بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>قوعام

ورتالىق ءتارتىپ تەكسەرۋ كوميتەتى زاڭ – ەرەجە بەلگىلەۋ كوميسسياسىنىڭ جاۋاپتىسى پارتيا مۇشەلەرى جارنا ساۋداسىمەن شۇعىلدانۋىنا بولا ما دەگەن ماسەلەگە جاۋاپ قايتاردى

پارتيا مۇشەلەرى جارنا ساۋداسىمەن شۇعىلدانۋىنا بولاما؟

پارتيا مۇشەلەرىنىڭ ىشىندە مىناداي 4 ءتۇرلى ادام جارنا ساۋداسىمەن شۇعىلدانۋىنا بولمايدى

2015.11.05 09:09     كەلۋ قاينارى : حالىق تورابى


  حالىق تورابى، 4 – قاراشا، بەيجيڭ. (مۇحيت) جاقىندا ورتالىق ءتارتىپ تەكسەرۋ كوميتەتىنىڭ تورابى «جۇڭگو كوممۋنيستىك پارتياسىنىڭ پاكتىك، ۇستامدىلىق ەرەجەسى» جانە «جۇڭگو كوممۋنيستىك پارتياسىنىڭ ءتارتىپ جازالاۋ ەرەجەسى» سىندى پارتيا ىشىندەگى زاڭ – ەرەجە جونىندەگى ەكى حۇجاتتىڭ العاشقى جوباسىن جازۋعا قاتىناسقان ورتالىق ءتارتىپ تەكسەرۋ كوميتەتى زاڭ – ەرەجە كوميسساسىنىڭ باستىعى ما سىنشۋدى، توراپتاستار ەرەكشە نازار اۋدارىپ وتىرعان «ەرەجەگە» قاتىستى سۇراقتارعا ەگجەي - تەگجەيلى تۇسىنىك بەرۋگە ۇسىنىس ەتتى.

  جاڭا ەرەجەدە پارتيا مۇشەلەرىنىڭ جارنا ساۋداسىمەن شۇعىلدانۋ ارەكەتى جونىندە قانداي بەلگىلەمەلەر جاسالدى دەگەن سۇراققا، ما سىنشۋ: ەكى ءتۇرلى زاڭ – ەرەجە جاريالانعاننان كەيىن، قوعامدا، توراپتا قالىڭ پارتيا مۇشەلەرى مەن جۇرتشىلىق قىزۋ تالقى جۇرگىزدى. ءبىر ەسەپتەن العاندا، بۇل دا جاقسى قۇبىلىس. بۇل كوپشىلىكتىڭ پارتيانى زاڭ - ەرەجە بويىنشا جونگە سالۋ، پارتيانى قاتاڭ باسقارۋعا وسكەلەڭ تۇرعىدان نازار اۋداراتىندىعىن بىلدىرەدى، كوپشىلىكتىڭ پارتيا ۋستاۆىنداعى پارتيا ەرەجەسى جونىندەگى تانىمىنىڭ جوعارىلاعاندىعىن ۇعىندىرادى. سونىمەن قاتار، توراپتاستاردىڭ ۇقساماعان تۇرعىدا ورتاعا قويعان ماسەلەلەرى پارتيانى زاڭ - ەرەجە بويىنشا باسقارۋدى ونان ارى ىلگەرىلەتۋگە ءتيىمدى،-دەپ تۇسىنىك بەردى.

  ما سىنشۋ: توراپتا كوپتەگەن توراپتاستار بۇل ماسەلەگە ەرەكشە نازار اۋداردى، مۇنى مەن دە بايقادىم. «بەلگىلەمەنىڭ» 88 – تارماعى ــ قاتىستى بەلگىلەمەلەرگە قايشىلىق جاساپ، پايداعا كەنەلۋ ارەكەتىمەن شۇعىلدانعانداردى جازالاۋ جونىندەگى بەلگىلەمە. مۇندا، 3 – تارماقشادا «جارنا ساۋداسىمەن شۇعىلدانسا نەمەسە باسقاداي باعالى كۋالىككە قارجى قوسسا» تارتىپكە قايشىلىق جاسالعان ەسەپتەلىنەدى دەپ ارنايى بەلگىلەنگەن. الدىمەن بۇل جەردە انىقتاپ الۋعا ءتيىستى نارسە، «بەلگىلەمەدە» بۇرىنعى بار بەلگىلەمە وزگەرتىلگەن جوق. بۇرىنعى بەلگىلەمەنىڭ 77 – تارماعىنىڭ 2 – تارماقشاسىندا «جەكەلەردىڭ بەلگىلەمەگە قايشىلىق جاساپ جارنا ساۋداسىمەن شۇعىلدانۋى» تارتىپكە قايشىلىق جاساۋدىڭ ءبىر ءتۇرى دەپ بەلگىلەنگەن، مىنە، بۇل وسى تارماقتاعى 1 – مازمۇننىڭ باستالعان جەرىندە بەلگىلەنگەن «قاتىستى بەلگىلەمەلەرگە قايشىلىق جاساسا» دەگەنمەن بايانداۋ جاعىنان قايتالانعان. وزگەرتىپ جاساۋ بارىسىندا، ءبىز زاڭ شىعارۋ تەحنيكاسىن ويلاستىرا كەلە «جەكەلەر بەلگىلەمەگە قايشىلىق جاساسا» دەگەن ۇقساس مازمۇندى عانا الىپ تاستادىق، بۇرىنعى ەرەجەدەگى بەلگىلەمە وزگەرتىلگەن جوق،- دەدى.

  جارنا ساۋداسى ماسەلەسى تۋرالى ءبىز ءبىر تەگىس تيىم سالۋدان بىرتىندەپ جەڭىلدەتۋ بارىسىن باستان كەشىردىك. 1993 – جىلى قازان ايىندا، پارتيا ورتالىق كوميتەتى، مەملەكەتتىك كەڭەس پارتيا مەن ۇكىمەت ورگاندارىنداعى اۋدان (باسقارما) دارەجەلىدەن جوعارى باسشى – كادرلاردىڭ جارنا ساۋداسىمەن شۇعىلدانۋىنا جول بەرىلمەيدى دەگەن بەلگىلەمە شىعاردى. سول كەزدەگى ەلىمىزدىڭ جارانا بازارىنداعى باقىلاپ – باسقارۋ ءتۇزىمى كەمەلدەنە قويماعان تاريحي شارت – جاعدايدا، بۇل بەلگىلەمە پارتيا مەن ۇكىمەت ورگاندارىنداعى باسشى – كادرلاردىڭ پاك تە ۇستامدى بولۋىنا جەبەۋ بولىپ، جارنا بازارىنىڭ اقاۋسىز دامۋى جونىنەن ەرەكشە ماڭىزدى رول اتقاردى. ەلىمىزدىڭ جارنا سالاسىن باقىلاپ – باسقارۋ ءتۇزىمىنىڭ كەمەلدەنۋىنە ىلەسە، اسىرەسە «جارنا زاڭىنىڭ» جاريالانىپ اتقارىلۋىنا ساي، جارنا بازارىن باقىلاپ – باسقارۋ بارعان سايىن جۇيەگە ءتۇسىرىلدى. وسىعان سايكەس، 2001 – جىلى ءساۋىر ايىندا، پارتيا ورتالىق كوميتەتى، مەملەكەتتىڭ كەڭەس پارتيا مەن ۇكىمەت ورگانىنداعى قىزمەتكەرلەردىڭ جارنا ساۋداسىمەن شۇعىلدانۋىن شەكتى تۇردە جەڭىلدەتۋ بەلگىلەمەسىن شىعارىپ، «پارتيا مەن ۇكىمەت ورگاندارىنداعى قىزمەتكەرلەردىڭ قۇندى كۋالىككە قارجى قوسۋى جونىندەگى ءبىرقانشا بەلگىلەمەنى» شىعاردى.

  ما سىنشۋ بىلاي دەپ تانىستىردى: بۇل بەلگىلەمە بويىنشا، نەگىزىنەن مىناداي ءبىر نەشە توپتاعى ادامداردىڭ جارنا ساۋداسىمەن شۇعىلدانۋىنا بولمايدى:

  ءبىرىنشى، جارنا بازارىنا تۇسكەن سەرىكتىكتىڭ نەگىزگى باسقارۋ تاراۋىنداعى جانە جارنا بازارىنا تۇسكەن سەرىكتىكتىڭ مەملەكەت مەنشىگىندەگى جارنانى تىزگىندەۋ ورىندارىنىڭ نەگىزگى باسقارۋ بولىمىندەگى ىشكى ينفورماتسيالاردى مەڭگەرەتىن قىزمەتكەرلەردىڭ جانە ولاردىڭ اتا – اناسى، جۇبايى، بالا – شاعاسى جانە بالا – شاعاسىنىڭ قوساقتارى، جوعارىداعى ايتىلعان نەگىزگى بولىمدەر باسقاراتىن جارنا بازارىنا تۇسكەن سەرىكتىكتەردىڭ جارناسىن ساۋدالاۋىنا بولمايدى.

  ەكىنشى، مەملەكەتتىك كەڭەستىڭ جارنانى باقىلاپ – باسقارۋ ورگاندارىنداعى، ونىڭ ۋاكىلدىك ورگاندارىنداعى، جارنا ساۋدا ورىندارىندارىنداعى جانە مەرزىمدىك ساۋدا ورنىنداعى قىزمەتكەرلەر مەن ولاردىڭ اتا – اناسى، جۇبايى، بالا – شاعاسى جانە بالا – شاعاسىنىڭ قوساقتارى جارنا ساۋداسىمەن شۇعىلدانۋىنا بولمايدى.

  ءۇشىنشى، ءوزىنىڭ اتا – اناسى، جۇبايى، بالا – شاعاسى جانە بالا – شاعاسىنىڭ قوساقتارى باعالى كۋالىك سەرىكتىگىندە، قور باسقارۋ سەرىكتىگىندە قىزمەت اتقاراتىن نەمەسە مەملەكەتتىك كەڭەستىڭ جارنانى باقىلاپ – باسقارۋ ورگانىنىڭ باعالى كۋالىك مەرزىمدىك ساۋداسىمەن شۇعىلدانۋ تولىمدىلىعىن بەرگەن بۇعالتىرلىق (ەسەپ تەكسەرۋ) قىزمەت ورنىندا، ادۆاكاتتىق قىزمەت ورنىندا، قارجى قوسۋعا كەڭەس بەرۋ ورگانىندا، مال- مۇلىك باعالاۋ ورگانىندا، مال- مۇلىك پەن مال-مۇلىك سەنىمدىلىگىن باعالاۋ ورگانىندا قىزمەت اتقارتىن پارتيا مەن ۇكىمەت قىزمەتكەرلەرى جوعارىداعى ايتىلعان ورگاندارمەن كاسىپتىك جاقتا قاتىسى بار جارنا بازارىنا تۇسكەن سەرىكتىكتەردىڭ جارناسىن ساۋدالاۋىنا بولمايدى.

  ءتورتىنشى، ىشكى ينفورماتسيالاردى بىلەتىن پارتيا مەن ۇكىمەت قىزمەتكەرلەرى، قىزمەت ورنىنان شەگىنگەن 3 ايدىڭ ىشىندە، اتالعان بەلگىلەمەنىڭ شەكتەۋىندە بولادى. جاڭادان قىزمەتكە تاعايىندالعان، سونىمەن قاتار ىشكى ينفورماتسيانى بىلەتىن پارتيا مەن ۇكىمەت قىزمەتكەرلەرى، قىزمەتكە تاعايىندالۋدان بۇرىنعى قولىندا بار جارنا مەن باعالى كۋالىككە قوسقان قارجىنى، مىندەتتى تۇردە، قىزمەتكە تۇرعاننان كەيىن ءبىر ايدىڭ ىشىندە ءبىرجاقتىلى ەتۋى كەرەك، جالعاستى ساقتاۋىنا بولمايدى.

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.