- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ەكى بالالى بولۋعا ەرىك بەرۋ ساياساتى ءۇي باعاسىنا ىقپال جاساي ما
2015.11.04 15:17 كەلۋ قاينارى : حالىق تورابى
ج ك پ 18 – كەزەكتى ورتالىق كوميتەتى بەسىنشى جالپى ماجىلىسىندە ەكى بالالى بولۋعا ەرىك بەرۋ ساياساتى ماقۇلداندى، ءىشىنارا قورا ـ جاي ساۋداگەرلەرى مەن تۇرعىن ءۇي سالاسىنا قارجى قوسۋشىلار جان سانى ساياساتىنداعى وزگەرىس سەبەبىنەن ءۇي باعاسى كۇرت قىمباتتايدى دەپ جار سالدى. ايتالىق: كەيبىرەۋلەر ەكى بالالى بولۋعا ەرىك بەرۋ ساياساتى قورا – جايعا دەگەن قاجەتتى ارتتىرىپ، قورا – جاي بازارىنداعى ساتىلماي تۇرعان ۇيلەردىڭ ساتىلۋى جاعىندا بەلسەندى رول اتقاراتىن بولادى دەسەدى.
بۇل كوزقاراستاعىلار ەكى بالالى بولۋعا ەرىك بەرۋ ساياساتى اتقارىلعاننان كەيىن، قورا – جايعا دەگەن تالاپتا زور وزگەرىس تۋىلادى دەپ قارايدى. مىسالى: ەكى بالالى بولعان سوڭ ءسوزسىز 4 اۋىز ءۇي ساتىپ الۋ كەرەك، تۇرعىن ءۇي ساپاسىن جاقسارتۋ ءۇشىن 5 اۋىز ءۇي الاتىندار دا بولادى، بالا باعۋشىعا ارنالاتىن بولمە دە قورا – جاي ساۋداگەرلەرىنىڭ ەسەپشوتىنا سوعىلىپ بولدى، 3 بولمەلى ۇيگە دەگەن سۇرانىس ازايىپ، مەكتەپ ماڭىنداعى تۇرعىن ۇيلەرگە دەگەن قاجەت ونان ارى ارتا تۇسەدى. سوندىقتان، الدا بۇكىل ەلىمىز بويىنشا ءۇي باعاسى تاعى دا وسەدى دەپ قارايدى. ءبىراق، ءىس جۇزىندە، ەكى بالالى بولۋعا ەرىك بەرۋ ساياساتى اتقارىلعاننان كەيىن، قىسقا مەرزىم ىشىندە قورا – جاي بازارىنا زور ىقپال جاساماي المايدى.
جان سانىن جاپپاي تەكسەرۋ ساندى مالىمەتتەرىنە نەگىزدەلگەندە، قازىر بۇكىل ەلىمىز بويىنشا «ەكى بالالى بولۋعا ەرىك بەرۋ» ساياساتىنا شارت – جاعدايى ۇيلەسەتىن جۇبايلاردىڭ سانى 90 ميلليون جۇپ. ولاردىڭ كوبى 80 – جىلداردىڭ تۇلەكتەرى، 80 – جىلداردىڭ تۇلەكتەرى نەگىزىنەن ءبىر ءۇيدىڭ جالعىز بالاسى بولىپ كەلەدى، ەكونوميكالىق جانە بەيەكونوميكالىق سەبەپتەردەن ولاردىڭ بالالى بولۋعا دەگەن تىلەكتەرى ونشا كۇشتى ەمەس. مىسالى: كەزىندە جۇبايلاردىڭ ەكەۋى دە ءبىر ءۇيدىڭ جالعىز بالاسى بولسا، ولاردىڭ ەكى بالالى بولۋىنا ەرىك بەرىلگەن كەزدە، بۇكىل ەل بويىنشا جىلىنا 2 ميلليون نارەستە تۋىلادى دەپ مەجەلەنگەن، ءبىراق، ءىس جۇزىندە، تەك 470 مىڭ نارەستە تۋىلىپ، مەجەدەگىنىڭ تورتتەن بىرىندەي عانا بولعان، پارىق ءبىرشاما زور. ەكى بالالى بولۋعا ەرىك بەرۋ ساياساتى اتقارىلعاننان كەيىن، 80 – جىلداردىڭ تۇلەكتەرى «كوپ بالالى» بولۋدا باستى قوسىن بولۋى ەكىتالاي، ەكى بالالى بولۋداعى نەگىزگى قوسىن 70 – جىلداردىڭ تۇلەكتەرى بولۋى مۇمكىن. بۇل توپتاعىلاردىڭ ەكونوميكالىق قۋاتى 80 – جىلداردىڭ تۇلەكتەرىنەن جاقسى، ەكى بالالى بولۋعا دەگەن ىنتاسى دا ولاردان جوعارى بولعانىمەن، بۇل جاستاعىلاردىڭ بالالى بولۋ قۋاتى تومەندەۋ. سوندىقتان، «ەڭ سوڭعى ورايعا» يە بولۋ وڭاي ەمەس.
سوندىقتان، ەكى بالالى بولۋعا ەرىك بەرۋ ساياساتى اتقارىلعاننان كەيىن، جان سانىنىڭ ارتۋ قارقىنى تەزدەيتىنى شىندىق، ءبىراق، ومىرگە كەلەتىن نارەستەلەردىڭ سانى كۇرت ارتادى دەۋدىڭ قيسىنى جوق. 2016 – جىلدان 2018 – جىلعا دەيىن ومىرگە كەلەتىن نارەستەلەردىڭ سانى جىلدام ارتادى، كەيبىرەۋلەر 3 جىلدا 5 ميلليون نارەستە ومىرگە كەلەدى دەپ مەجەلەگەن. وسى ساناققا نەگىزدەلگەندە، 3 جىلدا جاڭادان ارتاتىن تۇتىنۋدان تۇسەتىن پايدا 300 ميلليارد يۋان اينالاسىندا، جىل سايىن ارتاتىن تۇتىنۋدان تۇسەتىن پايدا 100 ميلليارد يۋان اينالاسىندا بولادى. مۇنىڭ قازىرگى GDPگە جاسايتىن تىكەلەي ىقپالى ءبىز ويلاعانداعىداي زور بولمايدى. قورا ـ جاي بازارىنا دا وسىنى ەسكەرتۋگە بولادى.
مۇنان دا ماڭىزدىسى، جۇڭگوداعى ءىرى قالالاردا جالعىز بالالى بولۋ ساياساتى ەرتە اتقارىلعاندىقتان، جالعىز بالالى وتباسىلاردىڭ ارا سالماعى باسقا قالالاردان جوعارى، وسى قالالاردا ءۇي باعاسى اسا قىمبات بولعاندىقتان، ءىرى قالالارداعى بالالى بولۋ قۋاتى بار 70 -، 80 – جىلداردىڭ تۇلەكتەرىنىڭ ەكى بالالى بولۋعا دەگەن ىنتاسى ونشا جوعارى بولا قويمايدى، سوندىقتان، ەكى بالالى بولۋعا ەرىك بەرۋ ساياساتى اتقارىلعاننان كەيىن، شاعىن قالالار مەن قالاشىقتاردا جان سانى ارتۋى مۇمكىن، سوندىقتان، وسى وڭىرلەردە تۇتىنۋدان تۇسەتىن پايدا دا ارتاتىن بولادى. سوندىقتان، قورا – جاي ساۋداگەرلەرى مەن تۇرعىن ءۇي سالاسىنا قارجى قوسۋشىلاردىڭ ەكى بالالى بولۋعا ەرىك بەرۋ ساياساتى شىعارىلعان ورايدان پايدالانىپ، ءۇي باعاسى وسەدى دەگەن ۇگىتتى جۇرگىزۋىنەن تۇك تە ونبەيدى.
سوندىقتان، ەكى بالالى بولۋعا ەرىك بەرۋ ساياساتى اتقارىلعاننان كەيىن، قىسقا مەرزىم ىشىندە ەل ىشىندەگى قورا – جاي بازارىنا زور ىقپال جاسامايدى، ءۇي باعاسى كۇرت جوعارىلايدى دەگەن ءسوزدىڭ دە نەگىزى جوق.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
