- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۇلى ىسكە بەرىك نەگىز قالادى
− اۆتونوميالى رايون قۇرىلعاندىعىنىڭ 60 جىلدىعىنا وراي (10)
2015.09.22 10:46 كەلۋ قاينارى : ءتاڭىرتاۋ تورابى
«اداش (اعايىن)، جۇرەردەن بۇرىن ءبىزدىڭ ۇيگە بارىپ قوناق بولىپ قايت، سەنى جىبەرگىمىز كەلمەي تۇر». قىستاقتا تۇراتىن كادرلاردىڭ قايتاتىنىن ەستىگەن مارالباسى اۋدانى داۋلەتباق اۋىلى مايساڭ قىستاعىنىڭ تۇرعىندارى جاڭعاق، جۇمىرتقا، ناندارىن الىپ قىستاق تۇرعىندار كوميتەتىنە كادرلاردى اتتاندىرۋعا كەلدى، 100 نەشە قىستاق تۇرعىنى ءوز اقشالارىمەن 2 ۇلكەن اۆتوبۋزدى جالداپ، 02 كيلومەتر قاشىقتاعى پويەز ستانسياسىنا بارىپ، اۆتونوميالى رايوندىق ساياسي كەڭەستەن قىستاققا كەلگەن قىزمەت گرۋپپاسىنداعىلارمەن جىلاپ قوشتاستى.
2014 - جىلى ناۋرىزدا «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى باستالعاننان بەرى، شينجياڭنىڭ نەگىزگى ساتى ورىندارىندا كىسى جانىن تەبىرەنتەتىن مۇنداي جاعدايلار ۇنەمى ۇشىرادى. «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىن ءبىر تەرەزە دەسەك، ول ارقىلى ءبىز اۆتونوميالى رايوندىق پارتكومنىڭ نەگىزگى ساتى قىزمەتىنە باسا ءمان بەرىپ، نەگىزگى ساتىنىڭ نەگىزىن بەكەمدەۋگە بار زەيىن - زەردەسىن اۋدارىپ، كۇش - قايراتىن سالعانىن كوردىك.
اۆتونوميالى رايون قۇرىلعاننان بەرگى 60 جىل − شينجياڭنىڭ پارتيانىڭ نەگىزگى ساتى ۇيىمدىق قۇرىلىسىن جاڭالىق اشا دامىتقان 60 جىل بولدى، وتە - موتە، ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرگى 5 جىلدا، اۆتونوميالى رايوندىق پارتكوم شينجياڭنىڭ ەرەكشە رايوندىق جاعدايىن تياناق ەتە وتىرىپ، «نەگىزگى ساتى ورنىقتى بولسا، شينجياڭ ورنىقتى بولادى، نەگىزگى ساتى گۇلدەنسە، شينجياڭ گۇلدەنەدى» دەگەن كوزقاراستى مىقتاپ ورناتىپ، باستان - اياق نەگىزگى ساتىعا باسا ءمان بەرىپ، نەگىزگى ساتىنى كۇشەيتىپ، نەگىزگى ساتىعا قىزمەت ەتىپ، ءبىر قىدىرۋ پارمەندى شارالار قولدانىپ، پارتيانىڭ نەگىزگى ساتى ۇيىمدىق قۇرىلىسىنىڭ جاقسارۋ بارىسىندا كۇشەيۋىنە، جاڭالىق اشا دامۋىنا مۇمكىندىك جاساپ، شينجياڭنىڭ قوعام ورنىقتىلىعى مەن باياندى تىنىشتىعىن جەبەۋگە مىعىم نەگىز قالادى.
ىڭعايىن تاۋىپ، نەگىزگى ساتىعا باسا ءمان بەردى
باس شۋجي شي جينپيڭ: شينجياڭ قىزمەتىنىڭ ەڭ مىعىم كۇش تىرەگى − نەگىزگى ساتىدا، ەڭ نەگىزگى قايشىلىعى مەن ماسەلەسى دە نەگىزگى ساتىدا، سوندىقتان، نەگىزگى ساتىنى يگەرۋدى، نەگىز قالاۋدى، ءسوز جوق، شينجياڭدى ورنىقتىرۋدىڭ، شينجياڭدى گۇلدەندىرۋدىڭ ۇزاق بولاشاقتىق جوسپارى مەن نەگىزدى بەكەمدەۋ شاراسى ەتۋ كەرەك، − دەپ اتاپ كورسەتتى.
ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، اۆتونوميالى رايوندىق پارتكوم نەگىزگى ساتى قىزمەتىنە بارىنشا ءمان بەرىپ، «حالىق تۇرمىسىن الدىمەن ەسكەرۋ، بۇقارانى ماڭداي الدى ورىنعا قويۋ، نەگىزگى ساتىنى ماڭىزدى ساناۋ»، «نەگىزگى ساتىعا ءمان بەرۋ، نەگىزگى ساتىنى كۇشەيتۋ، نەگىزگى ساتىعا قىزمەت ەتۋ» سياقتى ءبىر قىدىرۋ جاڭا كوزقاراستاردى العا قويىپ، نەگىزدى كۇشەيتۋگە قاتىستى ءبىر قىدىرۋ كەلەلى شارالاردى قولدانىپ، بۇقاراعا قىزمەت ەتۋدىڭ، ورنىقتىلىقتى قورعاۋدىڭ، بولشەكتەۋشىلىككە قارسى تۇرۋدىڭ پارمەندى جاۋىنگەرلىك قامالىن ورناتتى.
«ستيلگە بۇرىلىس جاساۋ، بۇقاراعا قىزمەت ەتۋ»، «دارمەنسىز، بىتىراڭقى نەگىزگى ساتى ۇيىمدارىن رەتتەۋ»، «ءتورتتى ءبىلۋ، ءتورتتى ايقىنداۋ، ءتورتتى يگەرۋ» سياقتى ءبىر قىدىرۋ نەگىزدى كۇشەيتۋ شارالارىن اتقارعاننان كەيىن، 2014 - جىلى ناۋرىزدا اۆتونوميالى رايوندىق پارتكومنىڭ بۇيرىعىمەن بۇكىل شينجياڭنىڭ جەر - جەرى، تاراۋلار دەرەۋ اتتانىسقا كەلىپ، جۇدىرىقتاي جۇمىلىپ، كۇش سالا ىلگەرىلەتىپ، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» بويىنشا 10 مىڭنان استام قىزمەت گرۋپپاسى اۆتونوميالى رايوندىق پارتكومنىڭ ماڭىزدى تاپسىرماسىن ارقالاپ، ءار ۇلت حالقىنا دەگەن تەرەڭ سۇيىسپەنشىلىكپەن ەڭ نەگىزگى ساتىعا، ەڭ الدىڭعى شەپكە، ەڭ قاجەت ەتكەن جەرلەرگە اتتانىپ، قىستاقتارعا بارىپ قىزمەت ورىستەتتى.
نەگىزگى ساتىنىڭ نەگىزدىك قىزمەتىن جاقسى ىستەۋ ءۇشىن، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ءوزى باستاپ ۇلگى كورسەتىپ، ماڭىزدى ماسەلەلەردى ءوزى زەرتتەپ، كەلەلى ماسەلەلەر جونىندە ءوزى ورنالاستىرۋ جاساپ، ءتۇيىندى قىزمەتتەرگە ءوزى جەتەكشىلىك ەتتى.
«قازىر قاشقارداعى 207 <بەستە ادا قىستاق>، 330 ءالسىز، دارمەنسىز، بىتىراڭقى قىستاق بار ىنتا - پەيىلىن ورنىقتىلىقتى كوزدەۋگە، پارتيا قۇرىلىسىن مىقتى ۇستاۋعا شوعىرلاندىرۋى كەرەك...». بيىل 9 - قاڭتاردا اۆتونوميالى رايوندىق پارتكوم تۇڭعىش رەت ارناۋلى جيىن اشىپ، ايماق، وبلىس، قالالارداعى پارتكوم شۋجيلەرىنىڭ نەگىزگى ساتى پارتيا قۇرىلىسى قىزمەتىن باعالادى، جاڭ چۇنشيان جيىندا 14 ايماق، وبلىس، قالا پارتكوم شۋجيلەرىنىڭ قىزمەت بايانداماسىن تىڭداپ، ماسەلەلەردى كورسەتىپ، دەر كەزىندە تۇزەتۋگە قۋزادى.
اۆتونوميالى رايوننىڭ نەگىزگى باسشىلارىنىڭ جەتەكشىلىگىندە، اۆتونوميالى رايوندىق پارتكومنىڭ تۇراقتى مۇشەلەرى ءتۇيىندى اۋداندارمەن؛ ايماق، وبلىس، قالالاردىڭ پارتكوم شۋجيلەرى ءتۇيىندى اۋىلدارمەن؛ اۋدان، قالالاردىڭ باسشىلارى اۋىل - قالاشىقتار جانە ءالسىز، دارمەنسىز، بىتىراڭقى قىستاقتارمەن بايلانىس ورناتىپ، نەگىزدى بەكەمدەۋدى ماڭىزدى مىندەت ورنىنا قويىپ، جاۋاپكەرشىلىكتى ساتىلار بويىنشا اشالاپ، مىندەتتەردى ساتىلار بويىنشا تياناقتاندىردى...
ناقتى شارا قولدانىپ، نەگىزدى بەكەمدەدى
بيىل 15 - قاڭتاردا اۆتونوميالى رايوندىق پارتكوم «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىنداعى وزاتتاردى ماداقتاۋ، سيلاۋ، اتتانىسقا كەلتىرۋ جينالىسىن اشتى، 107 جولداس كەۋدەلەرىنە قىزىل گۇل تاعىپ، سيلىق تورىنەن ورىن الدى. ولار قىستاق قىزمەتىندە تاماشا بەينە بايقاتقاندىعى سەبەپتى ۇيىم جاعىنان دارەجەسى ءوسىرىلىپ، مىندەتكە قويىلدى.
قاشقار ايماقتىق ساۋدا مەكەمەسىنىڭ باسقارما دارەجەلى تەكسەرۋشىسى، قاشقار قالاسى نازارباق قالاشىعىنىڭ گۇلباق قىستاعىندا تۇراتىن قىزمەت گرۋپپاسىنىڭ باستىعى شيا يۇي بىلاي دەدى: «مەن تەك ءبىر كوممۋنيستىڭ ىستەۋگە ءتيىستى ءىسىن ىستەدىم، اۆتونوميالى رايوندىق پارتكوم ماعان وسىنداي جوعارى مارتەبە بەرىپ، مۇنشاما كۇشتى سەنىم ارتىپ وتىرعان جەردە، بۇدان كەيىن قىزمەتتى بارىنشا ىجداعاتتىلىقپەن تىرىسىپ ىستەپ، حالىققا اناعۇرلىم ويداعىداي قىزمەت ەتۋگە قۇلشىنامىن».
شيا يۇي اۆتونوميالى رايوندىق پارتكومنىڭ «ءۇشتى وبالدى ەتپەۋ» سىندى ادام ىستەتۋ باعىتىنىڭ يگىلىگىن كوردى. ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، اۆتونوميالى رايوندىق پارتكوم نەگىزگى ساتىنى كۇشەيتۋ، نەگىزدى بەكەمدەۋ اياسىندا، نەگىزدى بەكەمدەۋ، ادامداردى قالاۋىن تاۋىپ الىپ قالۋ سىندى كەلەلى شارالاردى العا قويدى: «ءۇشتى وبالدى ەتپەۋ» سىندى ادام ىستەتۋ باعىتىنا تاباندى بولدى، «يگى ىستەردىڭ نەگىزگى ساتىدا ىستەلۋىنە، يگى - جاقسىلاردىڭ نەگىزگى ساتى كادرلارىنان شىعۋىنا كەپىلدىك ەتۋگە» تاباندى بولىپ، نەگىزگى ساتى ۇيىمى مەن كادرلاردىڭ بەدەلىن ورناتىپ، نەگىزگى ساتى كادرلارىنىڭ قىزمەت بەلسەندىلىگى مەن جاۋاپكەرشىلىك سەزىمىن كۇشەيتىپ، نەگىزگى ساتى پارتيا ۇيىمىنىڭ قۋاتىن نىعايتتى.
2014 - جىلى «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىندا، اۆتونوميالى رايوندىق قازىنا مەن ءار دارەجەلى قىزمەت گرۋپپالارى تۇرلىشە جولدارمەن 2 ميلليارد يۋاننان استام قارجى توپتاپ، اۋىل - قىستاقتاردىڭ تاس جول، ەلەكتر تورلارىن وزگەرتۋ، بەيقۇت ءۇي سالىپ، حالىقتى اۋقاتتاندىرۋ، سۋ يگىلىگى قۇرىلىسى، باعىمشىلىق شاعىن الاڭىن قۇرۋ سياقتى حالىق تۇرمىسى نىساندارىن جۇرگىزىپ، حالىقتىڭ اۋىز سۋ، قاتىناس، ەلەكتر ەنەرگياسىنان پايدالانۋ، تۇرعىن ءۇي، ناۋقاس ەمدەتۋ، كىرىس سياقتى جاقتارداعى قىرۋار قيىنشىلىعىن شەشتى. سونىمەن بىرگە، اۆتونوميالى رايونداعى ءار دارەجەلى قازىنا ورىندارى نەگىزگى ساتى ۇيىمدارىنىڭ قىزمەتىنە كومەك قاراجات، نەگىزگى ساتى كادرلارىنا ەڭبەكاقى بەرۋ جانە نەگىزگى ساتىنىڭ نەگىزدىك قۇرىلعىلارىن جاقسارتۋ ماقساتىندا جيىنى 35 ميلليارد 190 ميلليون يۋان قارجى ءبولدى.
تاياۋ 5 جىلدى − شينجياڭنىڭ نەگىزگى ساتى ۇيىمدىق قۇرىلىسىنا ءمان بەرىلۋ دەڭگەيى ەڭ جوعارى، ۇسىنىلىم سەرپىنى ەڭ كۇشتى، شەشىلگەن ماسەلەلەر ەڭ كوپ، جەتىستىك ەڭ كورنەكتى مەزگىل دەسەك تە بولادى.
10 مىڭنان استام مەملەكەت قىزمەتكەرى اۋىل - قالاشىق ورگاندارىنا قابىلداندى.
ورگان، ءىسورىندارىنداعى 300 نەشە تاڭداۋلى كادر نەگىزگى ساتىعا تاڭداپ جىبەرىلىپ، قىستاق پارتيا ياچەيكاسىنىڭ شۋجيلىگىنە تاعايىندالدى؛
نەگىزگى ساتىداعى 7000نان استام مادەنيەت وتاۋى قىستاقتاعىلاردىڭ كينو كورۋىنە، مادەنيەت، دەنە تاربيە قيمىلدارىن ورىستەتۋىنە قولايلىلىق تۋدىردى، 1060دەن استام نەگىزگى ساتى قىزمەت كورسەتۋ ورتالىعى نەگىزگى ساتىداعى پارتيالى كادرلاردىڭ بۇقاراعا قىزمەت كورسەتىپ، جۇرت تىلەگىن ۇيىستىرۋىنا شارت - جاعداي ازىرلەدى.
اۆتونوميالى رايوننىڭ جەر - جەرىندە كۇشتى نەگىزگى ساتىعا شوعىرلاندىرۋ، كادرلاردى نەگىزگى ساتىعا جىبەرۋ، اقشانى نەگىزگى ساتىعا جۇمساۋ رايى جانە مەحانيزمى قالىپتاسىپ، پارتيانىڭ نەگىزگى ساتىداعى بيلىك جۇرگىزۋ نەگىزى اناعۇرلىم بەكەمدەلدى.
سىننان وتكىزىپ، قايسارلىققا باۋلىدى
شينجياڭنىڭ بارلىق قىزمەتىن جاقسى ىستەۋدىڭ تەتىگى − كادرلاردا.
اتىزدا داقىلدار جايقالا وسۋدە، باقتا جەمىس - جيدەكتىڭ حوش ءيىسى مۇرىندى جارادى، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى بويىنشا قىستاققا تۇسكەن قىزمەت گرۋپپالارى نەگىزگى ساتىداعى كادر - بۇقارامەن قويان - قولتىق ارالاسىپ، كادرمىن دەپ كوككە قاراماي، قايتا ناقتى ءىس ىستەپ، حالىق تۇرمىسىنا تيىمدىلىك جاساپ، بۇقارانى مۇڭ - مۇقتاجدان ارىلتىپ، قيىنشىلىعىن شەشۋگە كۇش سالىپ، بۇقارانىڭ سەنىمى مەن قولداۋىنا يە بولدى.
ءبىر جىلدان اسا ۋاقىتتان بەرگى اماليات − «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قىزمەتىنىڭ شينجياڭنىڭ عىلمي دامۋىن، ۇلتتاردىڭ ىنتىماعىن، ءدىننىڭ جاراسىمدىلىعىن جەبەپ، نەگىزدى بەكەمدەيتىن كەلەلى تۇبىرىنەن وڭاۋ شاراسى، كادرلاردىڭ ستيلىن جاڭالاۋدىڭ، كادرلار قوسىنىن شىنىقتىرۋدىڭ تابىستى شاراسى ەكەندىگىن دالەلدەدى.
كەزەكتە، شينجياڭ ءدوپ كەلىپ وتىرعان ورنىقتىلىق پەن دامۋدىڭ مىندەتتەرى جاپالى ءارى اۋىر، «3 كەزەڭ قاباتتاسقان» ەرەكشە تاريحي مەزگىل سىندى سىن - سايىس تا ەجەلدەن بولماعان. جاعداي كۇردەلى بولعان سايىن، مىندەت تە جاپالى بولادى، مۇنداي كەزدە ستيل قۇرىلىسىن كۇشەيتىپ، تاماشا رۋحاني بەت - بەينەنى ساقتاپ، پارتيانىڭ حالىق بۇقاراسىمەن بولعان ەتەنە قاتىناسىن كۇشەيتۋ، ءتىپتى، قاجەت.
قۇلجا اۋدانى قۇدياريۇز اۋىلى گەمە قىستاعى پارتيا ياچەيكاسىنىڭ شۋجيى لي يۋانميننىڭ اتى اتالسا بولعانى، جەرگىلىكتى ورىنداعى كادر - بۇقارانىڭ اراسىندا ونى ماقتامايتىن ادام جوق. كەزىندە ياچەيكا شۋجيى 5 جىلدا 4 رەت اۋىستىرىلعان، «دامۋى كەنجە قىستاق»، «سۇلباسى عانا بار قىستاق»، «شوعىرلى وڭاۋداعى ءتۇيىندى قىستاق» اتالعان گەمە قىستاعى لي يۋانميننىڭ باسشىلىعىندا ومىرشەڭدىك كۇشى جالىن اتقان وزاتتاردىڭ ۇلگى كورسەتۋ قىستاعىنا اينالدى.
پارتيانىڭ حالىق بۇقاراسىمەن قاتىناسىن ءتىپتى دە جاقىنداتا ءتۇسۋ ءۇشىن، اۆتونوميالى رايوندىق پارتكوم 2014 - جىلى شينجياڭداعى ءار دارەجەلى پارتيالى كادرلاردىڭ ساياسيدا تاباندى، قابىلەتى كۇشتى، ستيلى جاقسى، كوڭىل كۇيى ورنىقتى كادر بولىپ، ءتۇسىنۋ قابىلەتىن، اتقارۋ قابىلەتىن، تياناقتاندىرۋ قابىلەتىن قۇلشىنا جوعارىلاتۋى كەرەكتىگىن اتاپ كورسەتتى.
اۆتونوميالى رايوندىق پارتكوم 2015 - جىلى تاعى دا «شينجياڭ ەرەكشەلىگىنە يە جاقسى كادر بولۋ» كوزقاراسىن ورتاعا قويىپ، كادرلار قوسىنى قۇرىلىسىنىڭ كوزقاراسىندا جانە امالياتىندا تىڭ جاڭالىق اشتى. 60 جىلدىق كۇرەس ارقىلى، جاڭا بەلەسكە شىققان شينجياڭ تاريحقا قايىرىلا قاراپ، ءار دارەجەلى كادرلاردىڭ نەگىزدى نىعايتۋ، ءتۇپ - تاعاندى مىقتاۋ سەنىمىن ونان ارى بەكەمدەي ءتۇسىپ، سوتسياليستىك كوركەم شينجياڭ قۇرۋ نىساناسىنا قاراي ارشىندى قادام تاستاۋدا. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
