- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
پارتيا مۇشەلەرىنىڭ ءوز اقشاسىن جۇمساپ ءسان - سالتاناتقا سالىنىپ، راحاتقا بەرىلۋىنە بولا ما؟
ورتالىق ءتارتىپ تەكسەرۋ كوميتەتى: باسقارۋ كەرەك
2015.11.19 16:00 كەلۋ قاينارى : حالىق تورابى
حالىق تورابى، 19 – قازان، بەيجيڭ. (مۇحيت امانتاي ۇلى) جۇڭگو كوممۋنيستىك پارتياسىنىڭ مۇشەلەرى ءوزىنىڭ زاڭدى كىرىستەرىمەن ساۋلەتتى اۆتوكولىك، اتاقتى ساعات ساتىپ السا، پارتيا ءتارتىبى بويىنشا جازالاۋعا بولا ما، جوق؟ ورتالىق ءتارتىپ تەكسەرۋ كوميتەتى شۋجيىنىڭ ورىنباسارى جاڭ جۇن 18 – قاراشا كۇنى ورتالىق ءتارتىپ تەكسەرۋ كوميتەتى باقىلاپ – تەكسەرۋ ءبولىمى تورابىنىڭ سۇقپاتىن قابىلداعان كەزدە، بۇل جاعدايعا ايقىن تۇردە جاۋاپ قايتاردى: بۇل ادامداردىڭ ارەكەتى جەرگىلىكتى ورىننىڭ قالىپتى تۇرمىستىق تۇتىنۋ ورەسىنەن الدە قايدا اسىپ كەتكەن ءارى جۇرتشىلىقتىڭ كوڭىلىندە پارتيا مۇشەلەرى سوتسياليستىك جاڭاشا سالت پەن سوتسياليستىك داڭق كوزقاراسىنىڭ جارشىسى بولۋى كەرەك دەپ قارايتىن تاماشا وبرازىنا داق تۇسىرەدى. پارتيا مۇشەلەرىنىڭ جەكە تۇرمىسىنداعى مۇنداي ءسان - سالتاناتقا بەرىلۋ جايتىن، پارتيا ۇيىمى ەركىنە قويا بەرمەي، باسقارۋىنا تۋرا كەلەدى.
جاڭادان وزگەرىس ەنگىزىلگەن «جۇڭگو كوممۋنيستىك پارتياسىنىڭ ءتارتىپ جازاسى ەرەجەسىنىڭ» 126 – تارماعىندا مىناداي دەپ بەلگىلەنگەن: تۇرمىستا ءسان – سالتاناتقا بەرىلىپ، راحاتقۇمارلىققا سالىنىپ، پاسىق قۇشتارلىققا باسىپ، ناشار ىقپال تۋدىرعاندارعا، ەسكەرتۋ بەرۋ نەمەسە قاتاڭ ەسكەرتۋ بەرۋ جازاسى بەرىلەدى؛ زاردابى اۋىر بولعاندارعا، پارتيا ىشىندەگى مىندەتىنەن الۋ جازاسى بەرىلەدى.
جاڭجۇن بىلاي دەدى: «تۇرمىستا ءسان – سالتاناتقا بەرىلۋ، راحاتقۇمارلىققا سالىنۋ» دەگەنىمىز، نەگىزىنەن پارتيا مۇشەلەرى پارتيا ۋستاۆىنداعى «جاپادا الدا، راحاتتا ارتتا بولۋ» بورىشى مەن «جۇڭگو كوممۋنيستىك پارتياسىنىڭ پاكتىك، ۇستامدىلىق ەرەجەسىنىڭ» تالابىنا قايشىلىق جاساپ، كۇندەلىكتى تۇرمىستا ءسانقويلىققا بەرىلىپ، مىرزالىققا سالىنىپ، جوقتان وزگەگە اقشانى سۋداي شاشاتىندارعا قاراتىلادى، مىنە، ولار بەينە قالىڭ قاۋىمنىڭ سىنىنا ۇشىرايتىن جۋان جۇدىرىقتار تەكتەستەر. بۇل ادامداردىڭ ىستەگەنى جەرگىلىكتى ورىننىڭ قالىپتى تۇرمىستىق تۇتىنۋ ورەسىنەن الدە قايدا اسىپ كەتەدى.
جاڭجۇن مىنانى ەرەكشە اتاپ كورسەتتى: جوعارىداعى ايتىلعان راحاتقۇمارلىق پەن ءسان – سالتاناتقا بەرىلۋ دەگەنىمىز، ءوزىنىڭ اقشاسىمەن جوعارى ولشەمدە تۇتىنۋعا قاراتىلعان. پارتيانىڭ رەفورما جاساپ، ەسىكتى اشۋ ساياساتىنىڭ ارقاسىندا، ادال ەڭبەگىمەن الدىمەن بايىعان پارتيا مۇشەلەرىنىڭ، كادرلاردىڭ جاقسى تۇرمىس كەشىرۋىن، بۇقارا بۇكىلدەي تۇسىنەدى، ءبىراق شەكتەن تىس ءسان – سالتاناتقا بەرىلسە، بۇقارانىڭ، قوعامنىڭ بۇل جونىندە وزىندىك ولشەمى بولادى دا، مۇنداي ادامداردى كوممۋنيس دەپ ەسەپتەمەيدى. جەكەلىك تۇرمىسىندا مۇنداي ءسان - سالتاناتقا بەرىلگەن پارتيا مۇشەلەرىن پارتيا ۇيىمى ەركىنە قويا بەرمەي، ءسوزسىز قاتاڭ باسقارۋى كەرەك.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
