- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاپونيانىڭ باستاۋىش مەكتەپ وقۋشىلارىنا ارنالعان سومكەسى نەگە ءوتىمدى
جاپونيانىڭ سومكەنى تۇتىنۋشىلاردىڭ تالابىنا قاراي بەيىمدەپ، پايدالانۋعا قولايلى ەتىپ جاساۋىنان ۇيرەنۋ كەرەك
2015.10.13 15:09 كەلۋ قاينارى : حالىق تورابى
مەملەكەت مەرەكەسىنىڭ «التىن اپتالىعىندا» جاپونياعا بارىپ ساياحاتتاعاندار ساتىپ العان زاتتاردىڭ تىزىمدىگىندە باستاۋىش مەكتەپ وقۋشىلارىنىڭ سومكەسى ءبىرىنشى ورىندا تۇرعان، بۇل سومكەنىڭ باعاسى حالىق اقشاسى بويىنشا 3000 يۋان. ساياحات سەرىكتىگى قىزمەتكەرىنىڭ ايتۋىنشا، بۇل سومكەلەردىڭ باعاس ورتا ەسەپپەن 30 ~ 50 مىڭ جاپون يەنى بولعانىمەن، قىمباتتارى 100 مىڭ جاپون يەنىنەن (5000 يۋاننان) اسىپ كەتەدى.
باستاۋىش مەكتەپ وقۋشىلارىنا ارنالعان سومكەنىڭ باعاسى وسىنشا جوعارى بولسا دا، تۇتىنۋشىلار نەلىكتەن الىسسىنباي شەكارا اتتاي بارىپ تالاسا – تارماسا ساتىپ الادى؟ ايتۋعا قاراعاندا، بۇل سومكەلەردىڭ قۇنى راسىندا دا وسى باعاعا تاتيدى. شىدامدى بولعانى سونشالىق، ءبىرىنشى جىلدىقتان باستاۋىشتى تاۋىسقانشا پايدالانۋعا بولادى، مۇنان سىرت، بۇل سومكەنىڭ باسقا دا رولدارى بار. مىسالى: بالا شالىس باسىپ شالقالاپ جىعىلسا، نەمەسە اۆتوكولىك بالانىڭ ارت جاعىنان كەلىپ سوعىپ كەتسە، بۇل سومكە سوققىنى جەڭىلدەتۋ رولىن اتقارادى؛ جەر سىلكىنىسى تۋىلعان كەزدە، بالالار بۇل سومكەمەن باس ءبولىمىن قورعاي الادى؛ سۋعا ءتۇسىپ كەتسە، بۇل سومكەنىڭ قالقۋ رولىنان پايدالانىپ ءوزىن قۇتقارادى؛ سومكەگە ورىن بەلگىلەۋ اسپابى ورناتىلعان، وسى ارقىلى بالانىڭ جوعالىپ كەتۋىنەن ساقتانۋعا بولادى... شىنىندا دا بالانىڭ حاۋىپسىزدىگى ءۇشىن تابىلمايتىن سومكە. ال، ءبىزدىڭ سومكەلەرىمىز قىزىلدى – جاسىلدى ادەمى كورىنگەنىمەن، وقۋ قۇرالدارىن سالۋدان اسپايدى.
جۇڭگو اقپارات – دانەكەر ۋنيۆەرسيتەتى وندىرىستىك ەكونوميكا عىلىمىنىڭ پروفەسسورى ياۋ لينچيڭ: بۇل شەتەلدىڭ زاتىنا كوز ساتقاندىق ەمەس، ەلىمىزدە تۇتىنۋشىلاردىڭ تۇتىنۋ ورەسى جوعارىلاعاننان كەيىن جاساۋ كاسىبىندە بايقالعان جەتەرسىزدىكتىڭ اشىققا شىعۋى. جاپونيا باستاۋىش مەكتەپ وقۋشىلارى سومكەسىنىڭ ءوتىمدى بولۋى، سومكەنىڭ ۇستەمە قۇنىمەن، ايىرىقشا رولدارىمەن، پايدالانۋعا بەيىمدەپ جوبالانۋىمەن، تۇتىنۋشىلاردىڭ تالابىن جان – جاقتىلى ويلاستىرعانىمەن تىعىز قاتىستى، - دەيدى.
الايدا، جۇڭگولىق تۇتىنۋشىلاردىڭ اراسىندا بۇل سومكەنىڭ ەلىمىزدىڭ جاعدايىنا ۇيلەسپەيتىنىن ايتۋشىلار دا بار: فورماسى تۇراقتى بولعاندىقتان، جۇڭگونىڭ پارتالارىنا سيمايدى؛ سيىمدىلىعى تومەن بولعاندىقتان، بالالار سيماي قالعان كىتاپتارىن قولىنا ۇستاۋعا ءماجبۇر بولادى؛ ورىن بەلگىلەۋ اسپابى جۇڭگودا ىستەمەي قالادى؛ سومكەدە بولات تاقتايشا بار بولعاندىقتان، سالماعى اۋىر، جۇڭگونىڭ قالالارىندا جەر سىلكىنىسى مەن سۋعا ءتۇسىپ كەتۋ سىندى جاعدايلارعا ۇشىراۋ جاعدايى كوپ تۋىلمايدى، سوندىقتان، بۇل ارتىقشا سالماقتى كوبەيتەدى.
جاپونيا وقۋشىلار سومكەسىنىڭ «سۋ مەن توپىراققا ۇيلەسپەۋى» جۇڭگونىڭ جاساۋ بازارىندا وراي تۋىنداعانىن كورسەتەدى. جاپونيا باستاۋىش مەكتەپ وقۋشىلارىنىڭ سومكەسىنىڭ تۇتىنۋشىلاردىڭ تالابىنا بەيىمدەپ جاساۋ سىندى وي جەلىسىن جۇڭگونىڭ جاساۋ كاسىبى سالاسىنداعىلار ۇيرەنۋى كەرەك. جۇڭگو اقپارات – دانەكەر ۋنيۆەرسيتەتى وندىرىستىك ەكونوميكا فاكۋلتەتىنىڭ پروفەسسورى جين شۋەتاۋدىڭ ايتۋىنشا: جاساۋ كاسىبى تەك باعا سايىسىمەن بازاردى جاۋلاعا ۇرىنباي، تۇتىنۋ ورەسىنىڭ جوعارىلاۋىنا سايكەسىپ، ءوندىرىس پەن تۇتىنۋدىڭ «ءبىرى كوككە، ءبىرى سۋعا» تارتقان جاعدايىن وزگەرتۋى كەرەك، - دەيدى.
تۇتىنۋ تالابىنىڭ ارتۋىن قاناعاتتاندىرۋ ءۇشىن، تەحنيكا عانا ەمەس، ونەركاسىپتىك جوبالاۋ دا قاجەت. ياڭ لينچيڭ: جۇڭگونىڭ جاساۋ كاسىبىنىڭ تەحنيكالىق ورەسى ون نەشە جىلدىق دامۋ ارقىلى بەلگىلى نەگىز قالادى، الايدا، ونىمدەردى ساتۋ جاعىندا ايىرماشىلىق قالىپتاستىرىپ، ونەركاسىپتىك جوبالاۋ جۇيەمىزدى كۇشەيتۋىمىز كەرەك، - دەيدى.
جين شۋەتاۋ: جوبالاۋ جوق جەردە ءوندىرىس تە بولمايدى، ەكەۋى «بىرگە تۋىپ، بىتە قايناسقان». جۇڭگو جاساۋ ونەركاسىبى جوبالاۋ جاعىندا جاساۋ كاسىبىندەگى مىقتى ەلدەردەن ءالى دە الشاق جاتىر. تۇتىنۋشىلار تۇرعىسىنان قاراعاندا، ونەركاسىپتىك جوبالاۋ ءونىمنىڭ بارلىق قاسيەتىنە قاتىستى شارتتاردى شوعىرلاندىرىپ، كىرىكتىرىپ، جوعارىلاتۋى كەرەك، تەحنيكالىق جاڭالىق نەگىزىندە ءونىمدى جوبالاۋ، رولدارىن جوبالاۋ، قۇرىلىمىن جوبالاۋ قاتارلى جولدارمەن جاڭا ءونىمدى جاراتۋ كەرەك. مۇنان سىرت، ونەركاسىپتىك جوبالاۋ كوپ ءبولىمنىڭ قاتىناسىپ، كوپ ءتۇرلى تەحنيكانىڭ كىرىگۋى ناتيجەسىندە جاڭا ءونىمدى ىسكە اسىراتىن شوعىرلاندىرۋ سيپاتىندىق جاڭالىق جاراتۋ ارەكەتى سانالادى، بۇل جاساۋ كاسىبى مەن وندىرىستىك قىزمەت وتەۋ سالاسىنىڭ اناعۇرلىم سايكەسىپ جۇمىس ىستەۋىن، جوبالاۋ جاعىنداعى بايلىقتاردى بىرىكتىرىپ، جوبالاۋ جاسامپازدىعى جۇيەسىن قۇرىپ، ونەركاسىپتىك جوبالاۋدى نازىك تۇرلەرگە ءبولىپ، ءوندىرىستىڭ ەڭ تاماشا ونىمدىلىگىن ۋنيۆەرسال پايدالانۋدى قاجەت ەتەدى، - دەيدى.
جاپونيا باستاۋىش مەكتەپ وقۋشىلارىنىڭ سومكەسى، دارەت شەلەگىنىڭ قاقپاعى، جىبەك بايپاق، فارفور پىشاق قاتارلى ونىمدەردىڭ (رەداكتوردان: جۇڭگولىق ساياحاتشىلار جاپونيادان ەڭ كوپ ساتىپ الاتىن ونىمدەر)، ءسوزسىز، باسقا ونىمدەردەن ارتىقشىلىعى بار، جۇڭگونىڭ جاساۋ كاسىبىندەگىلەر وسىدان ساۋدا ورايىن مەڭگەرىپ، ءونىم ساپاسىن ارتتىرىپ، تۇتىنۋشىلاردى ەرتەرەك «قايتارىپ» اكەلۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
