- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق پارتكوم، اۆتونوميالى رايوندىق حالىق ۇكىمەتى يوۋ لياڭيىڭگە «ۇلتتار ىنتىماعى، العاباسارلىعى بويىنشا اۆتونوميالى رايوندىق وزات» داڭقتى اتاعىن بەرۋدى ۇيعاردى
اۆتونوميالى رايون بويىنشا يوۋ لياڭيىڭ جولداستان ۇيرەنۋ قيمىلىن ورىستەتۋگە ۇندەدى
2015.09.08 14:07
شينجياڭ گازەتىنىڭ ءتىلشىسى جاڭ لەي 5-قىركۇيەكتە ۇرىمجىدەن حابارلايدى. اۆتونوميالى رايوندىق پارتكوم، اۆتونوميالى رايوندىق حالىق ۇكىمەتى جاقىندا قارار شىعارىپ، يوۋ لياڭيىڭ جولداسقا «ۇلتتار ىنتىماعى، العاباسارلىعى بويىنشا اۆتونوميالى رايوندىق وزات» داڭقتى اتاعىن بەرىپ، ونىڭ ۇلتتار ىنتىماعىن جەبەۋ، قوعام ورنىقتىلىعىن قورعاۋ، ەكونوميكانىڭ دامۋىن ىلگەرىلەتۋدەگى اتويشىل ونەگەلىك، باستاماشىلدىق رولىن ماداقتادى. بۇكىل رايونىمىزداعى كادر-جۇرتشىلىقتى يوۋ لياڭيىڭ جولداستى ۇلگى ەتىپ، ۇلتتاردىڭ ۇلى ىنتىماعى تۋىن بيىك ۇستاپ، قوعام ورنىقتىلىعى مەن باياندى تىنىشتىق سىندى باس نىسانانى جۇزەگە اسىرۋ ءۇشىن قۇلشىنۋعا ۇندەدى.
بيىل 45 جاستاعى يوۋ لياڭيىڭ − شينجياڭ ءوندىرىس-قۇرىلىس بيڭتۋانى 1-ديۆيزياسى ارال قالاسى 13-پولك 11-روتاسىنىڭ قىزمەتشىسى. 1991-جىلى يوۋ لياڭيىڭ چۇڭچيڭنان شينجياڭعا، بيڭتۋانداعى تۋىسىنا كەلىپ ارقا سۇيەيدى، سودان باستاپ شينجياڭعا تامىر تارتادى. جۇمىستى باسقالاردىڭ ەگىنىنە كومەكتەسۋدەن باستاعان ول كەيىن ءوزى جەر كوتەرمەگە الىپ، شارۋاشىلىق جۇرگىزىپ، ەڭبەگىمەن بايىعان باقۋاتتى تۇرمىسقا قول جەتكىزدى. 2005-جىلى گۇما اۋدانىنىڭ ەگىنشىسى مامەتتۇرىپ مىرساق پەن ايەلى يوۋ لياڭيىڭمەن ماقتا جيۋعا جالدانعاندا تانىسادى. وسىدان كەيىن يوۋ لياڭيىڭ قيىنشىلىعى بار وسى وتباسىعا 10 جىل بويى كومەكتەستى، ولاردىڭ قيىنشىلىق قىسپاعىنان ءوتۋى، ءوندىرىسىن دامىتۋى ءۇشىن ىلگەرىندى-كەيىندى 200 مىڭ يۋاننان ارتىق نەسيە بەرۋدەن تىس، ولارعا ەگىنشىلىك تەحنيكاسىن ۇيرەتتى، مامەتتۇرىپ مىرساق وتباسىن ەڭبەگىمەن بايۋ جولىنا تۇسۋگە جەتەكتەپ، سول جەردەگى اۋقاتتانۋدىڭ باستاماشىسىنا اينالدى. بۇگىنگى تاڭدا، يوۋ لياڭيىڭ مامەتتۇرىپ مىرساق وتباسىمەن جاقىن تۋىسىنداي ەتەنە ارالاسىپ، سەن -مەن دەسپەگەن تەرەڭ سۇيىسپەنشىلىك ورناتتى.
شينجياڭعا تامىر تارتقان 20 جىلدان بەرگى يوۋ لياڭيىڭنىڭ ومىرىندە مۇنداي مىسالدار ايتىپ تاۋىسقىسىز. ول قورشاعان ورتاسى ناشار، شارت -جاعدايى جاپالى جەردە ءومىر ءسۇرىپ، ءوز قىزمەت ورنىندا تابان تىرەپ، ۇلەس قوسىپ، ءوندىرىس تەحنيكاسىن بەرىلە زەرتتەپ، پولك -الاڭى بويىنشا اۋقاتتانۋدىڭ باستاماشىسىنا اينالدى؛ ول قيىنشىلىعى بار ءار ۇلت قىزمەتكەرلەرىنىڭ كىرىستەرىن مولايتۋىنا، اۋقاتتانۋ جولىنا تۇسۋىنە ۇزاق جىل اقىسىز كومەك بەرىپ، از ۇلت بۇقاراسىنىڭ قىزمەتىندەگى، ومىرىندەگى قيىنشىلىقتارىن شەشۋگە بارىن سالىپ، ولاردىڭ اۋرۋىن ەمدەتۋىنە قارجىلاي كومەكتەستى؛ ول از ۇلت بۇقاراسىن جاقىنىنا بالاپ، ۇيعۇر ءتىلىن ىرىقتى تۇردە ۇيرەنىپ، وزىق مادەنيەتتى بەلسەنە تاراتىپ، از ۇلت بۇقاراسىمەن قارىم-قاتىناسىن نىعايتتى... يوۋ لياڭيىڭ ناقتى ارەكەتىمەن «ءۇشتىڭ ءبىر-بىرىنەن ايىرىلا الماۋى» يدەياسى مەن سوتسياليستىك وزەكتى قۇن كوزقاراسىن امالياتتا ايگىلەپ، ءار ۇلت قىزمەتكەرلەرى مەن بۇقاراسىنىڭ ماداقتاۋىنا بولەندى، ول پارتيانىڭ ۇلت ساياساتىن امالياتتا ايگىلەۋدىڭ، ۇلتتار ىنتىماعىن جانە بيڭتۋان مەن جەرگىلىكتى ورىننىڭ ىنتىماعىن جەبەۋدىڭ ۇلگىسى.
قاراردا بىلاي دەپ اتاپ كورسەتىلدى: ۇزاق ۋاقىتتان بەرى اۆتونوميالى رايوندىق پارتكوم، اۆتونوميالى رايوندىق حالىق ۇكىمەتى قوعام ورنىقتىلىعى مەن باياندى تىنىشتىق سىندى باس نىسانا توڭىرەگىندە، شينجياڭداعى ءار ۇلت كادر-بۇقاراسىن ىنتىماقتاستىرىپ، باستاپ، ورتالىقتىڭ شەشىمدەرى مەن ورنالاستىرۋلارىنا ساي، ۇلتتار ىنتىماعى، العاباسارلىعى ىستەرىن بار كۇشپەن ىلگەرىلەتتى، ۇلتتاردىڭ ۇلى ىنتىماعىنىڭ نەگىزى ۇزدىكسىز بەكەمدەلىپ، العاباسار ۇلگىلى تۇلعالار تولاسسىز بوي كورسەتتى، يوۋ لياڭيىڭ جولداس سولاردىڭ تاڭداۋلى ۋاكىلى.
اۆتونوميالى رايوندىق پارتكوم، اۆتونوميالى رايوندىق حالىق ۇكىمەتى بۇكىل رايونداعى ءار ۇلت كادر-بۇقاراسىن يوۋ لياڭيىڭ جولداستان ۇيرەنۋگە شاقىرادى. ونىڭ «ءۇشتىڭ ءبىر-بىرىنەن ايىرىلا الماۋدى»، «5 ورتاق تانىمدى» امالياتتا مۇقيات ايگىلەگەن، ءار ۇلت بۇقاراسىمەن تىلەكتەس بولعان، ءار ۇلت بۇقاراسىنىڭ مۇڭىن مۇڭداپ، قيىنشىلىعىن شەشۋگە قۇلشىنعان اسقاق يدەياسىنان ۇيرەنۋ؛ ونىڭ ۇلەس قوسۋعا پەيىل بولعان، اتاق-داڭقپەن ەسەپتەسپەگەن، ماشاقاتتى كۇرەس جۇرگىزگەن تاماشا ستيلىنەن ۇيرەنۋ؛ ونىڭ سوتسياليستىك وزەكتى قۇن كوزقاراسى مەن «شينجياڭ رۋحىن» امالياتتا ونەگەلىكپەن ايگىلەگەن، وتاندى ءسۇيىپ، شەكارا وڭىرگە تامىر تارتقان، ءار ۇلت بۇقاراسىنا شىن پەيىلىمەن قىزمەت ەتكەن قالتقىسىز سۇيىسپەنشىلىگىنەن ۇيرەنۋ؛ ونىڭ ءوز قىزمەتىنە تابان تىرەپ، ناقتى ارەكەتىمەن ۇلتتار ىنتىماعىن جەبەگەن، «بىرگە ىنتىماقتاسا كۇرەس جۇرگىزۋ، بىرگە كوركەيىپ دامۋدى» ءوز بورىشى دەپ بىلگەن تاڭداۋلى قاسيەتىنەن ۇيرەنۋ كەرەك.
قاراردا مىنالار باسا دارىپتەلدى: بۇكىل رايونىمىزداعى ءار ۇلت كادر-بۇقاراسى يوۋ لياڭيىڭ جولداستى ونەگە تۇتىپ، سانالىلىقپەن مەملەكەت تۇتاستىعىن، ۇلتتار ىنتىماعىن جانە قوعام ورنىقتىلىعىن قورعاۋشىلاردان، ءار ۇلت بۇقاراسىنىڭ ارالاسۋىن، ىشتەسۋىن، توعىسۋىن جەبەۋشىلەردەن، «شينجياڭ رۋحىن» اسقاقتاتۋدى، «ءۇشتىڭ ءبىر-بىرىنەن ايىرىلا الماۋ» يدەياسى مەن «5 ورتاق تانىمى» كوزقاراسىن ورناتۋدى امالياتتا ايگىلەۋشىلەردەن بولۋ كەرەك. ۇلتتاردىڭ ۇلى ىنتىماعى تۋىن بيىك ۇستاپ، تىڭنان جاڭالىق اشىپ، جىگەرلەنە العا ۇمتىلىپ، ىنتىماقتاسا كۇرەس جۇرگىزىپ، شينجياڭنىڭ قوعام ورنىقتىلىعى مەن باياندى تىنىشتىعى سىندى باس نىسانانى جۇزەگە اسىرۋ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، حالقى الاڭسىز تىرشىلىك ەتكەن سوتسياليستىك شينجياڭ قۇرۋ ءۇشىن قۇلشىنا كۇرەسۋ كەرەك.
كەلۋ قاينارى: «ىلە گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
