- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ىزگى نيەت، شىنايى سۇيىسپەنشىلىكپەن ىنتىماقتىڭ ماداق جىرىن جازدى
شينجياڭ گازەتىنىڭ شولۋشىسى
2015.09.08 14:04
جۋىقتاعى كۇندەردەن بەرى يوۋ لياڭيىڭنىڭ ەسىمى تيانشاننىڭ تۇستىگى مەن تەرىستىگىنە تارالىپ، ءار ۇلت كادرلارى مەن بۇقاراسىن تەبىرەنتتى.
يوۋ لياڭيىڭ ءبىر قاراپايىم بيڭتۋان قىزمەتكەرى. 10 جىلدان بەرى ول ءوز قىزمەت ورنىندا تاباندىلىقپەن ەڭبەك ەتىپ، ءوندىرىس تەحنيكاسىن قاجىرلىلىقپەن بەرىلە زەرتتەپ،پولك-الاڭدارىنداعى حالىقتى اۋقاتتانۋعا باستاۋشىعا اينالدى؛ ول ۇيعۇر ءتىلىن وزدىگىنەن ۇيرەنىپ، از ۇلت حالقىنا ءوندىرىس، تۇرمىس تەحنيكاسىن ۇيرەتىپ، ولاردى بىرگە اۋقاتتانۋعا باستادى؛ ول از ۇلت باۋىرلاستاردى ءوز تۋىسىنداي كورىپ، شىن پەيىلمەن كومەكتەسىپ، ۇلتتار ىنتىماعىنىڭ ماداق جىرىن جازدى.
ءبىز يوۋ لياڭيىڭنان ۇيرەنۋدە ۇلگىنىڭ كۇشىن ءوزىمىزدىڭ سانالى ارەكەتىمىزگە اينالدىرىپ، ءىس جۇزىندىك ارەكەتىمىز ارقىلى ءار ۇلت حالقىمەن بەرەكە -بىرلىكتى، تاتۋ -ءتاتتى بولىپ، ىستىق پەن سۋىقتى بىرگە باستان كەشىرىپ، جاراسىمدى دامۋدى جەبەۋىمىز، شينجياڭنىڭ عىلمي دامۋىن، قوعام ورنىقتىلىعى مەن باياندى تىنىشتىعىن ىلگەرىلەتۋدىڭ يدەيالىق نەگىزىن بەكەمدەي ءتۇسۋىمىز كەرەك.
يوۋ لياڭيىڭنان ۇيرەنۋدە، ونىڭ جاۋاپكەرشىلىكتى باتىلدىقپەن ارقالايتىن، قالتقىسىز ۇلەس قوساتىن وسكەلەڭ رۋحىنان ۇيرەنۋىمىز كەرەك. يوۋ لياڭيىڭ تۇڭعىش رەت مامەتتۇرىپ مىرساقتىڭ ۇيىنە بارعاندا، ونىڭ ءىلىپ الار ەشتەڭەسى جوق تاقىر كەدەي ەكەندىگىن كوردى. ون جىلدان بەرى يوۋ لياڭيىڭ مامەتتۇرىپقا كومەكتەسۋدى ءوز بورىشى دەپ ساناپ، ءبىر ءۇيلى جاندى اۋقاتتانۋعا باستاۋعا بەل بۋىپ، ءبىر-بىرلەپ ناقتى ىستەر ىستەۋ ارقىلى اۋقاتتانۋعا تالپىنىپ، تاكلاماكاندا ءبىر ءۇيلى جانداي تۋىستىق پەن ۇلتتىق سۇيىسپەنشىلىكتى ايگىلەدى. بۇگىنگى شينجياڭ رەفورما جاساۋدىڭ، دامۋدىڭ، ورنىقتىلىقتىڭ شەشۋشى كەزەڭىندە تۇر، سوندىقتان ءبىز يوۋ لياڭيىڭ سەكىلدى باستان-اياق جاۋاپكەرشىلىكتى باتىلدىقپەن ارقالاپ، ۇلەس قوسۋدى دارىپتەۋىمىز، قاراپايىم قىزمەت ورنىمىزدا كەرەمەت ناتيجەلەرگە جەتۋگە قۇلشىنىپ، وتان مەن اتا مەكەنىمىزدى كوركەيتۋگە ۇلەس قوسۋىمىز كەرەك.
يوۋ لياڭيىڭنان ۇيرەنۋدە، ول سەكىلدى وسى زامانعى مادەنيەتتى، وزىق وندىرگىش كۇشتى تاراتۋشىلاردان بولۋىمىز كەرەك. مەيلى يوۋ لياڭيىڭ ءوزى اۋقاتتانسا دا، الدە مامەتتۇرىپقا كومەكتەسىپ بىرگە اۋقاتتانسا دا، تابىسقا جەتۋىنىڭ تەتىگى − ونىڭ اۋىل شارۋاشىلىق وندىرىسىندەگى وزىق تەحنيكالاردى ىجداعاتتىلىقپەن ۇيرەنىپ، وي ساناسىن ۇزدىك كوزقاراسپەن قارۋلاندىرعانىندا. يوۋ لياڭيىڭنىڭ يگى ىستەرى بىزگە بۇقارانىڭ عىلمي دامۋعا، جاڭالىق اشا دامۋعا دەگەن ىنتاسىنىڭ اسا جوعارى ەكەندىگىن كورسەتتى. كورىكتى شينجياڭ قۇرۋدىڭ ۇلى امالياتىندا ءبىز حالىقتىڭ وسىنداي بەلسەندىلىگىن ايتارلىقتاي قورعاۋىمىز، وعان ايتارلىقتاي جەتەكشىلىك ەتۋىمىز، ونى ايتارلىقتاي ۇگىتتەۋىمىز، حالىقتىڭ ىنتاسىن العا باسۋدىڭ قۇدىرەتتى قوزعاۋشى كۇشىمەن توعىستىرۋىمىز كەرەك.
يوۋ لياڭيىڭنان ۇيرەنۋدە، ونىڭ ءار ۇلت حالقىنىڭ ءوزارا ارالاسۋىن، ىشتەسۋىن، توعىسۋىن شىن ىقىلاسپەن، ءىس جۇزىندىك ارەكەتىمەن جەبەگەن ارەكەتىنەن ۇيرەنۋىمىز كەرەك. مامەتتۇرىپتى الاڭسىز ەتۋ ءۇشىن، يوۋ لياڭيىڭ ءوز ۇيىنەن ءبىر بولمەنى ولارعا بوساتىپ بەردى، سونداي-اق ۇيىندەگى ىدىس -اياعىن تۇگەل جاڭالاپ، ولارمەن بىرگە مۇسۇلمانشا تاماقتانۋعا ادەتتەندى... ونى بارىن سالا ىجداعاتتىلىقپەن ىستەپ، شىنايى سۇيىسپەنشىلىگىن ارنادى دەۋگە بولادى. سول ءۇشىن دە مامەتتۇرىپ ليۋ لياڭيىڭعا بارىنشا سەنىم ارتتى. يوۋ لياڭيىڭنىڭ ىزگى ىستەرى بىزگە ارالىق قانشا الىس بولسا دا، ۇلتى، قوعامداعى ورنى ۇقساماسا دا، باسقالارعا شىن پەيىلمەن كومەكتەسسەك، باسقالار دا بىزگە شىن پەيىل كورسەتەتىندىگىن اڭعارتتى. قازىرگى تاڭدا ۇلتتار ىنتىماعى قىزمەتىن ويداعىداي ىستەۋىمىزدەگى ماڭىزدى ءتۇيىن − ۇلتتاردىڭ ءوزارا ارالاسۋىن، ىشتەسۋىن، توعىسۋىن كۇشەيتۋ. يوۋ لياڭيىڭدى ۇلگى تۇتىپ، ءوز باسىمىزدان، بولماشى ىستەردەن باستاپ ىستەپ، ءبىر اۋىز بولسا دا جىلى ءسوز سويلەپ، مەيىرىممەن قاراپ، بولماشى بولسا دا كومەك قولىمىزدى ۇسىنىپ، ءار ۇلت حالقىنىڭ ءوزارا ارالاسۋىن، ىشتەسۋىن، توعىسۋىن جەبەۋىمىز، ۇلتتار ىنتىماعىنىڭ وڭ ەنەرگياسىن توپتاۋىمىز كەرەك.
يوۋ لياڭيىڭنەن ۇيرەنۋدە ناقتى ارەكەت، اماليات بارىنەن ماڭىزدى. سوندىقتان بارلىعىمىز ءبىر نيەت، ءبىر ماقساتپەن ىنتىماقتاسىپ، شىن پەيىل، ىستىق مەيىرمەن ۇلەس قوسۋدى، دوستىقتى، ىنتىماقتى ىلگەرىلەتىپ، ناقتى ارەكەتىمىز ارقىلى ءداۋىر ماقتانىش ەتە الاتىنداي جاڭا تابىستارعا جەتۋگە قۇلشىنۋىمىز كەرەك.
كەلۋ قاينارى: «ىلە گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
