- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قىزمەت گرۋپپاسىنداعى كادرلار قيىنشىلىعى بار وقۋشىلارعا كومەكتەستى
2015.10.23 13:44
بۋرىلتوعاي اۋدانى شىعانجيدە اۋىلى اق ارال قىستاعىنىڭ تۇرعىنى اراي ءبيماش قىزى بيىل ورتا مەكتەپ ءبىتىرىپ، جوعارى مەكتەپ ەمتيحانىندا جيلين قالاسىنىڭ ەگىن شارۋاشىلىق عىلىم–تەحنيكا ينستيتۋتىنا قابىلدانعان ەدى، الايدا وتباسى ەكونوميكالىق جاعدايىنىڭ ناشار بولعاندىقتان ارايدىڭ وقۋ قاراجاتىن تولەۋ قيىنعا سوققان ەدى. اقارال قىستاق كوميتەتى جانە ايماقتىق ساناق مەكەمەسىنەن وسى قىستاققا تۇسكەن قىزمەت گرۋپپاسى جاعدايدان حابار تاپقان سوڭ، قارجى ماسەلەسىن شەشۋگە كىرىسەدى، قىستاق كوميتەتى قاتىستى ورىندارمەن سايكەسىپ قىركۇيەكتىڭ 2- كۇنى 2 مىڭ يۋان ءوسىمسىز قارىز سومانى شەشىم ەتىپ بەرسە، ايماقتىق ساناق مەكەمەسىنىڭ جاۋاپتى جولداستارى مىڭ يۋان حال سۇراۋ سوماسىن بەردى. قىستاققا تۇسكەن قىزمەت گرۋپپاسىنداعى كادرلار دا بەكەر قاراپ جاتپاي جان–جاققا سايكەسىمدى قىزمەت وتەپ، اۋداندىق ورگاندار قىزمەت كوميتەتىنىڭ قولداۋىندا مىڭ يۋان وقۋعا كومەك اقشاسىن ارايدىڭ قولىنا تابىس ە تەدى. اراي ءبيماش قىزى ءوزىنىڭ وقۋعا اتتانۋىنا كومەك قولدارىن سوزعان جاندارعا تەبىرەنە العىس ايتىپ: «ءار دارەجەلى ۇكىمەتتىڭ قامقورلىعىندا ستۋدەنت بولۋعا قادام تاستادىم، جوعارى وقۋ ورنىندا قۇلشىنا ۇيرەنىپ، كوپتەگەن بىلىمدەردى يگەرىپ، بولاشاقتا قوعامعا، وتانىمىزعا ۇلەس قوساتىن جارامدى ادام بولامىن» - دەدى.
ال قاراماعاي قالاشىعى قىرۇيەڭكى قىستاعىنىڭ تۇرعىنى جاۋ جيانگونىڭ بالاسى جاقسى ناتيجەمەن ىشكى ولكەنىڭ شينجياڭ ورتالاۋ مەكتەبى كلاسىنا قابىلدانادى، جۋىق ارادا اۋىلىنان اتتانىپ شىحىزىعا بارىپ وقۋعا تۇسپەكشى. مىنە وسى جاعدايدى بىلگەن ايماقتىق پروكۋراتۋرا مەكەمەسىنەن وسى قىستاققا تۇسكەن قىزمەت گرۋپپاسىنداعى كادرلار وزدىكتەرىنەن ۇيىمداسىپ جاۋ جيانگونىڭ بالاسىنا جاڭا كيىم الىپ بەردى، جاڭا كيىم بويىنا قۇپ جاراسقان بالادا قىزمەت گرۋپپاسىنداعىلارعا راقىمەت ايتىپ، جاقسى وقيتىندىعىن ءبىلدىردى. قىزمەت گرۋپپاسىنداعى مۇشەلەردە بالانىڭ الىس اۋىل–ايماقتا ءوزىن جاقسى كۇتۋىن، تەز ارادا جاڭا ورتاعا سايكەسىپ، قاجىرلىلىقپەن ۇيرەنۋىن، تاماشا ناتيجەمەن قوعامعا قارىمجى قايتارۋىن ءۇمىت ەتتى.
ال بۋرىلتوعاي اۋدانى كوكاعاش اۋىلى سارقامىس قىستاعىنداعى قىزمەت گرۋپپاسى جاقىندا 2 مىڭ يۋاندىق وقۋعا كومەك قاراجاتىن تۇرمىسىندا قيىنشىلىعى بار باقجاننىڭ وتباسىنا بەردى. ويتكەنى بيىل باقجان تاماشا ناتيجەمەن شينجياڭ داشۋەنىڭ ورتانى قورعاۋ كاسىبىنە قابىلدانعان ەكەن. قىركۇيەكتىڭ 6–كۇنى باقجاننىڭ وقۋعا اتتاناتىن كۇنى بولاتىن، وتباسىنداعى اجەسى بولسا جاقىندا ميىنا قان قۇيىلىپ شيپاحانادان شىققانىنا كوپ بولماپتى، ال اكەسى جارىم جىلدىڭ الدىندا ءبىر قولىن جۇمىس ۇستىندە زاقىمداپ العان ەكەن، ءبىر ءۇيلى جاننىڭ ءناپاقاسى اكەسىنىڭ سۋلياۋ جارعاق زاۆودىندا ىستەپ تاپقان ازىن–اۋلاق كىرىسىنە سۇيەنەدى، قيىنشىلىعى كوپ، ءالى كۇنگە دەيىن باسپانا مايلاپ وتىرعان ەكەن. ونىڭ ۇستىنە، باقجاننىڭ داشۋەگە قابىلدانعانى ولاردىڭ كوكەيىندەگى ۋايىمىن كوبەيتە ءتۇستى. سارقامىس قىستاق كوميتەتى مەن قىستاققا تۇسكەن قىزمەت گرۋپپاسىنداعى كادرلار باقجاننىڭ قيىنشىلىق احۋالىن يەلەگەننەن كەيىن قاتىستى ورىندارمەن سايكەسىپ، 2 مىڭ يۋان كومەك سومانى شەشىم ەتتى. ءوزىنىڭ وقۋ ارمانى جۇزەگە اسقانىن بىلگەن باقجان دا بۇدان كەيىن وقۋدى جاقسى وقىپ، مەكتەپ تاۋىسقان سوڭ قوعامعا ۇلەسىمدى قوسىپ، پارتيا مەن ۇكىمەتتىڭ ءۇمىتىن اقتايتىنىن ايتتى. سەرىك يمانقان ۇلى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
