- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بالالاردىڭ جەڭىل اۆتوموبيلدىڭ الدىڭعى ورىندىعىنا وتىرۋى وتە قاتەرلى
2015.12.07 16:42 كەلۋ قاينارى : شينجياڭ گازەتى
دۇنيەنىڭ ءارقايسى ەلدەرىندەگى اۆتوموبيل حاۋىپسىزدىگى زاڭ - بەلگىلەمەلەرىندە بالالاردىڭ اۆتوموبيلدىڭ الدىڭعى ورىندىعىنا وتىرۋىنا بولمايتىنى بەلگىلەنگەن. كەيبىر مەملەكەتتەر بالالاردىڭ جاس شاماسىن 12جاسقا دەيىن اپارعان. مۇنداي بەلگىلەمەنى جاساۋداعى ماڭىزدى سەبەپ، اۆتوموبيلدىڭ الدىڭعى جاعىنا ورنالاستىرىلعان حاۋىپسىزدىك گاز قالتاسىنىڭ بالالارعا قاتەرى وتە زور. ءىس جۇزىندە، حاۋىپسىزدىك گاز قالتاسى دەنە - تۇرقى قالىپتى ەرەسەك ادامدارعا ساي جوبالانىپ، ەرەسەك ادام بولسا دا، حاۋىپسىز گاز قالتاسىن پايدالانۋدا وقىس جايتتەر بولۋى مۇمكىن. حاۋىپسىزدىك گاز قالتاسىن اۆتوموبيلدە قولدانا باستاعان العاشقى كەزدە، تاجىريبەلەردىڭ جەتەرسىزدىگىنەن كەزىندە حاۋىپسىز گاز قالتاسىنان بالالاردىڭ جارالانۋ، ءولۋ جايتتەرى بولعان. وسىدان كەيىن، بالالار مىندەتتى تۇردە ارتقى قاتارعا وتىرۋى كەرەك دەگەن بەلگىلەمە شىققان.
بۇدان سىرت، اۆتوموبيلدىڭ قارسى الدىنان سوعىلۋ وقيعاسىندا، اۆتوكولىكتىڭ قارقىنى بىردەن ازاياتىندىقتان، كولىكتەگى ادام ەكپىنىمەن الدىعا قاراي قوزعالىپ، ارتتا وتىرعان ادام الدىڭعى قاتارداعى ورىندىقتىڭ ارت جاعىنا سوعىلۋى، ال الدىڭعى قاتارداعى ادام رول، الدىڭعى اينەك سياقتى ورىندارعا سوعىلۋى مۇمكىن. بۇدان ارتتا وتىرعان ادامداردىڭ (بالالاردى قامتىعان) حاۋىپسىزدەۋ بولاتىنىن انىق بىلەمىز. ادەتتەگى اۆتوموبيلدەردىڭ ارتقى قاتارىنا حاۋىپسىزدىك گاز قالتاسى ورناتىلمايدى. بۇل دا ارتقى قاتاردا وتىرعان بالالارعا كەڭ بوستىق قالدىرۋ ءۇشىن.
اۆتوموبيل حاۋىپسىزدىگى زاڭ- بەلگىلەمەلەرى تاعىدا بالالاردىڭ ەرەسەكتەر پايدالاناتىن حاۋىپسىزدىك بەلبەۋىن تىكەلەي تاعىپ الماي، ارناۋلى حاۋىپسىزدىك ورىندىعىن پايدالانۋدى بەلگىلەگەن. بالالاردىڭ حاۋىپسىز
ورىندىعىنداعى كوپ كەپىلدى حاۋىپسىزدىك بەلبەۋى بالالاردىڭ دەنەسىمەن ويداعىداي جاناسىپ، ولاردىڭ ەكى يىعىنا دا تەجەۋ كۇشىن ءتۇسىرىپ، دەنەنىڭ ءبىر ءبولىمىنىڭ ارتىق قوزعالىسىنان بولاتىن زاقىمدالۋدان ساقتايدى. ال، نارەستەلەردىڭ باسى سالىستىرمالى ۇلكەن، اۋىر، مويىنى سالىستىرمالى ءالسىز بولاتىندىقتان ءبىر جاستان تومەنگى بالالارعا بالانىڭ بەت الدىن ارت جاققا قاراتاتىن ارناۋلى ورىندىقتى پايدالانۋ كەرەك. اۆتوموبيل قارسى الدىنان سوعىلسا، باسى ەكپىنمەن الدىعا قاراي قوزعالىپ، باسى مەن موينى وڭاي زاقىمدالۋ مۇمكىندىگى بولادى. ال نارەستەنىڭ بەتى ارتقا قاراسا، اۆتوموبيل قارسى الدىنان سوعىلعان كۇندە دە، نارەستەنىڭ باسى ەكپىنمەن اۆتوموبيل باعىتى بويىنشا قوزعالادى. وسى كەزدە، نارەستەلەردىڭ ارناۋلى ورىندىعى ولاردىڭ باسى مەن مويىنىن تىرەپ قالادى جانە قورعايدى. بالالاردىڭ دەنەسىنىڭ ءوسىپ - جەتىلۋىنە ىلەسە، 7− 8 جاستان كەيىن، ارناۋلى ورىندىق پايدالانىپ، ورىندىعىنا كەپىل قويىپ جوعارىلاتىپ، ەرەسەكتەر تاعاتىن حاۋىپسىزدىك بەلبەۋىن تاعۋ كەرەك. حاۋىپسىزدىك بەلبەۋى بالالاردىڭ دەنەسىن ويداعىداي ۇستاپ تۇرادى.
كەيبىر اتا - انالار بالالارىن ادەتىنشە قۇشاقتاپ وتىرادى، بۇل وتە قاتەرلى. بۇل ماسەلەنى ءتۇسىندىرۋ ءۇشىن، ءبىر جورامال جاسايىق. ءبىر اۆتوموبيل قارسى الدىنان سوعىلسا، اۆتوموبيل قارقىنى 0.1 سەكۋند ىشىندە ساعاتىنا 30كيلومەتردەن نولگە تۇسەدى. وسى كەزدە اتا - انانىڭ بالانى ۇستاپ قالۋ ءۇشىن جۇمسايتىن كۇشى بالانىڭ دەنە سالماعىنىڭ 8 ەسەسىندەي بولادى. ءبىر جاس مولشەرىندەگى بالانىڭ دەنە سالماعى 10كيلوگرام مولشەرىندە، سوعىلىسقان كەزدەگى قاس - قاعىم ساتتە، ەشقانداي دايىندىق كورمەگەن ادامدى قويىپ، ءارقانداي ەرەسەك ادامنىڭ 80 كيلوگرام شىعاتىن بالانى ۇستاپ قالۋى قيىن. سوندىقتان اتا - انالاردىڭ بالالارىن قۇشاقتاپ وتىرعاندا، اۆتوموبيل سوعىلا قالسا ەرەسەكتەر مەن بالالاردىڭ جارالانۋ قاتەرى ءتىپتى جوعارى بولادى.
اۋدارعان: قانات جۇماش ۇلى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
