قوعام

قىستاق تۇرعىندارىنىڭ جۇزىنەن شاتتىق كۇلكىسى ەستى

− ياركەن اۋدانىنىڭ اۋىل - قىستاقتارىنان كەلگەن حابار

2015.09.08 13:46     كەلۋ قاينارى : ءتاڭىرتاۋ تورابى

  ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان بىلتىردان بەرى ياركەن اۋدانىنا بىرنەشە رەت بارىپ، قىزمەت تەكسەرىپ، قوعامدى جاپپاي جونگە سالۋ قىزمەتىن جاقسى ىستەۋگە جەتەكشىلىك ەتتى. ول: «باس نىسانانى ارقاۋ ەتىپ، ءالسىز تۇيىندەردى تاۋىپ، دەلودان ساباق الىپ، قىزمەتتى تياناقتاندىرۋدى مىقتى يگەرۋ»، «بۇقارالىق قىزمەتتى شەبەرلىكپەن ىستەپ، <ەكىدەن اۋىتقىماۋ> تالابى بويىنشا، نەگىزگى ساتى نەگىزىن ۇزدىكسىز بەكەمدەپ، بۇقارانىڭ ناقتى قيىنشىلىعى مەن كوڭىل بولگەن ماسەلەلەرىن ويداعىداي شەشۋ كەرەك»، - دەپ باسا دارىپتەدى.

  بۇگىنگى تاڭدا، ياركەن اۋدانىنىڭ اۋىل - قىستاقتارىندا توتەنشە زور وزگەرىستەر بولدى، نەگىزگى ساتى ۇيىمى كۇشەيىپ، مادەنيەت قيمىلدارى كوبەيىپ، قوعامدىق سالت دۇرىستالىپ، بۇقارالىق نەگىز ونان ارى بەكەمدەلە ءتۇستى. تاياۋدا ياركەن اۋدانىنا تىلشىلىك بابىمەن بارىپ، اۋىل - قىستاقتاعى وزگەرىستەردى ءوز كوزىمىزبەن كورىپ قايتتىق.

  ياركەن اۋدانى ەلىشحۇ قالاشىعىنىڭ نوقۇتلۇقتيىرمەن قىستاعى تاڭعى اراي قۇشاعىندا تاعى ءبىر كۇنگى تىرشىلىگىن باستادى. قىستاقتاعى اسفالت جولدى بويلاپ، بەيقۇت ءۇي سالىپ، حالىقتى اۋقاتتاندىرۋ بويىنشا جاڭادان سالىنعان تۇرعىن ۇيلەردى ارالاپ شىقتىم. قىستاق تۇرعىنى ايشامگۇلدىڭ نازارىندا نەبارى ءبىر جىلدىڭ ىشىندە اۋىلىندا كورنەكتى وزگەرىستەر بولىپتى، بارلىق ادامنىڭ جۇزىنەن قۋانىش لەبى ەسىپ، ءۇمىت ۇشقىنى بىلىنەدى.

  تۇتاس اۋدانداعى وزگەرىستەر جونىندە قاشقار ايماقتىق پارتكومنىڭ مۇشەسى، ياركەن اۋداندىق پارتكومنىڭ شۋجيى ۋاڭ جىيۇڭ بىلاي دەدى: بىلتىردان بەرى جاڭ چۇنشيان شۋجي ياركەن اۋدانىنا بىرنەشە رەت كەلىپ، قىزمەت تەكسەرىپ، جەتەكشىلىك ەتىپ، ءجون كورسەتىپ، ءادىس - امال ۇيرەتىپ، شابىت بەرىپ، سەنىمىمىزدى تىكتەگەن ەدى، سودان باستاپ ياركەن اۋدانى وزگەرىس، رەفورما جاساۋ جولىنا قادام تاستادى.

  «پارتياعا ىلەسۋ −ءبىزدىڭ بەتالىسىمىز»

  21 - تامىز تۇستەن كەيىن ايشامگۇلمەن جولىقتىم، ول قالاشىقتا وتكىزىلگەن «ۇشقارىلىقتى الاستاۋ» جونىندەگى لەكسياعا قاتىناسىپ كەلگەندىگىن، ءوزىنىڭ لەكسياعا وسىمەن نەشە رەت قاتىناسقاندىعىنىڭ ەسىندە قالماعاندىعىن، مۇنداي ورايدى قولدان بەرمەيتىندىگىن ايتتى.

  22 جاستاعى ايشامگۇل ياركەن اۋدانى ەلىشحۇ قالاشىعى نوقۇتلۇقتيىرمەن قىستاعىنىڭ تۇرعىنى. ول بىلاي دەدى: ياركەن اۋدانىنىڭ ۇزاق تاريحي مادەنيەتى بار، 12 مۇقامنىڭ مەكەنى. بالا كەزىمدە، مەرەكە - مەيرامداردا بارلىق ادام شاتتىقپەن ءماشىراپ بيىنە باسقان كەزدە، اكەم دۇتتار شەرتىپ بەرەتىن. الايدا سوڭعى جىلداردا قىستاق تۇرعىندارىنىڭ تۇرمىسىنا كەۋلەپ كىرگەن ءدىني ۇشقارى يدەيا ايشامگۇلدىڭ وتباسىنا دا ىقپالىن تيگىزدى.

  ءدىني ۇشقارى يدەيانىڭ كوزدى كولەگەيلەۋىندە، وتكەن جىلى 28 - شىلدەدە ەلىشحۇ قالاشىعىندا زورلىقتى كۇش لاڭكەستىك دەلوسى تۋىلدى.

  «زورلىقتى كۇش لاڭكەستىك ارەكەتىنە قاتىناسقانداردىڭ ىشىندە مەنىڭ ءىنىم دە بار، كورسوقىر، بىلمەستىگى سەبەبىنەن، ونىڭ كوزى ءدىني ۇشقارى يدەيامەن كولەگەيلەندى»، - دەدى ايشامگۇل.

  ۇلىنىڭ كۇيىگىنەن اكەسىنىڭ شاشى ءبىر تۇندە اعارىپ، شەشەسى قۇسادان توسەك تارتىپ جاتىپ قالىپتى.

  «ءبىراق پارتيا مەن ۇكىمەت ءبىزدى شەتكە قاققان جوق، قايتا ءتىپتى كوپ كومەك كورسەتىپ، قامقورلىق جاسادى»، - دەدى ول. ءار دارەجەلى كادرلار وتباسىلارىن ۇنەمى ارالاپ، قيىنشىلىقتارىن شەشىپ، ولاردىڭ دۇرىس پەن بۇرىستى پارىقتاۋىنا ءجون كورسەتىپ وتىردى، اقىرى ولار ءوز قىلىقتارىنا وپىق جەپ، كوڭىلدەگى تۇيىنشەكتەرىن شەشتى.

  «ەندىگارى ءۇنسىز قالماي، قوعام ورنىقتىلىعىنا ءبىر كىسلىلىك ۇلەس قوسۋىمىز كەرەك». ايشامگۇل ۇگىت - لەكسيا اترەتىنە ىرىقتىلىقپەن قاتىناسىپ، ءتول كەشىرمەلەرىمەن ءدىني ۇشقارى يدەيانىڭ زيانىن جەرىنە جەتە اشكەرەلەدى. ونىڭ جاساعان لەكسياسى بۇقارانى تەرەڭ اسەرلەندىردى.

  «ءبىر جىلدان بەرى، ياركەندىكتەردىڭ يدەياسىندا وزگەرىس تۋىلدى»، - دەيدى ىشقۇل اۋىلى كوكچي قىستاعىنىڭ تۇرعىنى تۇرسىن نياز. بىلتىر ول بۇقارادان ۇيىمداسقان لەكسيا اترەتىنە ءوز ەركىمەن قاتىناسىپ، تۇتاس اۋدانداعى اۋىل - قىستاقتاردى جاپپاي ارالاپ شىعىپتى. ول: قازىر بۇقارا جاپپاي اتتانىسقا كەلدى، اق پەن قارانى ابدەن اجىراتا الاتىن بولدى، - دەيدى.

  «كەمەنىڭ باعىتى جەلكەنىندە، ادامنىڭ باعىتى نيەتىندە، پارتياعا ىلەسۋ−ءبىزدىڭ باعىتىمىز»، - دەيدى تۇرسىن. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.