بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>قوعام

[شينجياڭدىقتاردىڭ ءبىر كۇنى] ەرالى ءبيجاقىپتىڭ ءبىر كۇنى

2015.09.14 13:58     كەلۋ قاينارى : حالىق تورابى


  ىلە اڭعارىنىڭ شىعىسىنا ورنالاسقان كۇنەس اۋدانىنىڭ نارات قالاشىعى تاعى ءبىر شۋاقتى كۇندى قارسى الدى.

  اراسان قىستاعىنىڭ تۇرعىنى ەرالى ءبيجاقىپ بۇگىن ورنىنان ءسال جاي تۇردى، ول تازالىق ۇيىندە بەتى – قولىن جۋىپ جاتقاندا، ەكى بالاسى مەن ايەلى تاڭەرتەڭگى استارىن ءىشىپ بولدى.

  كەنەتتەن، ول كورشىسى گىميڭجاننىڭ ءۇيى جاقتان شىققان موتورلى كولىك داۋىسىن ەستي سالا، تازالىق ۇيىنەن باسىن شىعارىپ، قوناق بولمەسىنە قاراي: «گىميڭجاننىڭ اۆتوكولىگى كەتىپ قالماسىن، بالالاردىڭ تاماعىن تەز ىشكىزىپ، وقۋىنا جىبەر»، - دەپ داۋىستادى.

  ەرالىنىڭ ءۇيى بالالارى وقىپ جاتقان نارات قالاشىعى ۇلاستاي مال شارۋاشىلىق ورتا مەكتەبىنەن ءبىر كيلومەتر عانا قاشىقتىقتا، سويتسە دە ەكى بالا مەكتەپكە اۆتوكولىكپەن بارادى، ەرالى: «قازىرگى بالالار باقىتتى – عوي، كەزىندە ءبىز ون نەشە كيلومەتر جولدى جاياۋ باسىپ مەكتەپكە باراتىنبىز..»، - دەيدى.

  اتا – باباسىنان بەرى اراسان قىستاعىندا تۇراتىن قازاق مالشىلار جۋىرداعى جىلداردان بەرى، سۋدىڭ تۇنىعىن، ءشوپتىڭ شۇيگىنىن قۋالاعان كوشپەلى ترلىكتى اياقتاتىپ، ادەمى ۇيلەرگە قونىستانىپ، قولفون، تەلەۆيزور، مۇزداتقىش قاتارلى ەلەكتر اسپاپتارىن پايدالاندى، كەيبىرەۋلەرى اۆتوكولىك، كومپيۋتەردى دە پايدالانا باستاپ، بۇكىلدەي وسىزاماندانعان تۇرمىسقا كوشتى. نارات كورىنىس رايونىنداعى مالشىلار «قامشىلارىن تاستاپ»، ساياحات كاسبىنە ويىستى. ەرالىنىڭ كورشىسى گىميڭجان الدىمەن قيمىلداعانداردىڭ ءبىرى.

  ەرالىنىڭ ءوز ويلاعانى بار: بيىل گىميڭجان ون نەشە مالشى وتباسىنىڭ باسىن قوسىپ، «كيىز ءۇي كوپەراتيۆىن» قۇردى، ولار قىستاقتىڭ شىعىسىنان وتىز – قىرىق كيىز ءۇي تىگىپ، ساياحاتتاپ كەلگەندەردى قابىلداماقشى، ەرالى دە سول كوپەراتيۆكە قوسىلۋ ويىندا، بۇل ءۇشىن الدىمەن ءبىرتالاي اقشا ىستەتۋگە تۋرا كەلەدى. ەرالى ايەلىنە: «اقشانى وسىندايدا پايدالانىپ، اقشانى اقشا تابۋعا جۇمساۋ كەرەك»، - دەپ ءتۇسىندىرىپ وتىرادى.

  ەرالى كۇنەس اۋدانى مەن وسى اراعا باعىتتامالى كومەكتەسەتىن جياڭسۋ ولكەسى ياڭجوۋ قالاسى 45 ميلليون يۋان قارجى قوسىپ سالدىرعان قازاقى سالت – ءداستۇرى قىستاعىندا تۇرادى، بۇل اراداعى ۇيلەر بىركەلكى ادەمى سالىنعان، ءاربىر ءۇي 100 شارشى مەترگە جۋىق، تازالىق ءۇيى، اس ءۇي قاتارلى قۇرىلعىلاردىڭ بارلىعى تولىق، مالشىلار تەك 50 مىڭ يۋان تاپسىرسا بولعانى، ءۇيدىڭ كىلتى قولدارىنا تيەدى، ونىڭ ۇستىندە، ساياحات ماۋسىمىندا ساياحاتشىلاردى قابىلداۋ ارقىلى دا كىرىس كىرگىزۋگە بولادى.

  تاڭەرتەڭگى استى ءىشىپ بولعاننان كەيىن، ەرالى سۇرتكىشتى قولىنا الىپ، كىلەمدى مۇقيات سۇرتە باستادى. قىس بويى كۇتكەن ساياحات ماۋسىمى تاياپ قالدى، ءۇيدىڭ ءىشى – سىرتى تازا ۇستالسا، ساياحاتشىلار دا كەلۋگە رازى، قايتا اينالىپ كەلگەندە تاعى قونعىسى كەلەدى. مۇنى قازىر بالالار دا تۇسىنەدى.

  سالدەن كەيىن ەرالىنىڭ ايەلى ۇيگە كورپە كوتەرىپ كىرىپ، كوڭىلدى بەينەمەن: «قىس بويى ون نەشە كورپە مەن كوپشىك جاساپپىن، 2000 يۋانداي اقشا بولاتىن شىعار؟» - دەدى. بىلتىردان بەرى، ەرالىنىڭ ايەلى قازاقى قولونەر بۇيىمدارى مەن كورپە – جاستىق جاساپ كىرىس تاۋىپ ءجۇر، بۇعان ەرالى دە قاباعات قۋانادى.

  ەرالى: «ءبارى دە جاقسى، بيىل ءبىر كيىز ءۇي ارتىق تىگەمىز، كەزىندە كوبىرەك قوناق كۇتۋگە قۇلشىنامىز، ءتىپتى بولماسا قىستاقتىڭ كىرە بەرىسىنە كاسىپتىك قوناق شاقىرۋشىلاردان بىرەۋىن تۇرعىزامىز»، - دەيدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.