- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
افعانستاندىق 105 جاستاعى بوسقىن اجەي ەۆروپاعا جەتتى
2015.10.29 13:55 كەلۋ قاينارى : حالىق تورابى
حالىق تورابى، 29 – قازان، بەيجيڭ. (مۇحيت) افعانستاندىق 105 جاستاعى كارى اجەي بيبيحال ۋزيبەكي سوڭىندا زۋزاعا جاتقىزىلىپ حورۆاتياداعى بوسقىندار تۇراعىنا جەتكىزىلدى. ەۆروپاعا جان ساۋعالاۋ بارىسىنداعى ەڭ قاتەرلى كەزدەر ءوتىپ كەتتى، ەندى ونىڭ وتباسىنداعىلار باتىسقا قاراي جالعاستى ساپار شەگىپ، سلوۆەنياعا كىرمەك، ولاردىڭ ەڭ سوڭعى اڭساعان مەكەنى شۆەتسيا ەدى.
ۋزيبەكي افعانستاننىڭ كۇندۇز ولكەسىنەن كەلگەن. جاسى جۇزدەن اسسا دا، سوعىس الاپاتىنان اجەيگە تىنىشتىق ءومىر بۇيىرمادى. سوعىس الاپاتى تولاستايتىن ەمەس، ۋزيبەكينىڭ وتباسىنداعىلار اقىرى ەۆروپاعا جان ساۋعالاۋعا بەكىدى. ءبىرءۇيلى 17 جان ءبىر - بىرىنە مەدەت بەرىپ، بىرلىكتە بۇل الىس ساپاردى باستادى، ءبىر جۇرگەننەن 20 كۇندەي ساپار شەكتى.
ولار 27 – قازاندا سەربيا ارقىلى حورۆاتيا شەكاراسىنا كىرىپ، ەكى مەملەكەت شەكاراسىنداعى وپاتوۋاتتس بوسقىندار تۇراعىنا جەتىپ ايالدادى. ءدال وسى جەردە ۋزيبەكي مەديالارعا جول بويى كورگەن قيىنشىلىقتارىن باياندادى.
جۇزدەن اسقان بۇل اجەي ۇستىنە قوڭىر ءاديال جامىلىپ، باسىنا جاسىل جاۋلىق بايلاعان، بوسقىندار تۇراعىندا اجەي ەركتىلەردىڭ قامقورلىعىنا بولەندى. ول: بۇل ساپاردا ءبىز كوپتەگەن قيىنشىلىققا ۇشىرادىق. تالاي جىعىلىپ - ءسۇرىندىم، باسىم دا جارالاندى. قازىرگە دەيىن باسىمداعى جاراقات ءالى جازىلا قويعان جوق،-دەدى ەكى قولى دىرىلدەي سويلەپ.
ۋزيبەكي: ءبىرءۇيلى جان تاۋ اسىپ، تاس باستىق، جان بالاسى باسپاعان يەن دالانى كەزدىك. 67 جاستاعى بالام مەن 19 جاستاعى نەمەرەم مەنى كەزەكپەن ارقالاپ ساپار شەكتى. قات - قابات قيىن – قىستاۋلارعا جولىقتىق، نەمەرەم مەنىڭ جاسىمنىڭ بەستەن بىرىنە كەلسە دە، جول ازابىنان قاتتى قالجىرادى،-دەپ كورگەن قينشىلىعىن ەسكە الدى.
ۋزيبەكي: «اياعىم قاتتى اۋىردى، ءبىراق قازىر جاعدايىم جاقسى»،-دەدى. ساقشىلار ۋزيبەكيدىڭ ءتول كۋالىگىن تەكسەرىپ، ونىڭ 105 جاستا ەكەنىن راستادى. قازىر حورۆاتياعا امان – ەسەن جەتكەنىمەن، بۇل ارادا كوپ ايالداۋىنا بولمايدى. قىسقا ۋاقىتتىق دەمالىستان كەيىن، ونىڭ وتباسىنداعىلار ونى الىپ سلوۆەنيا شەكاراسىنا كىرىپ، باتىسقا جالعاستى ساپار شەگىپ، ەڭ سوڭعى بەكەت شۆەتسياعا جەتۋى كەرەك.
حورۆاتيا قىزىل كرەست قوعامى ۋزيبەكيدىڭ وتباسىنداعىلارعا شىن جۇرەكتەن باقىت تىلەدى. حورۆاتيا قىزىل كرەست قوعامى: حورۆاتيا قىزىل كرەست قوعامى ۋزيبەكينىڭ وتباسىنداعىلارعا شىن جۇرەكتەن باقىت تىلەيدى، ءارى بەينە ولار سياقتى ەۆروپاعا جان ساۋعالاعان بارلىق بوسقىندارعا باقىت تىلەيدى،-دەدى.
ەۆروپاعا جان ساۋعالاعان بوسقىندار قوسىنىنىڭ ىشىندە، ۋزيبەكيدىڭ وتباسى تەك قانا ءبىر مىسال عانا. بىرىككەن مەملەكەتتەر ۇيىمىنىڭ بوسقىندار ءىسى جونىندەگى جوعارى كوميسسياسى باسقارماسىنىڭ جاڭادان جاريالاعان ساناعىندا بىلاي دەپ كورسەتىلگەن: جىل باسىنان بەرى، بوسقىن جانە زاڭسىز قونىس اۋدارعاندار بولىپ 700 مىڭ ادام ەۆروپا جەر ورتا تەڭىزى جاعاسىنداعى مەملەكەتتەرگە كەلگەن. بۇل 700 مىڭ ادامنىڭ تەڭ جارىمىنان استامى سيريادان كەلگەندەر، %18تى افعانستاننان كەلگەندەر، %6تى يراقتان كەلگەندەر. بۇدان سىرت، بيىل 3210 بوسقىن جان ساۋعالاۋ بارىسىندا قازا بولعان نەمەسە دەرەكسىز كەتكەن.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved