بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>قوعام

بوسقىنداردىڭ شىعار جولى قايدا؟

2015.10.29 16:21     كەلۋ قاينارى : حالىق تورابى


  حالىق تورابى، 29 – قازان، بەيجيڭ. (مۇحيت) ەۆروپا وداعىنداعى ءبىر ءبولىم مەملەكەتتەرى مەن بالقان رايونىنداعى مەملەكەتتەردىڭ باسشىلارى 25 – قازاندا برۋسسەلدە شۇعىل جيىن اشىپ، ەۆروپا بوسقىندار ماسەلەسىن شەشۋ جونىندە 17 تارماقتى كەلىسىمدى ماقۇلدادى. ءبىر ايدان بەرى، بوسقىندار ماسەلەسىنە ءدوپ كەلگەن حورۆاتيا، سلوۆەنيا قاتارلى مەملەكەتتەردىڭ ۇكىمەت باسشىلارى جينالىستان كەيىن، كەزەكتەگى جاعدايدا ەۆروپا ەلدەرى ىنتىماقتاسا وتىرىپ، بەلسەندى شارالاردى قولدانىپ، كەلىسىمگە بۇيسۇنىپ، ۋادە دە بەرىك تۇرعاندا عانا، بوسقىندارعا كومەكتەسۋگە بولاتىنىن ءبىلدىردى.

  حورۆاتيانىڭ بوسقىندارعا قاراتقان ماملەسى «سىرتقى جاقتىڭ سوگىسىنە قالسا، ىشكى جاقتا ماداقتاۋعا يە بولدى»

  ۆەنگريا سەريبا جاق شەكاراسىن بەكىتكەننەن كەيىن، بوسقىندار امالسىزدان جول باعىتىن وزگەرتىپ، الدىمەن حورۆاتياعا بارىپ، ونان كەيىن ۆەنگرياعا كىرۋدى ءجون كوردى، ءبىراق ءبىر اپتانىڭ الدىندا ۆەنگريا حورۆاتيا جاق شەكاراسىن دا بەكىتىپ تاستادى. امالسىزدان جول ىزدەگەن بوسقىندار سولتۇستىككە بەتالىپ، سلوۆەنياعا بەت بۇرىپ، حورۆاتيانى كەسىپ ءوتىپ، سلوۆەنيا ارقىلى اۆسترياعا جەتۋدى ويلادى.

  تاياۋدان بەرى، حورۆاتيا ۇكىمەتى جەتكىلىكتى پويەز بەن جولاۋشىلار اۆتوبوزىن شىعارىپ، سەربيادان اعىلىپ كىرگەن بوسقىنداردى سلوۆەنيا شەكارسىنا جەتكىزىپ سالدى. حورۆاتيا ىشكى ىستەر مينيسترلىگىنىڭ 26 – قازانداعى مالىمدەمەسىندە: بوسقىندار جول باعىتىن حورۆاتياعا وزگەرتكەن ءبىر ايدىڭ ىشىندە 256 مىڭ بوسقىن مەن قونىس اۋدارۋشىلار حورۆاتيا شەكاراسىنان كىردى، قازىر ءاركۇنى 5000 ادام حورۆاتياعا اعىلادى، 25 – قازان كۇنى ءبىر كۇننىڭ ىشىندە 10 مىڭنان استام ادام كەلدى،-دەدى.

  سلوۆەنيانىڭ پرەمەر – مينيسترى سەرار حورۆاتيا ۇكىمەتىنە، بوسقىنداردى تىزىمگە الماعان، سلوۆەنيا جاقتىڭ ماقۇلداۋىنان وتكىزبەي تۇرىپ،ءوز بەتىمەن بوسقىنداردى سلوۆەنيا شەكاراسىنا اكەلىپ تاستادى، ەڭ كوپ كەزدە ءبىر كۇندە 13 مىڭ بوسقىندى سلوۆەنيا شەكاراسىنا تاسىپ اكەلدى،-دەپ سىن ايتتى.

  سەرار: كەيبىر كەزدەرى حورۆاتيا جاق بوسقىنداردى حورۆاتيا مەن سلوۆەنيا شەكاراسىنداعى وزەنگە جەتكىزىپ سالىپ، بوسقىنداردى مۇز قۇرسانعان وزەننەن وتۋگە ماجبۇرلەدى، بۇل ادامگەرشىلىككە جات ءىس، «ەۆروپا قۇرلىعىنا جات قاتەرلى ارەكەت»،-دەپ قارادى.

  حورۆاتيانىڭ پرەمەر – مينيسترى ميلانوۆيچ سلوۆەنياعا: قازىرگىدەي ەرەكشە جاعدايدا، سلوۆەنيا ۇكىمەتى تەكسەرىپ - انىقتاۋ ءتۇزىمىن قاتاڭ اتقارۋدى دارىپتەمەستەن، تەك بوسقىنداردى شەكارادان تەزدەن وتكىزۋ، ولاردىڭ گەرمانياعا بارۋىنا بوگەۋ بولماۋ كەرەك دەپ ۇندەۋ سالدى. 26 – قازاندا ول سلوۆەنيانىڭ پرەمەر – مينيسترى سەراردىڭ سوگىسىنە رەنجىمەيتىنىن، قازىر ەكى جاق ويداعىداي تۇسىنىستى دەپ قارايتىنىن ءبىلدىردى.

  ميلانوۆيچ: حورۆاتيا «شاماسىنىڭ جەتكەنىنشە بوسقىندارعا كومەك جاساپ جاتىر»، ءبىر اي ۋاقىت ىشىندە 250 مىڭ بوسقىندى شەكارادان وتكىزدى، بۇل جاعداي حورۆاتيا ۇكىمەتى جونىنەن وڭاي - وسپاق ءىس ەمەس، حورۆاتيانىڭ قالىڭ بۇقاراسى ۇكىمەتتىڭ بوسقىندارعا جاساپ جاتقان كومەگىنە قولداۋ كورسەتىپ، ماداقتاۋدا،-دەدى.

  قينشىلىق قىسپاعىنداعى سلوۆەنيا

  16 – قازان كۇنى ۆەنگريا حورۆاتيا جاق شەكاراسىن جاۋىپ تاستاعاننان كەيىن، قىسقا عانا ءبىر اپتانىڭ ىشىندە 65 مىڭ ادام حورۆاتيا ارقىلى سلوۆەنياعا اعىلىپ كىردى. قازىر سلوۆەنيا – حورۆاتيا شەكاراسىنان كۇنىنە نەشە مىڭ بوسقىن كۇزگى سۋىق پەن جاۋىن -شاشىنعا قاراماستان شەكارادان اعىلۋدا. بۇل جاعداي 2 ميلليون عانا جان سانى بار سلوۆەنيا ءۇشىن اسا ۇلكەن اۋىرتپالىق. سلوۆەنيا ۇكىمەتى الدىڭعى اپتادا ەۆروپا وداعى حالىق ىستەرى قورعاۋ ءتۇزىمى بويىنشا ءوتىنىش بەرىپ كومەك سۇراپ، بوسقىندارعا شۇعىل قاجەتتى بولىپ وتىرعان كوپتەگەن شاتىر، كىلەم، كورپە سياقتى تۇرمىستىق زاتتارمەن قامداۋىن ءوتىندى ءارى ەۆروپا وداعىنان شەكارادا زاڭ اتقارۋشى قىزمەتكەرلەر جاعىندا كومەك كورسەتۋدى جانە كەلەر جارتى جىلعا قازىنالىق جاقتان شۇعىل كومەك بەرۋىن ءوتىندى.

  سلوۆەنيانىڭ پرەمەر – مينيسترى سەرار 25 – قازاندا برۋسسەلدە اشىلعان شۇعىل جينالىستا ەسكەرتۋ جاساپ، تەزدەن ناقتى ارەكەتكە كەلىپ بوسقىندار ماسەلەسىن شەشۋ قاجەت، ويتپەگەندە ەۆروپا وداعى «تورعايداي توزادى» دەگەن. سەرار حورۆاتيا ۇكىمەتى 25 – قازانداعى جينالىستا بەرگەن ۋادەسىن ورىنداپ، بوسقىنداردىڭ بەتالىسىن دەركەزىندە مالىمدەۋىن، ەكى جاقتىڭ قارىم – قاتىناسىن نىعايتۋىن ءۇمىت ەتتى.

  ول تاعى دا: ەڭ الاڭدايتىنى، ەگەر گەرمانيا مەن اۆستريا شەكاراسىن بەكىتسە، شەكارادان وتە الماعان بوسقىنداردىڭ بالقان رايونىندا قالاتىنىن، سلوۆەنيا سياقتى كىشكەنتاي مەملەكەت جونىنەن العاندا بۇل اۋىر اپات اكەلەتىنىن،-ايتتى.

  ءونىمدى بولۋىنان اۋىز اشۋ قيىن 17 تارماقتى كەلىسىم

  25 – قازان اشىلعان جينالىستا ءارقايسى جاق كەلىسىمگە كەلىپ، 17 تارماقتى كەلىسىمدى ماقۇلداعانىمەن، بۇل شارالاردىڭ دەرەۋ ايتارلىقتاي ورىندالۋىنان اۋىز اشۋ قيىن. مەركەل جينالىستان كەيىن بوسقىندار ماسەلەسى ەۆروپا وداعى جونىنەن العاندا، ەڭ قاتاڭ سىناقتاردىڭ ءبىرى ەكەنىن، بۇل ماسەلەنى شەشۋدە بارىنەن دە ماڭىزدىسى ەۆروپا وداعىنىڭ ىنتىماقتى بولۋى كەرەكتىگىن، بۇل بارلىق ماسەلەنى شەشۋدىڭ نەگىزى ەكەنىن قايتالاي دارىپتەدى.

  بىرىككەن مەملەكەتتەر ۇيىمىنىڭ بوسقىندار ءىسى جونىندەگى جوعارى كوميسسياسى باسقارماسىنىڭ جوعارى دارەجەلى ءمانساپتىسى گۋتەرەس: 17 تارماقتى كەلىسىمدى اتقارۋ جانە ونىڭ ءونىمدى بولۋى ءۇشىن ءبىرتالاي ۋاقىت كەتەدى، ءبىراق قىس مەزگىلى تاياپ كەلەدى، ەۆروپا قۇرلىعىندا بوسقىنداردىڭ اعىلۋىنا بايلانىستى بارىنشا بىلىققان جاعداي تۋىلۋى مۇمكىن،-دەدى. قازىرگە دەيىن، بوسقىندار باسقارماسى بوسىقىنداردىڭ سۋىقتان قورعانۋى ءۇشىن ولار باسىپ وتەتىن جولداعى مەملەكەتتەردىڭ جەتكىلىكتى شاتىرلاردى قاي ۋاقىتتا دايىنداپ بولاتىنىن بىلمەيدى. قازىرگى جاعدايدان الىپ قاراعاندا، تەك ەۆروپا وداعى ىنتىماقتاسا وتىرىپ سەلبەسكەندە عانا، ەۆروپا بوسقىندارعا قيىنشىلىقتان ءساتتى تۇردە وتەتىن شارت - جاعداي ازىرلەي الادى. قازىرگى جاعدايعا قاراعاندا، مەركەلدىڭ «تەڭ ارقالاۋ» تالابى ىسكە اسپايتىن سياقتى.

  حورۆاتيانىڭ پرەمەر – مينيسترى ميلانوۆيچ: ەۆروپا وداعى شىعارعان 17 تارماقتى كەلىسىمىنىڭ رولى ويداعىداي بولماۋى مۇمكىن، اسىرەسە شەكارانى تىزگىندەۋدى كۇشەيتۋ شاراسى قارىزگى كەزدەگى ماسەلەنى شەشۋگە ءتيىمدى ەمەس، قايتا امالىن تاۋىپ بوسقىنداردىڭ اعىلۋ مولشەرىن تومەندەتكەندە عانا تىكەلەي ناتىجەسىن كورۋگە بولادى،-دەيدى.

  سلوۆەنيانىڭ پرەمەر – مينيسترى سەرار 25 – قازاندا اشىلعان جينالىستىڭ ناتيجەسىنە ءبىرشاما رازى بولسا دا، ءبىراق ەسكەرتۋ جاساپ، ءارقايسى قاتىستى مەملەكەتتەردىڭ، اسىرەسە كورشى مەملەكەت حورۆاتيانىڭ كەلىسىمگە بۇيسۇنىپ، ۋادەسىندە بەرىك تۇرۋى توتەنشە ماڭىزدى. ويتپەگەندە، سلوۆەنيا – حورۆاتيا شەكاراسىندا بىلىقپالىق تۋىلۋى، ءتىپتى قاقتىعىس تۋىلۋى مۇمكىن، ونداي بولعاندا، ەۆروپا وداعى ىدىراي باستاۋى مۇمكىن دەگەندى ايقىن ەسكەرتتى.

  ەۆروپا وداعى كوميتەتىنىڭ ءتوراعاسى جۇنكەر 25 – قازاندا اشىلعان جينالىستان كەيىن مىناداي ءۇش ءتۇيىندى باسا ەسكەرتتى: بىرىنشىدەن، قاتىستى مەملەكەتتەر بوسقىنداردىڭ شەكارادان ءوز بەتىنشە وتۋىنە جول بەرۋ ساياساتىن توقتاتۋ كەرەك، بىلىقپالىققا ءدوپ كەلگەن كەزدە، بوسقىنداردى كورشىلەس مەملەكەتكە جونەلتۋدى قويۋ كەرەك. ءارقايسى مەملەكەتتەر ءوزارا قارىم – قاتىناستى كۇشەيتىپ، وڭىرلىك بىلىقپالىق تۋدىراتىن ءبىرجاقتىلى ارەكەت جاساۋدان ساقتانۋ كەرەك؛ ەكىنشىدەن، قازىرگى شۇعىل جاعدايدى كوزدە ۇستاپ، بوسقىنداردى ورنالاستىراتىن ورىنداردى كوبەيتۋ كەرەك؛ ۇشىنشىدەن، بوسقىندار باسىپ وتەتىن جول بويىنداعى مەملەكەتتەر بوسقىندارعا ادامگەرشىلىك تۇرعىدان مامىلە جاساۋ كەرەك.

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.